Efesios 2:20 - New Testament in Mazatec Huautla

²⁰ Cˀoa⁴-sˀin² jon² qui³sˀe³yo³son²ncˀao³ je² čhjao¹ja⁴ma⁴ xi³ je² pa²stro⁴ cao⁴ xi³ qui³nchja⁴ya³ tˀa³tsˀe⁴ Ni³na¹. Je² lao⁴ xi³ ti¹tjon² ti¹jna³ ya⁴ xi⁴nqui⁴-le⁴, ti⁴je²-ni³ Jesucristo.

Efesios 2:20 ပူးပေါင်းရင်းမြစ်များ

San Mateo 16:18

To⁴nca³ cˀoa⁴-ti⁴ xin³-le²³, nca³ ji³ ni¹³ Pedro. Cˀoa⁴ son² coi³ la⁴jao⁴-vi⁴ cˀoe³nta³soan²³ je² na⁴xi⁴na³nta¹-na⁴. Cˀoa⁴ je² nca³nˀion¹-le⁴ ˀnte³cjoa⁴ñˀain³, li²coi³ si⁴²qui³njen³-le⁴ na⁴xi⁴na³nta¹-na⁴.

San Mateo 21:42

Jesús qui³tso²-le⁴: A³ tsi² tsa³cˀe²xquiao⁴³ je² xon⁴ Escritura. Je² la⁴jao⁴ xi³ qui³si³cˀa³tjen⁴ cho⁴ta⁴ xi³ vˀe¹nta³ ni³ˀya³, je²-vi⁴ xi³ coan³ la⁴jao⁴ xi⁴nqui⁴. Je² Nai³-na¹ cˀoa⁴qui³sˀin³ je²-vi⁴. Ña¹ to⁴ma³xcon¹-ni³na¹ nca³ ˀya³².

1 Corintios 12:28

Cˀoa⁴ tjin¹ cˀa³ xi³ Ni³na¹ qui³si³ca³tio¹jin³-le⁴ na⁴xi⁴na³nta¹-le⁴ Cristo, ti¹tjon² je² xi³ pa²stro⁴, cˀia⁴ je² xi³ nchja⁴ya³, ma³jan²-ni³ je² xi³ va³co¹ya³. Cˀia⁴ je² xi³ si¹xa¹jin³ cjoa⁴xcon¹, cˀia⁴ je² xi³ ma³-le⁴ si¹nta³, xi³ va³sen¹cao⁴, xi³ va³te¹xo³ma³, xi³ ma³-le⁴ nchja⁴ en¹ xi³ cja⁴ˀai¹.

Gálatas 2:9

Cˀia⁴ nca³ tsa³ve³ je² cjoa⁴nta³ xi³ an³ tsa³cˀai²-na³, Jacobo, cao⁴ Cefas, cao⁴ Juan, xi³ jo³-ni³ cho⁴ta⁴ti¹tjon² nca⁴ cˀoa⁴-sˀin² tjin¹-le⁴ nca³nˀion¹, qui³tsjoa³-na³jin⁴ ntsja³ nca³ tsa³qui³mai³coai⁴-jin⁴ xi²nqui⁴-jin⁴ Bernabé cao⁴ an³, jme¹-ni³ nca³ jin⁴ coa³nquin¹nčhˀoe²-si¹ni³jin⁴ cho⁴ta⁴ xi³ li² judío-jin², cˀoa⁴ je² coai⁴nčhˀoe² cho⁴ta⁴ xi³ tsˀe⁴ cjoa⁴circuncisión.

Efesios 3:5

Je² xi³ cja⁴ˀai¹ ni⁴čhjin³ Ni³na¹ li²coi³ tsa³ca³co¹-le⁴ ni⁴jnco³-jin² cho⁴ta⁴son³ˀnte je² cjoa⁴ˀma³, jo³-sˀin² ntˀai⁴-vi⁴ xi³ to⁴tˀa³tsˀe⁴ je² Espíritu Santo tsa³ca³co¹son²tsen³-le⁴ je² pa²stro⁴-le⁴ xi³ tsje³ cao⁴ je² xi³ qui³nchja⁴ya³ tˀa³tsˀe⁴.

Colosenses 2:7

Cristo xi³ nˀion¹ ti³yo³cao⁴³, cˀoa⁴ je² xi³ ti¹si¹jcha¹-no³. Cˀoa⁴-sˀin² tjin¹nca³nˀion¹ ntsjai²-no³ nca³ ma³cjain¹-no³, jo³-sˀin² nca³ tsa³ca³co¹ya³-no³, nca³ nqui²sa⁴ to⁴tse³ cjoa⁴nta³ vˀao²³.

1 Pedro 2:6

Jo³-sˀin² ti¹nchja⁴ xon⁴ Escritura: Coe⁴-ni³ ya⁴ Sión cˀoe³jna²³ xi³ lao⁴ti¹tjon² xi³ lao⁴xi⁴nqui⁴, xi³ nˀion¹ chji¹-le⁴. Coi³ la⁴jao⁴-ve⁴ Cristo ni¹. Je² xi³ coan⁴cjain¹-le⁴ xi³ tˀa³tsˀe⁴ li²coi³ coan⁴soa³-le⁴.

Apocalipsis 21:14

Cˀoa⁴ čhjao¹lao⁴-le⁴ na⁴xi⁴na³nta¹-ve⁴ tjin¹-le⁴ te³jao² čhjao¹ja⁴ma⁴. Ya⁴ tjio¹tˀa³ te³jao² jan³ˀain¹-le⁴ je² xi³ te³jao² pa²stro⁴ xi³ tsˀe⁴ Va³rre².