Gálatas 3:1 - New Testament in Mazatec Huautla

¹ Ne³⁴ cho⁴ta⁴ gálatas xi³ sca¹ya³-no³. Ya⁴ nqui³xcon³ nca³ jon² Jesucristo je³-sa³ qui³sa³sen³tsen³jin³-no³ jo³ coan³ nca³ tsa³cˀe²jna³ cˀen³ ya⁴tˀa³ cro². ˀya¹-ni³ xi³ tsa³cˀe¹xcon¹-no³ nca³ cˀoa⁴-sˀin² coan³chˀao³-no³.

Gálatas 3:1 ပူးပေါင်းရင်းမြစ်များ

San Mateo 24:24

nca⁴ cˀoa⁴-sˀin² coi⁴so¹tjen⁴ cho⁴ta⁴nti³so³ xi³ Cristo coi⁴tso⁴-le⁴ yao³-le⁴, cˀoa⁴ cho⁴ta⁴nti³so³ xi³ coi⁴nchja⁴ya³, tse³ choa⁴ cao⁴ cjoa⁴xcon¹ xi³ tsjoa¹. Cˀoa⁴-sˀin² cˀoa⁴na⁴cha⁴-le⁴ nta³ tsa² je² xi³ Ni³na¹ tsa³cja³ˀa¹jin³, tsa² coan⁴-le⁴.

San Mateo 7:26

Cˀoa⁴ to⁴ˀya³-ni³ xi³ nčhˀoe¹ je² en¹-na⁴vi⁴, cˀoa⁴ xi³ li²coi³ cˀoa⁴sˀin¹, si³nco¹son²coa⁴ jnco³ cho⁴ta⁴ xi³ chi⁴con¹, xi³ tsa³cˀe¹nta³son² ntˀia³-le⁴ jin³ tso⁴mi¹.

San Lucas 24:25

Cˀia⁴ Jesús qui³tso²-le⁴: Jo¹ to⁴chi⁴con¹³, cˀoa⁴ xi¹jin³ ni⁴ma⁴-no³ nca³ tsi² nti⁴ton⁴ coan³cjain¹-no³ nca³yi³je³ xi³ qui³tso² je² cho⁴ta⁴ xi³ qui³nchja⁴ya³ tˀa³tsˀe⁴ Ni³na¹.

Hechos de los Apóstoles 16:6

Cˀia⁴ nca³ je³ja³ˀa³ ya⁴ˀnte³ Frigia, cˀoa⁴ ya⁴ na³nqui³ Galacia, je² Espíritu Santo li²coi³ qui³tsjoa³ˀnte²-le⁴ nca³ coi⁴nchja⁴ya³ je² en¹-vi⁴ ya⁴ Asia.

Hechos de los Apóstoles 6:7

Cjai¹nca³ qui³son² je² en¹-le⁴ Nai³-na¹. Nˀion¹ coan³ncjin²ya³ cho⁴ta⁴-le⁴ ya⁴ Jerusalén. Cˀoa⁴-ti⁴ cjai¹nca³ ncjin² ma³-ni³ na⁴ˀmi³ xi³ cˀoa⁴-sˀin² coan³cjain¹-le⁴.

Romanos 10:16

To⁴nca³ li²coi³ nca³tsˀi³ xi³ qui³si³tjo³son² en¹nta³-vi⁴, nca³ je² Isaías tso²: Señor, ˀya¹ xi³ coan³cjain¹-le⁴ en¹ xi³ qui³no²cjoa⁴yai³⁴-jin⁴.

Romanos 2:8

To⁴nca³ je² xi³ me³-le⁴ si¹qui³njen³ tˀa³tsˀe⁴ yao³-le⁴, xi³ tsi² si¹tjo³son²-le⁴ xi³ cjoa⁴qui²xi⁴, to⁴nca³ si¹tjo³son²-le⁴ xi³ cjoa⁴tsˀen⁴, Ni³na¹ nˀion¹ tsjoa¹-le⁴ cjoa⁴jti³ cao⁴ cjoa⁴jti³ xi³ nˀion¹,

Romanos 6:17

To⁴nca³ cjoa⁴nta³ cˀoai⁴-le⁴² Ni³na¹ nca⁴ jon² xi³ cho⁴ˀnta³-le⁴ je¹ coaon³, to⁴nca³ je³qui³ni²tjo³son²-lao⁴³ cao⁴ ni⁴ma⁴-no³ jo³ cji³ choa⁴-le⁴ cjoa⁴fa³ˀai³tsjen³ xi³ tsa³cˀin²ya³-no³, jña³-le⁴ xi³ qui³cha³ni²tˀa³-lao⁴³ yao³-no³.

