Efesios 4:17 - New Testament in Mazatec Huautla

¹⁷ Je²-vi⁴ xi³ cˀoa⁴xian³, cˀoa⁴ vˀe³ne²³ tˀa³tsˀe⁴ Nai³-na¹, nca³ tsi² tsa² ti⁴coi⁴ma³-nio³ jo³-ni³ xi³cˀa³ cho⁴ta⁴ xi³ li² judío-jin², xi³ tjio¹ma³cao⁴ cjoa⁴fa³ˀai³tsjen³-le⁴ xi³ tsi²jme³ chji¹-le⁴.

Efesios 4:17 ပူးပေါင်းရင်းမြစ်များ

San Lucas 16:28

Nca⁴ aon² ntsˀe³ tjin¹-na³, jme¹-ni³ nca³ nta³ tsjoa¹-si¹ni³le⁴ cjoa⁴qui²xi⁴, jme¹-ni³ nca³ tsi² tsa² je² cˀoa⁴-ti⁴ cjoa⁴ˀai¹-si¹ni³ ja⁴ˀnte³ je²-vi⁴ jña³ tjin¹ cjoa⁴ñˀain³.

Hechos de los Apóstoles 14:15

Cˀoa⁴qui³tso²: Nca³tsˀio³ ˀnti¹nˀai³, a¹-ni³ nca³ cˀoa⁴nˀian²-si¹nio³. Cˀoa⁴-ti⁴ jin⁴ cho⁴ta⁴ ni¹⁴-jin⁴, jo³ ti³ncha³sa³yo³ nca³ jon². Cˀoa⁴-sˀin² ti³no²cjoa⁴ya³jin³-lai²⁴jin⁴ nca³ ni⁴to⁴jme³-jin² chji¹-le⁴ je² cjoa⁴ xi³ ti³nˀiaon²³. Ti⁴njion¹³ je² cjoa⁴ je²-vi⁴, cˀoa⁴ ta³nquin¹tˀa³-lao⁴³ je² Ni³na¹ xi³ ti¹jna³con³, xi³ qui³si³nta³ ncˀa³jmi³, cao⁴ son³ˀnte³, cao⁴ nta¹chi³con³, cao⁴ nca³yi³je³ jme³-sa³ xi³ ya⁴ tjin¹.

Hechos de los Apóstoles 18:5

Cˀia⁴ nca³ ja³ˀai³jen³-ni³ Macedonia, Silas cao⁴ Timoteo, Pablo ña³qui³ tsa³cˀe¹ne²-le⁴ yao³-le⁴ nca³ qui³nchja⁴ya³ je² en¹-le⁴ Ni³na¹. Qui³tsjoa³-le⁴ en¹ cho⁴ta⁴ judío, nca³ je² Jesús xi³ ti⁴je²-ni³ Cristo.

Hechos de los Apóstoles 2:40

A³li² to⁴cˀoa⁴cji³ en¹ xi³ cja⁴ˀai¹ xi³ qui³nchja⁴ Pedro nca³ qui³tsjoa³ en¹ nca³ tsa³cˀe¹ne²-le⁴, cˀoa⁴qui³tso²: Chˀa⁴sje³ntjai²-lao⁴³ yao³-no³ cho⁴ta⁴tsˀen⁴ xi³ tjin¹ ntˀai⁴-vi⁴.

Hechos de los Apóstoles 20:21

Qui³tsjoa³-le⁴ en¹ je² cho⁴ta⁴ judío cao⁴ cho⁴ta⁴ xi³ li² judío-jin² nca³ ca²ta³si¹cˀa³ntjai²ya³ cjoa⁴fa³ˀai³tsjen³-le⁴ xi³ tˀa³tsˀe⁴ Ni³na¹ cˀoa⁴ ca²ta³ma³cjain¹-le⁴ xi³ tˀa³tsˀe⁴ Nai³-na¹ Jesucristo.

Romanos 1:21

Nca⁴ nta³ tsa² tsa³ve³ Ni³na¹, li²coi³ tsa³cˀa³sje³je³ya³ jo³-ni³ tsa² Ni³na¹, ni⁴qui³tsjoa³-jin²le⁴ cjoa⁴nta³, to⁴nca³ qui³si³sca¹ya³-le⁴ cjoa⁴fa³ˀai³tsjen³-le⁴, cˀoa⁴ je² ni⁴ma⁴-le⁴ xi³ chi⁴con¹ qui³sˀe³njion²jin³-le⁴.

