Efesios 5:26 - New Testament in Mazatec Huautla

²⁶ jme¹-ni³ nca³ cˀoa⁴-sˀin² Cristo tsa³cˀe¹jna³tjao²-si¹ni³ cˀoa⁴ qui³si³tsje³-si¹ni³ na⁴xi⁴na³nta¹-le⁴, jo³-ni³ tsa² cao⁴ na³nta¹ xi³ to⁴tˀa³tsˀe⁴ en¹-le⁴,

Efesios 5:26 ပူးပေါင်းရင်းမြစ်များ

San Juan 15:3

Jon² je³cˀoa⁴-sˀin² coan³tsjao³, xi³ to⁴tˀa³tsˀe⁴ je² en¹ xi³ qui³nchja²³-no³.

Hebreos 10:22

To⁴coi³ coi⁴ncha³čhian³-nia¹ nca³ tji¹qui²xi⁴ ni⁴ma⁴-na¹, nca³ nˀion¹ tji¹jnco³-ta³coan³², nca³ ña³qui³ nta³ ma³cjain¹-na¹, nca³ je² ni⁴ma⁴-na¹ je³coan³tsje³ tˀa³tsˀe⁴ cjoa⁴fa³ˀai³tsjen³ xi³ tsˀen⁴ nca³ tsa³cˀe¹jten⁴jon³ jo³-ni³ na³nta¹, cˀoa⁴ nca³ qui³sa³ne²jon³ yao³-na¹ cao⁴ na³nta¹ xi³ tsje³.

San Juan 3:5

Jesús qui³nchja⁴: Ña³qui³ cjoa⁴qui²xi⁴ ña³qui³ cjoa⁴qui²xi⁴ xi³ xin³-le²³, je² xi³ tsi² qui³tsin³ tˀa³tsˀe⁴ na³nta¹ cˀoa⁴ tˀa³tsˀe⁴ Espíritu Santo, li²coi³ coan⁴ cjoa⁴ˀa³sˀen³ cjoa⁴te¹xo³ma³-le⁴ Ni³na¹.

1 Corintios 6:11

Cˀoa⁴coan³ cjoaon³ cˀao³. To⁴nca³ je³tsa³ca³ne²yao³ yao³-no³, je³coan³tsje³yao³, je³je³tˀa³ je¹-no³, cao⁴ je² jan³ˀain¹-le⁴ je² Nai³-na¹ Jesucristo, cˀoa⁴ xi³ to⁴tˀa³tsˀe⁴ je² Espíritu Santo xi³ tsˀe⁴ Ni³na¹-na¹.

Efesios 6:17

Tˀe²yao³ jco³ je² xo³mpe³qui⁴cha⁴ xi³ nco³ya³-le⁴ cjoa⁴vi³tjo³ntjai²-na¹, cao⁴ je² qui⁴cha⁴nto³ xi³ tsˀe⁴ je² Espíritu Santo, xi³ nco³ya³-le⁴ je² en¹-le⁴ Ni³na¹.

1 Juan 5:6

Je² Jesucristo ja³ˀai³-ni³ cao⁴ na³nta¹ cao⁴ njin¹. A³li² tsa² to⁴cao⁴ na³nta¹-jin² ja³ˀai³-ni³, to⁴nca³ cao⁴ na³nta¹ cao⁴ njin¹. Cˀoa⁴ je² Espíritu Santo xi³ si¹qui²xi⁴ya³ en¹, nca⁴ je² Espíritu Santo je² xi³ cjoa⁴qui²xi⁴.

Tito 2:14

Jesucristo qui³tsjoa³ yao³-le⁴ xi³ to⁴tˀa³tsan⁴², jme¹-ni³ nca³ cˀoa⁴-sˀin² tsa³cˀe¹chji¹ntjai²-si¹ni³ nca³yi³je³ je¹-na¹, jme¹-ni³ nca³ qui³si³tsje³ya³-si¹ni³ xi³ tˀa³tsˀe⁴ yao³-le⁴ jnco³ na⁴xi⁴na³nta¹ xi³ ña³qui³ tsˀe⁴. Je² na⁴xi⁴na³nta¹-ve⁴ si¹xi¹ti¹ya³-le⁴ yao³-le⁴ tˀa³tsˀe⁴ xa¹ xi³ nta³ tjin¹.

Hebreos 10:10

Cˀoa⁴-sˀin² coan³me³-le⁴ Ni³na¹ nca³ tsje³ coan³-nia¹ xi³ to⁴tˀa³tsˀe⁴ je² yao³-le⁴ Jesucristo xi³ qui³tsˀai²tˀa³, nca³ to⁴jnco³ cˀa² ntia³ cˀoa⁴-sˀin² coan³.

1 Pedro 3:21

Je² na³nta¹-ve⁴ nco³ya³-le⁴ je² xi³ ntˀai⁴-vi⁴ vˀa³sje³ntjai²-na¹, xi³ coi³ cjoa⁴sa³te¹nta¹. Je² cjoa⁴sa³te¹nta¹ li²coi³ fa³ˀa¹xin²-na¹ cjoa⁴tsˀen⁴-le⁴ yao³-na¹. To⁴coi³ xi³ tso² nca³ nta³ cjoa⁴fa³ˀai³tsjen³ tjin¹-na¹ nqui³xcon⁴ Ni³na¹ to⁴tˀa³tsˀe⁴ nca³ ja³ˀa²ya³-ni³le⁴ Cristo.

