Efesios 5:16 - New Testament in Mazatec Huautla

¹⁶ A³li² ni⁴čhjin³-jin² ni²cha³-lao⁴³ yao³-no³, nca³ je² ni⁴čhjin³ cjai¹nca³ to⁴chˀao³ chon³.

Efesios 5:16 ပူးပေါင်းရင်းမြစ်များ

San Mateo 25:17

Cˀoa⁴-ti⁴sˀin²ni³ je² xi³ qui³tsˀai²-le⁴ jao² jmi³. Cˀoa⁴-ti⁴ qui³si³qui³njen³son² nqui²jao²-sa³.

San Juan 12:35

Cˀia⁴ Jesús cˀoi⁴qui³tso²-le⁴: To⁴jo³ ti¹jna³jin³-la²sa³no³ nca³ jon² lˀi¹-vi⁴. Ti⁴mao³ ti⁴ˀa³-ni³ nca³ i³sen³-sa³no³, jme¹-ni³ nca³ tsi² coan⁴njion²-ni³no³. Je² xi³ vˀe¹ma³njion², li²coi³ ve³ jña³ fi².

Romanos 13:11

Cˀoa⁴-ti⁴ ˀya³² jme³ ni⁴čhjin³-ni³ ntˀai⁴-vi⁴, nca³ je² coi³ hora nca³ coi⁴so¹tjen⁴-le⁴² ni³jña¹-na¹. Nca⁴ ntˀai⁴-vi⁴ntai⁴ nqui²sa⁴ ti¹jna³čhian³-na¹ nca³ coi²tjo⁴ntje² cao⁴-ni³ tsa² cˀia⁴ nca³ ti¹tjon² coan³cjain¹-na¹.

1 Corintios 7:26

To⁴tˀa³tsˀe⁴ je² cjoa⁴ñˀain³ xi³ tjin¹ ntˀai⁴-vi⁴, si³cja³ˀai³tsjen³-nia¹³ nca³ nta³-ni³ tsa² cho⁴ta⁴ cˀoa⁴-sˀin² ca²ta³tio² jo³-sˀin² tjio¹.

Gálatas 1:4

Je² Jesucristo xi³ ti⁴je² qui³tsjoa-ni³ yao³-le⁴ tˀa³tsˀe⁴ je¹-na¹, jme¹-ni³ nca³ cˀoa⁴sje³ntjai²-si¹ni³na¹ coi³ ni⁴čhjin³ je²-vi⁴ xi³ chˀao³ tjin¹, jo³-sˀin² nca³ me³-le⁴ Ni³na¹ Nˀai³-na¹.

Gálatas 6:10

Tjen⁴ nca³ sˀe⁴-sa³na¹ ˀnte³, nta³ si⁴xa¹ tˀa³tsˀe⁴ nca³tsˀi³. To⁴sa³ nˀion¹ si⁴xa¹ tˀa³tsˀe⁴ je² xi³ cˀoa⁴-ti⁴ ma³cjain¹-le⁴.

Efesios 6:13

Coi³ nca³ cˀoa⁴-sˀin² chjoe¹-nio³ nca³yi³je³ qui⁴cha⁴ xi³ tsˀe⁴ Ni³na¹, jme¹-ni³ nca³ coi⁴yo³ta²ja³-si¹ni³lao⁴³ je² ni⁴čhjin³ xi³ ñˀain³ tjin¹. Cˀoa⁴-sˀin² to⁴jo³ coi⁴yo³ta²jao³, nca³ je³cˀoa⁴-sˀin² qui³ni²jnco³ nca³yi³je³.

Efesios 6:15

Tja³yao³ ntso⁴co³ je² jte¹ xi³ nco³ya³-le⁴ nca³ ti³yo³ntao³ xi³ tˀa³tsˀe⁴ je² en¹nta³ xi³ tsjoa¹ xi³ nchˀan¹ tjin¹.

Colosenses 4:5

Nta³ tain¹cao⁴³ yao³-no³ cao⁴ cjoa⁴ˀi³sen³ta³con² nqui³xcon⁴ je² xi³ tso²ˀva³tˀa³xin². A³li² ni⁴čhjin³-jin² ni²chao³.