Gálatas 6:2 - New Testament in Mazatec Huautla

² Ti⁴ncha³cao⁴ nca³ñao¹³ cjoa⁴ xi³ jo³ chˀa¹-sˀin² cji³ne²-le⁴ xi²nquio⁴³. Cˀoa⁴-sˀin² si⁴tjo³son²³ je² cjoa⁴te¹xo³ma³-le⁴ Cristo.

Gálatas 6:2 ပူးပေါင်းရင်းမြစ်များ

San Mateo 8:17

jme¹-ni³ nca³ coi⁴tjo³son²-si¹ni³ je² xi³ qui³tso² Isaías xi³ qui³nchja⁴ya³ tˀa³tsˀe⁴ Ni³na¹: Ti⁴je² qui³scoe¹-ni³ chˀin³-na¹, cˀoa⁴ qui³cao⁴ cjoa⁴ˀaon³-na¹.

San Lucas 11:46

Jesús qui³tso²: Ma⁴-xo¹nio³ nta³ tsa² jon², cho⁴ta⁴chji⁴nao⁴³ xi³ tsˀe⁴ cjoa⁴te¹xo³ma³, nca³ ni²cˀao³ chˀa¹ cho⁴ta⁴ xi³ tsi²coi³ coan⁴ coai⁴cao⁴, to⁴nca³ jon²-vi⁴ ni⁴jnco³-jin² na⁴jma¹ntsao⁴³ ni²cao⁴-nio³ chˀa¹-ve⁴.

San Juan 13:34

Jnco³ cjoa⁴te¹xo³ma³ cho⁴tse⁴ xi³ tsjoa³-no³: Ca²ta³ma³tsjoa³chao³ xi²nquio⁴³. Jo³-sˀin² nca³ an³ coan³tsjoa³que⁴-no³, cˀoa⁴-sˀin² ca²ta³ma³tsjoa³chao³ xi²nquio⁴³.

San Juan 15:12

Je²-vi⁴ cjoa⁴te¹xo³ma³-na⁴: Ca²ta³ma³tsjoa³chao³ xi²-nquio⁴³, jo³-sˀin² tsjoa³que⁴-no³ nca³ an³.

Romanos 15:1

Cˀoa⁴-sˀin² ña¹-vi⁴ xi³ tjin¹-na¹ nca³nˀion¹, tjin¹ne²-na¹ nca³ coi⁴ncha³coa⁴² cjoa⁴ˀi³nta³jin³-le⁴ xi³ tsin²-le⁴ nca³nˀion¹-jin², cˀoa⁴ li²coi³ si⁴tsjoa³ya³-le⁴² yao³-na¹ xi³ ti⁴ña¹-nia³².

Romanos 8:2

Je² cjoa⁴te¹xo³ma³ xi³ tsˀe⁴ Espíritu Santo, je² xi³ tsjoa¹ cjoa⁴vi³jna³chon³, nca³ ti³yo³coa⁴² Cristo Jesús. Qui³si³cˀe¹jna³ntai¹-ni³na³ cjoa⁴te¹xo³ma³ xi³ tsˀe⁴ je¹, cˀoa⁴ xi³ tsˀe⁴ cjoa⁴vi³ya³.

1 Corintios 9:21

Cˀoa⁴ xi³ tˀa³tsˀe⁴ je² xi³ tsin²-le⁴ cjoa⁴te¹xo³ma³, cˀoa⁴-ti⁴ coan³ an³ jo³-ni³ je² xi³ tsin²-le⁴ cjoa⁴te¹xo³ma³-jin², (li²coi³ cˀoa⁴coan³ an³ jo³-ni³ tsa² tsin²-na³ cjoa⁴te¹xo³ma³-jin², to⁴nca³ ti²jna⁴nquia³ cjoa⁴te¹xo³ma³-le⁴ Cristo) jme¹-ni³ nca³ si³qui³njen³-si¹nia³ tˀa³tsˀe⁴ Ni³na¹ je² xi³ cˀoa⁴-sˀin² tsin²-le⁴ cjoa⁴te¹xo³ma³-jin².

Gálatas 6:5

Nca³ jnco¹jnco¹ ca²ta³vˀa³mi³ chˀa¹ xi³ ti⁴tsˀe⁴-ni³.

