San Juan 13:34 - New Testament in Mazatec Huautla

³⁴ Jnco³ cjoa⁴te¹xo³ma³ cho⁴tse⁴ xi³ tsjoa³-no³: Ca²ta³ma³tsjoa³chao³ xi²nquio⁴³. Jo³-sˀin² nca³ an³ coan³tsjoa³que⁴-no³, cˀoa⁴-sˀin² ca²ta³ma³tsjoa³chao³ xi²nquio⁴³.

San Juan 13:34 ပူးပေါင်းရင်းမြစ်များ

San Mateo 5:44

To⁴nca³ an³ xin³-no³: Ca²ta³ma³tsjoa³chao³ xi³ jti³que³-no³, ti⁴chi³con³tˀaon³ xi³ nchja⁴ˀaon³-no³, nta³ ti⁴cao⁴³ xi³ chˀao³ ve³con³-no³, tˀe²tsˀoa³ntjao²³ xi³ chˀao³ si¹cao⁴-no³, cˀoa⁴ xi³ fi²tjen⁴nqui³ co²ntran⁴-no³,

San Juan 15:17

Je²-vi⁴ xi³ cˀoa⁴-sˀin² vˀe³ne²³-no³: Ca²ta³ma³tsjoa³chao³ xi²nquio⁴³.

San Juan 17:21

jme¹-ni³ nca³ to⁴jnco³ coan⁴-si¹ni³ nca³tsˀi³, jo³-ni³ nca³ ji³, Nˀai³, ti³jna³cao⁴-nai¹³, cˀoa⁴ an³ ti²jna⁴cao⁴-le²³. Cˀoa⁴-ti⁴ je² to⁴jnco³ ca²ta³tio²cao⁴-na¹, jme¹-ni³ nca³ cho⁴ta⁴son³ˀnte³ coan⁴cjain¹-si¹ni³le⁴ nca³ ji³ qui³ni²ca³sen¹-nai¹³.

Romanos 12:10

Ca²ta³ma³tsjoa³chao³ xi²nquio⁴³ jo³-ni³ nca³ ntsˀao³. Nqui²sa⁴ ti¹tjon² jcha⁴xcon¹³ xi³cˀa³ jo³-ni³ tsa² ti⁴jon²-nio³.

Romanos 13:10

Je² cjoa⁴tjao²cha³ a³li² chˀao³-jin² si¹cao⁴ xi¹ncjin¹. Cˀoa⁴²-sˀin², je² xi³ si¹jnco³ cjoa⁴te¹xo³ma³, je² xi³ cjoa⁴tjao²cha³.

Romanos 13:8

Ni⁴to⁴jme³-jin² xi³ qui³tjen⁴-no³ cao⁴ ˀya³-ni³ve⁴, to⁴je²-jin² cjoa⁴tjao²cha³ nca³ ma³tsjoa³chao³ xi²nquio⁴³. Je² xi³ tsjoa³que³ xi¹ncjin¹, je² xi³ si¹qui³tjo³son² cjoa⁴te¹xo³ma³.

Gálatas 5:22

To⁴nca³ je² cjoa⁴nta³ xi³ tsjoa¹jin³ ni⁴ma⁴-na¹ je² Espíritu Santo, xi³ coi³: Cjoa⁴tjao²cha³, cjoa⁴tsjoa³, cjoa⁴ xi³ nchˀan¹ tjin¹, cˀoa⁴ nca³ ni²cjain¹-le⁴² xi²nquia⁴², cjoa⁴ntˀe¹, cjoa⁴nta³, cˀoa⁴ nca³ ma³cjain¹-na¹,

Gálatas 5:6

Nca⁴ ti³yo³coa⁴² Cristo Jesús, ni⁴je²-jin² cjoa⁴circuncisión chji¹-le⁴, ni⁴je²-jin² xi³ tsi² cjoa⁴circuncisión, to⁴je² jo³-sˀin² ma³cjain¹-na¹ xi³ nta³ ma³chjen¹ to⁴tˀa³tsˀe⁴ nca³ tsjoa³cha³².

Gálatas 6:10

Tjen⁴ nca³ sˀe⁴-sa³na¹ ˀnte³, nta³ si⁴xa¹ tˀa³tsˀe⁴ nca³tsˀi³. To⁴sa³ nˀion¹ si⁴xa¹ tˀa³tsˀe⁴ je² xi³ cˀoa⁴-ti⁴ ma³cjain¹-le⁴.

Gálatas 6:2

Ti⁴ncha³cao⁴ nca³ñao¹³ cjoa⁴ xi³ jo³ chˀa¹-sˀin² cji³ne²-le⁴ xi²nquio⁴³. Cˀoa⁴-sˀin² si⁴tjo³son²³ je² cjoa⁴te¹xo³ma³-le⁴ Cristo.

