Efesios 5:2 - New Testament in Mazatec Huautla

² Cao⁴ cjoa⁴tjao²cha³ ti⁴ma³cao⁴³ xi²nquio⁴³, jo³-sˀin² Cristo coan³tsjoa³que³-na¹, qui³tsjoa³ntjai²-na¹ yao³-le⁴, jo³-ni³ jnco³ cjoa⁴tjao², cˀoa⁴ jo³-ni³ xi³ qui³tsˀai²ntjai²-na¹ xi³ na³sca¹ njen⁴ nqui³xcon⁴ Ni³na¹.

Efesios 5:2 ပူးပေါင်းရင်းမြစ်များ

San Mateo 20:28

Ti⁴cˀoa⁴-sˀin²ni³ je² ˀnti¹-le⁴ cho⁴ta⁴ li²coi³ ja³ˀai³ nca³ si⁴xa¹-le⁴, to⁴nca³ je² xi³ si⁴²xa¹, cˀoa⁴ tsjoa¹ ni⁴ma⁴-le⁴ nca³ cˀoe⁴²chji¹ntjai² ncjin² cho⁴ta⁴.

San Juan 13:34

Jnco³ cjoa⁴te¹xo³ma³ cho⁴tse⁴ xi³ tsjoa³-no³: Ca²ta³ma³tsjoa³chao³ xi²nquio⁴³. Jo³-sˀin² nca³ an³ coan³tsjoa³que⁴-no³, cˀoa⁴-sˀin² ca²ta³ma³tsjoa³chao³ xi²nquio⁴³.

San Juan 6:51

An³ nia¹³ nio⁴xti²la⁴ xi³ ti¹jna³con³, xi³ ji²tjo⁴jen³-nia³ ncˀa³jmi³. Tsa² jnco³ xi³ je² nio⁴xti²la⁴ coa⁴cjen⁴, cˀoe¹jna³con³-ni¹ nca³ntsjai². Je² yao³-na⁴ je² nio⁴xti²la⁴ xi³ an³ tsjoa³. Coi³ xi³ an³ tsjoa³, jme¹-ni³ nca³ coa⁴tio⁴con³-si¹ni³ cho⁴ta⁴son³ˀnte³.

Romanos 15:16

Nca³ an³ coan³ cho⁴ˀnta³-le⁴ Jesucristo tˀa³tsˀe⁴ cho⁴ta⁴ xi³ li² judío-jin², nca³ si³xa¹coa⁴ en¹nta³-le⁴ Ni³na¹, jme¹-ni³ nca³ je² cjoa⁴tjao² xi³ tsjoa³tˀa³, xi³ coi³ cho⁴ta⁴ xi³ li² judío-jin², sa⁴sen¹con³-ni³le⁴ Ni³na¹, nca³ coan³tsje³ cao⁴ je² Espíritu Santo.

Romanos 4:25

Je² xi³ qui³ni²cˀen³ tˀa³tsˀe⁴ cjoa⁴tsˀen⁴-na¹, cˀoa⁴ xi³ ja³ˀa²ya³-le⁴ jme¹-ni³ nca³ cjoe⁴tˀa³-si¹ni³ je¹-na¹.

Romanos 8:3

Je² xi³ tsi² tsa² coi³ coan³ je² cjoa⁴te¹xo³ma³, nca⁴ tsin²-le⁴ nca³nˀion¹-jin² xi³ to⁴tˀa³tsˀe⁴ yao³-na¹, Ni³na¹ cˀoa⁴qui³sˀin³ je²-vi⁴ cˀia⁴ nca³ qui³si³ca³sen¹ ˀnti¹-le⁴ xi³ cˀoa⁴cji³ yao³-le⁴ jo³ cjoan³ yao³-na¹ xi³ tjin¹-le⁴ je¹, cˀoa⁴ qui³si³ca³sen¹ Cristo xi³ to⁴cjoa⁴-le⁴ je¹-ve⁴. Cˀoa⁴-sˀin² tsa³cˀe¹ne²-le⁴ cjoa⁴ñˀain³ je² je¹ xi³ ti¹jna³jin³ yao³-na¹,

Romanos 8:37

To⁴nca³ nca³yi³je³ je² cjoa⁴ je²-vi⁴ nqui²sa⁴ nˀion¹ cˀoa⁴sˀian⁴-sa³² cao⁴-ni³ tsa² je² xi³ si¹qui³njen³, xi³ to⁴tˀa³tsˀe⁴ je² xi³ coan³tsjoa³que³-na¹.

