Efesios 1:9 - New Testament in Mazatec Huautla

⁹ Cˀoa⁴-sˀin² qui³si³cˀa³tsen³-na¹ je² xi³ je² me³-le⁴, xi³ tji¹ˀma³, jo³-sˀin² nca³ cjoa⁴tsjoa³-le⁴ni³, jo³ qui³tso² je² cjoa⁴fa³ˀai³tsjen³-le⁴ nca³ xa¹ cˀoe⁴²nta³-ni³ xi³ to⁴tˀa³tsˀe⁴,

Efesios 1:9 ပူးပေါင်းရင်းမြစ်များ

San Mateo 13:11

Cˀoa⁴ je² qui³nchja⁴-nca¹ni³: Nca⁴ jon² qui³tsˀai²-no³ nca³ jchao⁴³ cjoa⁴ˀma³-le⁴ cjoa⁴te¹xo³ma³-le⁴ ncˀa³jmi³, to⁴nca³ je², li²coi³ cˀoa⁴-sˀin² qui³tsˀai²-le⁴.

San Lucas 12:32

A³li² jcon³-jion²³, jon² xi³ to⁴choa³ ma³-ni³ xi³ ti³yo³jtion¹³, nca⁴ je² Nˀai³-na¹ cjai¹nca³ coan³tsjoa³-le⁴ nca³ tsjoa¹-no³ cjoa⁴te¹xo³ma³-le⁴.

San Lucas 2:14

Ca²ta³sˀe³-le⁴ cjoa⁴je³ya³ Ni³na¹ ya⁴ ncˀa³jmi³, cˀoa⁴ i⁴ son³ˀnte³ jña¹ ca²ta³ma³chon³-le⁴ jin³-le⁴ cho⁴ta⁴ xi³ qui³sˀe³-le⁴ cjoa⁴nta³-le⁴ Ni³na¹.

Hechos de los Apóstoles 13:48

Cˀia⁴ nca³ je² cho⁴ta⁴ xi³ li² judío-jin² qui³nčhˀoe¹ en¹ xo⁴ tjin¹-vi⁴, a³li² to⁴cˀoa⁴cji³ coan³tsjoa³-le⁴. Tsˀa³sje³je³ya³ je² en¹-le⁴ Nai³-na¹. Coan³cjain¹-le⁴ nca³tsˀi³ xi³ qui³si³ncha³nta³ xi³ tˀa³tsˀe⁴ cjoa⁴vi³jna³chon³ nca³ntsjai².

Hechos de los Apóstoles 2:23

Je² Jesús qui³ni²⁴ntsja³, jo³-sˀin² nca³ Ni³na¹ to⁴nqui³-ni³ qui³sco³son²-ni³le⁴, cˀoa⁴ to⁴nqui³-ni³ tsa³ve³. Jon² qui³nto³vao³ qui³ni²cˀen³-nio³ cao⁴ ntsja³ cho⁴ta⁴je¹. Tsa³cja³tˀao³ cro².

Hechos de los Apóstoles 4:28

Je² coan³xco¹co²ntran⁴-le⁴ nca³ cˀoa⁴sˀin⁴² jo³-sˀin² to⁴nqui³-ni³ qui³cho²son²-ni³lai⁴ cao⁴ nca³nˀion¹-li⁴ nca³ cˀoa⁴-sˀin² cˀoa⁴coan⁴.

Romanos 11:25

Nca⁴ tsi²coi³ me³-na³, ntsˀe³, nca³ tsi² jchao⁴³ je² cjoa⁴ˀma³-ve⁴, jme¹-ni³ nca³ tsi² nˀion¹ ncˀa³ta³con²³ coan⁴-si¹nio³ xi³ ti⁴tˀa³tsaon⁴³-nio³. Je² cjoa⁴ta²ja³ta³con² xi³ coan³cˀa³-le⁴ cho⁴ta⁴ Israel, jo³ sa³ˀnta³ nca³ cjoe⁴ coan⁴jnco³ nca³tsˀi³ cho⁴ta⁴ xi³ li² judío-jin² xi³ cjoa⁴ˀa³sˀen³.

Romanos 8:28

ˀya³-nia¹ nca³ nca³yi³je³ cjoa⁴ ña³tjen⁴ si¹xa¹ cjoa⁴nta³ tˀa³tsˀe⁴ je² xi³ tsjoa³que³ Ni³na¹, xi³ Ni³na¹ qui³nchja⁴-le⁴ jo³-sˀin² nca³ xa¹ tsa³cˀe¹nta³-ni³,

1 Corintios 1:21

Je² son³ˀnte³ li²coi³ tsa³ve³ Ni³na¹ xi³ to⁴tˀa³tsˀe⁴ cjoa⁴chji⁴ne⁴-le⁴ cho⁴ta⁴. Ni³na¹ xi³ cˀoa⁴qui³tso² cao⁴ cjoa⁴ˀi³sen³ta³con²-le⁴. Qui³sa³sen³-le⁴ Ni³na¹ nca³ tsˀa³sje³ntjai² je² xi³ ma³cjain¹-le⁴ xi³ to⁴tˀa³tsˀe⁴ cjoa⁴sca¹ xi³ tsˀe⁴ en¹ xi³ qui³no²cjoa⁴ya³.

