Efesios 2:10 - New Testament in Mazatec Huautla

¹⁰ Nca⁴ ña¹ nia¹ xa¹-le⁴ Ni³na¹. Ni³na¹ cˀoa⁴-sˀin² qui³si³nta³-na¹ nca³ ti³yo³coa⁴² Cristo Jesús, jme¹-ni³ nca³ nta³ si⁴xa¹-nia³² jña³-le⁴ xi³ Ni³na¹ to⁴nqui³-ni³ tsa³cˀe¹nta³ nca³ cˀoa⁴-sˀin² coi⁴ma³coa⁴² cjoa⁴-vi⁴.

Efesios 2:10 ပူးပေါင်းရင်းမြစ်များ

San Mateo 5:16

Cˀoa⁴-sˀin² ca²ta³ma³ˀi³sen³-le⁴ lˀi¹-no³ nqui³xcon⁴ cho⁴ta⁴, jme¹-ni³ nca³ scoe⁴-si¹ni³ xa¹nta³-no³, cˀoa⁴ cˀoa⁴sje³je³ya³-si¹ni³ Nˀai³-no³ xi³ ti¹jna³ ncˀa³jmi³.

San Juan 3:21

To⁴nca³ je² xi³ cjoa⁴qui²xi⁴ xi³ sˀin¹, nčhoa¹nčhˀoe² lˀi¹-ve⁴, jme¹-ni³ nca³ coan⁴tsen³-si¹ni³ cjoa⁴nta³-le⁴ nca³ tsˀe⁴ Ni³na¹.

Hechos de los Apóstoles 9:31

Nca³qui³jnta² Judea cao⁴ Galilea cao⁴ Samaria ña³qui³ nchˀan¹ tjio¹ na⁴xi⁴na³nta¹-le⁴ Cristo. Li²jme² cjoa⁴si³ xi³ tjin¹-le⁴. Qui³sˀe³-sa³le⁴ nca³nˀion¹ nca³ cˀoa⁴-sˀin² tjio¹ma³, nca³ qui³tsa³cjon³que³ Nai³-na¹. Je² Espíritu Santo tsa³ca³sen²cao⁴, cˀoa⁴-sˀin² coan³ncjin²ya³.

Hechos de los Apóstoles 9:36

Ya⁴ Jope ti¹jna³ jnco³ chjon⁴² xi³ cˀoa⁴-ti⁴ cho⁴ta⁴-le⁴ Cristo. Tabita ˀmi², xi³ tso²-ni³ Dorcas. A³li² to⁴cˀoa⁴cji³ nta³ chjon⁴² je²-vi⁴. Cjai¹nca³ nta³ tjin¹ xa¹-le⁴, cˀoa⁴ tse³ limosna xi³ tsjoa¹.

Romanos 8:1

Ntˀai⁴-vi⁴ntai⁴ ni⁴jme³-jin² cjoa⁴ñˀain³ xi³ tjin¹ne²-le⁴ je² xi³ tjio¹cao⁴ Cristo Jesús, je² xi³ tsi² tsa² coi³ cˀoa⁴-sˀin² vˀe²tso⁴ma³ jo³-sˀin² nca³ me³-le⁴ yao³-na¹, to⁴-nca³ jo³-sˀin² nca³ me³-le⁴ Espíritu Santo.

Romanos 8:29

je² xi³ Ni³na¹ to⁴nqui³-ni³ tsa³ve³, cˀoa⁴²-ti⁴ to⁴nqui³-ni³ xa¹ tsa³cˀe¹nta³-ni³ nca³ cˀoa⁴coan⁴ cjoan³ jo³ cjoan³ ˀnti¹-le⁴, jme¹-ni³ nca³ ˀnti¹tjon² coan⁴-si¹ni³le⁴ jin³-le⁴ ncjin² ntsˀe⁴.

