San Juan 12:42 - New Testament in Mazatec Huautla

⁴² Coi³ cjoa⁴ nta³ tsa² ncjin² cho⁴ta⁴ti¹tjon² coan³cjain¹-le⁴ xi³ tˀa³tsˀe⁴ Jesús. To⁴nca³ to⁴coi³ cjoa⁴ nca³ tsa³cjon¹-le⁴ cho⁴ta⁴ fariseos li²coi³ cˀoa⁴cjoan³-sˀin² tsa³ca³co¹ yao³-le⁴ nca³ coan³cjain¹-le⁴ xi³ tˀa³tsˀe⁴ Cristo, jme¹-ni³ nca³ tsi² ya⁴ coi⁴chon³sje³-si¹ni³ ya⁴³ ntˀia³ sinagoga.

San Juan 12:42 ပူးပေါင်းရင်းမြစ်များ

San Mateo 10:32

Nca³tsˀi³ xi³ tsen³ coi⁴tso⁴ nqui³xcon⁴ cho⁴ta⁴ nca³ tsˀan⁴, cˀoa⁴²-ti⁴ an³ tsen³ cˀoa⁴xian¹³ nca³ tsˀan⁴, nqui³xcon⁴ Nˀai³-na⁴ xi³ ti¹jna³ ncˀa³jmi³.

San Lucas 12:8

Cˀoa⁴xin³-no³, nca³ nca³tsˀi³ xi³ tsen³ coi⁴tso⁴ nqui³xcon⁴ cho⁴ta⁴ nca³ tsˀan⁴, cˀoa⁴²-ti⁴ je² ˀnti¹-le⁴ cho⁴ta⁴ tsen³ coi⁴tso⁴ nqui³xcon⁴ a²ncje⁴-le⁴ Ni³na¹ nca³ tsˀe⁴.

San Lucas 23:13

Cˀia⁴ Pilato qui³nchja⁴ma³ña³-le⁴ cho⁴ta⁴ti¹tjon²-le⁴ na⁴ˀmi³ cao⁴ cho⁴ta⁴xa¹, cˀoa⁴ cao⁴ na⁴xi⁴na³nta¹.

San Lucas 6:22

Jo¹ to⁴nta³-no³ cˀia⁴ nca³ cho⁴ta⁴ chˀao³ ve³-no³, cˀia⁴ nca³ fa³ˀa¹xin²-no³, cˀia⁴ nca³ nchja⁴ˀaon³-no³, cˀia⁴ nca³ vˀa³sje³nqui³ jan³ˀain¹-no³ jo³-ni³ tsa² tsˀen⁴, xi³ to⁴tˀa³tsˀe⁴ ˀnti¹-le⁴ cho⁴ta⁴.

San Juan 11:45

Cjai¹nca³ ncjin² cho⁴ta⁴ judíos xi³ ja³ˀai³nčhˀoe² María. Tsa³ve³ nca³yi³je³ jo³ qui³sˀin³ Jesús, coan³cjain¹-le⁴ xi³ tˀa³tsˀe⁴.

San Juan 12:11

Coi³ nca³ cjai¹nca³ to⁴ncjin² cho⁴ta⁴ judíos qui³, cˀoa⁴ coan³cjain¹-le⁴ tˀa³tsˀe⁴ Jesús xi³ to⁴coi³ cjoa⁴-le⁴ Lázaro.

San Juan 16:2

Cˀaon⁴sje³-no³ ntˀia³ sinagoga. Cjoa⁴ˀai¹ hora cˀia⁴ nca³ to⁴ˀya³-ni³ xi³ si⁴²cˀen³-no³ si⁴²cja³ˀai³tsjen³ nca³ cˀoa⁴-sˀin² si⁴²xa¹-le⁴ Ni³na¹.

San Juan 19:38

Xi³ coan³ je² cjoa⁴-vi⁴, je² José xi³ Arimatea tsˀe⁴, cho⁴ta⁴-le⁴ Jesús xi³ tsa³cˀa³mjen³ˀma³tˀa³-le⁴, nca⁴ qui³tsa³cjon¹-le⁴ cho⁴ta⁴ judíos, tsa³cˀe¹tsˀoa³-le⁴ Pilato nca³ coan⁴ cjoa⁴ˀa²xin² yao³-le⁴ Jesús. Qui³tsjoa³ˀnte² Pilato. Cˀia⁴ José ja³ˀai³ tsa³cja³ˀa¹xin² yao³-le⁴ Jesús.