Efesios 5:2

Cao⁴ cjoa⁴tjao²cha³ ti⁴ma³cao⁴³ xi²nquio⁴³, jo³-sˀin² Cristo coan³tsjoa³que³-na¹, qui³tsjoa³ntjai²-na¹ yao³-le⁴, jo³-ni³ jnco³ cjoa⁴tjao², cˀoa⁴ jo³-ni³ xi³ qui³tsˀai²ntjai²-na¹ xi³ na³sca¹ njen⁴ nqui³xcon⁴ Ni³na¹.

Colosenses 1:4

Je³cˀoa⁴-sˀin² qui³no²ˀyai²⁴-jin⁴ jo³-sˀin² nca³ ma³cjain¹-no³ tˀa³tsˀe⁴ Cristo Jesús, jo³-sˀin² nca³ tjao²chao³ nca³tsˀi³ cho⁴ta⁴-le⁴ Cristo.

1 Tesalonicenses 3:12

Ca²ta³si¹ncjin²ya³-no³ Nai³-na¹, cˀoa⁴ nqui²sa⁴-sa³ tse³ ca²ta³ma³tsjoa³chao³ xi²nquio⁴³ cao⁴ cho⁴ta⁴ nca³tsˀi³, jo³-sˀin² nca³ jin⁴-jin⁴ tsjoa³cha³-lai²⁴jin⁴ nca³ jon²,

2 Tesalonicenses 1:3

Ma³chjen¹ nca³ cˀoai⁴-lai⁴jin⁴ cjoa⁴nta³ nca³ntsjai² Ni³na¹ xi³ tˀa³tsaon⁴³, ntsˀe³², nca³ je³cji³ma³cjain¹-sa³no³, cˀoa⁴ nca³ jnco¹jnco¹ nca³tsˀio³ cjai¹nca³ nta³ tsjoa³chao³ xi²nquio⁴³.

Hebreos 13:1

Ca²ta³ma³tsjoa³cha³ntsjao²³ ntsˀao³.

Santiago 2:8

Nta³ nˀiaon²³, tsa² cjoa⁴qui²xi⁴ nca³ ni²tjo³son²³ je² cjoa⁴te¹xo³ma³ xi³ ncˀa³, jo³ tso² xon⁴ Escritura: Tjao²cha³ ca²ta³mai³ xi²nqui⁴ jo³-ni³ tsa² yao³-li⁴.

1 Pedro 1:22

Qui³ni²tsjao³ ni⁴ma⁴-no³ nca³ qui³ni²tjo³son²-lao⁴³ xi³ cjoa⁴qui²xi⁴ xi³ to⁴tˀa³tsˀe⁴ je² Espíritu Santo, nca³ ña³qui³ cjoa⁴qui²xi⁴ ma³tsjoa³chao³ ntsˀao³. Nˀion¹ nta³ ca²ta³ma³tsjoa³chao³ xi²nquio⁴³ cao⁴ ni⁴ma⁴-no³ xi³ tsje³ tjin¹.

2 Pedro 1:7

Je² cjoa⁴xcon¹ta³con²-no³ tˀa³tsˀe⁴ Ni³na¹ ca²ta³sˀe³-le⁴ cjoa⁴tjao²cha³ tˀa³tsˀe⁴ ntsˀao³. Je² cjoa⁴tjao²cha³ tˀa³tsˀe⁴ ntsˀao³ ca²ta³sˀe³-le⁴ cjoa⁴tjao²cha³ tˀa³tsˀe⁴ nca³tsˀi³.

1 Juan 3:11

Je² cjoa⁴qui²xi⁴ xi³ qui³no²ˀyao²³ sa³ˀnta³ nca³ coan³cjain¹ ti¹tjon²-no³, nca³ tjao²cha³ coan⁴² xi²nquia⁴².

1 Juan 3:23

Je²-vi⁴ xi³ cjoa⁴te¹xo³ma³-le⁴: Ca²ta³ma³cjain¹-na¹ tˀa³tsˀe⁴ jan³ˀain¹-le⁴ ˀnti¹-le⁴ Ni³na¹, Jesucristo, cˀoa⁴ tjao²cha³ ca²ta³ma³² xi²nquia⁴², jo³-sˀin² tsa³ca³te¹xo³ma³-na¹ nca³ je².

1 Juan 4:21

Je²-vi⁴ cjoa⁴te¹xo³ma³ xi³ Ni³na¹ qui³tsjoa³-na¹: Je² xi³ tjao²que³ Ni³na¹, cˀoa⁴-ti⁴ ma³chjen¹ nca³ tjao²que³ ntsˀe⁴.

2 Juan 1:5

Cˀoa⁴ ntˀai⁴ vˀe³tsˀoa²³-le²³, chjon⁴², li²coi³ cˀoa⁴-sˀin² jo³-ni³ tsa² ti²cji³-le²³ cjoa⁴te¹xo³ma³ cho⁴tse⁴, to⁴nca³ je² xi³ ña¹ qui³sˀe³-na¹ sa³ˀnta³ nca³ coan³cjain¹ ti¹tjon²-na¹, nca³ tsjoa³cha³ coan⁴² xi²nquia⁴².