Efesios 2:3 - New Testament in Mazatec Huautla

³ Cˀoa⁴-ti⁴sˀin² tsa³qui³yo³coai⁴-jin⁴ yao³-na⁴jin⁴ nca³tsˀi³⁴-jin⁴ nca³sˀa⁴, jo³ tso² cjoa⁴tsjoa³-le⁴ yao³-na⁴jin⁴. Cˀoa⁴qui³nˀiain²⁴-jin⁴ to⁴jo³-sˀin² coan³me³-le⁴ yao³-na⁴jin⁴ cao⁴ cjoa⁴faˀai³tsjen³-na⁴jin⁴. To⁴xa¹ cjoan³ ni¹⁴jin⁴ cho⁴ta⁴ xi³ sˀe⁴-le⁴ cjoa⁴ñˀain³, jo³-ni³ tsa² xi³cˀa³.

Efesios 2:3 ပူးပေါင်းရင်းမြစ်များ

San Marcos 4:19

to⁴nca³ je² cjoa⁴va³ xi³ tsˀe⁴ coi³ ni⁴čhjin³-vi⁴, cao⁴ cjoa⁴chˀa¹na⁴cha⁴ xi³ tsˀe⁴ cjoa⁴nchi⁴na¹, cao⁴ cjoa⁴xi²ta³con², nca³yi³je³ coi³ cjoa⁴-vi⁴ nca³ fa³ˀa³sˀen³jin³-le⁴ vˀe¹chjoa²-le⁴ en¹nta³-vi⁴, li²jme³ xi³ tsjoa¹.

San Juan 1:13

xi³ tsi² tsa² njin¹ qui³tsin³-ni³, ni⁴ tˀa³tsˀe⁴-jin² cjoa⁴tsjoa³-le⁴ yao³-na¹, ni⁴ tˀa³tsˀe⁴-jin² cjoa⁴tsjoa³-le⁴ xˀin⁴, to⁴nca³ tˀa³tsˀe⁴ Ni³na¹ qui³tsin³-ni³.

San Juan 8:44

Jon² nio¹³ xi³ nˀai³-no³ je² nai⁴², cˀoa⁴ tsjoa³-no³ nca³ cˀoa⁴sˀiaon⁴³ jo³-sˀin² me³-le⁴ nˀai³-no³. Je² nˀai³-no³ si¹cˀen³ cˀen³ sa³ˀnta³ ti¹tjon², cˀoa⁴ li²coi³ tsa³cˀe²jna³jin³-le⁴ xi³ cjoa⁴qui²xi⁴, nca⁴ tsin²-le⁴ cjoa⁴qui²xi⁴-jin². Cˀia⁴ nca³ nchja⁴ en¹nti³so³, nchja⁴ jo³ cjoan³ nca³ je². Nti³so³ nca³ je², cˀoa⁴ nˀai³-le⁴ cjoa⁴nti³so³.

Hechos de los Apóstoles 14:16

Je² ni⁴čhjin³ xi³ je³ja³ˀa³to³, Ni³na¹ qui³tsjoa³ˀnte²-le⁴ nca³tsˀi³ cho⁴ta⁴ nca³ tsa³cˀe²ma³ ntia⁴² xi³ ti⁴tsˀe⁴-ni³.

Romanos 1:24

Coi³ cjoa⁴ nca³ Ni³na¹ qui³sca³ni¹tˀa³-le⁴ cjoa⁴tsˀen⁴, nca³ cjoa⁴chi⁴nca⁴ tjin¹-le⁴ ni⁴ma⁴-le⁴. Cˀoa⁴-sˀin² qui³si³qui³tson¹ yao³-le⁴ ya⁴jin³-le⁴ xi¹ncjin¹.

Romanos 11:30

Jo³-sˀin² nca³ cˀoa⁴-ti⁴ jon²-vi⁴ cˀia⁴ li²coi³ qui³ni²tjo³son²-lao⁴³ Ni³na¹, to⁴nca³ ntˀai⁴-vi⁴ qui³sa³co³-no³ cjoa⁴ma⁴ta³con² to⁴tˀa³tsˀe⁴ nca³ tsi² qui³si³tjo³son²-le⁴ nca³ je².