1 Corintios 16:14

Cˀoa⁴ nca³yi³je³ cjoa⁴ xi³ tsaon⁴³ cˀoa⁴ca²ta³ma³ cao⁴ cjoa⁴tjao²cha³.

1 Corintios 5:7

Ti⁴tsje³yao³ tso²cˀoa⁴ je² na⁴ˀyo⁴san³ xi³ jchi¹nca³, jme¹-ni³ nca³ na⁴ˀyo⁴cho⁴tse⁴ coan⁴-si¹nio³, nca³ jon² li²coi³ na⁴ˀyo⁴san³ coaon³. Je² pa²xco⁴-na¹, xi³ je² Cristo, cˀoa⁴-sˀin² qui³tsˀai²tˀa³-le⁴ cro² xi³ tˀa³tsan⁴².

2 Corintios 2:14

To⁴nca³ Ni³na¹ ca²ta³vˀai²-le⁴ cjoa⁴nta³, nca³ je² xi³ tsjoa¹-na¹ nca³ntsjai² nca³ ni²qui³njen³² nca³ ma³nquin¹coa⁴² Cristo Jesús. Xi³ to⁴tˀa³tsan⁴² Ni³na¹ si¹cˀa³vi¹son² nca³qui³jnta² je² cjoa⁴qui²xi⁴ xi³ tˀa³tsˀe⁴ Cristo, xi³ jo³-ni³ xo³nco¹sja³ nca³ ma³nca³va³son².

2 Corintios 2:15

Xi³ tˀa³tsˀe⁴ Ni³na¹ jta⁴nta³njen⁴-le⁴ Cristo nia¹, ya⁴jin³-le⁴ je² xi³ vi³tjo³ntjai², cˀoa⁴ ya⁴jin³-le⁴ xi³ cha³.

2 Corintios 8:9

Je³ˀyao³ je² cjoa⁴nta³-le⁴ xi³ tsˀe⁴ Nai³-na¹ Jesucristo, nca³ xi³ tˀa³tsaon⁴³ coan³ yo⁴ma⁴, nta³ tsa² nchi⁴na¹, jme¹-ni³ nca³ jon² cˀoa⁴-sˀin² nchi⁴na¹ coan⁴-nio³ xi³ to⁴tˀa³tsˀe⁴ nca³ yo⁴ma⁴ coan³ nca³ je².

Gálatas 1:4

Je² Jesucristo xi³ ti⁴je² qui³tsjoa-ni³ yao³-le⁴ tˀa³tsˀe⁴ je¹-na¹, jme¹-ni³ nca³ cˀoa⁴sje³ntjai²-si¹ni³na¹ coi³ ni⁴čhjin³ je²-vi⁴ xi³ chˀao³ tjin¹, jo³-sˀin² nca³ me³-le⁴ Ni³na¹ Nˀai³-na¹.

Gálatas 2:20

Cˀia⁴ nca³ Cristo tsa³cˀe²jna³ cˀen³ ya⁴tˀa³ cro², cˀoa⁴-ti⁴ an³ to⁴jo³ cˀoa⁴-sˀin² tsa³ca²te⁴jna³ cˀen³, to⁴nca³ ti²jna⁴coan³, li²coi³ ti⁴ˀan³-nia³, to⁴nca³ Cristo ti¹jna³con³ ja⁴jin³ ni⁴ma⁴-na⁴. Je² cjoa⁴vi³jna³chon³ xi³ ntˀai⁴-vi⁴ ti²jna⁴con³-nia³ yao³-na⁴, ti²jna⁴coan³ nca⁴ ma³cjain¹-na³ tˀa³tsˀe⁴ je² ˀnti¹-le⁴ Ni³na¹, xi³ coan³tsjoa³que³-na³, xi³ qui³tsjoa³ntjai² yao³-le⁴ xi³ tˀa³tsˀan⁴.

