Efesios 3:9 - New Testament in Mazatec Huautla

⁹ An³ si³ˀi³sen³-le⁴ nca³tsˀi³ jo³-sˀin² nca³ Ni³na¹ xa¹ tsa³cˀe¹nta³-ni³ xi³ cˀoa⁴-sˀin² tsa³cˀe¹jna³ˀma³ jo³ sa³ˀnta³ to²tsˀin³-le⁴ cjoa⁴. Ni³na¹ tsa³cˀe¹nta³ nca³yi³je³ xi³ tjin¹ son³ˀnte³.

Efesios 3:9 ပူးပေါင်းရင်းမြစ်များ

San Mateo 10:27

Je² xi³ cˀoa⁴xin³ˀma²³-no³, ya⁴ jña³ i³sen³ cˀoa⁴ti⁴xon¹³ nca³ jon². Cˀoa⁴ je² xi³ no²ˀya²che¹-nio³, nˀion¹ ti⁴no²cjoa⁴ya³-nio³ sa³ˀnta³ son²ncˀa³ ntˀia³.

San Mateo 13:35

Coi³ cjoa⁴-vi⁴ nca³ cˀoa⁴-sˀin² coan⁴jnco³-si¹ni³ je² xi³ qui³tso² cho⁴ta⁴ xi³ qui³nchja⁴ya³ tˀa³tsˀe⁴ Ni³na¹: Coi³nchja²³ cjoa⁴xco¹son². Si³qui²xi⁴ya³ cjoa⁴ xi³ tjio¹ˀma³ sa³ˀnta³ nca³ qui³sˀe³nta³ son³ˀnte³.

San Mateo 25:34

Cˀia⁴ je² cho⁴ta⁴ti¹tjon² coi⁴tso⁴-le⁴ je² xi³ tjio¹ nca³qui²xi⁴-le⁴: Nčhoao¹³, jon² xi³ Nˀai³-na⁴ qui³si³chi³con³tˀain³, chjoe¹cjoa⁴tjao²³ je² cjoa⁴te¹xo³ma³ xi³ ti¹jna³nta³ xi³ tˀa³tsaon⁴³, sa³ˀnta³ nca³ to²tsˀin³-le⁴ cjoa⁴.

San Mateo 28:19

Ta⁴nquion¹³, ti⁴ncha³ˀao³ nca³tsˀi³ na⁴xi⁴na³nta¹, ti⁴qui³njaon³ cho⁴ta⁴ tˀa³tsˀan⁴, ta⁴te²ntao¹³ cao⁴ jan³ˀain¹-le⁴ Nˀai³, cao⁴ tsˀe⁴ ˀnti¹, cˀoa⁴ cao⁴ tsˀe⁴ Espíritu Santo.

San Lucas 24:47

cˀoa⁴ nca³ coi⁴no²cjoa⁴ya³jin³-le⁴ nca³tsˀi³ na⁴xi⁴na³nta¹ cao⁴ jan³ˀain¹-le⁴, nca³ ma³chjen¹-le⁴ nca³ si⁴²cˀa³ntjai²ya³ cjoa⁴fa³ˀai³tsjen³-le⁴, cˀoa⁴ jo³-sˀin² nca³ cha⁴tˀa³-le⁴ je¹-le⁴. Coai⁴tsˀia⁴-cjoan²ni³ ya⁴ Jerusalén.

San Juan 10:30

An³ cao⁴ Nˀai³-na¹ to⁴jnco³-ni¹⁴jin⁴.

San Juan 5:17

Jesús cˀoi⁴qui³tso²-le⁴: Je² Nˀai³-na⁴ si¹xa¹ sa³ˀnta³ ntˀai⁴-vi⁴, cˀoa⁴ an³ si³xa¹³.

San Juan 5:19

Cˀia⁴ Jesús cˀoi⁴qui³tso²-le⁴: Ña³qui³ cjoa⁴qui²xi⁴ ña³qui³ cjoa⁴qui²xi⁴ xi³ xin³-no³: Li²jme³ xi³ ma³ sˀin¹ ˀnti¹ nca³ to⁴je²-ni¹, to⁴coi³ xi³ je² ve³ jo³ sˀin¹ Nˀai³-na¹. Je² nca³yi³je³ xi³ sˀin¹ Nˀai³-na¹, cˀoa⁴-ti⁴ sˀin¹ ˀnti¹-le⁴.