Romanos 13:14

To⁴nca³ cˀoa⁴-sˀin² ca²ta³mao³ jo³ cjoan³ Nai³-na¹ Jesucristo. A³li² to⁴nqui³-jin²ni³ vˀe²nta³-lao⁴³ yao³-no³ nca³ si⁴tjo³son²-lao⁴³ jo³ tso² xi³ me³-le⁴ yao³-no³.

Romanos 2:14

Je² cho⁴ta⁴ xi³ li² judío-jin² xi³ tsin²-le⁴ cjoa⁴te¹xo³ma³-jin², xi³ to⁴xa¹ je²-ni³ nca³ cˀoa⁴sˀin¹ jo³ tso² cjoa⁴te¹xo³ma³, nta³ tsa² tsin²-le⁴ cjoa⁴te¹xo³ma³-ve⁴, je² cho⁴ta⁴-ve⁴ to⁴xa¹ je²-ni³ nca³ tjin¹-le⁴ cjoa⁴te¹xo³ma³ ti⁴tˀa³tsˀe⁴-ni³.

Romanos 5:10

Tsa² cˀia⁴ nca³ co²ntran⁴-na¹ coan³ Ni³na¹, ti⁴je²-ni³ qui³si³cjao¹nta³-na¹ ti⁴tˀa³tsˀe⁴-ni³ xi³ to⁴tˀa³tsˀe⁴ cjoa⁴vi³ya³-le⁴ ˀnti¹-le⁴, to⁴sa³ ntˀai⁴, nca³ je³qui³cho³va²nta³-nia¹, coi²tjo⁴ntjai²-nia¹ xi³ to⁴tˀa³tsˀe⁴ cjoa⁴vi³jna³chon³-le⁴.

Romanos 5:9

To⁴coi³ cjoa⁴ nca³ ntˀai⁴-vi⁴ je³je³tˀa³ je¹-na¹ xi³ to⁴tˀa³tsˀe⁴ njin¹-le⁴, nqui²sa⁴-jin² nˀion¹ cjoa⁴qui²xi⁴ nca³ coi²tjo⁴ntjai²-nia¹ je² cjoa⁴jti³-le⁴ Ni³na¹ xi³ to⁴tˀa³tsˀe⁴ Cristo.

Romanos 6:12

Coi³ cjoa⁴ nca³ li² vˀai²ˀnte³-jin²lao⁴³ je¹-ve⁴ nca³ coa⁴te²xo³ma³ ya⁴jin³ yao³-no³ xi³ vi³ya³, nca³ cˀoa⁴-sˀin² si⁴tjo³son²-ni³lao⁴³ xi³ cjoa⁴chi⁴nca⁴-le⁴.

Romanos 7:18

Cˀoa⁴ ˀve³-nia³ an³ nca³ tsi²jme³ xi³ nta³ tjin¹ xi³ ti¹jna³jin³-na³ (xi³ ti²xian³ xi³ ti¹jna³jin³ xi³ to⁴xa¹ yao³-na⁴ ni¹). Tjin¹-na³ cjoa⁴me³ta³con² nca³ cˀoa⁴²sˀian³ je² xi³ nta³ tjin¹, to⁴nca³ li²coi³ coi³cho²tjen⁴nqui³-le⁴ nca³ cˀoa⁴²sˀian³.

Romanos 9:22

To⁴nca³ Ni³na¹, nta³ tsa² me³-le⁴ nca³ coa⁴co² cjoa⁴jti³-le⁴, cˀoa⁴ nta³ tsa² me³-le⁴ nca³ jcha⁴-le⁴ nca³nˀion¹-le⁴, cˀoa⁴-sˀin² qui³cho¹cjoa⁴-le⁴ cao⁴ cjoa⁴tse³jta³-le⁴ je² ti⁴² xi³ xa¹ coan³nta³-ni³ tˀa³tsˀe⁴ cjoa⁴jti³-le⁴. Je² ti⁴² xa¹ coan³nta³-ni³ nca³ coi⁴xo⁴ya³.

