Efesios 1:18 - New Testament in Mazatec Huautla

¹⁸ Cˀoa⁴-sˀin² si⁴²ˀi³sen³-le⁴ cjoa⁴fa³ˀai³tsjen³-le⁴ ni⁴ma⁴-no³, jme¹-ni³ nca³ jcha⁴-nio³ jña³-le⁴ xi³ cho³ya²-ni³lao⁴³ nca³ qui³no²cjoa⁴-no³. Jcha⁴-nio¹³ jo³-sˀin² nca³ nˀion¹ tse³ cjoa⁴je³ya³ xi³ tjin¹-le⁴ je² cjoa⁴tjao² xi³ sˀe³-le⁴ Ni³na¹, xi³ je² cho⁴ta⁴-le⁴ Cristo.

Efesios 1:18 ပူးပေါင်းရင်းမြစ်များ

San Mateo 13:15

Nca⁴ je² ni⁴ma⁴-le⁴ na⁴xi⁴na³nta¹-vi⁴ je³nˀion¹ coan³nchja¹, cˀoa⁴ xo⁴ño³ ñˀain³ nčhˀoe¹-ni³, cˀoa⁴ xcon⁴ to⁴sa³-sa³ tsa³cˀe¹chjoa²nqui³-ni³, jme¹-ni³ nca³ tsi² scoe⁴-ni³ xcon⁴, cˀoa⁴ jme¹-ni³ nca³ tsi² cjoi⁴nčhˀoe¹-ni³ xo⁴ño³, cˀoa⁴ jme¹-ni³ nca³ tsi² coan⁴cho⁴ya³-ni³le⁴ ni⁴ma⁴-le⁴, cˀoa⁴ jme¹-ni³ nca³ tsi² si⁴²cˀo¹fa³tˀa³-ni³le⁴ Ni³na¹, cˀoa⁴ an³ si³nta³-nia³.

San Marcos 10:17

Cˀia⁴ nca³ Jesús ji³tjo³-ni³ nca³ coai⁴ ya⁴³ ntia⁴², ji³nčhoa³ to³ca³nčhˀoe² jnco³ xi³ tsa³ca³sen²xco¹nchˀin³ nqui³xcon⁴ nca³ je², qui³sco²na³nqui³-le⁴: Maestro ntai³, jme¹ cjoa⁴nta³ xi³ sˀian³ jme¹-ni³ nca³ sˀe⁴-si¹ni³na³ cjoa⁴vi³jna³chon³ nca³ntsjai².

San Lucas 24:45

Cˀia⁴ qui³sco³ˀai²ˀnte³-le⁴ cjoa⁴fa³ˀai³tsjen³-le⁴, jme¹-ni³ nca³ coan⁴cho⁴ya³-si¹ni³le⁴ xi³ tjio¹tˀa³ xon⁴ Escritura.

Hechos de los Apóstoles 16:14

Cˀia⁴ jnco³ chjon⁴² xi³ Lidia ˀmi², xi³ va³te¹na³ na³jño³ni², xi³ ya⁴ na⁴xi⁴na³nta¹ Tiatira tsˀe⁴, tsa³ve³xcon¹ Ni³na¹, ti¹nčhˀoe¹. Je² Nai³-na¹ qui³sco³ˀai² ni⁴ma⁴-le⁴, tsa³ca³sen¹ xo⁴ño³ jme¹-ni³ nca³ qui³nčhˀoe¹-si¹ni³ xi³ qui³tso² Pablo.

Hechos de los Apóstoles 26:18

jme¹-ni³ nca³ cˀoa⁴-sˀin² cho¹ˀai²nqui³-si¹ni³ xcon⁴. Ca²ta³vi³tjo³-ni³ cjoa⁴njion²-le⁴, ca²ta³ma³ˀi³sen³-le⁴, ca²ta³vi³ncha³xin²-le⁴ je² nca³nˀion¹-le⁴ Satanás, ca²ta³nčhoa¹tˀa³-le⁴ Ni³na¹, jme¹-ni³ nca³ cˀoa⁴-sˀin² cha⁴tˀa³-si¹ni³le⁴ je¹-le⁴, cˀoa⁴ sˀe⁴cjoa⁴tjao²-si¹ni³le⁴ ja⁴jin³-le⁴ je² xi³ je³coan³tsje³ nca³ ma³cjain¹-le⁴ xi³ tˀa³tsˀe⁴.

Romanos 11:29

Nca⁴ li²coi³ coan⁴ cˀoa⁴ntjai²ya³ cjoa⁴tjao²-le⁴ Ni³na¹ cao⁴ jo³-sˀin² nca³ qui³nchja⁴-le⁴ Ni³na¹.