1 Corintios 3:9

Nca⁴ jin⁴-jin⁴ to⁴jnco³ ni²xa¹coai⁴-jin⁴ Ni³na¹, cˀoa⁴ jon² nio¹³ ˀnte³-le⁴ jña³ nca³ si¹xa¹ Ni³na¹, cˀoa⁴ jon² nio¹³ ntˀia³-le⁴ xi³ vˀe¹nta³ Ni³na¹.

2 Corintios 5:17

Cˀia⁴ tsa² jnco³ xi³ ti¹jna³cao⁴ Cristo, coan³cho⁴tse⁴ya³ nqui²ntia³-ni³. Je² cjoa⁴ nca³sˀa⁴ je³ja³ˀa³to³. Coe⁴-ni³ coan³cho⁴tse⁴ nca³yi³je³ cjoa⁴.

2 Corintios 5:5

Cˀoa⁴ je² xi³ tsa³cˀe¹nta³-na³jin⁴ tˀa³tsˀe⁴ xi³ ti⁴coi³-ni³ je²-vi⁴, je² Ni³na¹, xi³ qui³tsjoa³-na³jin⁴ je² Espíritu Santo xi³ qui³sˀe³jna³nqui³-na³jin⁴.

2 Corintios 9:8

Cˀoa⁴ Ni³na¹ tjin¹-le⁴ nca³nˀion¹ nca³ nqui²sa⁴ si⁴²tse³ya³-no³ nca³yi³je³ cjoa⁴nta³, nca³ sˀe⁴ntsjai²-no³ nca³yi³je³ xi³ ma³chjen¹-no³, jme¹-ni³ nca³ tse³ coan⁴ncjin²ya³-si¹ni³no³ nca³yi³je³ xa¹ xi³ nta³,

Gálatas 6:15

Nca⁴ ti³yo³coa⁴² Cristo Jesús, ni⁴je²-jin² cjoa⁴circuncisión chji¹-le⁴, ni⁴je²-jin² xi³ tsi² cjoa⁴circuncisión, to⁴je² xi³ sˀe³nta³ cho⁴tse⁴ xi³ chji¹-le⁴.

Efesios 1:1

An³ nia¹³ Pablo, pa²stro⁴-le⁴ Jesucristo, nca⁴ cˀoa⁴-sˀin² coan³me³-le⁴ Ni³na¹. Ti²cji³-no³ jon² xi³ cho⁴ta⁴-le⁴ Cristo, xi³ ti³yo³ ya⁴ Efeso. Nta³ ma³nquin¹tˀa³-lao⁴³ Cristo Jesús.

Efesios 1:4

Ni³na¹ cˀoa⁴-sˀin² tsa³cja³ˀa¹jin³-na¹ nca⁴ ti³yo³coa⁴² Cristo sa³ˀnta³ nca³ cje³ sˀe³nta³-jin² son³ˀnte³, jme¹-ni³ nca³ tsje³ coan⁴-si¹nia³² nca³ ni⁴jme³-jin² je¹ sˀe⁴-si¹ni³na¹ nqui³xcon⁴ nca³ je².

Efesios 2:13

Nca⁴ ti³yo³cao⁴³ Cristo jon² xi³ nca³sˀa⁴ cjai¹nca³ cjin³ ti³yo³, ntˀai⁴-vi⁴ je³coan³čhian³tˀao³ xi³ to⁴tˀa³tsˀe⁴ njin¹-le⁴ Cristo.

Efesios 2:15

Cao⁴ yao³-le⁴ tsa³cja³ˀa¹xin² je² cjoa⁴co²ntran⁴, cˀoa⁴ je² cjoa⁴te¹xo³ma³ xi³ vˀe¹ne². Qui³si³nta³ya³cho⁴tse⁴ nca³ to⁴jnco³ coan³ nca³ jao² nca³ tjio¹cao⁴ Cristo. Cˀoa⁴-sˀin² qui³si³qui³njen³nchˀan¹jin³-le⁴.

