Efesios 2:4 - New Testament in Mazatec Huautla

⁴ To⁴nca³ Ni³na¹, nca⁴ cˀoa⁴-sˀin² to⁴tse³ cjoa⁴ma⁴ta³con² tjin¹-le⁴, cjai¹nca³ nˀion¹ coan³tsjoa³que³-na¹.

Efesios 2:4 ပူးပေါင်းရင်းမြစ်များ

San Lucas 1:78

Nca³yi³je³ coi³ cjoa⁴-vi⁴ cˀoa⁴coan⁴ xi³ to⁴tˀa³tsˀe⁴ cjoa⁴ma⁴to³con²-le⁴ Ni³na¹-na¹, cˀia⁴ nca³ ja³ˀai³ co³tsen³-na¹ jo³-ni³ tsˀoi¹ xi³ tjo³ ncˀa³jmi³.

Romanos 10:12

Nca⁴ Ni³na¹ to⁴nco¹son² fi²cao⁴ cho⁴ta⁴ judío cao⁴ cho⁴ta⁴ griego, nca³ ti⁴je²-ni³ Cristo xi³ Nai³-le⁴ nca³tsˀi³, nˀion¹ tjin¹-le⁴ cjoa⁴nchi⁴na¹ tˀa³tsˀe⁴ nca³tsˀi³ xi³ nchja⁴-le⁴.

Romanos 2:4

A³xo⁴ nˀo²sje³nqui³-ni¹ xi³ nˀion¹ tse³ cjoa⁴nta³-le⁴ Ni³na¹, cao⁴ cjoa⁴cho⁴ya³cao⁴cjoa⁴-le⁴, cao⁴ cjoa⁴tse³ta³con²-le⁴, nca³ tsi² ˀyai³ nca³ je² cjoa⁴nta³-le⁴ fi²cao⁴-li² nca³ si⁴cˀa³ntjai²ya³-ni³ cjoa⁴fa³ˀai³tsjen³-li⁴.

Romanos 5:8

To⁴nca³ Ni³na¹ va³co¹qui²xi⁴ cjoa⁴tjao²cha³-le⁴ xi³ tˀa³tsan⁴² nca³ Cristo cˀen³ xi³ tˀa³tsan⁴², cˀia⁴ nca³ to⁴jo³ cho⁴ta⁴je¹ nia¹.

Romanos 9:23

Coi³ xi³ cˀoa⁴qui³sˀin³ jme¹-ni³ nca³ jcha⁴-si¹ni³le⁴ jo³ nca³ nˀion¹ tse³ tjin¹ cjoa⁴je³ya³-le⁴ xi³ tˀa³tsˀe⁴ ti⁴² xi³ xa¹ coan³nta³-ni³ tˀa³tsˀe⁴ cjoa⁴ma⁴ta³con²-le⁴. Je² ti⁴² xi³ Ni³na¹ to⁴nqui³-ni³ tsa³cˀe¹jna³nta³ tˀa³tsˀe⁴ cjoa⁴je³ya³.

Efesios 1:7

Je² Cristo tsa³cˀe¹chji¹ntjai²-na¹ cao⁴ njin¹-le⁴. Qui³si³cha³tˀa³ je¹-na¹ nca³ cˀoa⁴-sˀin² to⁴nˀion¹ tse³ cjoa⁴nta³ xi³ tjin¹-le⁴.

Efesios 2:7

jme¹-ni³ nca³ je² ni⁴čhjin³ xi³ nčhoa¹-sa³ coa⁴co²-si¹ni³ je² cjoa⁴nta³-le⁴ xi³ li² to⁴jo³ xi³ cji³tse³, nca³ cˀoa⁴-sˀin² qui³sˀe³-le⁴ cjoa⁴ma⁴ta³con² tˀa³tsan⁴² nca³ ti³yo³coa⁴² Cristo Jesús.

Efesios 3:8

Je² xi³ nqui²sa⁴-sa³ na³nqui³ tjio¹ xi³ cho⁴ta⁴-le⁴ Cristo, an³ xi³ nqui²sa⁴-sa³ nˀion¹ na³nqui³ ti²jna⁴-le⁴. An³ tsa³cˀai²-na³ cjoa⁴nta³-vi⁴ nca³ cˀoa⁴-sˀin² coi³nchja²ya³jin³-le⁴ cho⁴ta⁴ xi³ li² judío-jin² je² en¹nta³ tˀa³tsˀe⁴ je² cjoa⁴nta³ xi³ tjin¹-le⁴ Cristo xi³ li²coi³ coan⁴ jcha⁴yi³je³.

2 Tesalonicenses 2:13

To⁴nca³ jin⁴-jin⁴ ma³chjen¹-na³jin⁴ nca³ cˀoai⁴-lai⁴jin⁴ cjoa⁴nta³ Ni³na¹ nca³ntsjai² xi³ tˀa³tsaon⁴³, ntsˀe³² xi³ tjao²que³-no³ Nai³-na¹. Tsa³cja³ˀa¹jin³-no³ Ni³na¹ sa³ˀnta³ nca³ to²tsˀin³-le⁴ cjoa⁴ nca³ coi²tjo⁴ntjao²³ to⁴tˀa³tsˀe⁴ je² Espíritu Santo xi³ qui³si³tsje³ya³-no³ cˀoa⁴ to⁴tˀa³tsˀe⁴ nca³ ma³cjain¹-no³ xi³ cjoa⁴qui²xi⁴.

1 Timoteo 1:14

To⁴nca³ je² cjoa⁴nta³-le⁴ Nai³-na¹ cjai¹nca³ coan³ncjin²ya³-na³ jo³-sˀin² nca³ ma³cjain¹-na³ jo³-sˀin² nca³ tsjoa³que⁴ nca³ ti²jna⁴coa⁴ Cristo Jesús.

2 Timoteo 1:9

Je² xi³ tsa³cˀa³sje³ntjai²-na¹, xi³ qui³nchja⁴-na¹ xi³ tˀa³tsˀe⁴ xa¹tsje³-vi⁴. A³li² tsa² cˀoa⁴-sˀin² va³quin²-le⁴ xa¹-na¹, to⁴je² xi³ cˀoa⁴-sˀin² coan³me³-le⁴ cao⁴ cjoa⁴nta³-le⁴ xi³ qui³tsˀai²-na¹ cao⁴ Cristo Jesús jo³ sa³ˀnta³ ti¹tjon² nca³ to²tsˀin³-le⁴ cjoa⁴.

1 Pedro 1:3

Jo¹ to⁴nta³-le⁴ Ni³na¹ Nˀai³-le⁴ Jesucristo Nai³-na¹, xi³ cˀoa⁴-sˀin² to⁴tse³ cjoa⁴ma⁴ta³con² tjin¹-le⁴ nca³ qui³si³cho⁴tse⁴ya³-nca¹ni³na¹, jme¹-ni³ nca³ cho¹ya²-si¹ni³le⁴² xi³ ti¹jna³con³ nca³ ja³ˀa²ya³jin³-ni³le⁴ cˀen³ Jesucristo.