Efesios 1:4

Ni³na¹ cˀoa⁴-sˀin² tsa³cja³ˀa¹jin³-na¹ nca⁴ ti³yo³coa⁴² Cristo sa³ˀnta³ nca³ cje³ sˀe³nta³-jin² son³ˀnte³, jme¹-ni³ nca³ tsje³ coan⁴-si¹nia³² nca³ ni⁴jme³-jin² je¹ sˀe⁴-si¹ni³na¹ nqui³xcon⁴ nca³ je².

Efesios 3:17

Nta³ ca²ta³vˀe²jna³jin³ ni⁴ma⁴-no³ Cristo nca³ ma³cjain¹-no³. Vˀe³tsˀoa²³ nca³ nˀion¹ coi⁴yo³cao⁴³ nca³ nˀion¹tˀa³ coaon⁴³ cjoa⁴tjao²cha³,

Efesios 3:19

Cˀoa⁴-sˀin² jcha⁴-nio¹³ je² cjoa⁴tjao²cha³-le⁴ Cristo, xi³ ña³qui³ fa³ˀa³ti¹tjon²-le⁴ nca³yi³je³ cjoa⁴fa³ˀai³tsjen³, jme¹-ni³ nca³ jtse¹jin³-si¹ni³no³ nca³yi³je³ xi³ tsˀe⁴ Ni³na¹.

Efesios 4:15

To⁴sa³ cjoin³tjen⁴nqui³-le⁴² xi³ cjoa⁴qui²xi⁴ cao⁴ cjoa⁴tjao²cha³. Cˀoa⁴-sˀin² ca²ta³ma³jcha¹jin³-na¹ nca³yi³je³ cjoa⁴ xi³ tˀa³tsˀe⁴ nca³ je² xi³ jcoa³² ma³, xi³ je² Cristo.

Efesios 4:2

cao⁴ cjoa⁴yo⁴ma⁴ cjia³ta³con²³, cao⁴ cjoa⁴ntˀe¹, cao⁴ cjoa⁴tse³ta³con², Ti⁴cjain¹-lao⁴³ xi³nquio⁴³ nca³ tjao²chao³.

Efesios 5:15

Cho¹tsaon³, tso²cˀoa⁴, nca³ qui²xi⁴ ti⁴mao³, a³li² jo³-ni³ cho⁴ta⁴ xi³ tsin²-le⁴ cjoa⁴fa³ˀai³tsjen³-jin², to⁴nca³ jo³-ni³ cho⁴ta⁴ xi³ tjin¹-le⁴ cjoa⁴fa³ˀai³tsjen³.

Efesios 5:25

Jon² xi³ xˀion⁴³, tsjoa³cha³ ca²ta³mao³ ya¹nchjin¹-no³, jo³-sˀin² nca³ Cristo coan³tsjoa³que³ na⁴xi⁴na³nta¹-le⁴, cˀoa⁴ qui³tsjoa³ntjai² yao³-le⁴ xi³ tˀa³tsˀe⁴,

Filipenses 4:18

Je³qui³sca³tˀa³-na³ nca³yi³je³, je³ja³ˀa³ntjai²-le⁴ xi³ tjin¹-na³. Je³to⁴coan³-ni³na³ ntˀai⁴. Je³qui³sca³tˀa³-na³ tso³jmi² xi³ qui³ni²ca³sen¹cao⁴³ Epafrodito. Jo³-ni³ tsa² jta⁴ xi³ na⁴sca¹ njen⁴, sa³sen¹-le⁴ Ni³na¹ coi³ cjoa⁴tjao²-no³ xi³ tsa³cˀai²tˀao³, cˀoa⁴ je² scoe¹.

Colosenses 3:14

Je² nca³ ti¹tjon²-le⁴ nca³yi³je³ cjoa⁴-vi⁴, ca²ta³ma³tsjoa³chao³ xi²nquio⁴³, nca³ je² cjoa⁴tjao²cha³ xi³ nta³ vˀe¹cjao²-na¹, cˀoa⁴ si¹jnco³-na¹.