San Juan 3:2

Je²-vi⁴ ja³ˀai³nčhˀoe² Jesús nca³ njion², cˀoi⁴qui³tso²-le⁴: Rabí, ˀya³-ni¹⁴jin⁴ nca³ ji³ ja²ˀai⁴ jo³-ni³ jnco³ Maestro. Qui³si³ca³sen¹-li² Ni³na¹. Ni⁴ˀya³-jin² xi³ tsjoa¹ choa⁴ xi³ vˀai²³ nca³ ji³, tsa² Ni³na¹ li²coi³ ti¹jna³cao⁴.

San Juan 7:13

Ni⁴ˀya³-jin² xi³ qui³nchja⁴tsen³ xi³ tˀa³tsˀe⁴, nca⁴ qui³tsa³cjon¹-le⁴ cho⁴ta⁴ judíos.

San Juan 7:31

Cjai¹nca³ ncjin² cho⁴ta⁴na⁴xi⁴na³nta¹-ve⁴ xi³ coan³cjain¹-le⁴ tˀa³tsˀe⁴ Jesús. Cˀoi⁴qui³tso² cho⁴ta⁴-ve⁴: Cˀia⁴ nca³ cjoa⁴ˀai¹ je² Cristo, a³ nqui²sa⁴ cja⁴ˀai¹-sˀin² tsjoa¹ choa⁴ jo³-sˀin² tsjoa¹ je²-vi⁴.

San Juan 9:22

Cˀoi⁴qui³tso² xi³jcha¹-le⁴ nca³ qui³tsa³cjon¹-le⁴ cho⁴ta⁴ judíos. Je³cˀoa⁴qui³tso² cho⁴ta⁴ judíos, tsa² ˀya³-ni³ve⁴ xi³ je² Mesías coi⁴tso⁴-le⁴ Jesús, ña³qui³ coi⁴chon³sje³-ni³ ya⁴³ ntˀia³ sinagoga.

San Juan 9:34

Cho⁴ta⁴ judíos cˀoi⁴qui³tso²-le⁴: A³ tsi² je¹ qui³tsin³jin³ ji³. A³ ji³ xi³ va³co²ya³-na³jin⁴. Cˀia⁴ tsa³cˀaon³sje³ nti³tsin³.

Hechos de los Apóstoles 5:41

Je² pa²stro⁴-ve⁴ ji³tjo³jin³-le⁴ cho⁴ta⁴junta. Cjai¹nca³ to⁴tsjoa³-le⁴ nca³ cˀoa⁴-sˀin² tsa³quin²-le⁴ nca³ qui³chˀa²sje³nqui³ xi³ tˀa³tsˀe⁴ jan³ˀain¹-le⁴ Jesús.

Romanos 10:10

Nca⁴ cao⁴ ni⁴ma⁴-na¹ ma³cjain¹-na¹ xi³ tˀa³tsˀe⁴ nca³ cjoe⁴tˀa³ je¹-na¹, to⁴nca³ cao⁴ ntso⁴ˀva³² ni²qui²xi⁴ya³nta³-nia¹ xi³ tˀa³tsˀe⁴ nca³ coi²tjo⁴ntje².

1 Juan 4:15

To⁴ˀya³-ni³ve⁴ xi³ vˀe¹tsen³ en¹ nca³ Jesús je² ˀnti¹-le⁴ Ni³na¹, Ni³na¹ ti¹jna³cao⁴ nca³ je², cˀoa⁴ je² ti¹jna³cao⁴ Ni³na¹.

1 Juan 4:2

Cˀoi⁴-sˀin² ˀya³-nio¹³ je² Espíritu Santo xi³ tsˀe⁴ Ni³na¹: Nca³tsˀi³ espíritu xi³ vˀe¹tsen³ en¹ nca³ Jesucristo ja³ˀai³ cao⁴ yao³-le⁴, je²-vi⁴ xi³ tsˀe⁴ Ni³na¹.