Gálatas 5:1 - New Testament in Mazatec Huautla

¹ Xi³ tˀa³tsˀe⁴ je² cjoa⁴ntai¹-ve⁴ Cristo qui³si³cˀe¹yo³ntai¹-na¹. Ña³qui³ nˀion¹ ti⁴yo³jin³-lao⁴³ je² cjoa⁴ntai¹-ve⁴. A³li² ti⁴vˀai²ˀnte³-jin²nio³ nca³ ya¹ yugo sˀe⁴nqui³ nqui²jnco³cˀa² ya¹sion³ nca³ cho⁴ˀnta³ coaon⁴³.

Gálatas 5:1 ပူးပေါင်းရင်းမြစ်များ

San Mateo 23:4

Va³nˀion¹ chˀa¹ xi³ ai¹, xi³ nˀion¹ ñˀain³ chˀa², cˀoa⁴ va¹yo³son² ya¹tsˀin⁴ cho⁴ta⁴, to⁴nca³ ti⁴je²-ni³ ni⁴si¹cao⁴-jin² cao⁴ jnco³ na⁴jma¹ntsja³.

San Lucas 5:38

To⁴nca³ vino cho⁴tse⁴ ma³ sˀe³ya³ čhjoa⁴ cho⁴tse⁴. Cˀoa⁴ je² vino cao⁴ čhjoa⁴ cjai¹nca³ nta³ sˀe³tjao².

Hechos de los Apóstoles 15:10

Ntˀai⁴-vi⁴, a¹-ni³ nca³ cˀoa⁴-sˀin² cho¹tˀa³-si¹nio³ Ni³na¹, nca³ cˀoa⁴-sˀin² ni²chˀa¹nao²³ cjoa⁴ xi³ ñˀain³ tjin¹ cho⁴ta⁴-le⁴ Cristo. Sa³ˀnta³ ni⁴je²-jin² nˀai³jcha¹cjin³-na¹ ni⁴ña¹-jian² qui³jcho¹cjoa⁴-na¹ je²-vi⁴.

Romanos 6:14

Nca⁴ je² je¹-ve⁴ li²coi³ coa⁴te¹xo³ma³-no³, nca³ tsi² tsa² na³nqui³ ti³yo³-lao⁴³ cjoa⁴te¹xo³ma³, to⁴nca³ na³nqui³ ti³yo³-lao⁴³ cjoa⁴nta³-le⁴ Ni³na¹.

Romanos 6:18

To⁴nca³ je³ji²tjo⁴ntai¹-lao⁴³ je² je¹. Je³coaon³ cho⁴ˀnta³-le⁴ xi³ cjoa⁴qui²xi⁴.

Romanos 7:3

Cˀoa⁴-sˀin² cˀia⁴ nca³ ti¹jna³con³ xˀin⁴-le⁴, tsa² tjin¹-le⁴ xˀin⁴ xi³ cja⁴ˀai¹ chjon⁴²cha³jnqui³tˀa³ ˀmi², to⁴nca³ tsa² cˀen³ xˀin⁴-le⁴, ti¹jna³ntai¹-le⁴ cjoa⁴te¹xo³ma³. Cˀia⁴ tsa² xˀin⁴ xi³ cja⁴ˀai¹ sˀe⁴-le⁴, a³li² chjon⁴²cha³jnqui³tˀa³-jin² ˀmi²-le⁴.

Romanos 7:6

To⁴nca³ ntˀai⁴-vi⁴ je³ji²tjo⁴ntai¹-le⁴² cjoa⁴te¹xo³ma³, nca³ jo³-ni³ tsa² je³ti³yo³cˀen³-le⁴² jña³-le⁴ xi³ tsa³qui³yo³nˀion¹-le⁴². Cˀoa⁴-sˀin² coan⁴chjen¹-na¹ jo³-ni³ tsa² cho⁴ˀnta¹ jo³-sˀin² tso² cjoa⁴cho⁴tse⁴ xi³ tsˀe⁴ Espíritu Santo, a³li²coi³ jo³-sˀin² tso² je² cjoa⁴jchi¹nca³ xi³ tji¹tˀa³ xon⁴.

