Gálatas 2:9 - New Testament in Mazatec Huautla

⁹ Cˀia⁴ nca³ tsa³ve³ je² cjoa⁴nta³ xi³ an³ tsa³cˀai²-na³, Jacobo, cao⁴ Cefas, cao⁴ Juan, xi³ jo³-ni³ cho⁴ta⁴ti¹tjon² nca⁴ cˀoa⁴-sˀin² tjin¹-le⁴ nca³nˀion¹, qui³tsjoa³-na³jin⁴ ntsja³ nca³ tsa³qui³mai³coai⁴-jin⁴ xi²nqui⁴-jin⁴ Bernabé cao⁴ an³, jme¹-ni³ nca³ jin⁴ coa³nquin¹nčhˀoe²-si¹ni³jin⁴ cho⁴ta⁴ xi³ li² judío-jin², cˀoa⁴ je² coai⁴nčhˀoe² cho⁴ta⁴ xi³ tsˀe⁴ cjoa⁴circuncisión.

Gálatas 2:9 ပူးပေါင်းရင်းမြစ်များ

San Mateo 16:18

To⁴nca³ cˀoa⁴-ti⁴ xin³-le²³, nca³ ji³ ni¹³ Pedro. Cˀoa⁴ son² coi³ la⁴jao⁴-vi⁴ cˀoe³nta³soan²³ je² na⁴xi⁴na³nta¹-na⁴. Cˀoa⁴ je² nca³nˀion¹-le⁴ ˀnte³cjoa⁴ñˀain³, li²coi³ si⁴²qui³njen³-le⁴ na⁴xi⁴na³nta¹-na⁴.

San Lucas 22:8

Jesús qui³si³ca³sen¹ Pedro cao⁴ Juan, qui³tso²-le⁴: Ta⁴nquion¹³, tˀe²ntao³ tˀa³tsan⁴² pa²xco⁴, jme¹-ni³ nca³ coi⁴chi³-si¹nia¹.

San Juan 1:42

Cˀia⁴ ja³ˀai³cao⁴-le⁴ Jesús. Cˀia⁴ nca³ Jesús ti¹co³tsen³-le⁴ qui³tso²: Ji³ ni¹³ Simón, ˀnti¹-le⁴ Jonás. Ji³ Cefas cˀoin¹-li² (je² en¹-vi⁴ la⁴jao⁴ tso²-ni³).

Hechos de los Apóstoles 12:17

To⁴nca³ Pedro qui³sco²mi³tjen³ ntsja³ nca³ jyo¹ ca²ta³tio². Tsa³cˀe¹ na⁴jmi¹ jo³-sˀin² tsˀa³sje³-ni³ nto⁴ya¹ Nai³-na¹. Cˀoa⁴qui³tso²: Cˀoa⁴-sˀin² tˀe²-lao⁴³ na⁴jmi¹ Jacobo cao⁴ nca³tsˀi³ ntsˀe³². Cˀia⁴ ji³tjo³ qui³ jña³ nca³ xin².

Hechos de los Apóstoles 15:13

Cˀia⁴ nca³ je³tsa³ca³tio²jyo¹ Bernabé cao⁴ Pablo, cˀia⁴ Jacobo cˀoa⁴qui³tso²: Nca³tsˀio³ ˀnti¹ntsˀe³, ti⁴no¹ˀya²-nao¹³.

Hechos de los Apóstoles 15:7

A³li² to⁴cˀoa⁴cji³ tse³ tsa³cjao¹ya³-ni³. Cˀia⁴ tsa³ca³sen²nto³ Pedro cˀoi⁴qui³tso²: Nca³tsˀio³ ˀnti¹ntsˀe³, jon² ˀya³-nio¹³ nca³ je³coa²tse³ Ni³na¹ tsa³cja³ˀa¹jin³-na³ nca³ je² cho⁴ta⁴ xi³ li² judío-jin² cjoi⁴nčhˀoe¹-ni³ ntso⁴ˀva³ je² en¹nta³ xi³ tˀa³tsˀe⁴ Cristo, cˀoa⁴ coan⁴cjain¹-le⁴ˀni³.

Hechos de los Apóstoles 4:36

Cˀia⁴ tjin¹ jnco³ cho⁴ta⁴ levita xi³ José ˀmi². Je² pa²stro⁴ Bernabé qui³tso²-le⁴ (xi³ tso²-ni³ ˀnti¹-le⁴ cjoa⁴ni²je³con³). Ya⁴ ˀnte³-le⁴ Chipre tsˀe⁴ je² cho⁴ta⁴-ve⁴.

Romanos 1:5

Xi³ to⁴tˀa³tsˀe⁴ Cristo qui³scoe²³ cjoa⁴nta³ cao⁴ xa¹-le⁴ pa²stro⁴, jme¹-ni³ nca³ nca³tsˀi³ cho⁴ta⁴ xi³ li² judío-jin² coi⁴tjo³son²-si¹ni³le⁴ nca³ coan⁴cjain¹-le⁴ tˀa³tsˀe⁴ jan³ˀain¹-le⁴ Cristo.

