San Juan 12:34 - New Testament in Mazatec Huautla

³⁴ Cho⁴ta⁴ cˀoi⁴qui³tso²-le⁴ Jesús: Jin⁴-jin⁴ qui³no²ˀya²-lai⁴jin⁴ cjoa⁴te¹xo³ma³ xi³ cˀoa⁴tso² nca³ Cristo ti¹jna³ nca³ntsjai². A¹-ni³ cˀoi⁴si³-si¹ni³ nca³ ji³, nca³ ma³chjen¹ nca³ je² ˀnti¹-le⁴ cho⁴ta⁴ tjio¹mi³tjen⁴tˀa³-ni³ na³nqui³. ˀya¹-ni³ je² ˀnti¹-le⁴ cho⁴ta⁴.

San Juan 12:34 ပူးပေါင်းရင်းမြစ်များ

San Mateo 16:13

Cˀia⁴ nca³ ji³nčhoa³ Jesús ya⁴ ˀnte³ jña³ Cesarea xi³ nchja⁴-ni³ Filipo, qui³sco²na³nqui³-le⁴ cho⁴ta⁴-le⁴: Jo¹ tso² cho⁴ta⁴, ˀya¹-la⁴ xi³ ˀnti¹-le⁴ cho⁴ta⁴.

San Mateo 21:10

Cˀia⁴ nca³ Jesús ja³ˀa³sˀen³ ya⁴ Jerusalén nca³yi³je³ na⁴xi⁴na³nta¹ jo³ cja⁴ˀai¹-nca¹ coan³, qui³tso²: ˀya¹-ni³ je²-vi⁴.

San Mateo 8:20

Jesús qui³tso²-le⁴: Je² ni⁴nta⁴ tjin¹-le⁴ nqui³jao³, cˀoa⁴ je² ni⁴se³ xi³ si¹ma³ncˀa³ tjin¹-le⁴ tje¹, to⁴nca³ je² ˀnti¹-le⁴ cho⁴ta⁴ tsin²-le⁴ ˀnte³-jin² jña³ si⁴²cja¹ya³.

San Juan 10:34

Jesús qui³tso²-le⁴: A³ tsi² cˀoa⁴-sˀin² tji¹tˀa³ cjoa⁴te¹xo³ma³-no³: An³ cˀoi⁴qui³xian³: Jon² xi³ ni³na¹ nio¹³.

San Juan 12:32

An³ tsa² tjo¹mi³tjen⁴tˀa³-nia³ na³nqui³, cjoa⁴ˀai¹tˀa³tsˀi³-na³.

San Juan 15:25

Cˀoa⁴-sˀin² ca²ta³vi³tjo³son²-ni³ je² en¹ xi³ tji¹tˀa³ je² cjoa⁴te¹xo³ma³-le⁴: Tsi² tsa² jme³ cjoa⁴ xi³ tjin¹ nca³ cˀoa⁴-sˀin² coan³jti³que³-na³.

San Juan 8:28

Cˀia⁴ Jesús cˀoi⁴qui³tso²-le⁴: Cˀia⁴ nca³ cho¹mi³tjaon⁴³ ˀnti¹-le⁴ cho⁴ta⁴, cˀia⁴² coan⁴cho⁴ya³-no³ nca³ an³ nia¹³ ˀnti¹-le⁴ cho⁴ta⁴. Ni⁴jme³-jin² xi³ sˀian³ nca³ to⁴ˀan³-nia¹³. Jo³-sˀin² qui³tso²ya³-na³ Nˀai³-na¹, cˀoa⁴-sˀin² nchja²³.

Romanos 3:19

To⁴nca³ ˀya³-nia¹ nca³ nca³yi³je³ xi³ tso² cjoa⁴te¹xo³ma³ nchja⁴-le⁴ je² xi³ cjoa⁴te¹xo³ma³ tjio¹nqui³-le⁴, jme¹-ni³ nca³ nca³tsˀi³ tsˀoa³ sˀe⁴chjoa²-ni³, cˀoa⁴ nca³tsˀi³ cho⁴ta⁴son³ˀnte³ na³nqui³ cˀoe⁴²yo³-si¹ni³le⁴ cjoa⁴te¹xo³ma³-le⁴ Ni³na¹.

Romanos 5:18

Cˀoa⁴-sˀin² jo³-sˀin² nca³ to⁴tˀa³tsˀe⁴ je² cjoa⁴tsˀa³ntjai²cjoa⁴ xi³ tsˀe⁴ jnco³ cho⁴ta⁴-ve⁴ cjoa⁴ñˀain³ qui³sˀe³-le⁴ nca³tsˀi³ cho⁴ta⁴, cˀoa⁴-ti⁴sˀin² to⁴tˀa³tsˀe⁴ je² cjoa⁴qui²xi⁴-le⁴ jnco³ cho⁴ta⁴ cjoa⁴nta³ qui³sˀe³-le⁴ nca³tsˀi³ cho⁴ta⁴, nca³ cjoe⁴tˀa³ je¹-le⁴, cˀoa⁴ cˀoa⁴-sˀin² sˀe³-le⁴ cjoa⁴vi³jna³chon³.

Hebreos 7:24

To⁴nca³ Cristo, nca⁴ ti¹jna³ntsjai², na⁴ˀmi³ coan³ xi³ tsi² cˀia³ cjoe⁴tˀa³-le⁴.