Efesios 2:2

Nca³sˀa⁴ xi³ cja⁴ˀai¹ ni⁴čhjin³ cˀoa⁴-sˀin² tsa³qui³ma³-jion³ je² cjoa⁴-ve⁴ jo³ cji³ma³chon³ son³ˀnte³, jo³-sˀin² nca³ me³-le⁴ je² xi³ nca³jco⁴-le⁴ xi³ ya⁴ tjin¹-le⁴ nca³nˀion¹ jin³sen¹. Je² ni¹ xi³ nca³jco⁴-le⁴ nai⁴² xi³ nta³jin³ xi³ ntˀai⁴-vi⁴ si¹xa¹jin³ cho⁴ta⁴ xi³ xi¹jin³.

Efesios 2:6

To⁴jnco³ qui³si³cja³ˀa¹ya³-na¹, cˀoa⁴-ti⁴sˀin² qui³si³ca³tio²tˀa³-na¹ ya⁴ ncˀa³jmi³ cao⁴ Cristo Jesús,

Efesios 4:1

An³ xi³ ti²jna⁴ cjoa⁴ñˀain³ xi³ ti²jna⁴coa⁴ je² Nai³-na¹, vˀe³tsˀoa²³-no³ nca³ coi⁴mao³ jo³-sˀin² ma³chjen¹ je² xa¹ xi³ qui³no²cjoa⁴-no³,

Efesios 4:24

Chjoao¹³ je² ni⁴ma⁴-no³ xi³ cho⁴tse⁴, xi³ nco³ya³-le⁴ Ni³na¹ qui³sˀe³nta³-ni³ cao⁴ xi³ tjin¹-le⁴ cjoa⁴qui²xi⁴ cˀoa⁴ cao⁴ xi³ ña³qui³ tsje³.

Filipenses 1:6

Nta³ ˀve³-coan³ nca³ Ni³na¹ xi³ cˀoa⁴-sˀin² tsa³cˀe¹tsˀia⁴cao⁴jin³ ni⁴ma⁴-no³ je² xa¹ xi³ nta³-ve⁴, to⁴sin³ to⁴nta³ si⁴²jnco³ sa³ˀnta³ ni⁴čhjin³ nca³ cjoa⁴ˀai¹ Jesucristo.

Filipenses 2:13

Je² Ni³na¹ nta³ ti¹si¹xa¹jin³ ni⁴ma⁴-no³, jo³-sˀin² nca³ me³-le⁴ cjoa⁴nta³-le⁴, jme¹-ni³ nca³ cˀoa⁴coi⁴tso⁴-si¹ni³ta³-con²³ nca³ jon², cˀoa⁴ jme¹-ni³ nca³ cˀoa⁴sˀian⁴-si¹nio³.

Colosenses 1:10

jme¹-ni³ nca³ cˀoa⁴-sˀin² coi⁴ma³-nio³ jo³-sˀin² nca³ va³quin²-le⁴ Nai³-na¹, jña³-le⁴ nca³yi³je³ xi³ sa³sen¹-le⁴ nca³ je². Nqui²sa⁴ tse³ ca²ti³tjo³son²-no³ jña³-le⁴ xa¹ xi³ nta³ tjin¹, nca³ nqui²sa⁴ nta³ jchao⁴³ Ni³na¹.

Colosenses 3:10

Je³qui³chjoao¹³ je² ni⁴ma⁴ xi³ cho⁴tse⁴, xi³ je³cji³ma³cho⁴tse⁴ya³ cao⁴ cjoa⁴fa³ˀai³tsjen³ xi³ cjoa⁴qui²xi⁴ jo³ cjoan³ je² xi³ tsa³cˀe¹nta³ nca³ je².

2 Tesalonicenses 2:17

Ca²ta³si¹je³con³ ni⁴ma⁴-no³, cˀoa⁴sˀin² nˀion¹ ca²ta³si¹ca³tio¹-no³ nca³yi³je³ en¹-no³ cao⁴ xa¹-no³ xi³ nta³ tjio¹.

1 Timoteo 2:10

To⁴sa³ ca²ta³sˀin¹ xa¹ xi³ nta³, jo³-sˀin² va³quin²-le⁴ ya¹nchjin¹ xi³ tso² nca³ ve³xcon¹ Ni³na¹.

