Efesios 4:19 - New Testament in Mazatec Huautla

¹⁹ Coan³scan³-ni³ nca³ je³qui³si³cha³jin³ cjoa⁴fa³ˀai³tsjen³nta³-le⁴, to⁴cˀoa⁴-sˀin² qui³sca³ni¹taon³ yao³-le⁴ nca³ to⁴cho⁴ta⁴cjoa⁴soa³ coan³. To⁴tˀa³tsˀe⁴ cjoa⁴xin²ta³con²-le⁴ cˀoa⁴qui³sˀin³ jo³ tjin¹ jco⁴ya³ cjoa⁴jnti¹.

Efesios 4:19 ပူးပေါင်းရင်းမြစ်များ

San Marcos 7:22

nca³yi³je³ cjoa⁴che¹, cjoa⁴xi²ta³con², cjoa⁴tsˀen⁴, cjoa⁴chˀa¹na⁴cha⁴, cao⁴ xi³ tsin²-le⁴ cjoa⁴soa³-jin², cao⁴ xi³ to⁴xcon⁴ vˀi²ma³cao⁴, cjoa⁴ˀaon³ta³con², cjoa⁴chi⁴con¹.

Efesios 4:17

Je²-vi⁴ xi³ cˀoa⁴xian³, cˀoa⁴ vˀe³ne²³ tˀa³tsˀe⁴ Nai³-na¹, nca³ tsi² tsa² ti⁴coi⁴ma³-nio³ jo³-ni³ xi³cˀa³ cho⁴ta⁴ xi³ li² judío-jin², xi³ tjio¹ma³cao⁴ cjoa⁴fa³ˀai³tsjen³-le⁴ xi³ tsi²jme³ chji¹-le⁴.

Colosenses 3:5

Ti⁴ncha³chˀao³-lao⁴³ yao³-no³, jo³-ni³ tsa² ti³ni²cˀaon⁴³ yao³-no³, tˀa³tsˀe⁴ je² cjoa⁴ xi³ tjin¹ son³ˀnte³: cjoa⁴cha³jnqui³, cjoa⁴jnti³, cjoa⁴chi⁴nca⁴, cjoa⁴ xi³ me³-le⁴ xi³ chˀao³ tjio¹, cjoa⁴xin²ta³con², xi³ jo³-ni³ tsa² xi³ ve³xcon¹ xco¹son².

1 Timoteo 4:2

Jao² coai⁴-ni³ nca³ coi⁴nchja⁴ en¹nti³so³, nca³ xi¹jin³ cjoa⁴fa³ˀai³tsjen³-le⁴, jo³-ni³ xi³ qui³ti²jma²jon³.

1 Pedro 4:3

Je³coan³-ni³na¹ ni⁴čhjin³ xi³ je³ja³ˀa³to³ nca³ cˀoa⁴qui³nˀian² jo³-sˀin² coan³me³-le⁴ cho⁴ta⁴ xi³ li² judío-jin², cˀia⁴ nca³ tsa³nquin¹coa⁴² yao³-na¹ nca³yi³je³ xi³ chˀao³ tjin¹, cao⁴ cjoa⁴xin²ta³con², cao⁴ cjoa⁴chˀi⁴, cao⁴ cjoa⁴vi³chi³sjoe², cao⁴ cjoa⁴vi³chi³sˀoia¹, nca³ tsa³ˀya³xcon¹ xco¹son² xi³ li²coi³ tjo³ˀnte³-na¹.

2 Pedro 2:22

Ña³qui³ cˀoa⁴-sˀin² cji³ma³-le⁴ jo³ tso² en¹ xo⁴ tso²: Je² nia¹ qui³squi³ne³ nqui²ntia³ nta¹vi³so³-le⁴, cˀoa⁴ je² chi⁴nca⁴ xi³ je³tsa³ca³nco¹ya³ nqui²ntia³ tsa³ca³nco¹ya³ ya⁴jin³ nta¹si³.

Judas 1:11

Ma⁴-xo¹ni³ nca³ ya⁴ qui³tjen⁴nqui³ ntia⁴²-le⁴ Caín. Cˀoa⁴ti⁴sˀin²ni³ qui³sca³ni¹ yao³-le⁴ ya⁴ cjoa⁴chˀa¹na⁴cha⁴-le⁴ Balaam, xi³ to⁴tˀa³tsˀe⁴ xi³ coi⁴njen⁴-le⁴. Qui³si³cha³jin³ yao³-le⁴ jo³-sˀin² qui³cha³ Coré xi³ tsa³cˀe²jna³toan¹-le⁴ Ni³na¹.

Apocalipsis 18:3

Nca³tsˀi³ cho⁴ta⁴ cˀoa⁴-sˀin² qui³tsˀi³ je² vino xi³ tsˀe⁴ cjoa⁴cha³jnqui³-le⁴ xi³ sˀe⁴-le⁴ cjoa⁴jti³-le⁴ Ni³na¹. Je² cho⁴ta⁴ti¹tjon² xi³ tsˀe⁴ son³ˀnte³ qui³si³cha³jnqui³cao⁴ je², cˀoa⁴ je² xi³ sˀin¹ cjoa⁴ma⁴ cˀoa⁴-sˀin² coan³ nchi⁴na¹ xi³ to⁴tˀa³tsˀe⁴ nca³nˀion¹-le⁴ cjoa⁴tsjoa³-le⁴.