1 Corintios 4:7

ˀya¹-ni³ xi³ fa³ˀa¹jin³-li², cˀoa⁴ jme¹ xi³ tjin¹-li² xi³ tsi² qui³tsˀai²-li². Tsa² qui³tsˀai²-li², a¹-ni³ nca³ ncˀa³ ma³-ni³li² jo³-ni³ tsa² xi³ tsi² qui³tsˀai²-li².

2 Corintios 7:1

Cˀoa⁴-sˀin² jon² xi³ tsjoa³que⁴-no³, coi³ nca³ tjin¹-na¹ coi³ cjoa⁴-vi⁴ xi³ qui³ni²sˀe³nqui³, si⁴tsje³ya³-le⁴² yao³-na¹ nca³yi³je³ xi³ chˀao³ cjoan³ xi³ tsˀe⁴ yao³-na¹, cˀoa⁴ xi³ tsˀe⁴ espíritu-na¹, nca³ ña³qui³ si⁴jncoa³² xi³ coan⁴tsje³-nia³² nca³ xcon¹cha³² Ni³na¹.

Gálatas 3:22

To⁴nca³ je² xon⁴ Escritura qui³si³cˀe¹yo³nˀion¹nqui³ je¹ nca³tsˀi³ cho⁴ta⁴, jme¹-ni³ nca³ cˀoai⁴-si¹ni³le⁴ cho⁴ta⁴ je² xi³ qui³ni²sˀe³nqui³-le⁴, tsa² ma³cjain¹-le⁴ tˀa³tsˀe⁴ Jesucristo.

Efesios 2:2

Nca³sˀa⁴ xi³ cja⁴ˀai¹ ni⁴čhjin³ cˀoa⁴-sˀin² tsa³qui³ma³-jion³ je² cjoa⁴-ve⁴ jo³ cji³ma³chon³ son³ˀnte³, jo³-sˀin² nca³ me³-le⁴ je² xi³ nca³jco⁴-le⁴ xi³ ya⁴ tjin¹-le⁴ nca³nˀion¹ jin³sen¹. Je² ni¹ xi³ nca³jco⁴-le⁴ nai⁴² xi³ nta³jin³ xi³ ntˀai⁴-vi⁴ si¹xa¹jin³ cho⁴ta⁴ xi³ xi¹jin³.

Efesios 4:22

Chja⁴ˀa²xin²-lao⁴³ yao³-no³ je² ni⁴ma⁴-no³ xi³ jchi¹nca³ xi³ cjai¹nca³ to⁴coan³nca³-le⁴ cjoa⁴ xi³ chˀao³ tjin¹ jo³ tso² cjoa⁴tsjoa³-le⁴ yao³-no³ xi³ to⁴vˀa³na⁴cha⁴, jo³-sˀin² tsa³nquin¹cao⁴³ yao³-no³ nca³sˀa⁴.

Colosenses 1:21

Cˀoa⁴-ti⁴ jon² nca³sˀa⁴ cjai¹nca³ nta³ ji²tjo⁴xin²-lao⁴³, cˀoa⁴ co²ntran⁴ coan³-lao⁴³ cao⁴ cjoa⁴fa³ˀai³tsjen³-no³, nca³ cjoa⁴tsˀen⁴ qui³nˀiaon²³, to⁴nca³ ntˀai⁴-vi⁴ntai⁴ je³cˀoa⁴-sˀin² qui³si³cjao²nta³-no³.

1 Tesalonicenses 4:13

Ntsˀe³², cˀoa⁴-ti⁴ li²coi³ me³-na³jin⁴ nca³ tsi² sˀe⁴jin³-no³ xi³ tˀa³tsˀe⁴ xi³ cjio³fe², jme¹-ni³ nca³ tsi² tsa² coan⁴va³-si¹ni³no³, jo³-ni³ tsa² xi³cˀa³ xi³ tsi² tsa² jme³ co³ya³-le⁴.

1 Tesalonicenses 5:6

Coi³ cjoa⁴ a³li² sa¹yo³fe²-jian² jo³-ni³ tsa² je² xi³cˀa³, to⁴sa³ coi⁴yo³chon³-nia¹, nˀion¹ to⁴jvi³ coan⁴nquin¹coa⁴² yao³-na¹.