Hebreos 9:14

je² njin¹-le⁴ Cristo a³li² to⁴cˀoa⁴cji³ nqui²sa⁴ nta³ si¹tsje³-ni³ cjoa⁴fa³ˀai³tsjen³-no³ xa¹ xi³ chˀao³ tjin¹, jme¹-ni³ nca³ si⁴xa¹-si¹ni³lao⁴³ je² Ni³na¹ xi³ ti¹jna³con³. Cristo ti⁴je² qui³tsjoa³tˀa³-ni³le⁴ Ni³na¹ yao³-le⁴ nca³ ña³qui³ tsje³, xi³ to⁴tˀa³tsˀe⁴ espíritu xi³ ti⁴tsˀe⁴-ni³ xi³ nca³ntsjai².

Hechos de los Apóstoles 22:16

Ntˀai⁴-vi⁴ tso²cˀoa⁴ a¹-ni³ nca³ vi³sen²jna³jyo¹-si¹ni³. Ti⁴so¹tjain⁴, ca²ta³sa³te¹ntai¹³, ti⁴tsjai³ je¹-li⁴ nca³ no²cjoai⁴ jan³ˀain¹-le⁴.

1 Pedro 1:2

Qui³tjoe¹jion³ jo³-sˀin² nca³ to⁴nqui³-ni³ tsa³ve³-le⁴con³ Ni³na¹ Nˀai³-na¹. Je² Espíritu Santo qui³si³tsje³-no³, jme¹-ni³ nca³ si⁴tjo³son²-si¹ni³lao⁴³ Jesucristo, cˀoa⁴ jme¹-ni³ nca³ sˀe⁴tsao³jon³-si¹ni³no³ cao⁴ njin¹-le⁴ Jesucristo. Ca²ta³sˀe³sa³no³ cjoa⁴nta³, ca²ta³njen³nchˀan¹jin³-sa³ ni⁴ma⁴-no³.

Judas 1:1

An³ nia¹³ Judas, cho⁴ˀnta³-le⁴ Jesucristo, ntsˀe⁴ Jacobo, ti²cji³-no³ xi³ qui³no²cjoa⁴-no³, xi³ Ni³na¹ Nˀai³-na¹ qui³si³tsje³-no³, xi³ qui³ni²cˀe¹yo³tjao²-no³ tˀa³tsˀe⁴ Jesucristo.

Hechos de los Apóstoles 26:18

jme¹-ni³ nca³ cˀoa⁴-sˀin² cho¹ˀai²nqui³-si¹ni³ xcon⁴. Ca²ta³vi³tjo³-ni³ cjoa⁴njion²-le⁴, ca²ta³ma³ˀi³sen³-le⁴, ca²ta³vi³ncha³xin²-le⁴ je² nca³nˀion¹-le⁴ Satanás, ca²ta³nčhoa¹tˀa³-le⁴ Ni³na¹, jme¹-ni³ nca³ cˀoa⁴-sˀin² cha⁴tˀa³-si¹ni³le⁴ je¹-le⁴, cˀoa⁴ sˀe⁴cjoa⁴tjao²-si¹ni³le⁴ ja⁴jin³-le⁴ je² xi³ je³coan³tsje³ nca³ ma³cjain¹-le⁴ xi³ tˀa³tsˀe⁴.

San Juan 17:7

Ntˀai⁴-vi⁴ je³tsa³ve³ nca³ nca³yi³je³ cjoa⁴ xi³ tsa³cˀai²-nai¹³ tsi⁴ ni¹³.

Santiago 1:18

Je² xi³ cˀoa⁴-sˀin² coan³me³-le⁴, nca³ tsa³cˀe¹ntje²-na¹ xi³ to⁴tˀa³tsˀe⁴ en¹ xi³ cjoa⁴qui²xi⁴, jme¹-ni³ nca³ ña¹ sˀe⁴jna³ti¹tjon²-nia³² nca³yi³je³ xi³ je² tsa³cˀe¹nta³.

San Juan 15:8

Coi³-vi⁴ xi³ cˀoa⁴-sˀin² vˀa³sje³je³ya³ Nˀai³-na⁴, nca³ cˀoa⁴-sˀin² to⁴ncjin² to³ coa⁴-no³. Cˀoa⁴-sˀin² jcha⁴qui²xi⁴-no³ nca³ cho⁴ta⁴-na⁴ mao³.

San Juan 13:10

Jesús cˀoi⁴qui³tso²-le⁴: Je² xi³ tsa³ca³nco¹ya³, to⁴je² ntso⁴co⁴ xi³ ma³chjen¹-le⁴ nca³ va³ne¹jon³, nca³ je³tsje³ nca³yi³je³. Jon² je³tsje³ cjoaon³, nta³ tsa² tsi² nca³tsˀio³.