Romanos 12:3

Cˀoa⁴xin³-no³ nca³ jnco¹jnco¹ xi³ ti³yo³-vi⁴, xi³ to⁴tˀa³tsˀe⁴ cjoa⁴nta³ xi³ tsa³cˀai²-na³, nca³ tsi² ˀya³ xi³ nqui²sa⁴ nˀion¹ ncˀa³ si⁴²cja³ˀai³tsjen³-le⁴ yao³-le⁴ cao⁴-ni³ tsa² xi³ jo³-sˀin² nca³ va³quin²-le⁴, to⁴nca³ cˀoa⁴-sˀin² ca²ta³si¹cja³ˀai³tsjen³jin³ nca³ ni⁴ncˀa³-jin² cˀoa⁴ ni⁴na³nqui³-jin² si⁴²cja³ˀai³tsjen³ xi³ tˀa³tsˀe⁴ yao³-le⁴, to⁴nca³ jo³-sˀin² choa⁴ xi³ Ni³na¹ qui³tsjoa³-le⁴ nca³ jnco¹jnco¹ nca³ coan³cjain¹-le⁴.

Romanos 15:15

To⁴nca³ coan³nˀion¹coan³ nca³ jnco³jao² cˀa² qui³squi³-no³, ntsˀe³, jo³-sˀin² nca³ qui³si³cja³ˀai³tsjen³-no³, nca⁴ cˀoa⁴-sˀin² Ni³na¹ qui³tsjoa³-na³ je² cjoa⁴nta³.

1 Corintios 15:10

To⁴nca³ cao⁴ cjoa⁴nta³-le⁴ Ni³na¹ cˀoa⁴²cjoan³ jo³ cjoan³. Cˀoa⁴ je² cjoa⁴nta³-le⁴ li² to⁴cjoa⁴tjao²-jin² qui³tsjoa³-na³ nca³ an³, to⁴nca³ nqui²sa⁴ nˀion¹ qui³si³xa¹³ cao⁴-ni³ tsa² nca³tsˀi³ nca³ je², to⁴nca³ li² an³-jian²³, to⁴nca³ je² cjoa⁴nta³-le⁴ Ni³na¹ xi³ ti¹jna³cao⁴-na³.

2 Corintios 11:5

Cjoa⁴qui²xi⁴ si³cja³ˀai³tsjen³-nia¹³ nca³ ni⁴jme³-jin² xi³ na³nqui³ ti²jna⁴-le⁴ je² pa²stro⁴ xo⁴cjoan³-ve⁴ xi³ nˀion¹ ncˀa³ vˀa³sje³ yao³-le⁴.

2 Corintios 12:11

Je³cˀoa⁴-sˀin² sca¹ya³-na³ nca³ vˀa³sje³je³ya³ yao³-na⁴. Jon² nio¹³ xi³ cjoa⁴nˀion¹ qui³nˀian²-nao¹³. An³ nia¹³ xi³ tjin¹-ni³ nca³ nta³ chˀa⁴sje³-nao¹³, nca⁴ ni⁴jme³-jin² xi³ nqui²sa⁴ na³nqui³ tsa³ca²te⁴jna³-le⁴ cao⁴-ni³ tsa² je² pa²stro⁴ xi³ nˀion¹ ncˀa³ vˀa³sje³ yao³-le⁴, nta³ tsa² ni⁴jme³-jian²³.

2 Corintios 8:4

Tse³ tsa³cˀe¹tsˀoa³-na³jin⁴ nca³ qui³si³je¹-na³jin⁴ nca³ sˀian⁴-lai⁴jin⁴ cjoa⁴nta³ nca³ to⁴jnco³ ca²tˀa³cao⁴tˀa³-le⁴ je² xa¹ xi³ tˀa³tsˀe⁴ cho⁴ta⁴-le⁴ Cristo.

Gálatas 1:16

Ni³na¹ qui³si³cˀa³tsen³jin³-na³ je² ˀnti¹-le⁴, jme¹-ni³ nca³ coi³nchja²ya³jin³-si¹ni³le⁴ cho⁴ta⁴ xi³ li² judío-jin² xi³ tˀa³tseˀe⁴ je² ˀnti¹-le⁴. An³ a³li²ˀya³ xi³ qui³si³je¹ nti⁴ton⁴-le⁴ cjoa⁴qui²xi⁴-le⁴.

Gálatas 1:18

Cˀia⁴ nca³ je³coan³ jan²-ni³ no¹, qui³mia³ ya⁴ Jerusalén. Qui³con³-le⁴ Pedro. Chja³ˀaon² ni⁴čhjin³ tsa³ca²te⁴jna³coa⁴.

Gálatas 2:1

Cˀia⁴ nca³ je³coan³-ni³ te³ño³ no¹, qui³mi³ nqui²ntia³-nca¹nia³ cao⁴ Bernabé ya⁴ Jerusalén. Cˀoa⁴-ti⁴ qui³-coa⁴ Tito-je⁴.