Hechos de los Apóstoles 15:18

Cˀoa⁴tso² je² Nai³-na¹ xi³ tsa³ca³co¹son²tsen³-le⁴ nca³yi³je³ cjoa⁴-vi⁴ sa³ˀnta³ coa²tse³. Je² Ni³na¹ tsa³ve³ nca³yi³je³ xa¹-le⁴, jo³ sa³ˀnta³ qui³sˀe³ son³ˀnte³.

Romanos 11:25

Nca⁴ tsi²coi³ me³-na³, ntsˀe³, nca³ tsi² jchao⁴³ je² cjoa⁴ˀma³-ve⁴, jme¹-ni³ nca³ tsi² nˀion¹ ncˀa³ta³con²³ coan⁴-si¹nio³ xi³ ti⁴tˀa³tsaon⁴³-nio³. Je² cjoa⁴ta²ja³ta³con² xi³ coan³cˀa³-le⁴ cho⁴ta⁴ Israel, jo³ sa³ˀnta³ nca³ cjoe⁴ coan⁴jnco³ nca³tsˀi³ cho⁴ta⁴ xi³ li² judío-jin² xi³ cjoa⁴ˀa³sˀen³.

1 Corintios 2:7

To⁴nca³ no²cjoa⁴-ni¹⁴jin⁴ cjoa⁴chji⁴ne⁴ xi³ tsˀe⁴ Ni³na¹, xi³ ˀma³ tjin¹, xi³ ti¹jna³ˀma³ sa³ˀnta³ nca³sˀa⁴, xi³ to⁴nqui³-ni³ nca³ to²tsˀin³-le⁴ cjoa⁴, xa¹ tsa³cˀe¹nta³-ni³ Ni³na¹ xi³ tˀa³tsˀe⁴ cjoa⁴je³ya³-na¹.

Efesios 1:4

Ni³na¹ cˀoa⁴-sˀin² tsa³cja³ˀa¹jin³-na¹ nca⁴ ti³yo³coa⁴² Cristo sa³ˀnta³ nca³ cje³ sˀe³nta³-jin² son³ˀnte³, jme¹-ni³ nca³ tsje³ coan⁴-si¹nia³² nca³ ni⁴jme³-jin² je¹ sˀe⁴-si¹ni³na¹ nqui³xcon⁴ nca³ je².

Efesios 3:2

Cˀoa⁴-sˀin² qui³no²ˀyao²³ nca³ xa¹ qui³sˀe³ne²-na³ nca³ an³ xi³ tˀa³tsˀe⁴ je² cjoa⁴nta³-le⁴ Ni³na¹ xi³ qui³tsˀai²-na³ xi³ tˀa³tsaon⁴³,

Efesios 6:19

Cˀoa⁴-ti⁴sˀin² tˀe²tsˀoao³ tˀa³tsˀan⁴, jme¹-ni³ nca³ cˀoai⁴-si¹ni³na³ en¹ nca³ sco³ˀe²³ ntso⁴ˀva³, cˀoa⁴ jme¹-ni³ nca³ li²coi³ tsa³cjon³-si¹nia³ nca³ coi³nchja²ya³ je² cjoa⁴ˀma³ xi³ tsˀe⁴ en¹nta³ tˀa³tsˀe⁴ Cristo.

Colosenses 1:23

Cˀoa⁴coan⁴ tsa² coa⁴nquin¹-sao⁴³, cˀoa⁴ tsa² coi⁴yo³nˀion¹³ jo³-sˀin² nca³ ma³cjain¹-no³, cˀoa⁴ tsa² tsi² nca³ i⁴ nca³ jan¹ cˀoao¹³-ta³con²³ tˀa³tsˀe⁴ je² cjoa⁴nta³ xi³ ti³cho³ya²-lao⁴³, xi³ tsˀe⁴ je² en¹nta³ tˀa³tsˀe⁴ Cristo xi³ qui³no²ˀyao²³, jña³-le⁴ xi³ qui³no²cjoa⁴ya³jin³-le⁴ nca³tsˀi³ xi³ tjio¹ i⁴ son³ˀnte³-vi⁴. An³ Pablo qui³tjoe¹-na³ coi³ xa¹ tˀa³tsˀe⁴ en¹ je²-vi⁴.