Romanos 2:4

A³xo⁴ nˀo²sje³nqui³-ni¹ xi³ nˀion¹ tse³ cjoa⁴nta³-le⁴ Ni³na¹, cao⁴ cjoa⁴cho⁴ya³cao⁴cjoa⁴-le⁴, cao⁴ cjoa⁴tse³ta³con²-le⁴, nca³ tsi² ˀyai³ nca³ je² cjoa⁴nta³-le⁴ fi²cao⁴-li² nca³ si⁴cˀa³ntjai²ya³-ni³ cjoa⁴fa³ˀai³tsjen³-li⁴.

2 Corintios 4:4

Tˀa³tsˀe⁴ xi³ cha³, je² ni³na¹ xi³ tsˀe⁴ son³ˀnte³-vi⁴ ntˀai⁴-vi⁴ tsa³cˀe¹chjoa²nqui³ cjoa⁴fa³ˀai³tsjen³-le⁴ je² xi³ tsi² ma³cjain¹-le⁴, jme¹-ni³ nca³ tsi² sˀe⁴-si¹ni³le⁴ sen¹ cao⁴ cjoa⁴ˀi³sen³-le⁴ je² en¹nta³ xi³ tˀa³tsˀe⁴ cjoa⁴je³ya³-le⁴ Cristo xi³ Ni³na¹ ji³tjo³jin³.

2 Corintios 4:6

Nca⁴ Ni³na¹ xi³ cˀoa⁴qui³tso², je² lˀi¹ ca²ta³ma³ˀi³sen³-ni³ jña³ njion²chon³, cˀoa⁴ je² ni¹ xi³ qui³si³ˀi³sen³jin³ ni⁴ma⁴-na⁴jin⁴. Cˀoa⁴-sˀin² tˀa³tsain⁴-jin⁴ qui³si³ˀi³sen³, jme¹-ni³ nca³ jcha⁴-si¹ni³jin⁴ je² cjoa⁴je³ya³-le⁴ Ni³na¹ xi³ ncjain¹ Jesucristo ma³tsen³-ni³.

Gálatas 5:5

Xi³ to⁴tˀa³tsˀe⁴ je² Espíritu Santo ña¹ ti³cho³ya²-le⁴² nca³ cjoe⁴tˀa³ je¹-na¹ xi³ to⁴tˀa³tsˀe⁴ nca³ ma³cjain¹-na¹.

Efesios 1:11

To⁴coi³ nca³ Cristo ti³yo³coa⁴², tsa³cja³ˀa¹jin³-na¹, cˀoa⁴ tsa³ca³sen¹-na¹ jo³-sˀin² nca³ to⁴nqui³-ni³ qui³sco³son²-ni³le⁴ je² xi³ vˀe¹nta³ nca³yi³je³ jo³-sˀin² si¹cja³ˀai³tsjen³, nca³ cˀoa⁴-sˀin² me³-le⁴.

Efesios 1:7

Je² Cristo tsa³cˀe¹chji¹ntjai²-na¹ cao⁴ njin¹-le⁴. Qui³si³cha³tˀa³ je¹-na¹ nca³ cˀoa⁴-sˀin² to⁴nˀion¹ tse³ cjoa⁴nta³ xi³ tjin¹-le⁴.

Efesios 2:12

Ti⁴cja³ˀai³tsjen³jion³ jo³-sˀin² nca³sˀa⁴ li²jme³ xi³ qui³sˀe³-no³ tˀa³tsˀe⁴ Cristo. Tˀa³xin² tsa³qui³yo³-lao⁴³ na⁴xi⁴na³nta¹-le⁴ Israel. Cho⁴ta⁴cja⁴ˀai¹ nio¹³ nca³ tsi² coan³-no³ ˀnte³ tˀa³tsˀe⁴ je² cjoa⁴ xi³ qui³sˀe³nˀion¹ xi³ Ni³na¹ qui³si³sˀe³nqui³. Li²jme³ xi³ qui³cho²ya³-lao⁴³ nca³ tsa³qui³yo³tˀa³xin²-lao⁴³ Ni³na¹ i⁴ son³ˀnte³-vi⁴.

Efesios 3:16

Cˀoa⁴-sˀin² to⁴tˀa³tsˀe⁴ je² Espíritu Santo-le⁴ ca²ta³tsjoa¹jin³ ni⁴ma⁴-no³ xi³ tse³ nca³nˀion¹, jo³-sˀin² nca³ nˀion¹ tse³ cjoa⁴je³ya³-le⁴.