1 Timoteo 6:9

Je² xi³ me³-le⁴ nca³ coan⁴nchi⁴na¹ sca⁴jin³ xi³ chˀao³ si⁴²cao⁴, cˀoa⁴ sca⁴nqui³ tsa² chen⁴. Sca⁴jin³ cjoa⁴xin²ta³con², cˀoa⁴ cjoa⁴sca¹ xi³ si¹qui²ˀaon³, xi³ si¹cha³jin³ xi³ si¹cji³tson¹ cho⁴ta⁴.

Tito 3:3

Cˀoa⁴-ti⁴ ña¹ nca³sˀa⁴ cjai¹ qui³cha³-na¹ cjoa⁴fa³ˀai³tsjen³, tsˀa³ntjai²cjoa⁴ coan³², to⁴xin² qui³cha³ni²-na¹, qui³ni²chjen¹ xi³ to⁴cjoa⁴chi⁴nca⁴ cao⁴ xi³ to⁴cjoa⁴sca¹ya³. Cjoa⁴tsˀen⁴ cao⁴ cjoa⁴xin²ta³con² tsa³qui³yo²coa⁴². Cho⁴ta⁴ coan³jti³que³-na¹. Ña¹ coan³jti³cha³² nca³ˀi⁴ nca³jan¹ xi²nquia⁴².

1 Pedro 1:14

Jo³-ni³ ˀnti¹xti³ntˀe¹ li² ni²tjo³son²-jin²lao⁴³ cjoa⁴chi⁴nca⁴-no³ jo³-ni³ nca³sˀa⁴, cˀia⁴ nca³ tjio¹njion²-sa³ cjoa⁴fa³-ˀai³tsjen³-no³.

2 Pedro 2:14

Tjin¹nqui³ntsjai² xcon⁴ cjoa⁴cha³jnqui³. Li²coi³ ma³-le⁴ tsjion¹ je¹-ve⁴. Si¹ntˀe¹tˀa³-le⁴ je¹ je² cho⁴ta⁴ xi³ to⁴ˀi⁴ to⁴jan¹ si¹cja³ˀai³tsjen³. Je³cˀoa⁴-sˀin² coan³nca³-le⁴ ni⁴ma⁴-le⁴ cjoa⁴chˀao³ntai³. ˀnti¹-le⁴ cjoa⁴taon³ ni¹.

2 Pedro 2:18

Cˀia⁴ nca³ nchja⁴ en¹ncˀa³ xi³ tsi²jme³ chji¹-le⁴, cao⁴ cjoa⁴chi⁴nca⁴-le⁴ yao³-le⁴ si¹ntˀe¹tˀa³-le⁴ je¹ je² cho⁴ta⁴ xi³ cjoa⁴qui²xi⁴ ji³tjo³xin²-le⁴ xi³ tsi² nta³ tjio¹ma³.

1 Juan 2:16

Je² nca³yi³je³ xi³ tjin¹ son³ˀnte³, je² cjoa⁴chi⁴nca⁴ xi³ tjin¹-le⁴ yao³-na¹, cao⁴ cjoa⁴chi⁴nca⁴ xi³ tjin¹-le⁴ xcoan³², cao⁴ cjoa⁴ncˀa³ta³con² xi³ tsˀe⁴ je² cjoa⁴vi³jna³chon³-na¹vi⁴, a³li² tsˀe⁴ Nˀai³-na¹, tsˀe⁴ son³ˀnte³-vi⁴.

1 Juan 2:8

Nqui²jnco³cˀa² cji³-nca¹ni³no³ cjoa⁴te¹xo³ma³ cho⁴tse⁴, xi³ cjoa⁴qui²xi⁴ xi³ tˀa³tsˀe⁴, cˀoa⁴ xi³ tˀa³tsaon⁴³. Je² xi³ cjoa⁴njion² ti¹fa³ˀa³to³, cˀoa⁴ je² xi³ ña³qui³ lˀi¹ je³si¹ˀi³sen³.