Gálatas 1:5 - New Testament in Mazatec Huautla

⁵ Je² Ni³na¹ ca²ta³vi³tjo³je³ya³ nca³ntsjai² nca³ntsjai². Cˀoa⁴ ca²ta³ma³.

Gálatas 1:5 ပူးပေါင်းရင်းမြစ်များ

San Mateo 28:20

Ta⁴co²ya³-lao⁴³ nca³ ca²ta³si¹tjo³son² nca³yi³je³ cjoa⁴ xi³ an³ tsa³cˀe³ne²³-no³. Coe⁴-ni³ an³ ti²jna⁴cao⁴-no³ nca³ jon² nca³ntsjai² ni⁴čhjin³, sa³ˀnta³ nca³ cjoe⁴tˀa³ son³ˀnte³-vi⁴. Cˀoa⁴ ca²ta³ma³.

San Mateo 6:13

Cˀoa⁴ a³li² cha⁴ni²tˀa³-jin²na³jin⁴ xi³ chˀao³ si¹cao⁴-na³jin⁴, to⁴nca³ chˀa⁴sje³ntjai²-na³jin⁴ xi³ cjoa⁴tsˀen⁴. Nca⁴ tsi⁴ ni¹ cjoa⁴te¹xo³ma³, cao⁴ nca³nˀion¹, cao⁴ cjoa⁴je³ya³ nca³ntsjai² ni⁴čhjin³. Cˀoa⁴ ca²ta³ma³.

San Lucas 2:14

Ca²ta³sˀe³-le⁴ cjoa⁴je³ya³ Ni³na¹ ya⁴ ncˀa³jmi³, cˀoa⁴ i⁴ son³ˀnte³ jña¹ ca²ta³ma³chon³-le⁴ jin³-le⁴ cho⁴ta⁴ xi³ qui³sˀe³-le⁴ cjoa⁴nta³-le⁴ Ni³na¹.

Romanos 11:36

Nca³yi³je³ cjoa⁴ ji³nčhoa³-ni³ nca³ je². Nca³yi³je³ cjoa⁴ tˀa³tsˀe⁴ qui³sˀe³nta. Cˀoa⁴ nca³yi³je³ cjoa⁴ tjio¹ tˀa³tsˀe⁴. Ca²ta³sˀe³-le⁴ cjoa⁴je³ya³ nca³ je² to⁴jo³ tjin¹-ni³ ni⁴čhjin³. Cˀoa⁴ ca²ta³ma³.

Romanos 16:27

Je² xi³ to⁴jnco³ Ni³na¹ xi³ tjin¹-le⁴ cjoa⁴ˀi³sen³ta³con² ca²ta³vi³tjo³je³ya³ xi³ to⁴tˀa³tsˀe⁴ Cristo nca³ntsjai² ni⁴čhjin³. Cˀoa⁴ ca²ta³ma³.

1 Corintios 8:13

To⁴coi³ je²-vi⁴ tsa² je² tso³jmi² xi³ chi³ne³ si⁴²ca³jin³-ni³ je¹ ntsˀe³, ni⁴cˀia³-jin² ti⁴squi²ne⁴-nia³ yao³, jme¹-ni³ nca³ tsi² tsa² an³ si³ca³jin³-si¹nia³ je¹ ntsˀe³.

Efesios 1:12

Ni³na¹ tsa³cja³ˀa¹jin³-na³jin⁴ nca³ jin⁴-jin⁴ xi³ ti¹tjon² qui³cho³ya²cao⁴cjoai⁴-jin⁴ tˀa³tsˀe⁴ Cristo, jme¹-ni³ nca³ coan⁴ chˀa⁴sje³nta³-si¹ni³jin⁴ je² cjoa⁴je³ya³-le⁴.

Filipenses 4:20

Je² Ni³na¹ Nˀai³-na¹ ca²ta³vi³tjo³je³ya³ nca³ntsjai² nca³ntsjai². Cˀoa⁴ ca²ta³ma³.

1 Timoteo 1:17

Je² Cho⁴ta⁴ti¹tjon² xi³ va³te¹xo³ma³ntsjai², xi³ ni⁴cˀia³-jin² coi⁴ya², xi³ tsi² tsa² ma³tsen³-na¹, je² Ni³na¹ xi³ to⁴je² to⁴jnco³ Ni³na¹, ca²ta³sˀe³-le⁴ cjoa⁴ncˀa³ cao⁴ cjoa⁴je³ya³ nca³ntsjai² nca³ntsjai². Cˀoa⁴ ca²ta³ma³.

