Efesios 5:12 - New Testament in Mazatec Huautla

¹² Cjai¹nca³ to⁴chˀao³ tjin¹, nta³ tsa² to⁴coi⁴no²cjoao⁴³ xi³ tˀa³tsˀe⁴ je² xi³ to⁴cjoa⁴ˀma³ sˀin¹.

Efesios 5:12 ပူးပေါင်းရင်းမြစ်များ

Romanos 2:16

Cˀoa⁴coan⁴ coi³ ni⁴čhjin³ cˀia⁴ nca³ Ni³na¹ cˀoe⁴²nta³jin³ cjoa⁴ˀma³-le⁴ cho⁴ta⁴ xi³ to⁴tˀa³tsˀe⁴ Jesucristo. Cˀoa⁴tso² en¹nta³ xi³ tˀa³tsˀe⁴ Cristo xi³ nchja²ya³.

Efesios 5:11

A³li² cˀoa⁴-jin²sˀin² nˀiaon²³ je² xa¹ xi³ tsi² coan⁴ntje⁴-no³, xi³ to⁴tsˀe⁴ cjoa⁴njion², to⁴sa³ ta⁴co²son²tsaon⁴³.

Efesios 5:13

Nca³yi³je³ je² cjoa⁴ xi³ va³tio²son²tsen³, cˀoa⁴-sˀin² sa³tio²son²tsen³ cao⁴ lˀi¹. Je² nca³yi³je³ xi³ cˀoa⁴-sˀin² va³tio²son²tsen³, i³sen³ jo³-ni³ tsa² lˀi¹.

Efesios 5:3

A³li² ni²cˀa³xqui⁴jin³-jion²³ xi²nquio⁴³ ni⁴ˀi⁴tse¹-jin² cjoa⁴cha³jnqui³, ni⁴ nca³yi³je³ xi³ nˀion¹ chˀao³ tjin¹, ni⁴ cjoa⁴xin²ta³con²-jin². Je² cjoa⁴-vi⁴ li²coi³ ntia⁴² squen¹-le⁴ cho⁴ta⁴-le⁴ Cristo.

1 Pedro 4:3

Je³coan³-ni³na¹ ni⁴čhjin³ xi³ je³ja³ˀa³to³ nca³ cˀoa⁴qui³nˀian² jo³-sˀin² coan³me³-le⁴ cho⁴ta⁴ xi³ li² judío-jin², cˀia⁴ nca³ tsa³nquin¹coa⁴² yao³-na¹ nca³yi³je³ xi³ chˀao³ tjin¹, cao⁴ cjoa⁴xin²ta³con², cao⁴ cjoa⁴chˀi⁴, cao⁴ cjoa⁴vi³chi³sjoe², cao⁴ cjoa⁴vi³chi³sˀoia¹, nca³ tsa³ˀya³xcon¹ xco¹son² xi³ li²coi³ tjo³ˀnte³-na¹.

Apocalipsis 20:12

Tsa³ˀve³ je² xi³ cˀen³, xi³ jchi¹nca³ cao⁴ xi³ xti³, xi³ tjio¹ nqui³xcon⁴ Ni³na¹. Je² xon⁴ qui³tjo³ˀai². Cˀoa⁴ je² xi³ nqui²jnco³ xon⁴ qui³tjo³ˀai², xi³ tsˀe⁴ cjoa⁴vi³jna³chon³. Cˀoa⁴-sˀin² je² xi³ cˀen³ qui³tsˀai²-le⁴ cjoa⁴ñˀain³ tˀa³tsˀe⁴ je² cjoa⁴ xi³ tjio¹tˀa³ ya⁴ xon⁴, jo³-sˀin² xa¹-le⁴.