San Juan 12:16 - New Testament in Mazatec Huautla

¹⁶ Je² en¹-vi⁴ li²coi³ coan³cho⁴ya³-le⁴ cho⁴ta⁴-le⁴ Jesús nca³ ti¹tjon². To⁴nca³ cˀia⁴ nca³ qui³sˀe³-le⁴ cjoa⁴je³ya³ Jesús, cˀia⁴² ja³ˀai³tsjen³-le⁴ nca³ cˀoa⁴-sˀin² tji¹tˀa³ xon⁴ xi³ tˀa³tsˀe⁴, cˀoa⁴ nca³ cˀoa⁴-sˀin² qui³si³cao⁴ Jesús.

San Juan 12:16 ပူးပေါင်းရင်းမြစ်များ

San Marcos 16:19

Je² Nai³-na¹, cˀia⁴ nca³ je³tsa³cja¹cao⁴ cho⁴ta⁴-le⁴ qui³tjoe¹mi³ ncˀa³jmi³. Tsa³cˀe²jna³ nca³qui²xi⁴-le⁴ Ni³na¹.

San Marcos 9:32

To⁴nca³ cho⁴ta⁴-le⁴ li²coi³ coan³cho⁴ya³-le⁴ je² en¹-vi⁴. To⁴qui³tsa³cjon¹ nca³ scoi⁴na³nqui³-le⁴.

San Lucas 18:34

To⁴nca³ cho⁴ta⁴-le⁴ ni⁴ˀi⁴tse¹-jin² coan³cho⁴ya³-le⁴ je² cjoa⁴-vi⁴. Je² en¹ je²-vi⁴ ti¹jna³ˀma³-le⁴, cˀoa⁴ li²coi³ coan³cho⁴ya³-le⁴ jo³ tso²-ni³.

San Lucas 24:25

Cˀia⁴ Jesús qui³tso²-le⁴: Jo¹ to⁴chi⁴con¹³, cˀoa⁴ xi¹jin³ ni⁴ma⁴-no³ nca³ tsi² nti⁴ton⁴ coan³cjain¹-no³ nca³yi³je³ xi³ qui³tso² je² cho⁴ta⁴ xi³ qui³nchja⁴ya³ tˀa³tsˀe⁴ Ni³na¹.

San Lucas 24:45

Cˀia⁴ qui³sco³ˀai²ˀnte³-le⁴ cjoa⁴fa³ˀai³tsjen³-le⁴, jme¹-ni³ nca³ coan⁴cho⁴ya³-si¹ni³le⁴ xi³ tjio¹tˀa³ xon⁴ Escritura.

San Lucas 9:45

To⁴nca³ li²coi³ coan³cho⁴ya³-le⁴ je² en¹-vi⁴. Qui³sˀe³ˀma²-le⁴ jme¹-ni³ nca³ tsi² coi³ coan⁴cho⁴ya³-si¹ni³le⁴. Cˀoa⁴ qui³tsa³cjon¹ nca³ scoi⁴na³nqui³-le⁴ tˀa³tsˀe⁴ en¹ je²-vi⁴.

San Juan 12:23

Cˀia⁴ Jesús cˀoi⁴qui³tso²: Je³ja³ˀai³ hora nca³ je² ˀnti¹-le⁴ cho⁴ta⁴ sˀe⁴-le⁴ cjoa⁴je³ya³.

San Juan 14:26

Je² Nˀai³-na¹ si⁴²ca³sen¹ nca³jao³-na⁴ je² Espíritu Santo, je² xi³ va³sen¹cao⁴. Je²-vi⁴ xi³ coa⁴co²ya³-no³ nca³yi³je³, cˀoa⁴ si⁴²cja³ˀai³tsjen³-no³ nca³yi³je³ jo³ qui³xin³-no³.

San Juan 16:4

Cˀoa⁴qui³xin³-no³ je² cjoa⁴-vi⁴, jme¹-ni³ nca³ cjoa⁴ˀai¹tsjen³-si¹ni³no³ nca³ je³cˀoa⁴qui³xin³-no³, cˀia⁴ nca³ cjoa⁴ˀai¹ hora je²-ve⁴. A³li²coi³ cˀoa⁴qui³xin³-no³ nca³ ti¹tjon², nca⁴ an³ tsa³ca²te⁴jna³cao⁴-no³.