Romanos 8:15

Nca⁴ jon² a³li²coi³ qui³chjoao¹³ cjoa⁴fa³ˀai³tsjen³ xi³ tsˀe⁴ xi³ tjio¹nˀion¹, nca³ nqui²jnco³cˀa² sˀe⁴-no³ cjoa⁴jcon³, to⁴nca³ qui³chjoe¹-nio¹³ je² Espíritu Santo xi³ ve³con³-na¹ jo³-ni³ tsa² xti³-le⁴. Xi³ to⁴tˀa³tsˀe⁴ je² Espíritu Santo no²-cjoa⁴² Abba, xi³ tso²-ni³ Nˀai³.

Romanos 8:2

Je² cjoa⁴te¹xo³ma³ xi³ tsˀe⁴ Espíritu Santo, je² xi³ tsjoa¹ cjoa⁴vi³jna³chon³, nca³ ti³yo³coa⁴² Cristo Jesús. Qui³si³cˀe¹jna³ntai¹-ni³na³ cjoa⁴te¹xo³ma³ xi³ tsˀe⁴ je¹, cˀoa⁴ xi³ tsˀe⁴ cjoa⁴vi³ya³.

1 Corintios 15:58

Cˀoa⁴-sˀin², ntsˀe³ xi³ tsjoa³que⁴-no³, qui²xi⁴ ti⁴yo³. A³li² ni²cˀa³ntjai²ya³-jion²³. Nqui²sa⁴ tse³ ti⁴xa¹sa³lao⁴³ Nai³-na¹ nca³ntsjai², nca⁴ ˀya³-nio¹³ nca³ je² xa¹-no³ nca³ ti³yo³cao⁴³ Nai³-na¹ a³li² to⁴cjoa⁴tjao²-jin².

1 Corintios 16:13

Ti⁴yo³chon³ˀntao³, nˀion¹ ti⁴yo³cao⁴³ xi³ ma³cjain¹-no³, cˀoa⁴ nˀion¹ ta²ja³ ti⁴yo³, cˀoa⁴ chjoao¹³ nca³nˀion¹.

1 Corintios 7:22

Je² xi³ qui³no²cjoa⁴-le⁴ nca³ ti¹jna³cao⁴ Nai³-na¹ nca³ cho⁴ˀnta³ ma³, ti¹jna³ntai¹ nca⁴ tsˀe⁴ Nai³-na¹. Cˀoa⁴-ti⁴sˀin²ni³ je² xi³ cˀoa⁴-sˀin² qui³no²cjoa⁴-le⁴ nca³ ti¹jna³ntai¹ cho⁴ˀnta³-le⁴ Cristo ni¹.

2 Corintios 11:20

Nca⁴ ni²cjain¹-lao⁴³ tsa² jnco³ xi³ to⁴cho⁴ˀnta³ cjoa⁴nˀion¹ sˀin⁴²-no³, tsa² jnco³ xi³ cjoa⁴chˀa²na⁴cha⁴ tsoa⁴-ni³no³, tsa² jnco³ xi³ si¹che¹tˀa³-no³, tsa² jnco³ xi³ je³ya³ vˀa³sje³ yao³-le⁴, tsa² jnco³ xi³ ncjaon¹³ cˀoe⁴²ˀa³.

2 Corintios 3:17

Je² Nai³-na¹ tso²-ni³ Espíritu Santo. Cˀoa⁴ jña³ nca³ tjin¹ je² Espíritu Santo xi³ tsˀe⁴ Nai³-na¹, ya⁴ tjin¹ cjoa⁴ntai¹.

Gálatas 2:4

To⁴nca³ tjin¹ cˀa³ xi³ to⁴ntsˀe⁴nti³so³ xi³ qui³chja³ˀa²sˀen³cao⁴ˀma³. Ja³ˀa³sˀen³cao⁴ˀma³ jme¹-ni³ nca³ scoe⁴che¹-si¹ni³ jo³-sˀin² nca³ ntai¹ ti³yo³coa⁴² Cristo Jesús, cˀoa⁴ jme¹-ni³ nca³ si⁴²ca³tio²nˀion¹-si¹ni³na¹ jo³-ni³ tsa² cho⁴ˀnta³.

Gálatas 3:25

To⁴nca³ cˀia⁴ nca³ ja³ˀai³ xi³ ma³cjain¹-na¹, li²coi³ ti⁴ti³yo³nqui³-ni³le⁴² je² cho⁴ˀnta³-ve⁴.