Efesios 3:8

Je² xi³ nqui²sa⁴-sa³ na³nqui³ tjio¹ xi³ cho⁴ta⁴-le⁴ Cristo, an³ xi³ nqui²sa⁴-sa³ nˀion¹ na³nqui³ ti²jna⁴-le⁴. An³ tsa³cˀai²-na³ cjoa⁴nta³-vi⁴ nca³ cˀoa⁴-sˀin² coi³nchja²ya³jin³-le⁴ cho⁴ta⁴ xi³ li² judío-jin² je² en¹nta³ tˀa³tsˀe⁴ je² cjoa⁴nta³ xi³ tjin¹-le⁴ Cristo xi³ li²coi³ coan⁴ jcha⁴yi³je³.

Efesios 4:1

An³ xi³ ti²jna⁴ cjoa⁴ñˀain³ xi³ ti²jna⁴coa⁴ je² Nai³-na¹, vˀe³tsˀoa²³-no³ nca³ coi⁴mao³ jo³-sˀin² ma³chjen¹ je² xa¹ xi³ qui³no²cjoa⁴-no³,

Efesios 4:4

Jnco³ yao³ tjin¹. Jnco³ Espíritu Santo tjin¹, jo³-sˀin² nca³ cˀoa⁴-ti⁴ qui³no²cjoa⁴-no³ xi³ tˀa³tsˀe⁴ jnco³ cjoa⁴cho³ya²cao⁴cjoa⁴ xi³ qui³sˀe³-no³ nca³ qui³no²cjoa⁴-no³.

Efesios 5:8

Nca³sˀa⁴ njion² nio¹³, to⁴nca³ ntˀai⁴-vi⁴ntai⁴ je³ˀi³saon³ nca³ ti³yo³cao⁴³ je² Nai³-na¹. Ti⁴mao³ jo³-ni³ tsa² ˀnti¹-le⁴ xi³ i³sen³-le⁴.

Filipenses 3:14

Sˀin³-le⁴ cjoa⁴nˀion¹ yao³-na⁴, jme¹-ni³ nca³ cjoi³cho³ nčhˀoe²-si¹nia³ choa⁴ nca³ tjoe¹-na³ chji¹-na⁴ xi³ tsˀe⁴ Ni³na¹, xi³ coi³ nca³ Ni³na¹ coi⁴nchja⁴mi³-na¹ ncˀa³jmi³ nca⁴ ti³yo³coa⁴² Cristo Jesús.

Colosenses 1:12

Cao⁴ cjoa⁴tsjoa³ cˀoai⁴-lao⁴³ cjoa⁴nta³ je² Nˀai³-na¹, nca³ qui³tsjoa³-na¹ nca³nˀion¹ nca³ cˀoa⁴-ti⁴ ña¹ cˀoa⁴cao⁴-na¹ je² cjoa⁴tjao² xi³ tjin¹-le⁴ cho⁴ta⁴-le⁴ Cristo ya⁴ jña³ nca³ i³sen³.

Colosenses 1:23

Cˀoa⁴coan⁴ tsa² coa⁴nquin¹-sao⁴³, cˀoa⁴ tsa² coi⁴yo³nˀion¹³ jo³-sˀin² nca³ ma³cjain¹-no³, cˀoa⁴ tsa² tsi² nca³ i⁴ nca³ jan¹ cˀoao¹³-ta³con²³ tˀa³tsˀe⁴ je² cjoa⁴nta³ xi³ ti³cho³ya²-lao⁴³, xi³ tsˀe⁴ je² en¹nta³ tˀa³tsˀe⁴ Cristo xi³ qui³no²ˀyao²³, jña³-le⁴ xi³ qui³no²cjoa⁴ya³jin³-le⁴ nca³tsˀi³ xi³ tjio¹ i⁴ son³ˀnte³-vi⁴. An³ Pablo qui³tjoe¹-na³ coi³ xa¹ tˀa³tsˀe⁴ en¹ je²-vi⁴.

Colosenses 1:27

Ni³na¹ coan³me³-le⁴ nca³ qui³si³cji³nčhˀoe¹ je² cho⁴ta⁴-le⁴ Cristo jo³-sˀin² nˀion¹ tse³ cjoa⁴je³ya³ tjin¹-le⁴ je² cjoa⁴ˀma³-ve⁴ ya⁴jin³-le⁴ cho⁴ta⁴ xi³ li² judío-jin². Je² cjoa⁴ˀma³-ve⁴ je² Cristo xi³ ti¹jna³jin³ ni⁴ma⁴-no³. Coi³ nca³ sˀe⁴-no³ je² cjoa⁴je³ya³ xi³ ti³cho³ya²-lao⁴³.