1 Tesalonicenses 4:9

Li²coi³ ma³chjen¹ nca³ squi³-no³ xi³ tˀa³tsˀe⁴ cjoa⁴tjao²cha³ jo³-sˀin² nca³ ma³tsjoa³chao³ xi²nquio⁴³. Ti⁴jon²-nio³ je³cˀoa⁴-sˀin² qui³cho²tˀa³yao³ tsˀe⁴ Ni³na¹ jo³-sˀin² nca³ ma³tsjoa³chao³ xi²nquio⁴³.

1 Timoteo 2:6

Je² xi³ qui³tsjoa³ yao³-le⁴ jo³-ni³ chji¹-le⁴ xi³ tsa³cˀe¹chji¹ntjai² nca³tsˀi³. Qui³tsˀai² en¹ xi³ tˀa³tsˀe⁴ je²-vi⁴ nca³ ji³cho² ni⁴čhjin³ nca³ tsˀa³cao⁴-le⁴.

1 Timoteo 4:12

Ni⁴to⁴ˀya³-jin² xi³ taon³ ca²ta³ve³-li², nta³ tsa² xti³-sai³, to⁴nca³ cˀoa⁴-sˀin² tja³ntia⁴²-lai⁴ je² cho⁴ta⁴ xi³ ma³cjain¹-le⁴ cao⁴ je² en¹-li⁴, cao⁴ jo³-sˀin² ˀmi³coai⁴ yao³-li⁴, cao⁴ jo³-sˀin² tsjoa³chai³, cao⁴ espíritu-li⁴, cao⁴ jo³-sˀin² nca³ ma³cjain¹-li², cao⁴ jo³-sˀin² nca³ tsjai³.

Tito 2:14

Jesucristo qui³tsjoa³ yao³-le⁴ xi³ to⁴tˀa³tsan⁴², jme¹-ni³ nca³ cˀoa⁴-sˀin² tsa³cˀe¹chji¹ntjai²-si¹ni³ nca³yi³je³ je¹-na¹, jme¹-ni³ nca³ qui³si³tsje³ya³-si¹ni³ xi³ tˀa³tsˀe⁴ yao³-le⁴ jnco³ na⁴xi⁴na³nta¹ xi³ ña³qui³ tsˀe⁴. Je² na⁴xi⁴na³nta¹-ve⁴ si¹xi¹ti¹ya³-le⁴ yao³-le⁴ tˀa³tsˀe⁴ xa¹ xi³ nta³ tjin¹.

Hebreos 8:3

Nca³tsˀi³ na⁴ˀmi³ti¹tjon² cˀoa⁴-sˀin² sa³sen¹, jme¹-ni³ nca³ tsjoa¹tˀa³-si¹ni³le⁴ Ni³na¹ cjoa⁴tjao² cao⁴ njin¹ xi³ sˀe³jten⁴. Coi³ ma³chjen¹-ni³ nca³ cˀoa⁴-ti⁴ je²-vi⁴ ca²ta³sˀe³-le⁴ xi³ tsjoa¹tˀa³-le⁴ Ni³na¹.

Hebreos 9:14

je² njin¹-le⁴ Cristo a³li² to⁴cˀoa⁴cji³ nqui²sa⁴ nta³ si¹tsje³-ni³ cjoa⁴fa³ˀai³tsjen³-no³ xa¹ xi³ chˀao³ tjin¹, jme¹-ni³ nca³ si⁴xa¹-si¹ni³lao⁴³ je² Ni³na¹ xi³ ti¹jna³con³. Cristo ti⁴je² qui³tsjoa³tˀa³-ni³le⁴ Ni³na¹ yao³-le⁴ nca³ ña³qui³ tsje³, xi³ to⁴tˀa³tsˀe⁴ espíritu xi³ ti⁴tsˀe⁴-ni³ xi³ nca³ntsjai².