Gálatas 4:26

To⁴nca³ je² Jerusalén xi³ tsˀe⁴ ncˀa¹, ti¹jna³ntai¹, coi³ xi³ na⁴-na¹ nca³tsˀia³².

Gálatas 4:31

Cˀoa⁴² ntˀai⁴-vi⁴ ˀnti¹ntsˀe³, a³li² xti³-le⁴ chjon⁴² cho⁴ˀnta³-jian². Ña¹ nia¹ xti³-le⁴ chjon⁴² xi³ tsi² cho⁴ˀnta³-ve⁴.

Gálatas 4:9

To⁴nca³ ntˀai⁴-vi⁴, nca³ je³ˀyao³ Ni³na¹, to⁴sa³ je² Ni³na¹ xi³ ve³-no³, a¹-ni³ nca³ si⁴cˀo¹fa³ya³tˀa³ nqui²ntia³-ni³lao⁴³ je² cjoa⁴costumbre xi³ yo⁴ma⁴ xi³ tsin²-le⁴ nca³nˀion¹-jin², xi³ me³-no³ nqui²ntia³ coan⁴chjen¹-nca¹ni³lao⁴³.

Gálatas 5:13

Jon² ntsˀe³, qui³no²cjoa⁴-no³ nca³ coi⁴yo³ntao¹³, to⁴nca³ a³li² ni²chjen¹-jion²³ cjoa⁴ntai¹-no³ jo³-sˀin² me³-le⁴ yao³-no³, to⁴nca³ to⁴cˀoa⁴-sˀin² ti⁴chjen¹-nca³ñao¹³ cao⁴ cjoa⁴tjao²cha³ tˀa³tsˀe⁴ xi²nquio⁴³.

Efesios 6:14

Cˀoa⁴-sˀin² nˀion¹ ti⁴yo³ntao³. Nta³ tˀe²cjao¹³ čhjoa⁴xin¹cja¹ntia³-no³ xi³ nco³ya³-le⁴ xi³ ña³qui³ cˀoa⁴tjin¹. Tja³cjao¹³ ˀme⁴-no³ na³jño³qui⁴cha⁴ xi³ nco³ya³-le⁴ cjoa⁴ xi³ tjin¹-le⁴ cjoa⁴qui²xi⁴.

Filipenses 1:27

Nta³ ta³nquin¹cao⁴³ yao³-no³, jo³-sˀin² va³quin²-le⁴ je² en¹nta³ xi³ tˀa³tsˀe⁴ Cristo, jme¹-ni³ nca³ tsa² coan⁴ cjoi¹con³-no³, cˀoa⁴ tsa² tsi² tsa² cjoia¹³, cjoi³nčhˀoe³-nia¹³ xi³ tˀa³tsaon⁴³ nca³ nta³ coi⁴yo³ nca³ to⁴jnco³ cjoa⁴fa³ˀai³tsjen³ sˀe⁴-no³, cˀoa⁴ nca³ cˀoai⁴-lao⁴³ nca³nˀion¹ xi²nquio⁴³ xi³ tˀa³tsˀe⁴ en¹nta³ xi³ ma³cjain¹-na¹.

1 Tesalonicenses 3:8

Ntˀai⁴-vi⁴ntai⁴ ti³yo³choin³⁴-jin⁴, tsa² cˀoa⁴-sˀin² nˀion¹ nta³ ti³yo³cao⁴³ Nai³-na¹.

2 Tesalonicenses 2:15

Cˀoa⁴sˀin² ntsˀe³², nˀion¹ ti⁴yo³ tˀe²jin³-ta³con²³ je² cjoa⁴fa³ˀai³tsjen³ xi³ qui³cho²tˀa³yao³, nta³ tsa² cao⁴ en¹, nta³ tsa² cao⁴ xon⁴-na⁴jin⁴.

Hebreos 10:23

Coi⁴ntoa⁴nˀioan¹ cjoa⁴ni²qui²xi⁴ya³-na¹ xi³ tˀa³tsˀe⁴ xi³ cho³ya²-le⁴², nca³ tsi² tjin¹jen³ tjin¹cja¹ cjoa⁴fa³ˀai³tsjen³-na¹, nca⁴ Ni³na¹ xi³ qui³tsjoa³-na¹ tsˀoa³, ña³qui³ tji¹con³ nca³ si¹jnco³.