1 Timoteo 5:10

xi³ nta³ tsa³ˀya³-le⁴ xi³ to⁴tˀa³tsˀe⁴ xa¹-le⁴ xi³ nta³, tsa² qui³si³jcha¹ xti³, tsa² qui³si³sin³-le⁴ xi³ ja³ˀai³con³-le⁴, tsa² tsa³ca³ne¹jon³ ntso⁴co⁴ cho⁴ta⁴-le⁴ Cristo, tsa² tsa³qui³ncha²cao⁴ xi³ cjoa⁴va³ tjin¹-le⁴, tsa² cˀoa⁴-sˀin² nta³ qui³si³xa¹ nca³yi³je³ cjoa⁴.

1 Timoteo 5:25

Cˀoa⁴-ti⁴sˀin² je² xi³ nta³ xa¹ tjio¹son²tsen³-ni¹ ti¹tjon². Cˀoa⁴ je² xi³ cja⁴ˀai¹-sˀin² cjoan³ li²coi³ coan⁴ coa⁴tio⁴ˀma³.

1 Timoteo 6:18

Je² cho⁴ta⁴nchi⁴na¹-ve⁴ cjoa⁴nta³ ca²ta³sˀin¹, nˀion¹ tse³ cjoa⁴nta³ ca²ta³sˀe³-le⁴, ca²ta³si¹tjao²cha³ xi³ yo⁴ma⁴, nca³ sin³ nca³ nta³ ca²ta³tsjoa¹.

2 Timoteo 2:21

Tsa² jnco³ xi³ coi³ cjoa⁴ si¹tsje³-ni³ yao³-le⁴, cˀoa⁴cjoan³ jo³-ni³ tsa² cho⁴tsin¹ xi³ ˀya³xcoan¹, xi³ je³coan³tsje³, xi³ coan⁴ coan⁴chjen¹-le⁴ Nai³-na¹, nca³ ti¹jna³nta³ to⁴jme³ xa¹ xi³ nta³ tjin¹.

2 Timoteo 3:17

jme¹-ni³ nca³ je² cho⁴ta⁴-le⁴ Ni³na¹ ña³qui³ tji¹jnco³-si¹ni³, nca³ ña³qui³ tjin¹yi³je³-le⁴ xi³ ma³chjen¹-le⁴ tˀa³tsˀe⁴ nca³yi³je³ xa¹ xi³ nta³.

Tito 2:14

Jesucristo qui³tsjoa³ yao³-le⁴ xi³ to⁴tˀa³tsan⁴², jme¹-ni³ nca³ cˀoa⁴-sˀin² tsa³cˀe¹chji¹ntjai²-si¹ni³ nca³yi³je³ je¹-na¹, jme¹-ni³ nca³ qui³si³tsje³ya³-si¹ni³ xi³ tˀa³tsˀe⁴ yao³-le⁴ jnco³ na⁴xi⁴na³nta¹ xi³ ña³qui³ tsˀe⁴. Je² na⁴xi⁴na³nta¹-ve⁴ si¹xi¹ti¹ya³-le⁴ yao³-le⁴ tˀa³tsˀe⁴ xa¹ xi³ nta³ tjin¹.

Tito 2:7

Ta⁴co²cho⁴yai³ xa¹-li⁴ jña³-le⁴ nca³yi³je³ xa¹ xi³ nta³ tjin¹. Cˀia⁴ nca³ va³co²yai³, nˀion¹ nta³ ta⁴co²yai³ xi³ tsje³ tjin¹, xi³ tsi² to⁴xquia⁴ sˀin¹.

Tito 3:1

Ti⁴cja³ˀai³tsjen³-lai⁴ nca³ na³nqui³ ca²ta³va³tio²-le⁴ cho⁴ta⁴ti¹tjon² cao⁴ cho⁴ta⁴xa¹, ca²ta³si¹tjo³son²-le⁴, ca²ta³va³tio²nta³ to⁴jme³ xa¹-ni³ xi³ nta³.

