Efesios 1:14 - New Testament in Mazatec Huautla

¹⁴ Cˀoa⁴-sˀin² Ni³na¹ tsa³cˀe¹jna³nqui³-na¹ je² Espíritu Santo xi³ tˀa³tsˀe⁴ cjoa⁴tjao²-na¹, sa³ˀnta³ ña³qui³ sˀe⁴-na¹ xi³ tsan⁴², jme¹-ni³ nca³ chˀa⁴sje³nta³-si¹nia³² je² cjoa⁴je³ya³-le⁴.

Efesios 1:14 ပူးပေါင်းရင်းမြစ်များ

San Lucas 21:28

Cˀia⁴ nca³ je² cjoa⁴-vi⁴ cˀoe⁴²tsˀia⁴cao⁴ nca³ cˀoa⁴coan⁴, cho¹tsen³ncˀao³, cˀoa⁴ cho¹mi³tjaon⁴³ jco³, nca⁴ je² cjoa⁴vi³tjo³ntjai²-no³ nčhoa¹čhian³.

Hechos de los Apóstoles 20:28

Jon² xi³ je² Espíritu Santo tsa³qui³ncha¹nta³-no³ nca³ si⁴coi²ntao⁴³. Jo³-ni³ tsa² va³rre² xi³ tjio¹jtin¹, cˀoa⁴-sˀin² ti⁴coi²ntao⁴³ na⁴xi⁴na³nta¹-le⁴ Nai³-na¹ xi³ je² Nai³-na¹ qui³njen²-le⁴ xi³ ti⁴tˀa³tsˀe⁴-ni³ cao⁴ njin¹-le⁴.

Hechos de los Apóstoles 20:32

Ntˀai⁴-vi⁴ntai⁴ nca³tsˀio³ ˀnti¹ntsˀe³, si³ca³tio²cao⁴-no³ Ni³na¹ cao⁴ je² en¹ xi³ tˀa³tsˀe⁴ cjoa⁴nta³-le⁴. Je² en¹ coan⁴-le⁴ tsjoa¹-no³ nca³nˀion¹, tsjoa¹-no³ cjoa⁴tjao² cao⁴ nca³tsˀi³ cho⁴ta⁴ xi³ je³coan³tsje³.

Romanos 8:23

A³li² tsa² to⁴je²-jin² nca³ je², to⁴nca³ cˀoa⁴²-ti⁴ ña¹ nca³ ña¹-vi⁴ xi³ tjin¹-na¹ je² Espíritu Santo jo³-ni³ tsa² xi³ ti¹tjon² cjoa⁴tjao², ña¹-vi⁴ tse³ne² jin³ yao³-na¹, nca³ ti³ma³cho³ya²-le⁴² nca³ coan⁴jnco³ nca³ coa⁴sen²-na¹ jo³-ni³ tsa² xti³-le⁴, nca³ tso²ˀva³ntai¹ yao³-na¹.

1 Corintios 1:30

Tsˀe⁴ Ni³na¹ nio¹³ jon² nca³ ti³yo³cao⁴³ Cristo Jesús. Je² xi³ Ni³na¹ qui³tsjoa³ nca³ cjoa⁴chji⁴ne⁴-na¹ coan³. Je² xi³ qui³si³cje³tˀa³ je¹-na¹, cˀoa⁴ qui³si³tsje³-na¹, cˀoa⁴ tsa³cˀe¹chji¹ntjai²-na¹.

2 Corintios 1:22

Je² xi³ cˀoa⁴-ti⁴ tsa³cˀe¹choa⁴-na¹, cˀoa⁴ qui³tsjoa³-na¹ je² Espíritu Santo xi³ ti¹jna³jin³ ni⁴ma⁴-na¹ jo³-ni³ xi³ qui³sˀe³jna³nqui³.

2 Corintios 5:5

Cˀoa⁴ je² xi³ tsa³cˀe¹nta³-na³jin⁴ tˀa³tsˀe⁴ xi³ ti⁴coi³-ni³ je²-vi⁴, je² Ni³na¹, xi³ qui³tsjoa³-na³jin⁴ je² Espíritu Santo xi³ qui³sˀe³jna³nqui³-na³jin⁴.

Gálatas 4:6

Ni³na¹ qui³si³ca³sen¹jin³ ni⁴ma⁴-no³ je² Espíritu-le⁴ ˀnti¹-le⁴, je² xi³ cˀoi⁴tso²: Abba, Nˀai³, nca⁴ jon² nio¹³ xti³-le⁴.

Efesios 1:11

To⁴coi³ nca³ Cristo ti³yo³coa⁴², tsa³cja³ˀa¹jin³-na¹, cˀoa⁴ tsa³ca³sen¹-na¹ jo³-sˀin² nca³ to⁴nqui³-ni³ qui³sco³son²-ni³le⁴ je² xi³ vˀe¹nta³ nca³yi³je³ jo³-sˀin² si¹cja³ˀai³tsjen³, nca³ cˀoa⁴-sˀin² me³-le⁴.

Efesios 1:12

Ni³na¹ tsa³cja³ˀa¹jin³-na³jin⁴ nca³ jin⁴-jin⁴ xi³ ti¹tjon² qui³cho³ya²cao⁴cjoai⁴-jin⁴ tˀa³tsˀe⁴ Cristo, jme¹-ni³ nca³ coan⁴ chˀa⁴sje³nta³-si¹ni³jin⁴ je² cjoa⁴je³ya³-le⁴.

Efesios 4:30

A³li² cˀoa⁴-jin²sˀin² ni²va³-jin²lao⁴³ je² Espíritu Santo xi³ tsˀe⁴ Ni³na¹, xi³ tsa³ca³sen¹choa⁴-no³ tˀa³tsˀe⁴ cˀia⁴ ni⁴čhjin³ nca³ coan⁴chji¹ntjao²³.

1 Pedro 2:9

Jon² nio¹³ na⁴xi⁴na³nta¹ xi³ qui³tjo³jion³. Jon² nio¹³ na⁴ˀmi³ xi³ ncˀa³ xa¹-le⁴. Jon² nio¹³ na⁴xi⁴na³nta¹ xi³ tsje³, na⁴xi⁴na³nta¹ tˀa³tsˀe⁴ Ni³na¹, jme¹-ni³ nca³ coi⁴no²cjoa⁴ya³-nio³ cjoa⁴nta³ xi³ tsˀe⁴ Ni³na¹ xi³ qui³nchja⁴-no³ jña³ nca³ i³sen³xcon¹, ji²tjo⁴³ jña³ nca³ njion².