2 Timoteo 4:18

Je² Nai³-na¹ cˀoa⁴sje³ntjai²-na³ nca³yi³je³ cjoa⁴tsˀen⁴, cˀoa⁴ cˀoe⁴²tjao²-na³ xi³ tˀa³tsˀe⁴ cjoa⁴te¹xo³ma³-le⁴ ncˀa². Ca²ta³sˀe³-le⁴ cjoa⁴je³ya³ nca³ntsjai² nca³ntsjai². Cˀoa⁴ ca²ta³ma³.

Hebreos 13:21

Ni³na¹ ca²ta³si¹jnco³cao⁴-no³ nca³yi³je³ xi³ nta³, jme¹-ni³ nca³ cˀoa⁴sˀian⁴-si¹nio³ jo³-sˀin² nca³ me³-le⁴ nca³ je², nca³ si¹xa¹jin³-no³ je² cjoa⁴ xi³ nqui²sa⁴ nta³ sa³sen¹-le⁴ nqui³xcon⁴ nca³ je², xi³ to⁴tˀa³tsˀe⁴ Jesucristo. Je²-vi⁴ xi³ ca²ta³sˀe³-le⁴ cjoa⁴je³ya³ xi³ nca³ntsjai² nca³ntsjai². Cˀoa⁴ ca²ta³ma³.

1 Pedro 5:11

Je² ca²ta³sˀe³-le⁴ cjoa⁴je³ya³ cao⁴ cjoa⁴te¹xo³ma³ nca³ntsjai². Cˀoa⁴ ca²ta³ma³.

2 Pedro 3:18

Ca²ta³ma³jcha¹jin³-no³ cjoa⁴nta³-le⁴ cˀoa⁴ cjoa⁴fa³ˀai³tsjen³-le⁴ Nai³-na¹ Jesucristo xi³ tsa³cˀa³sje³ntjai²-na¹. Je² ca²ta³vi³tjo³je³ya³ ntˀai⁴-vi⁴, cˀoa⁴ sa³ˀnta³ nca³ ni⁴čhjin³ xi³ tsi² cjoe⁴tˀa³. Cˀoa⁴ ca²ta³ma³.

Judas 1:25

Je² Ni³na¹ xi³ ña³qui³ nca³ to⁴je² xi³ chji⁴ne⁴, xi³ vˀa³sje³ntjai²-na¹, ca²ta³vi³tjo³ncˀa³, ca²ta³ma³je³ya³, ca²ta³va³te¹xo³ma³, ca²ta³sˀe³-le⁴ nca³nˀion¹ ntˀai⁴-vi⁴ cao⁴ nca³ntsjai². Cˀoa⁴ ca²ta³ma³.

Apocalipsis 14:7

Nˀion¹ qui³nchja⁴: Jcha⁴xcon¹³ Ni³na¹, chˀa⁴sje³je³yao³, nca³ je² hora-le⁴ nčhoa¹čhian³ nca³ tsjoa¹ cjoa⁴ñˀain³. Jcha⁴xcon¹³ je² xi³ qui³si³nta³ ncˀa³jmi³, cao⁴ son³ˀnte³, cao⁴ nta¹chi³con³, cao⁴ nca⁴jao⁴ jña³ vi³tjo³ na³nta¹.

Apocalipsis 5:12

cˀoa⁴ nˀion¹ qui³nchja⁴: Je² Va³rre² xi³ qui³ni²cˀen³ va³quin²-le⁴ nca³ je² scoe¹ cjoa⁴te¹xo³ma³ cao⁴ cjoa⁴nchi⁴na¹ cao⁴ cjoa⁴ˀi³sen³ta³con² cao⁴ nca³nˀion¹ cao⁴ cjoa⁴ncˀa³, cao⁴ cjoa⁴je³ya³, cao⁴ cjoa⁴ni²chi³con³tˀain³.

Apocalipsis 7:12

Qui³tso²: Cˀoa⁴ ca²ta³ma³. Ni³na¹-na¹ ca²ta³sˀe³-le⁴ cjoa⁴ni²chi³con³tˀain³, cao⁴ cjoa⁴je³ya³, cao⁴ cjoa⁴ˀi³sen³ta³con², cao⁴ jña³-le⁴ cjoa⁴nta³ xi³ vˀai²-le⁴, cao⁴ cjoa⁴ncˀa³, cao⁴ cjoa⁴te¹xo³ma³, cao⁴ nca³nˀion¹ nca³ntsjai² ni⁴čhjin³. Cˀoa⁴ ca²ta³ma³.