Colosenses 1:5

Ti³vˀai²-lai⁴jin⁴ cjoa⁴nta³ Ni³na¹ xi³ to⁴tˀa³tsˀe⁴ cjoa⁴nta³ xi³ ti³cho³ya²-lao⁴³ xi³ ti¹jna³tjao²-no³ ncˀa³jmi³. Jon² je³qui³no²ˀyao²³ cjoa⁴ je²-vi⁴ to⁴tˀa³tsˀe⁴ je² en¹nta³ xi³ cjoa⁴qui²xi⁴ xi³ tˀa³tsˀe⁴ Cristo.

Colosenses 2:2

jme¹-ni³ nca³ cˀoa⁴-sˀin² nta³ ca²ta³sˀe³-ni³con³ ni⁴ma⁴-le⁴, nca³ si⁴²jnco³ yao³-le⁴ nca³ tjao²que³ xi¹ncjin¹, sa³ˀnta³ ña³qui³ coan⁴cho⁴ya³yi³je³-le⁴. Cˀoa⁴-sˀin² ña³qui³ nta³ scoe⁴ Cristo xi³ je² cjoa⁴ˀma³ xi³ tsˀe⁴ Ni³na¹, cˀoa⁴ xi³ tsˀe⁴ Nˀai³-na¹.

Colosenses 3:15

Je² cjoa⁴nchˀan¹ta³con²-le⁴ Ni³na¹ ca²ta³va³te¹xo³ma³-le⁴ ni⁴ma⁴-no³. Cˀoa⁴-sˀin² qui³no²cjoa⁴-no³ nca³ ca²ta³njen³-nchˀan¹jin³-no³, nca³ to⁴jnco³ yao³ nio¹³. Tˀao²³ cjoa⁴nta³.

1 Tesalonicenses 2:12

Nˀion¹ tsa³cˀe²ne²-lai²⁴jin⁴ nca³ cˀoa⁴-sˀin² ti⁴mao³ jo³-sˀin² va³quin²-le⁴ Ni³na¹ xi³ nchja⁴-no³ tˀa³tsˀe⁴ cjoa⁴te¹xo³ma³-le⁴ cao⁴ cjoa⁴je³ya³-le⁴.

1 Tesalonicenses 5:8

To⁴nca³ ña¹ xi³ ni⁴čhjin³ tsan⁴², nta³ tjain¹coa⁴² yao³-na¹. Je² xi³ ma³cjain¹-na¹, je² cjoa⁴tjao²cha³ ca²ta³sˀe³-na¹ jo³-ni³ tsa² chi⁴nca³qui⁴cha⁴ xi³ so³nta²do⁴ yˀa³cja¹. Je² cjoa⁴cho³ya²cao⁴cjoa⁴ nca³ coi²tjo⁴ntje² ca²ta³sˀe³-na¹ jo³-ni³ tsa² xo³mpe³qui⁴cha⁴ xi³ cji³son²-le⁴ so³nta²do⁴.

2 Tesalonicenses 1:11

Coi³ cjoa⁴ nca³ cˀoa⁴sˀin² ti³vˀe²tsˀoai³⁴-jin⁴ nca³ntsjai² xi³ tˀa³tsaon⁴³, jme¹-ni³ nca³ cˀoa⁴sˀin² Ni³na¹ tsjoa¹-si¹ni³no³ cjoa⁴nta³ nca³ coa⁴quin²-no³ je² xa¹ xi³ qui³nchja⁴-no³. Cjai¹nca³ to⁴tse³-sa³ cjoa⁴nta³ ca²ta³tsjoa¹-le⁴ nca³yi³je³ cjoa⁴fa³ˀai³tsjen³-no³ xi³ nta³ tjin¹. Ca²ta³tsjoa¹-sa³le⁴ nca³nˀion¹ nca³yi³je³ xa¹-no³ nca³ ma³cjain¹-no³,

2 Tesalonicenses 2:16

Ti⁴je²-ni³ Nai³-na¹ Jesucristo cao⁴ Ni³na¹ Nˀai³-na¹, je² xi³ cjai¹nca³ coan³tsjoa³que³-na¹, qui³tsjoa³-na¹ cjoa⁴je³ta³con² xi³ cˀoe¹jna³jin³ntsjai²-na¹, cˀoa⁴ xi³ nta³ ti³cho³ya²-le⁴² xi³ to⁴tˀa³tsˀe⁴ cjoa⁴nta³-le⁴.

