San Juan 10:25 - New Testament in Mazatec Huautla

²⁵ Cˀia⁴ qui³nchja⁴ Jesús: Cˀoa⁴qui³xin³-no³, to⁴nca³ li²coi³ ma³cjain¹-no³. Je² xa¹ xi³ cˀoa⁴sˀian³ cao⁴ jan³ˀain¹-le⁴ Nˀai³-na⁴, je² xi³ cˀoa⁴-sˀin² si¹qui²xi⁴ya³nta³ xi³ tˀa³tsˀan⁴.

San Juan 10:25 ပူးပေါင်းရင်းမြစ်များ

San Juan 10:32

Jesús qui³tso²-le⁴: Cjai¹nca³ to⁴ncjin² xa¹ xi³ nta³ xi³ tsa³ca³co³-no³ xi³ tsˀe⁴ Nˀai³-na⁴. Jña¹-le⁴ xi³ je¹ntjai²-le⁴ xa¹-vi⁴ coa⁴sen²-si¹ni³nao¹³ la⁴jao⁴.

San Juan 10:37

Tsa² tsi² tsa² cˀoa⁴sˀian³ xa¹-le⁴ Nˀai³-na⁴, a³li² ma³cjain¹-jin²no³ jo³ xian³.

San Juan 10:38

Nta³ tsa² tsi² ma³cjain¹-no³ jo³ xian³, tsa² cˀoa⁴sˀian³ xa¹-le⁴ Nˀai³-na⁴, ca²ta³ma³cjain¹-no³ xi³ to⁴tˀa³tsˀe⁴ xa¹ xi³ sˀian³, jme¹-ni³ nca³ cˀoa⁴-sˀin² jcha⁴-si¹nio³ cˀoa⁴ coan⁴cjain¹-si¹ni³no³ nca³ je² Nˀai³-na¹ ti¹jna³cao⁴-na³ cˀoa⁴ an³ ti²jna⁴coa⁴ Nˀai³-na¹.

San Juan 11:47

Cˀia⁴ cho⁴ta⁴ti¹tjon²-le⁴ na⁴ˀmi³ cao⁴ cho⁴ta⁴ fariseos qui³sˀin³ junta qui³tso²: Jme¹ xi³ nˀian², nca³ ncjin² choa⁴ xi³ tsjoa¹ je² cho⁴ta⁴-vi⁴.

San Juan 12:37

Nta³ tsa² cˀoa⁴-sˀin² to⁴tse³ choa⁴ qui³tsjoa³-le⁴, to⁴jo³ li²coi³ coan³cjain¹-le⁴ xi³ tˀa³tsˀe⁴ Jesús,

San Juan 14:11

Ca²ta³ma³cjain¹-no³ nca³ an³ ti²jna⁴coa⁴ Nˀai³-na¹, cˀoa⁴ je² Nˀai³-na¹ ti¹jna³cao⁴-na³. Tsa² tsi² cˀoa⁴-sˀin², ca²ta³ma³cjain¹-no³ tˀa³tsˀan⁴ xi³ to⁴tˀa³tsˀe⁴ je² xa¹ xi³ ti²sˀian³.

San Juan 20:30

Cjai¹nca³ to⁴ncjin²-sa³ choa⁴ qui³tsjoa³ Jesús ya⁴ nqui³xcon⁴ cho⁴ta⁴-le⁴, xi³ tsi² tsa² i⁴ tjio¹tˀa³ je² libro je²-vi⁴.

San Juan 3:2

Je²-vi⁴ ja³ˀai³nčhˀoe² Jesús nca³ njion², cˀoi⁴qui³tso²-le⁴: Rabí, ˀya³-ni¹⁴jin⁴ nca³ ji³ ja²ˀai⁴ jo³-ni³ jnco³ Maestro. Qui³si³ca³sen¹-li² Ni³na¹. Ni⁴ˀya³-jin² xi³ tsjoa¹ choa⁴ xi³ vˀai²³ nca³ ji³, tsa² Ni³na¹ li²coi³ ti¹jna³cao⁴.