Colosenses 1:26

Je² en¹ xi³ je² cjoa⁴ˀma³ xi³ ti¹jna³ˀma³ jo³ sa³ˀnta³ nca³sˀa⁴ nca³ jnco¹jnco¹ ntje⁴, to⁴nca³ ntˀai⁴-vi⁴ntai⁴ je³cˀoa⁴-sˀin² tsa³ˀya³son²tsen³-le⁴ cho⁴ta⁴-le⁴ Cristo.

Colosenses 3:3

Je³cˀaon³, cˀoa⁴ je² cjoa⁴vi³jna³chon³-no³ ya⁴ ti¹jna³-ˀma³tˀa³-le⁴ Ni³na¹ nca³ ti³yo³cao⁴³ Cristo.

Colosenses 4:3

Cˀoa⁴-ti⁴sˀin² tˀe²tsˀoa³ntjai²-na³jin⁴, jme¹-ni³ nca³ je² Nai³-na¹ tsjoa¹ˀnte³-si¹ni³na³jin⁴ xi³ tˀa³tsˀe⁴ en¹-vi⁴, nca³ coi⁴no²cjoai⁴-jin⁴ je² cjoa⁴ˀma³ xi³ tˀa³tsˀe⁴ Cristo. To⁴jo³ ti²jna⁴ cjoa⁴ñˀain³ to⁴tˀa³tsˀe⁴.

2 Tesalonicenses 2:13

To⁴nca³ jin⁴-jin⁴ ma³chjen¹-na³jin⁴ nca³ cˀoai⁴-lai⁴jin⁴ cjoa⁴nta³ Ni³na¹ nca³ntsjai² xi³ tˀa³tsaon⁴³, ntsˀe³² xi³ tjao²que³-no³ Nai³-na¹. Tsa³cja³ˀa¹jin³-no³ Ni³na¹ sa³ˀnta³ nca³ to²tsˀin³-le⁴ cjoa⁴ nca³ coi²tjo⁴ntjao²³ to⁴tˀa³tsˀe⁴ je² Espíritu Santo xi³ qui³si³tsje³ya³-no³ cˀoa⁴ to⁴tˀa³tsˀe⁴ nca³ ma³cjain¹-no³ xi³ cjoa⁴qui²xi⁴.

1 Timoteo 3:16

Ña³qui³ ˀya³² nca³tsˀia³² nca³ cjai¹nca³ to⁴je³ya³ je² cjoa⁴ˀma³-ve⁴ jo³-sˀin² ˀya³xcoan¹ Ni³na¹. Ni³na¹ tsa³ˀya³-le⁴ nca³ cho⁴ta⁴yao³ cjoan³ jo³-ni³ ña¹. Xi³ to⁴tˀa³tsˀe⁴ Espíritu Santo tsa³ˀya³-le⁴ nca³ tjin¹-le⁴ cjoa⁴qui²xi⁴. Tsa³ve³ je² a²ncje⁴-ve⁴. Qui³no²cjoa⁴ya³jin³-le⁴ nca³tsˀi³ na⁴xi⁴na³nta¹. Xi³ i⁴ son³ˀnte³-vi⁴ tjio¹ coan³cjain¹-le⁴ tˀa³tsˀe⁴. Qui³tjoe¹ ncˀa³jmi³ cao⁴ cjoa⁴je³ya³.

2 Timoteo 1:9

Je² xi³ tsa³cˀa³sje³ntjai²-na¹, xi³ qui³nchja⁴-na¹ xi³ tˀa³tsˀe⁴ xa¹tsje³-vi⁴. A³li² tsa² cˀoa⁴-sˀin² va³quin²-le⁴ xa¹-na¹, to⁴je² xi³ cˀoa⁴-sˀin² coan³me³-le⁴ cao⁴ cjoa⁴nta³-le⁴ xi³ qui³tsˀai²-na¹ cao⁴ Cristo Jesús jo³ sa³ˀnta³ ti¹tjon² nca³ to²tsˀin³-le⁴ cjoa⁴.