1 Timoteo 6:12

Nta³ ti⁴xcan¹tˀai³ je² cjoa⁴jchan¹ xi³ nta³ tˀa³tsˀe⁴ xi³ ma³cjain¹-na¹. Chjoai¹³ je² cjoa⁴vi³jna³chon³ xi³ nca³ntsjai², je² xi³ qui³no²cjoa⁴-ni³li² cˀia⁴ nca³ nta³ tsa³cˀai² cjoa⁴qui²xi⁴-li⁴ nqui³xcon⁴ ncjin² testigo.

Tito 2:13

Ti³cho³ya²-le⁴² xi³ cjai¹nca³ to⁴nta³ cjoa⁴nta³, cˀia⁴ nca³ coan⁴tsen³ cjoa⁴je³ya³-le⁴ je² Ni³na¹ xi³ nˀion¹ ncˀa³, xi³ vˀa³sje³ntjai²-na¹, xi³ ti⁴je²-ni³ Jesucristo.

Tito 3:7

jme¹-ni³ nca³ cˀoa⁴-sˀin² sˀe⁴-si¹ni³na¹ cjoa⁴tjao², jo³-sˀin² ti³cho³ya²-le⁴² cjoa⁴vi³jna³chon³ nca³ntsjai², nca⁴ je³tˀa³ je¹-na¹ xi³ to⁴tˀa³tsˀe⁴ cjoa⁴nta³-le⁴.

Hebreos 10:32

To⁴nca³ ca²ta³fa³ˀai³tsjen³jin³-ni³no³ ni⁴čhjin³ xi³ ja³ˀa³to³, coan³scan³-ni³ nca³ coan³ˀi³sen³-no³, cˀia⁴ nca³ cˀoa⁴-sˀin² qui³ni²cjain¹-lao⁴³ cjoa⁴si³ xi³ nˀion¹ tse³, nca³ qui³chja³ˀao²³ cjoa⁴ñˀain³.

Hebreos 6:4

Tjin¹ cho⁴ta⁴ xi³ jnco³ cˀa² coan³cho⁴ya³-le⁴, cˀoa⁴ qui³sco²tˀa³ je² cjoa⁴tjao²-le⁴ ncˀa³jmi³, cˀoa⁴ tsˀa³cao⁴tˀa³-le⁴ xi³ tsˀe⁴ je² Espíritu Santo.

1 Pedro 1:3

Jo¹ to⁴nta³-le⁴ Ni³na¹ Nˀai³-le⁴ Jesucristo Nai³-na¹, xi³ cˀoa⁴-sˀin² to⁴tse³ cjoa⁴ma⁴ta³con² tjin¹-le⁴ nca³ qui³si³cho⁴tse⁴ya³-nca¹ni³na¹, jme¹-ni³ nca³ cho¹ya²-si¹ni³le⁴² xi³ ti¹jna³con³ nca³ ja³ˀa²ya³jin³-ni³le⁴ cˀen³ Jesucristo.

1 Pedro 3:9

A³li² cjoa⁴tsˀen⁴-jin² ni²nco¹son²cao⁴³ xi³ cjoa⁴tsˀen⁴, a³li² cjoa⁴ˀaon³ta³con²-jin² ni²nco¹son²cao⁴³ xi³ cjoa⁴ˀaon³ta³con², to⁴sa³ nta³ ti⁴chi³con³tˀaon³. Je³ˀyao³ nca³ coi³ qui³no²cjoa⁴-no³, jme¹-ni³ nca³ sˀe⁴-si¹ni³no³ cjoa⁴ni²chi³con³tˀain³.

1 Pedro 5:10

To⁴nca³ Ni³na¹ xi³ tjin¹yi³je³-le⁴ cjoa⁴nta³, xi³ qui³nchja⁴-na¹ xi³ to⁴tˀa³tsˀe⁴ Jesucristo, nca³ sˀe⁴-na¹ cjoa⁴je³ya³-le⁴ xi³ ti¹jna³ nca³ntsjai². Cˀia⁴ nca³ je³qui³chja³ˀa² jnco³tjo²³ cjoa⁴ñˀain³, coan⁴scan³-ni³ je² soa³ Ni³na¹ si⁴²nta³ya³-no³, si⁴²cˀe¹jna³nta³-no³, tsjoa¹-no³ nca³nˀion¹, nta³ si⁴²cˀe¹yo³-no³.