1 Tesalonicenses 5:14

Cˀoa⁴-ti⁴sˀin² vˀe²tsˀoa³-lai²⁴jin⁴, ntsˀe³², nca³ tˀe²ne²-lao⁴³ je² xi³ to⁴xquia⁴ chˀao³-sˀin² tjio¹ma³. Ti⁴nˀion¹-con²³ xi³ choa³ tjio¹con³, ti⁴ncha³cao⁴³ xi³ tsin²-le⁴ nca³nˀion¹-jin², ti⁴cjain¹-lao⁴³ nca³tsˀi³.

Santiago 1:25

To⁴nca³ jo¹ to⁴nta³ coan⁴-le⁴ je² xi³ nta³ va¹sjai³jin³ je² cjoa⁴te¹xo³ma³ xi³ ña³qui³ cjoa⁴qui²xi⁴, xi³ si¹cˀe¹yo³ntai¹-na¹. Jo¹ to⁴nta³ coan⁴-le⁴ je² xi³ vˀe²jna³nˀion¹jin³, nca³ tsi² tsa² to⁴nčhˀoe¹, cˀia⁴ cha³jin³-le⁴, to⁴nca³ cˀoa⁴sˀin¹ jo³ tso².

Santiago 2:12

Cˀoi⁴-sˀin² ti⁴no²cjoao⁴³, cˀoi⁴-sˀin² tˀiaon⁴³, jo³-ni³ tsa² cho⁴ta⁴ xi³ me³ sˀe⁴nta³jin³-le⁴ tˀa³-le⁴ je² cjoa⁴te¹xo³ma³ xi³ si¹cˀe¹yo³ntai¹-na¹.

Santiago 2:8

Nta³ nˀiaon²³, tsa² cjoa⁴qui²xi⁴ nca³ ni²tjo³son²³ je² cjoa⁴te¹xo³ma³ xi³ ncˀa³, jo³ tso² xon⁴ Escritura: Tjao²cha³ ca²ta³mai³ xi²nqui⁴ jo³-ni³ tsa² yao³-li⁴.

1 Pedro 2:24

Je² soa³ tsa³cˀa³ xi³ tsan⁴² je¹, cˀia⁴ nca³ qui³tsjen³tjen⁴va³tˀa³ cro² yao³-le⁴, jme¹-ni³ nca³ coi⁴yo³chon³-si¹nia³² tˀa³tsˀe⁴ cjoa⁴qui²xi⁴, nca⁴ je³ti³yo³tˀa³xin²-le⁴² xi³ je¹ ˀmi² jo³-ni³ tsa² cˀen³. Coi³ nca³ qui³tsin²ˀaon³ nca³ je², coi³ coan³nta³-nio³.

2 Pedro 2:21

To⁴nqui²sa⁴ nta³-ni³ tsa²cai³-ni³, tsa² tsi² tsa² tsa³ve³ ntia⁴² xi³ cjoa⁴qui²xi⁴, cao⁴-ni³ tsa² scan³-ni³ nca³ tsa³ve³, qui³si³cˀo¹fa³ya³-ni³le⁴ cjoa⁴te¹xo³ma³ xi³ tsje³, xi³ tsa³cˀai²-le⁴.

2 Pedro 3:2

jme¹-ni³ nca³ cjoa⁴ˀai¹tsjen³-si¹ni³no³ je² en¹ xi³ co²tse³ tsa³ca¹ya³con³ je² cho⁴ta⁴ xi³ tsje³ tsa³ca³tio², xi³ qui³nchja⁴ya³ tˀa³tsˀe⁴ Ni³na¹, cˀoa⁴ nca³ cjoa⁴ˀai¹tsjen³-si¹ni³no³ je³ cjoa⁴te¹xo³ma³-le⁴ Nai³-na¹ xi³ tsa³cˀa³sje³ntjai²-na¹, xi³ qui³tsˀai²-no³ to⁴tˀa³tsˀe⁴ pa²stro⁴-no³.

1 Juan 4:21

Je²-vi⁴ cjoa⁴te¹xo³ma³ xi³ Ni³na¹ qui³tsjoa³-na¹: Je² xi³ tjao²que³ Ni³na¹, cˀoa⁴-ti⁴ ma³chjen¹ nca³ tjao²que³ ntsˀe⁴.