Gálatas 2:2

To⁴coi³ nca³ Ni³na¹ qui³si³cˀa³tsen³jin³-na³ nca³ qui³-si¹nia³. Qui³ ca³co³-le⁴ je² en¹nta³ xi³ tˀa³tsˀe⁴ Cristo xi³ nchja²ya³jin³-le⁴ cho⁴ta⁴ xi³ li² judío-jin². Tˀa³xin² tsa³ca³co³-le⁴ je² xi³ tsen³ cjoan³ nca³ ncˀa³ xa¹-le⁴, jme¹-ni³ nca³ tsi² tsa² to¹ca³-si¹nia³ xi³ to⁴cjoa⁴tjao², cˀoa⁴ jme¹-ni³ nca³ tsi² tsa² qui³to²ca³-si¹nia³ xi³ to⁴cjoa⁴tjao².

Gálatas 6:3

Je² xi³ si¹cja³ˀai³tsjen³ nca³ to⁴je² xi³ chji¹-le⁴, cˀoa⁴ nca³ tsi² tsa² jme³-ni³ chji¹-le⁴, to⁴yao³-le⁴ vˀa³na⁴cha⁴-le⁴.

Efesios 2:20

Cˀoa⁴-sˀin² jon² qui³sˀe³yo³son²ncˀao³ je² čhjao¹ja⁴ma⁴ xi³ je² pa²stro⁴ cao⁴ xi³ qui³nchja⁴ya³ tˀa³tsˀe⁴ Ni³na¹. Je² lao⁴ xi³ ti¹tjon² ti¹jna³ ya⁴ xi⁴nqui⁴-le⁴, ti⁴je²-ni³ Jesucristo.

Efesios 3:8

Je² xi³ nqui²sa⁴-sa³ na³nqui³ tjio¹ xi³ cho⁴ta⁴-le⁴ Cristo, an³ xi³ nqui²sa⁴-sa³ nˀion¹ na³nqui³ ti²jna⁴-le⁴. An³ tsa³cˀai²-na³ cjoa⁴nta³-vi⁴ nca³ cˀoa⁴-sˀin² coi³nchja²ya³jin³-le⁴ cho⁴ta⁴ xi³ li² judío-jin² je² en¹nta³ tˀa³tsˀe⁴ je² cjoa⁴nta³ xi³ tjin¹-le⁴ Cristo xi³ li²coi³ coan⁴ jcha⁴yi³je³.

Colosenses 1:29

Xi³ coi³ ti²si³xa¹³-nia³ ti²si³xi¹ti¹ya³-ni³le⁴ yao³-na⁴, jo³-sˀin² nca³nˀion¹-le⁴ Cristo nˀion¹ si¹xa¹jin³-na³.

1 Timoteo 3:15

Tsa² coan⁴tse³ya²-na³, ti²cji³-le²³ jme¹-ni³ nca³ jcha⁴-si¹ni³ jo³-sˀin² nca³ ma³chjen¹-li² nca³ ˀmi³coai⁴ yao³-li⁴ ya⁴ ni³ˀya³-le⁴ Ni³na¹ xi³ coi³ na⁴xi⁴na³nta¹-le⁴ Ni³na¹ xi³ ti¹jna³con³. Nca⁴ nco³ya³-le⁴ xjao¹nˀion¹ ni¹, cˀoa⁴ xjao¹ja⁴ma⁴ xi³ tsjoa¹nca³nˀion¹-le⁴ xi³ cjoa⁴qui²xi⁴.

1 Juan 1:3

Je² xi³ tsa³ˀyai³⁴-jin⁴ xi³ qui³no²ˀyai²⁴-jin⁴, je²-vi⁴ xi³ cˀoa⁴-ti⁴sˀin² no²cjoa⁴ya³jin³-lai²⁴jin⁴, jme¹-ni³ nca³ cˀoa⁴-ti⁴ jon² coi⁴yo³cjao³-si¹nio³ cao⁴ jin⁴-jin⁴. Xi³ ña³qui³ cjoa⁴qui²xi⁴ jin⁴-jin⁴ ti³yo³cjoai³⁴-jin⁴ Nˀai³-na¹ cao⁴ ˀnti¹-le⁴ Jesucristo.

Apocalipsis 3:12

Je² xi³ si⁴²qui³njen³, an³ coi³ncha³nta³ ya⁴ ntˀia³-le⁴ Ni³na¹-na⁴, cˀoa⁴ ni⁴nqui²jnco³-jin² ni⁴čhjin³ coi⁴tjo³ nti³tsin³. Cˀoa⁴ an³ squi³joan²³ je² jan³ˀain¹-le⁴ Ni³na¹-na⁴, cˀoa⁴ jan³ˀain¹-le⁴ je² na⁴xi⁴na³nta¹ xi³ tsˀe⁴ Ni³na¹-na⁴, je² Jerusalén cho⁴tse⁴, jña³-le⁴ xi³ fa³ˀai³jen³-ni³ ncˀa³jmi³ tsˀe⁴ Ni³na¹-na⁴, cˀoa⁴ jan³ˀain¹ cho⁴tse⁴-na⁴.