San Juan 17:5

Ntˀai⁴-vi⁴ Nˀai³, cˀoa⁴-sˀin² chˀa⁴sje³je³ya³-nai¹³ ya⁴tˀa³-li⁴ nca³ ji³, cao⁴ je² cjoa⁴je³ya³-ve⁴ xi³ qui³sˀe³-na³ cˀia⁴ nca³ tsa³ca²te⁴jna³tˀa³-le²³ cˀia⁴ nca³ cje³ tsin²-jin² son³ˀnte³.

San Juan 2:22

Cˀia⁴ nca³ Jesús ja³ˀa³ya²jin³-ni³le⁴ cˀen³, je² cho⁴ta⁴-le⁴ cˀoa⁴sˀin² ja³ˀai³tsjen³-le⁴ nca³ cˀoa⁴qui³tso²-le⁴. Cˀia⁴ coan³cjain¹-le⁴ je² xon⁴ Escritura cao⁴ je² en¹ xi³ Jesús qui³nchja⁴.

San Juan 7:39

Coi³ xi³ qui³tso² xi³ tˀa³tsˀe⁴ je² Espíritu Santo xi³ je² xi³ ma³cjain¹-le⁴ tˀa³tsˀe⁴ Jesús sˀa⁴ scoe¹. Cje³-sa³ fa³ˀai³-jin² je² Espíritu Santo, nca⁴ cje³ sˀe³-jin²le⁴ cjoa⁴je³ya³ Jesús.

Hechos de los Apóstoles 2:33

Ni³na¹ qui³si³quin³ncˀa³ Jesús, qui³si³cˀe¹jna³ ya⁴ nca³qui²xi⁴-le⁴. Jesús qui³tjoe¹-le⁴ je² Espíritu Santo xi³ Nˀai³-na¹ qui³tsjoa³ tsˀoa³ nca³ tsjoa¹-le⁴. Cˀoa⁴-sˀin² Jesús qui³si³cˀa³vi¹son² je² cjoa⁴-vi⁴ xi³ ˀyao³ xi³ no²ˀyao²³ ntˀai⁴-vi⁴.

Hechos de los Apóstoles 2:36

Cjai¹nca³ nta³ ca²ta³ve³ nca³tsˀi³ cho⁴ta⁴ Israel nca³ je² Jesús xi³ jon² tsa³cja³tˀao³ cro², Ni³na¹ tsa³ca³sen¹nta³ Nai³-na¹ cˀoa⁴ Cristo.

Hechos de los Apóstoles 3:13

Je² Ni³na¹-le⁴ Abraham cao⁴ Isaac cao⁴ Jacobo, je² Ni³na¹-le⁴ nˀai³jcha¹cjin³-na¹ tsa³cˀa³sje³je³ya³ Jesús xi³ ˀnti¹-le⁴, je² xi³ jon² qui³ni²⁴ntsjao³. A³li² tsain⁴-jin²jin⁴ tsa³qui³xon¹³ nqui³xcon⁴ Pilato, cˀia⁴ nca³ je² qui³si³cja³ˀai³tsjen³ nca³ si⁴²cˀe¹jna³ntai¹.

Hebreos 12:2

Nta³ cho¹tsen³-le⁴² Jesús, xi³ tjen⁴ ti¹tjon²-na¹, cˀoa⁴ ña³qui³ si¹jnco³ jo³-sˀin² ma³cjain¹-na¹. Qui³cho²cjoa⁴cao⁴-le⁴ cro² xi³ tˀa³tsˀe⁴ je² cjoa⁴tsjoa³ xi³ qui³sˀe³jna³ nqui³xcon⁴, a³li²coi³ qui³si³sin³-le⁴ cjoa⁴soa³. Tsa³cˀe²jna³ nca³qui²xi⁴-le⁴ je² ya¹xi²le⁴-le⁴ Ni³na¹.

Hebreos 8:1

Je²-vi⁴ xi³ nqui²sa⁴ nˀion¹ ma³chjen¹ xi³ tsˀe⁴ je² cjoa⁴-vi⁴ xi³ no²cjoa⁴: Tjin¹-na¹ jnco³ na⁴ˀmi³ti¹tjon² xi³ tsa³cˀe²jna³ nca³qui²xi⁴-le⁴ je² ya¹xi²le⁴ xi³ tsˀe⁴ xi³ je³ya³ ti¹jna³ ya⁴ ncˀa³jmi³.