2 Timoteo 4:17

To⁴nca³ je² Nai³-na¹ tsa³cˀe²jna³cao⁴-na³. Qui³tsjoa³-na³ nca³nˀion¹, jme¹-ni³ nca³ to⁴tˀa³tsˀan⁴ coan⁴jnco³-si¹ni³ cjoa⁴qui²xi⁴ xi³ qui³nchja²ya³, cˀoa⁴ jme¹-ni³ nca³ nca³tsˀi³ cho⁴ta⁴ xi³ li² judío-jin² cjoi⁴nčhˀoe¹-si¹ni³. Ji²tjo⁴ntjai²-nia³ tsˀoa³ xa³.

Tito 1:2

Je²-vi⁴ xi³ cˀoa⁴coan⁴ nca³ ti³cho³ya²-le⁴² cjoa⁴vi³jna³chon³ nca³ntsjai². Ni³na¹ xi³ li²coi³ vˀa³na⁴cha⁴ qui³si³sˀe³nqui³ je² cjoa⁴vi³jna³chon³-ve⁴ jo³ sa³ˀnta³ nca³ ti¹tjon² nca³ cje³ nčhoa¹-jin² son³ˀnte³.

1 Pedro 1:20

Cristo cˀoa⁴-sˀin² to⁴nqui³-ni³ qui³sa³sen³nta³ jo³ sa³ˀnta³ nca³sˀa⁴, nca³ cje³ sˀe³nta³-jin² son³ˀnte³, to⁴nca³ je³coan³tsen³ je² ni⁴čhjin³fe³tˀa³-vi⁴ xi³ tˀa³tsaon⁴³.

Apocalipsis 13:8

Nca³tsˀi³ xi³ tjio¹ son³ˀnte³ tsa³ve³xcon¹, jña³-le⁴ jan³ˀain¹ xi³ li²coi³ tjio¹tˀa³ xon⁴-le⁴ cjoa⁴vi³jna³chon³ xi³ tsˀe⁴ je² Va³rre², xi³ cˀoa⁴-sˀin² cˀen³ sa³ˀnta³ nca³ to²tsˀin³-le⁴ cjoa⁴.

Apocalipsis 14:6

Tsa³ˀve³ nqui²jncoa³ a²ncje⁴ xi³ qui³tjen⁴jin³va³sen³-le⁴ ncˀa³jmi³, xi³ tjin¹-le⁴ je² en¹nta³ xi³ tjin¹ nca³ntsjai², nca³ coi⁴nchja⁴ya³jin³-le⁴ je² xi³ tjio¹ son³ˀnte³, cao⁴ nca³yi³je³ na³nqui³, cao⁴ nca³yi³je³ ntje⁴, cao⁴ nca³yi³je³ en¹, cao⁴ nca³yi³je³ na⁴xi⁴na³nta¹.

Apocalipsis 17:8

Je² cho⁴ xi³ ca²ˀyai³ tsa³cˀe²jna³, cˀoa⁴ li²coi³ ti⁴ti¹jna³-ni³. Ya⁴ cjoi⁴nčhoa³mi³-ni³ nti⁴tjan⁴ jña³ nca³ ti⁴xˀa⁴jin³sen¹, cˀoa⁴ coai⁴ cha⁴. Je² xi³ tjio¹ son³ˀnte³ xi³ jan³ˀain¹-le⁴ li²coi³ tjio¹tˀa³ ya⁴ xon⁴ xi³ tsˀe⁴ cjoa⁴vi³jna³chon³ sa³ˀnta³ nca³ qui³sˀe³nta³ son³ˀnte³, coan⁴xcon¹-le⁴ cˀia⁴ nca scoe⁴ cho⁴-ve⁴ xi³ tsa³cˀe²jna³, cˀoa⁴ li²coi³ ti⁴ti¹jna³-ni³, cˀoa⁴ cjoa⁴ˀai¹-nca¹ni³.

Apocalipsis 4:11

Señor, va³quin²-li² nca³ ji³ ca²tji³tjo³je³yai³, cˀoa⁴ nca³ xcon¹ ca²ta³ˀya³ta³con²-li², cˀoa⁴ ca²ta³sˀe³-li² nca³nˀion¹, nca³ ji³ qui³ni²ntai³ nca³yi³je³ tso³jmi², nca³ ji³ coan³me³ta³coin²³ nca³ qui³sˀe³, cˀoa⁴ cˀoa⁴-sˀin² coan³.