San Juan 7:31

Cjai¹nca³ ncjin² cho⁴ta⁴na⁴xi⁴na³nta¹-ve⁴ xi³ coan³cjain¹-le⁴ tˀa³tsˀe⁴ Jesús. Cˀoi⁴qui³tso² cho⁴ta⁴-ve⁴: Cˀia⁴ nca³ cjoa⁴ˀai¹ je² Cristo, a³ nqui²sa⁴ cja⁴ˀai¹-sˀin² tsjoa¹ choa⁴ jo³-sˀin² tsjoa¹ je²-vi⁴.

San Juan 8:12

Jesús cˀoi⁴qui³tso²-nca¹ni³le⁴ cho⁴ta⁴ fariseos: An³ nia¹³ lˀi¹ xi³ si¹ˀi³sen³ son³ˀnte³. Je² xi³ fi²tˀa³-na³ li²coi³ cˀoa¹mjen³ jña³ nca³ njion², to⁴nca³ sˀe⁴-le⁴ je² lˀi¹ xi³ tsjoa¹ cjoa⁴vi³-jna³chon³.

San Juan 8:24

Coi³ cˀoa⁴qui³xin³-ni³no³ nca³ je¹-no³ coi⁴ya¹jion³. Tsa² tsi² tsa² coan⁴cjain¹-no³ ˀya³-ni³ nca³ an³, to⁴ya⁴ je² je¹-no³ coi⁴ya¹jion³.

San Juan 8:56

Je² Abraham nˀai³-no³ cjai¹nca³ coan³tsjoa³-le⁴ nca³ coi⁴cho³ ve³ ni⁴čhjin³-na⁴, cˀoa⁴ tsa³ve³ coan³tsjoa³-le⁴.

San Juan 8:58

Jesús qui³tso²-le⁴: Ña³qui³ cjoa⁴qui²xi⁴ ña³qui³ cjoa⁴qui²xi⁴ xi³ xin³-no³: An³ ti¹tjon² ti²jna⁴-le⁴ Abraham.

Hechos de los Apóstoles 10:38

Jon² ˀya³-nio¹³ je² en¹ xi³ tˀa³tsˀe⁴ Jesús xi³ Nazaret tsˀe⁴, jo³-sˀin² nca³ Ni³na¹ qui³tsjoa³-le⁴ xa¹ cao⁴ Espíritu Santo cao⁴ nca³nˀion¹. Je² Jesús xi³ tsa³cˀa³mjen³ nca³ to⁴cjoa⁴nta³ qui³sˀin³, cˀoa⁴ qui³si³nta³ nca³tsˀi³ xi³ je² nai⁴² qui³si³cja³ˀa¹ cjoa⁴ñˀain³, nca⁴ Ni³na¹ ti¹jna³cao⁴ Jesús.

Hechos de los Apóstoles 2:22

Nca³tsˀio³ nˀai³ israelitas, ti⁴no¹ˀyao²³ je² en¹-vi⁴: Jesús cho⁴ta⁴ nazareno, cho⁴ta⁴xˀin⁴ xi³ Ni³na¹ ja³ˀai³-ni³ xi³ coan³qui²xi⁴ya³jin³-no³ xi³ to⁴tˀa³tsˀe⁴ nca³nˀion¹-le⁴, cao⁴ cjoa⁴xcon¹, cao⁴ choa⁴. Je² cjoa⁴-vi⁴ xi³ Ni³na¹ qui³si³nta³ cao⁴ Jesús nqui³xcon³ nca³ jon², jo³-sˀin² nca³ cˀoa⁴-ti⁴ ˀyao³ nca³ jon².

Hebreos 2:3

jo¹-sˀin² coi²tjo⁴ntje² nca³ ña¹, tsa² tsi² ma³cjain¹-na¹ cjoa⁴-le⁴ cjoa⁴vi³tjo³ntjai² xi³ nˀion¹ tse³. Je² Nai³-na¹ coan³ti¹tjon² nca³ qui³nchja⁴ya³ tˀa³tsˀe⁴ je² cjoa⁴vi³tjo³ntjai². Je² xi³ qui³nčhˀoe¹-le⁴, je²-vi⁴ qui³si³qui²xi⁴ya³-na¹.