Hebreos 9:23

Coan³chjen¹, tso²cˀoa⁴, nca³ coan³tsje³ je² cjoa⁴ xi³ cˀoa⁴-ti⁴ cji³-ni³ jo³ cji³ xi³ tjio¹ ncˀa³jmi³. Coan³tsje³ cao⁴ je² cjoa⁴ xi³ cˀoa⁴sˀin¹, to⁴nca³ ti⁴je²-ni³ cjoa⁴ xi³ tsˀe⁴ ncˀa³jmi³ cˀoa⁴-sˀin² coan³tsje³ cao⁴ njin¹ xi³ qui³tsjoa³tˀa³, xi³ nqui²sa⁴ nta³ cao⁴-ni³ tsa² je²-ve⁴.

Hebreos 9:26

Tsa² cˀoa⁴-la²ni³ tjin¹, coan³chjen¹ nca³ ncjin² cˀa³ tsa³cja³ˀa¹ cjoa⁴ñˀain³ Cristo sa³ˀnta³ nca³ qui³sˀe³nta³ son³ˀnte³, to⁴nca³ ntˀai⁴ nca³ je³je³tˀa³ je² ni⁴čhjin³-vi⁴, to⁴jnco³ cˀa²-ni¹ ntia³ tsa³ca³co¹ yao³-le⁴, jme¹-ni³ nca³ tsa³cja³ˀa¹xin²-si¹ni³ je² je¹ nca³ qui³tsjoa³tˀa³ yao³-le⁴.

1 Pedro 4:8

Xi³ ti¹tjon²-le⁴ nca³yi³je³ cjoa⁴, nˀion¹ ca²ta³ma³tsjoa³chao³ xi²nquio⁴³, nca⁴ ncjin² cjoa⁴tsˀen⁴ vˀe¹ˀma³tˀain³ cjoa⁴tjao²cha³-ve⁴.

1 Juan 3:16

Cˀoa⁴-sˀin² coan³cho⁴ya³-na¹ je² xi³ cjoa⁴tjao²cha³ ˀmi², nca³ Cristo qui³tsjoa³ yao³-le⁴ cao⁴ njin¹-le⁴ xi³ tˀa³tsan⁴². Cˀoa⁴-ti⁴ ña¹-je⁴ ma³chjen¹-na¹ nca³ cˀoai⁴tˀa³² yao³-na¹ cao⁴ njin¹-na¹ xi³ tˀa³tsˀe⁴ ntsˀe³².

1 Juan 3:23

Je²-vi⁴ xi³ cjoa⁴te¹xo³ma³-le⁴: Ca²ta³ma³cjain¹-na¹ tˀa³tsˀe⁴ jan³ˀain¹-le⁴ ˀnti¹-le⁴ Ni³na¹, Jesucristo, cˀoa⁴ tjao²cha³ ca²ta³ma³² xi²nquia⁴², jo³-sˀin² tsa³ca³te¹xo³ma³-na¹ nca³ je².

Apocalipsis 1:5

cˀoa⁴ Jesucristo je² testigonta³, je² xi³ ti¹tjon² ja³ˀa²ya³jin³-ni³le⁴ cˀen³, je² xi³ nca³jco⁴-le⁴ cho⁴ta⁴ti¹tjon² xi³ i⁴ tjio¹ son³ˀnte³-vi⁴. Je² xi³ coan³tsjoa³que³-na¹. Je² xi³ tsa³ca³ne¹ya³-ni³ cao⁴ njin¹-le⁴ je² je¹-na¹.

Apocalipsis 5:9

Cˀoa⁴ qui³se³ jnco³ jnta³ cho⁴tse⁴, tso²: Va³quin²-li² nca³ chjoai¹³ je² xon⁴, cˀoa⁴ nca³ chˀa⁴sje³tˀai³ sello-le⁴. Nca⁴ ji³ qui³ni²cˀen³-li², nca³ cao⁴ njin¹-li⁴ ji³ tsa³cˀe²chji¹ntjai²n-a³jin⁴ xi³ tˀa³tsˀe⁴ Ni³na¹, nca³ ja²ˀai⁴-ni³jin⁴ nca³yi³je³ ntje⁴, nca³yi³je³ en¹, nca³yi³je³ na⁴xi⁴na³nta¹, nca³yi³je³ ˀnte³.