Hebreos 3:14

Nca⁴ cji³tˀa³coa⁴² Cristo nca³ cˀoa⁴-sˀin² cjoan³², tsa² sa³ˀnta³ nca³ cjoe⁴tˀa³ nta³ coi⁴ntoa⁴nˀioan¹ je² cjoa⁴nˀion¹ta³con²-na¹ xi³ ti¹tjon² qui³sˀe³-na¹.

Hebreos 3:6

To⁴nca³ Cristo qui³si³tjo³son² jo³-ni³ ˀnti¹ xi³ tjin¹ne²-le⁴ nca³ si¹coi²nta⁴-le⁴ cho⁴ta⁴ni³ˀya³-le⁴ Ni³na¹. Ña¹ nia¹ xi³ coi³ cho⁴ta⁴-le⁴, tsa² sa³ˀnta³ nca³ cjoe⁴tˀa³ nta³ coi⁴ntoa⁴nˀioan¹ je² cjoa⁴nˀion¹ta³con²-na¹ cˀoa⁴ je² cjoa⁴tsjoa³-na¹ xi³ tˀa³tsˀe⁴ xi³ cho²ya³-le⁴².

Hebreos 4:14

To⁴coi³ coi⁴ntoa⁴nˀioan¹ je² cjoa⁴ xi³ ni²qui²xi⁴ya³nta³-nia³², nca⁴ tjin¹-na¹ jnco³ na⁴ˀmi³ti¹tjon² xi³ nˀion¹ ncˀa³, xi³ ja³ˀa³sˀen³ ya⁴ ncˀa³jmi³, je² Jesús, xi³ ˀnti¹-le⁴ Ni³na¹.

1 Pedro 2:16

Jon² xi³ cho⁴ta⁴ntai¹ nio¹³. A³li² ni²chjen¹-jion²³ cjoa⁴ntai¹-no³ nca³ cˀoe¹ˀma³ cjoa⁴tsˀen⁴-no³, to⁴nca³ cˀoa⁴tˀiaon⁴³ jo³-ni³ tsa² je² xi³ si¹xa¹-le⁴ Ni³na¹.

2 Pedro 2:19

Si¹sˀe³nqui³-le⁴ nca³ to⁴sca⁴ni²ntai¹, to⁴nca³ je² cjoa⁴chi⁴nca⁴-le⁴ va³te¹xo³ma³ntsjai²-le⁴. Je² xi³ qui³ni²qui³njen³-le⁴, na³nqui³ ti¹jna³-le⁴, jo³-ni³ cho⁴ˀnta³ ma³-le⁴ je² xi³ qui³si³qui³njen³-le⁴.

Judas 1:3

ˀnti¹ntsˀe³ xi³ tsjoa³que⁴, cjai¹nca³ coan³me³-na³ nca³ qui³squi³-no³ tˀa³tsˀe⁴ cjoa⁴vi³tjo³ntjai²-na¹. Cjai¹nca³ coan³chjen¹-na³ nca³ qui³squi³-no³ nca³ cˀoe³ne²³-no³ nca³ nˀion¹ si⁴nchja¹cao⁴-sao³ tˀa³tsˀe⁴ xi³ ma³cjain¹-na¹, xi³ ntia³ tsa³cˀai²-le⁴ cho⁴ta⁴-le⁴ Cristo.

Apocalipsis 2:25

To⁴nca³ je² chˀa¹ xi³ je³tjin¹-no³, cˀoa⁴-sˀin² ca²ta³sˀe³jna³-no³ sa³ˀnta³ nca³ an³ xi³ cjoe²ˀe⁴.

Apocalipsis 3:3

Ti⁴cja³ˀai³tsjen³jion³ je² xi³ qui³chjoao¹³ cˀoa⁴ xi³ qui³no²ˀyao²³. Ti⁴tjo³son²-lao⁴³, cˀoa⁴ ti⁴cˀa³ntjai²yao³ cjoa⁴fa³ˀai³tsjen³-no³. Tsa² tsi² si⁴coi²ntao⁴³, cjoa²ˀai⁴con³-no³ jo³-ni³ tsa² jnco³ che¹, cˀoa⁴ li²coi³ jchao⁴³ jme³ hora-ni³ cjoa²ˀai⁴con³-no³.