1 Corintios 11:26

To⁴jo³ tjin¹ cˀa³ nca³ coi⁴cho³ nio⁴xti²la⁴-vi⁴, cˀoa⁴ nca³ sˀio⁴yao³ cho⁴tsin¹-vi⁴, coi⁴no²cjoa⁴ya³-nio³ cjoa⁴vi³ya³-le⁴ Nai³-na¹ sa³ˀnta³ nca³ cjoa⁴ˀai¹ nca³ je².

1 Corintios 2:2

Tsi² tsa² cja⁴ˀai¹ cjoa⁴ xi³ qui³si³cja³ˀai³tsjen³-sa³ jin³-no³ nca³ jon², to⁴je² Jesucristo, cˀoa⁴ je² nca³ qui³sˀe³tˀa³ cro².

2 Corintios 10:5

Ni²qui³xo²yai³⁴-jin⁴ cjoa⁴fa³ˀai³tsjen³ xi³ ncˀa³ tjio¹ cˀoa⁴ nca³yi³je³ cjoa⁴ xi³ ncˀa³ tjin¹, xi³ vi³so¹tjen⁴ co²ntran⁴-le⁴ cjoa⁴chji⁴ne⁴-le⁴ Ni³na¹. Ntoa³nˀioin¹⁴-jin⁴ nca³yi³je³ cjoa⁴fa³ˀai³tsjen³, jme¹-ni³ nca³ si⁴²tjo³son²-si¹ni³le⁴ Cristo.

2 Corintios 11:3

To⁴nca³ tsa³cjon³-nia³ jo³-sˀin² nca³ je² ye⁴ tsa³cˀa³na⁴cha⁴-le⁴ Eva cao⁴ je² cjoa⁴ma²ña⁴-le⁴, tsa² cˀoa⁴-sˀin² cjoi⁴tson¹jin³ je² cjoa⁴fa³ˀai³tsjen³-no³ nca³ coai⁴tˀa³xin²-le⁴ nca³ tsi² ti⁴tjio¹jnco³-ni³ta³con²³ tˀa³tsˀe⁴ Cristo.

Gálatas 1:2

An³ Pablo cao⁴ nca³tsˀi³ ntsˀe³² xi³ i⁴ tjio¹cao⁴-na³ ti³chji³lai²⁴-jin⁴ jon² xi³ na⁴xi⁴na³nta¹-le⁴ Cristo ˀmi²-no³ ya⁴ Galacia.

Gálatas 1:6

Cjai¹nca³ to⁴cji³ma³xcon¹-na³ nca³ cˀoa⁴-sˀin² nti⁴ton⁴ qui³ni²cˀo¹fa³tˀa³-lao⁴³ je² xi³ qui³nchja⁴-no³ tˀa³tsˀe⁴ je² cjoa⁴nta³-le⁴ Cristo, nca³ cja⁴ˀai¹ en¹ tsa³nquin¹tˀa³-lao⁴³.

Gálatas 2:14

To⁴nca³ cˀia⁴ nca³ tsa³ˀve³ nca³ tsi²-ni³ tsa² cao⁴ cjoa⁴qui²xi⁴ xi³ tjio¹ma³-ni³ xi³ tˀa³tsˀe⁴ je² en¹nta³ xi³ tˀa³tsˀe⁴ Cristo, cˀoi⁴qui³xin³-le⁴ Pedro nqui³xcon⁴ nca³tsˀi³: Tsa² ji³, nca³ cho⁴ta⁴ judío ˀmi²-li², cˀoa⁴-ti⁴sˀin² ˀmi³coai⁴ yao³-li⁴ jo³-ni³ cho⁴ta⁴ xi³ li² judío-jin², a³li²coi³ cˀoa⁴-sˀin² jo³-ni³ cho⁴ta⁴ judío, jo¹-sˀin²ni³ nca³ cjoa⁴nˀion¹ nˀian²-ni³lai⁴ cho⁴ta⁴ xi³ li² judío-jin², nca³ cˀoe¹yo³ jo³-ni³ cho⁴ta⁴ judío.