Romanos 10:8

To⁴nca³ jo¹ tso². Je² en¹-ve⁴ čhian³ ti¹jna³-li², ti¹jna³ˀa³ ntso⁴ˀvai³, cˀoa⁴ ya⁴ ti¹jna³jin³ ni⁴ma⁴-li⁴. Je²-vi⁴ je² en¹ xi³ tˀa³tsˀe⁴ nca³ ma³cjain¹-na¹, jña³-le⁴ xi³ no²cjoa⁴ya³jin³-ni³jin⁴.

2 Corintios 11:2

Nca⁴ cˀoa⁴-sˀin² ma³chi⁴ni⁴que⁴-no³ tˀa³tsˀe⁴ Ni³na¹. Nca⁴ an³ xi³ cˀoa⁴-sˀin² qui³sˀian³ nca³ qui³ni²sˀe³nqui³-no³ jnco³ xˀin⁴, nca³ coa³sen³jna² va³sen³-no³ jo³-ni³ tsa² jnco³ chjon⁴²xo³nco¹ xi³ tsje³ tˀa³tsˀe⁴ Cristo.

Colosenses 3:16

Je² en¹ xi³ tˀa³tsˀe⁴ Cristo ca²ta³sˀe³jin³ ni⁴ma⁴-no³, ca²ta³ma³ncjin²ya³ ja⁴jin³ ni⁴ma⁴-no³. Ta³co²ya³-lao⁴³ tˀe²ne²-lao⁴³ xi²nquio⁴³ cao⁴ nca³yi³je³ cjoa⁴ˀi³sen³ta³con². Ti⁴jnta¹-lao⁴³ Ni³na¹ je² en¹-le⁴, ti⁴jntao¹³ je² xi³ vˀa³sje³je³ya³ Ni³na¹, ti⁴jntao¹³ ja⁴jin³ ni⁴ma⁴-no³. Nca³ sin³ nca³ nta³ ti⁴jnta¹-lao⁴³ Nai³-na¹ ja⁴jin³ ni⁴ma⁴-no³, nca³ cˀoai⁴-lao⁴³ cjoa⁴nta³.

Hebreos 4:12

Je² en¹-le⁴ Ni³na¹ ti¹jna³con³, cˀoa⁴ nˀion¹ si¹xa¹, cˀoa⁴ nqui²sa⁴ to⁴yao³ cao⁴-ni³ tsa² jnco³ qui⁴cha⁴ntsˀan⁴ xi³ yao³ nca³ jao² ncoa³, cˀoa⁴ va³te³jin³ sa³ˀnta³ nca³ si¹xcoa⁴ya³ ja⁴jin³ ni⁴ma⁴-na¹, cˀoa⁴-ti⁴ sa³ˀnta³ espíritu-na¹, cˀoa⁴ sa³ˀnta³ xco¹-na¹, cˀoa⁴ ya⁴jin³ xi¹ne¹ni³nta³-na¹. Va¹sjai³ya³ cjoa⁴fa³ˀai³tsjen³, cˀoa⁴ jo³-sˀin² me³-le⁴ si¹xa¹ ni⁴ma⁴-na¹.

Hebreos 10:14

Cao⁴ xi³ to⁴jnco³ cjoa⁴tjao² xi³ ntia³ qui³tsjoa³tˀa³, cˀoa⁴-sˀin² ntia³ qui³si³jnco³ nca³ntsjai² je² xi³ ma³tsje³.

Hebreos 10:29

Jo¹-sˀin² ni²cja³ˀai³tsjaon³ nca³ jon², a³ tsi² tsa² nqui²-sa⁴ tse³ cjoa⁴ñˀain³ va³quin²-le⁴ je² xi³ va³sen²ne² je² ˀnti¹-le⁴ Ni³na¹, cˀoa⁴ xi³ si¹cja³ˀai³tsjen³ nca³ jnti¹ cjoan³ je² njin¹ xi³ tsˀe⁴ cjoa⁴ xi³ qui³sˀe³nˀion¹, coi³ njin¹ xi³ qui³si³tsje³ nca³ je², cˀoa⁴ xi³ chˀao³ tso²-le⁴ je² Espíritu Santo xi³ tjin¹-le⁴ cjoa⁴nta³.

Hebreos 13:12

To⁴coi³ cˀoa⁴-ti⁴ Jesús tsa³cja³ˀa¹ cjoa⁴ñˀain³ nti³tsin³ xo⁴ntjoa⁴-le⁴ na⁴xi⁴na³nta¹, jme¹-ni³ nca³ qui³si³tsje³-si¹ni³ je² cho⁴ta⁴na⁴xi⁴na³nta¹ cao⁴ xi³ ti⁴tsˀe⁴-ni³ njin¹.

2 Pedro 1:9

To⁴nca³ je² xi³ tsin²-le⁴ je² cjoa⁴-vi⁴, xca⁴ ni¹, a³li²coi³ nta³ ma³tsen³-le⁴. Qui³si³cha³jin³ nca³ je³coan³tsje³ ja⁴tˀa³tsˀe⁴ cjoa⁴tsˀen⁴ xi³ co²tse³ qui³sˀe³-le⁴.