Tito 3:14

Cˀoa⁴-ti⁴sˀin² ca²ta³co³tˀa³ya² xi³ tsan⁴² cho⁴ta⁴, nca³ nta³ ca²ta³si¹sin³-le⁴ xa¹ xi³ nta³ tjin¹, jme¹-ni³ nca³ coi⁴ncha³cao⁴-si¹ni³ je² xi³ ma³chjen¹-le⁴, jme¹-ni³ nca³ coan⁴ncjin²ya³-si¹ni³le⁴ cjoa⁴nta³-le⁴.

Tito 3:8

En¹ xi³ cjoa⁴qui²xi⁴ je²-vi⁴. Me³-na³ nca³ nˀion¹ nta³ si⁴qui²xi⁴yai³ je² cjoa⁴-vi⁴, jme¹-ni³ nca³ nta³ si⁴²sin³-si¹ni³le⁴ xa¹ xi³ nta³ tjin¹ je² cho⁴ta⁴ xi³ je³coan³cjain¹-le⁴ tˀa³tsˀe⁴ Ni³na¹. Cjai¹nca³ nta³ je² cjoa⁴-vi⁴, cˀoa⁴ cjai¹nca³ nta³ ma³chjen¹-le⁴ nca³tsˀi³ cho⁴ta⁴.

Hebreos 10:24

Cˀoa⁴ si⁴cja³ˀai³tsjen³jin³-nia¹ xi²nquia⁴² nca³ jnco¹jncoa¹, nca³ si⁴nˀion¹jian³² xi²nquia⁴², nca³ sˀe⁴-na¹ cjoa⁴tjao²cha³, cˀoa⁴ nca³ cˀoa⁴sˀian⁴² xa¹ xi³ nta³.

Hebreos 13:21

Ni³na¹ ca²ta³si¹jnco³cao⁴-no³ nca³yi³je³ xi³ nta³, jme¹-ni³ nca³ cˀoa⁴sˀian⁴-si¹nio³ jo³-sˀin² nca³ me³-le⁴ nca³ je², nca³ si¹xa¹jin³-no³ je² cjoa⁴ xi³ nqui²sa⁴ nta³ sa³sen¹-le⁴ nqui³xcon⁴ nca³ je², xi³ to⁴tˀa³tsˀe⁴ Jesucristo. Je²-vi⁴ xi³ ca²ta³sˀe³-le⁴ cjoa⁴je³ya³ xi³ nca³ntsjai² nca³ntsjai². Cˀoa⁴ ca²ta³ma³.

1 Pedro 2:12

Nta³ ta³nquin¹cao⁴³ yao³-no³ ya⁴jin³-le⁴ cho⁴ta⁴ xi³ li² judío-jin². Nta³ tsa² jo³-ni³ cho⁴ta⁴tsˀen⁴ ve³con³-no³, cˀia⁴ tsa² scoe⁴ nca³ nta³ xa¹-no³, cˀoa⁴sje³je³ya³ Ni³na¹ coi³ ni⁴čhjin³ nca³ Ni³na¹ cjoa⁴ˀai¹con³-le⁴.

1 Juan 1:7

Cˀia⁴ tsa² jña³ nca³ i³sen³ ma³nquian¹, jo³-sˀin² jña³ nca³ i³sen³ ti¹jna³ nca³ je², cˀoa⁴-sˀin² ti³yo³cjoa³² xi²nquia⁴², cˀoa⁴ njin¹-le⁴ Jesucristo ˀnti¹-le⁴ Ni³na¹ si¹tsje³ya³-na¹ nca³yi³je³ je¹-na¹.

1 Juan 2:6

Je² xi³ tso² nca³ ti¹jna³cao⁴ Jesucristo, ma³chjen¹ nca³ cˀoa⁴-sˀin² cˀoa¹mjen³, jo³-sˀin² tsa³cˀa³mjen³ nca³ je².