San Juan 1:31 - New Testament in Mazatec Huautla

³¹ An³ li²coi³ tsa³ˀve³xcoan³, to⁴nca³ ja²ˀai⁴ ca³te³nta¹³-nia³ na³nta¹, jme¹-ni³ nca³ cho⁴ta⁴ Israel scoe⁴-si¹ni³ nca³ je².

San Juan 1:31 ပူးပေါင်းရင်းမြစ်များ

San Mateo 3:13

Cˀia⁴ ja³ˀai³-ni³ Galilea Jesús. Ja³ˀai³con³-le⁴ Juan ya⁴ nta¹je⁴ Jordán, jme¹-ni³ nca³ Juan coa⁴te²nta¹-si¹ni³ nca³ je².

San Mateo 3:6

Cˀoa⁴ tsa³ca³te¹nta¹ cho⁴ta⁴-ve⁴ Juan ya⁴ nta¹je⁴ Jordán. Cˀoa⁴ tsa³cja³ˀa¹con³ je¹-le⁴ cho⁴ta⁴.

San Lucas 1:17

Je² coai⁴ ti¹tjon²-le⁴ nca³ je² cao⁴ espíritu, cˀoa⁴ cao⁴ nca³nˀion¹-le⁴ Elías, jme¹-ni³ nca³ ni⁴ma⁴-le⁴ nˀai³-le⁴ si⁴²cˀo¹fa³ya³tˀa³-si¹ni³le⁴ xti³-le⁴, cˀoa⁴ jme¹-ni³ nca³ cho⁴ta⁴ tsˀa³ntjai²cjoa⁴ scoe¹-si¹ni³ cjoa⁴chji⁴ne⁴-le⁴ cho⁴ta⁴cjoa⁴qui²xi⁴, jme¹-ni³ nca³ si⁴²ca³tio²nta³-si¹ni³ xi³ tˀa³tsˀe⁴ Nai³-na¹ cho⁴ta⁴ na⁴xi⁴na³nta¹ xi³ coa⁴tio⁴nta³.

San Juan 1:30

Je²-vi⁴ ntai⁴ xi³ qui³xin³-no³: Cjoa⁴ˀai¹tjen⁴nqui³-na³ jnco³ cho⁴ta⁴xˀin⁴. Je² nqui²sa⁴ ti¹tjon² tso²ˀva³ cao⁴ an³, nca⁴ je² nqui²sa⁴ ti¹tjon² ti¹jna³-na³.

San Juan 1:32

Juan cˀoa⁴sˀin² qui³tsjoa³ en¹ cˀoi⁴qui³tso²: Tsa³ˀve³ je² Espíritu Santo nca³ ji³tjo³jen³-ni³ ncˀa³jmi³, jo³-ni³ tsa² jnco³ ni⁴se³ paloma, qui³sa³sen³jna²son²-le⁴ Jesús.

San Juan 1:33

An³ li²coi³ tsa³ˀve³xcoan³, to⁴nca³ je² xi³ qui³si³ca³sen¹-na³ nca³ na³nta¹ coa³te³nta¹³-nia³, je²-ve⁴ xi³ cˀoi⁴qui³tso²-na³: To⁴ˀya³-ni³ xi³ jchai⁴, xi³ je² Espíritu Santo cjoa⁴ˀai¹jen³tˀain³-le⁴, xi³ ya⁴ sa⁴sen¹jna³son²-le⁴, je²-vi⁴ ntai⁴ xi³ va³te¹nta¹-ni³ Espíritu Santo.

San Juan 1:7

Jo³-ni³ tsa² testigo ja³ˀai³, nca³ cˀoa⁴sˀin² tsjoa¹ en¹ xi³ tˀa³tsˀe⁴ je² lˀi¹, jme¹-ni³ nca³ nca³tsˀi³ coan⁴cjain¹-si¹ni³le⁴ xi³ to⁴tˀa³tsˀe⁴ Juan.

Hechos de los Apóstoles 19:4

Cˀoi⁴qui³tso² Pablo: Je² Juan tsa³ca³te¹nta¹-ni³ cˀia⁴ nca³ je³qui³si³cˀa³ntjai²ya³ cjoa⁴fa³ˀai³tsjen³-le⁴ cho⁴ta⁴. Cˀoi⁴qui³tso²-le⁴ cho⁴ta⁴ nca³ ca²ta³ma³cjain¹-le⁴ xi³ tˀa³tsˀe⁴ je² xi³ cjoa⁴ˀai¹tjen⁴nqui³-le⁴, xi³ tso²-ni³ xi³ tˀa³tsˀe⁴ je² Jesús xi³ Cristo.