Gálatas 1:12

Ni⁴cho⁴ta⁴-jin² qui³tsjoa³-na³, ni⁴cho⁴ta⁴-jin² tsa³ca³co¹ya³-na³, to⁴je² Jesucristo xi³ qui³si³cˀa³tsen³jin³-na³ je² en¹nta³-vi⁴.

Gálatas 1:15

To⁴nca³ Ni³na¹ xi³ cˀoa⁴-sˀin² tsa³cjaˀa¹jin³-na³ jo³ sa³ˀnta³ nca³ cje³ tsin³-jian²³, xi³ cao⁴ cjoa⁴nta³-le⁴ qui³nchja⁴-na³. Cˀia⁴ nca³ qui³sa³sen³-le⁴

Gálatas 1:16

Ni³na¹ qui³si³cˀa³tsen³jin³-na³ je² ˀnti¹-le⁴, jme¹-ni³ nca³ coi³nchja²ya³jin³-si¹ni³le⁴ cho⁴ta⁴ xi³ li² judío-jin² xi³ tˀa³tseˀe⁴ je² ˀnti¹-le⁴. An³ a³li²ˀya³ xi³ qui³si³je¹ nti⁴ton⁴-le⁴ cjoa⁴qui²xi⁴-le⁴.

Efesios 1:11

To⁴coi³ nca³ Cristo ti³yo³coa⁴², tsa³cja³ˀa¹jin³-na¹, cˀoa⁴ tsa³ca³sen¹-na¹ jo³-sˀin² nca³ to⁴nqui³-ni³ qui³sco³son²-ni³le⁴ je² xi³ vˀe¹nta³ nca³yi³je³ jo³-sˀin² si¹cja³ˀai³tsjen³, nca³ cˀoa⁴-sˀin² me³-le⁴.

Efesios 1:8

Je² cjoa⁴nta³-le⁴ nˀion¹ tse³ qui³si³ncjin²ya³son²-na¹ cao⁴ nca³yi³je³ cjoa⁴chji⁴ne⁴ cao⁴ cjoa⁴fa³ˀai³tsjen³-le⁴.

Efesios 3:11

Cˀoa⁴-sˀin² tjin¹nta³ cjoa⁴fa³ˀai³tsjen³-le⁴ Ni³na¹ nca³ntsjai², nca³ cˀoa⁴-sˀin² tsa³cˀe¹nta³ xi³ to⁴tˀa³tsˀe⁴ Cristo Jesús Nai³-na¹.

1 Timoteo 3:16

Ña³qui³ ˀya³² nca³tsˀia³² nca³ cjai¹nca³ to⁴je³ya³ je² cjoa⁴ˀma³-ve⁴ jo³-sˀin² ˀya³xcoan¹ Ni³na¹. Ni³na¹ tsa³ˀya³-le⁴ nca³ cho⁴ta⁴yao³ cjoan³ jo³-ni³ ña¹. Xi³ to⁴tˀa³tsˀe⁴ Espíritu Santo tsa³ˀya³-le⁴ nca³ tjin¹-le⁴ cjoa⁴qui²xi⁴. Tsa³ve³ je² a²ncje⁴-ve⁴. Qui³no²cjoa⁴ya³jin³-le⁴ nca³tsˀi³ na⁴xi⁴na³nta¹. Xi³ i⁴ son³ˀnte³-vi⁴ tjio¹ coan³cjain¹-le⁴ tˀa³tsˀe⁴. Qui³tjoe¹ ncˀa³jmi³ cao⁴ cjoa⁴je³ya³.

2 Timoteo 1:9

Je² xi³ tsa³cˀa³sje³ntjai²-na¹, xi³ qui³nchja⁴-na¹ xi³ tˀa³tsˀe⁴ xa¹tsje³-vi⁴. A³li² tsa² cˀoa⁴-sˀin² va³quin²-le⁴ xa¹-na¹, to⁴je² xi³ cˀoa⁴-sˀin² coan³me³-le⁴ cao⁴ cjoa⁴nta³-le⁴ xi³ qui³tsˀai²-na¹ cao⁴ Cristo Jesús jo³ sa³ˀnta³ ti¹tjon² nca³ to²tsˀin³-le⁴ cjoa⁴.