1 Corintios 1:12

Coi³ xi³ ti²xian³: Jnco¹jnco¹ nca³ jon² cˀoi⁴vi³xon¹³: An³ tsˀe⁴ Pablo nia¹³, to⁴nca³ an³ tsˀe⁴ Apolos nia¹³, to⁴nca³ an³ tsˀe⁴ Cefas nia¹³, to⁴nca³ an³ tsˀe⁴ Cefas nia¹³, to⁴nca³ an³ tsˀe⁴ Cristo nia¹³.

1 Corintios 15:50

To⁴nca³ cˀoa⁴xian³ je²-vi⁴ ntsˀe³ nca³ je² yao³ cao⁴ njin¹-na¹ li²coi³ coan⁴ sˀe⁴cjoa⁴tjao²-le⁴ cjoa⁴te¹xo³ma³-le⁴ Ni³na¹, ni⁴je²-jin² xi³ fi³tson³ya² coan⁴ sˀe⁴cjoa⁴tjao²-le⁴ je² xi³ tsi² fi³tson³.

2 Corintios 9:6

To⁴nca³ je²-vi⁴ cˀoa⁴xin³-no³: Je² xi³ choa³ vˀe¹ntje², cˀoa⁴-ti⁴ choa³ coan⁴jcha¹-le⁴. Cˀoa⁴ je² xi³ tse³ vˀe¹ntje², cˀoa⁴-ti⁴ tse³ coan⁴jcha¹-le⁴.

Gálatas 3:17

Je²-vi⁴ xi³ cˀoi⁴xian³: Je² cjoa⁴te¹xo³ma³ xi³ qui³sˀe³ ño³ ciento cao⁴ can³te² no¹ coan³scan³-ni³, li²coi³ si¹qui³tson²ya³ je² cjoa⁴ xi³ Ni³na¹ je³tsa³cˀe¹nˀion¹ cao⁴ Cristo. Nca⁴ tsa² qui³si³qui³tson²ya³ je² cjoa⁴, cˀia⁴ tsi²jme³ xi³ chji¹-le⁴ tsa²cai³-ni³ je² cjoa⁴ xi³ Ni³na¹ qui³tsjoa³ tsˀoa³ nca³ tsjoa¹.

Gálatas 5:3

Nqui²ntia³ ti⁴nˀion¹ cˀoa⁴ti²xin³-nca¹ni³le⁴ nca³tsˀi³ xi³ cjoa⁴circuncisión coan⁴-le⁴, nca³ cjoa⁴nˀion¹ tjin¹-le⁴ nca³ si⁴²tjo³son² nca³yi³je³ cjoa⁴te¹xo³ma³.

Efesios 1:22

Ni³na¹ cˀoa⁴-sˀin² qui³si³cˀe¹yo³nqui³ ntso⁴co⁴ Cristo nca³yi³je³ to⁴jme³-ni³ve⁴. Ni³na¹ qui³si³cˀe¹jna³ Cristo nca³jco⁴-le⁴ nca³yi³je³ cjoa⁴ xi³ tˀa³tsˀe⁴ na⁴xi⁴na³nta¹-le⁴ Cristo.

Efesios 4:22

Chja⁴ˀa²xin²-lao⁴³ yao³-no³ je² ni⁴ma⁴-no³ xi³ jchi¹nca³ xi³ cjai¹nca³ to⁴coan³nca³-le⁴ cjoa⁴ xi³ chˀao³ tjin¹ jo³ tso² cjoa⁴tsjoa³-le⁴ yao³-no³ xi³ to⁴vˀa³na⁴cha⁴, jo³-sˀin² tsa³nquin¹cao⁴³ yao³-no³ nca³sˀa⁴.