Gálatas 3:3

A³ cˀoa⁴-sˀin² sca¹ya³-no³. Tsa³cˀe²tsˀiao⁴³ xi³ to⁴tˀa³tsˀe⁴ je² Espíritu Santo, ntˀai⁴-vi⁴ a³ si⁴jnco³-nio¹³ xi³ to⁴tˀa³tsˀe⁴ yao³-no³.

Gálatas 4:9

To⁴nca³ ntˀai⁴-vi⁴, nca³ je³ˀyao³ Ni³na¹, to⁴sa³ je² Ni³na¹ xi³ ve³-no³, a¹-ni³ nca³ si⁴cˀo¹fa³ya³tˀa³ nqui²ntia³-ni³lao⁴³ je² cjoa⁴costumbre xi³ yo⁴ma⁴ xi³ tsin²-le⁴ nca³nˀion¹-jin², xi³ me³-no³ nqui²ntia³ coan⁴chjen¹-nca¹ni³lao⁴³.

Gálatas 5:11

Cˀoa⁴ an³, ntsˀe³, tsa² to⁴jo³ cˀoa⁴²-sˀin² ti²nchja²ya³-nia³ xi³ cjoa⁴circuncisión tsa²cai³, a¹-ni³ to⁴jo³ tjio¹ma³tjen⁴nqui³ co²ntran⁴-si¹ni³na³ nca³ je². A³ tsi² tsa² cˀoa⁴-sˀin² ji³tjo³xin²-le⁴ je² cjoa⁴jti³cha³ xi³ tˀa³tsˀe⁴ cro².

Efesios 3:8

Je² xi³ nqui²sa⁴-sa³ na³nqui³ tjio¹ xi³ cho⁴ta⁴-le⁴ Cristo, an³ xi³ nqui²sa⁴-sa³ nˀion¹ na³nqui³ ti²jna⁴-le⁴. An³ tsa³cˀai²-na³ cjoa⁴nta³-vi⁴ nca³ cˀoa⁴-sˀin² coi³nchja²ya³jin³-le⁴ cho⁴ta⁴ xi³ li² judío-jin² je² en¹nta³ tˀa³tsˀe⁴ je² cjoa⁴nta³ xi³ tjin¹-le⁴ Cristo xi³ li²coi³ coan⁴ jcha⁴yi³je³.

Efesios 4:14

A³li² ti⁴cˀoa⁴ sˀian⁴²-nia³ jo³-ni³ tsa² ˀnti¹xti³ xi³ si¹cˀo¹fa³ya³ cjoa⁴fa³ˀai³tsjen³-le⁴, xi³ jo³-ni³ tsa² ntjao⁴ xi³ tjen⁴ nca³ i⁴ nca³ jan¹, xi³ to⁴fi²tjen⁴nqui³-le⁴ xi³ to⁴cja⁴ˀai¹ cjoa⁴fa³ˀai³tsjen³, xi³ to⁴cjoa⁴ma²ña⁴-le⁴ cho⁴ta⁴son³ˀnte³, xi³ vˀa³na⁴cha⁴ cao⁴ je² xi³ tsi² tsa² coi³ nta³ tjin¹, xi³ fi²cao⁴ tˀa³xin² jña³-le⁴ xi³ cjoa⁴qui²xi⁴.

Efesios 5:15

Cho¹tsaon³, tso²cˀoa⁴, nca³ qui²xi⁴ ti⁴mao³, a³li² jo³-ni³ cho⁴ta⁴ xi³ tsin²-le⁴ cjoa⁴fa³ˀai³tsjen³-jin², to⁴nca³ jo³-ni³ cho⁴ta⁴ xi³ tjin¹-le⁴ cjoa⁴fa³ˀai³tsjen³.

2 Tesalonicenses 1:8

Coan⁴tsen³jin³ ni⁴jen⁴lˀi¹. Tsjoa¹-le⁴ cjoa⁴ñˀain³ je² xi³ tsi² tsa³ve³ Ni³na¹, cˀoa⁴ xi³ tsi² si¹tjo³son²-le⁴ je² en¹nta³ xi³ tˀa³tsˀe⁴ Nai³-na¹ Jesucristo.

1 Timoteo 6:4

je² cho⁴ta⁴ ma³ncˀa³con³-ni¹. Ni⁴jme³-jin² xi³ ma³-le⁴, to⁴cjoa⁴sca¹ tjin¹-le⁴ tˀa³tsˀe⁴ xi³ to⁴ˀen¹ xi³ to⁴cjoa⁴cho⁴va²ti³ya³-ni³. Ya⁴ nčhoa¹-ni³ cjoa⁴xin²ta³con², cjoa⁴vi³xcan¹, en¹ˀaon³, cao⁴ xi³ to⁴cjoa⁴tjao² va¹ne²-le⁴ cjoa⁴.

Hebreos 11:8

Coi³ nca³ coan³cjain¹-le⁴ Abraham, cˀia⁴ nca³ qui³no²cjoa⁴-le⁴, qui³si³tjo³son² nca³ ji³tjo³ sa³ˀnta³ ya⁴ ˀnte³ xi³ cˀoa⁴-sˀin² cˀoai⁴cjoa⁴tjao²-le⁴. Cˀoa⁴ ji³tjo³ nca³ tsi² tsa² tsa³ve³ jña³-ni³ve⁴.

Hebreos 5:9

Cˀia⁴ nca³ ña³qui³ cjoa⁴qui²xi⁴ je³ji³tjo³son²-le⁴, cˀia⁴ coan³ nai³-le⁴ cjoa⁴vi³tjo³ntjai² nca³ntsjai² xi³ tˀa³tsˀe⁴ nca³tsˀi³ xi³ si¹tjo³son²-le⁴.

1 Pedro 1:22

Qui³ni²tsjao³ ni⁴ma⁴-no³ nca³ qui³ni²tjo³son²-lao⁴³ xi³ cjoa⁴qui²xi⁴ xi³ to⁴tˀa³tsˀe⁴ je² Espíritu Santo, nca³ ña³qui³ cjoa⁴qui²xi⁴ ma³tsjoa³chao³ ntsˀao³. Nˀion¹ nta³ ca²ta³ma³tsjoa³chao³ xi²nquio⁴³ cao⁴ ni⁴ma⁴-no³ xi³ tsje³ tjin¹.

1 Pedro 4:17

Je³ji³cho² ni⁴čhjin³ nca³ cˀoe⁴²tsˀia⁴cao⁴ nca³ sˀe⁴nta³jin³-le⁴ cho⁴ta⁴-le⁴ Ni³na¹. Tsa² ti¹tjon² cˀoe⁴²tsˀia⁴cao⁴-na¹ nca³ ña¹, jo¹-sˀin² cjoe⁴tˀa³-le⁴ xi³ tsi² tsa² si¹tjo³son²-le⁴ je² en¹nta³-le⁴ Ni³na¹.

2 Pedro 2:18

Cˀia⁴ nca³ nchja⁴ en¹ncˀa³ xi³ tsi²jme³ chji¹-le⁴, cao⁴ cjoa⁴chi⁴nca⁴-le⁴ yao³-le⁴ si¹ntˀe¹tˀa³-le⁴ je¹ je² cho⁴ta⁴ xi³ cjoa⁴qui²xi⁴ ji³tjo³xin²-le⁴ xi³ tsi² nta³ tjio¹ma³.

Apocalipsis 18:3

Nca³tsˀi³ cho⁴ta⁴ cˀoa⁴-sˀin² qui³tsˀi³ je² vino xi³ tsˀe⁴ cjoa⁴cha³jnqui³-le⁴ xi³ sˀe⁴-le⁴ cjoa⁴jti³-le⁴ Ni³na¹. Je² cho⁴ta⁴ti¹tjon² xi³ tsˀe⁴ son³ˀnte³ qui³si³cha³jnqui³cao⁴ je², cˀoa⁴ je² xi³ sˀin¹ cjoa⁴ma⁴ cˀoa⁴-sˀin² coan³ nchi⁴na¹ xi³ to⁴tˀa³tsˀe⁴ nca³nˀion¹-le⁴ cjoa⁴tsjoa³-le⁴.

Apocalipsis 2:20

To⁴nca³ tjin¹-na³ cjoa⁴ co²ntran⁴-no³, nca³ vˀai²ˀnte³-lao⁴³ je² chjon⁴² xi³ Jezabel ˀmi², je² xi³ tso²-le⁴ yao³-le⁴ nca³ ma³-le⁴ va¹ya³con³. Vˀai²ˀnte³-lao⁴³ nca³ va³co¹ya³, cˀoa⁴ nca³ vˀa³na⁴cha⁴-le⁴ cho⁴ˀnta³-na⁴, jme¹-ni³ nca³ si⁴²cha³jnqui³tˀa³-si¹ni³, cˀoa⁴ nca³ squi⁴ne⁴-si¹ni³ je² tso³jmi² xi³ vˀai²tˀa³-le⁴ xco¹son².