Colosenses 2:18

A³li²ni²jyo³-jin²lao⁴³ xi³ cjoa⁴ˀa²xin²-no³ je² xi³ coi⁴njen⁴-no³, nca³ me³-le⁴ nca³ ma⁴ chˀa²sjao³ yao³-no³ nca³ ˀya³xcon¹³ a²ncje⁴. Vi³na³nqui³ya³ xi³ tˀa³tsˀe⁴ xi³ tsi² qui³sco²tsen³. To⁴ya⁴-ni³ nca³ jo³ je³ya³ vˀa³sje³ yao³-le⁴ xi³ to⁴tˀa³tsˀe⁴ cjoa⁴fa³ˀai³tsjen³ xi³ tsˀe⁴ son³ˀnte³-vi⁴.

Colosenses 2:4

Coi³ cjoa⁴ cˀoa⁴xin³-ni³no³, jme¹-ni³ nca³ tsi² tsa² ˀya³ xi³ cˀoa⁴na⁴cha⁴-si¹ni³no³ cao⁴ en¹ntsjen¹ˀa³ xi³ cjoa³cao⁴-no³.

1 Tesalonicenses 4:6

Ni⁴ˀya³-jin² xi³ vˀa³ntjai²cjoa⁴, xi³ vˀa³na⁴cha⁴-le⁴ ntsˀe⁴ je² cjoa⁴-vi⁴, nca⁴ je² Nai³-na¹ xi³ si⁴²jnta³-ni³ nca³yi³je³ cjoa⁴ je²-vi⁴, jo³-sˀin² nca³ je³cˀoa⁴tsa³cˀin²-lai²⁴jin⁴ tsa³cˀe²ne²-lai²⁴jin⁴.

1 Timoteo 5:21

Vˀe³ne²³-le²³ nqui³xcon⁴ Ni³na¹ cao⁴ Nai³-na¹ Jesucristo cao⁴ a²ncje⁴ xi³ qui³tjoe¹jin³, nca³ tˀe²jin³-ta³coin²³ nca³yi³je³ cjoa⁴-vi⁴. Ni⁴jme³-jin² cjoa⁴ xi³ to⁴nqui³-ni³ cˀoe¹nta³jin³, cˀia⁴ nca³ cje³ tsin² cjoa⁴qui²xi⁴. Ni⁴ˀya³-jin² cho⁴ta⁴ xi³ chja⁴ˀa²jin³ nca³ si⁴sin³-lai⁴.

1 Timoteo 6:13

Cˀoa⁴-sˀin² vˀe³ne²³-le²³ nqui³xcon⁴ Ni³na¹ xi³ tsjoa¹ntsjai²-le⁴ cjoa⁴vi³jna³chon³ nca³yi³je³, cˀoa⁴ nqui³xcon⁴ Jesucristo xi³ nta³ qui³tsjoa³ cjoa⁴qui²xi⁴-le⁴ nqui³xcon⁴ Poncio Pilato.

2 Timoteo 4:1

Vˀe³ne²³-le²³ nqui³xcon⁴ Ni³na¹ cao⁴ Nai³-na¹ Jesucristo xi³ sˀa⁴ cˀoe⁴²nta³jin³-le⁴ xi³ tjio¹con³ cao⁴ xi³ cˀen³, nca⁴ Jesucristo coan⁴tsen³, cjoa⁴ˀai¹ ca³te¹xo³ma³.

1 Pedro 1:18

Je³ˀyao³ nca³ coan³chji¹ntjao²³ jo³-sˀin² nca³ chˀao³ tsa³qui³yo³, xi³ cˀoa⁴-sˀin² qui³sˀe³-no³ jo³-ni³ tsa² cjoa⁴tjao²-le⁴ xi³jcha¹-no³. Li² tsa² coan³chji¹ntjai²-jion²³ cao⁴ tso³jmi² xi³ fi³tson³, ni⁴ cao⁴ taon⁴si³ne²-jin², ni⁴ cao⁴ taon⁴čhoa³-jin²,

2 Pedro 2:18

Cˀia⁴ nca³ nchja⁴ en¹ncˀa³ xi³ tsi²jme³ chji¹-le⁴, cao⁴ cjoa⁴chi⁴nca⁴-le⁴ yao³-le⁴ si¹ntˀe¹tˀa³-le⁴ je¹ je² cho⁴ta⁴ xi³ cjoa⁴qui²xi⁴ ji³tjo³xin²-le⁴ xi³ tsi² nta³ tjio¹ma³.