Apocalipsis 8:10 - New Testament in Mazatec Huautla

¹⁰ Je² xi³ ma³jan²-ni³ a²ncje⁴ qui³si³cja³ne³ čhjao³. Jnco³ ni³ño³ qui³sca³-ni³ ncˀa³jmi³ xi³ nˀion¹ je³, xi³ ti¹ti² jo³-ni³ tsa² jnco³ lˀi¹ni³cha³. Qui³sca³jin³ jnco³ ya² xi³ ma³-ni³ jan² ya³ nta¹je⁴, cˀoa⁴ ya⁴ jña³ nca³ tjio¹tjo³ na³nta¹.

Apocalipsis 8:10 ပူးပေါင်းရင်းမြစ်များ

San Mateo 25:1

Cˀia⁴ je² cjoa⁴te¹xo³ma³-le⁴ ncˀa³jmi³ coan⁴nco¹son² cao⁴ te³ ya¹nchjin¹ xo³nco¹ xi³ qui³scoe¹ lˀi¹-le⁴, cˀoa⁴ ji³tjo³ nca³ qui³ co³ya³ya⁴³ntia⁴²-le⁴ xˀin⁴ xi³ coi⁴xan³.

San Lucas 10:18

Jesús qui³tso²-le⁴: An³ tsa³ˀve³ Satanás jo³-ni³ lˀi¹chˀaon⁴ xi³ qui³sca³jen³-ni³ ncˀa¹.

Judas 1:13

Je² cho⁴ta⁴ jo³-ni³ tsa² nta¹chi³con³ xi³ nˀion¹ si¹tin²ya³ ntjao⁴xcon¹, xi³ ti⁴je²-ni³ ma³ˀnte³ cao⁴ cjoa⁴soa³-le⁴. Je² cho⁴ta⁴ jo³-ni³ tsa² ni³ño³ xi³ fa³ˀa³son², xi³ cˀoa⁴sˀin² ti¹jna³tjao²ntsjai²-le⁴ xi³ njion² jña³ tsi² i³sen³.

Apocalipsis 1:20

Je² cjoa⁴ˀma³ xi³ tˀa³tsˀe⁴ ña³to³ ni³ño³ xi³ tsa³ˀyai³ ntsa⁴qui²xia⁴, cˀoa⁴ xi³ tˀa³tsˀe⁴ ña³to³ xi³ si³ncha²ya³ se²ra⁴ xi³ taon⁴si³ne², coi³ xi³ tso²-ni³: Xi³ ña³to³ ni³ño³ a²ncje⁴ xi³ tsˀe⁴ ña³to³ na⁴xi⁴na³nta¹-le⁴ Cristo, cˀoa⁴ xi³ ña³to³ xi³ si³ncha²ya³ se²ra⁴ xi³ tsa³ˀyai³, coi³ na⁴xi⁴na³nta¹-le⁴ Cristo xi³ ña³to³ ma³-ni³.

Apocalipsis 12:4

Je² nti³tsˀin³ qui³squi³ˀnto¹jve³ jnco³ ya² xi³ ma³-ni³ jan² ya³ ni³ño³ xi³ tjio¹ ncˀa³jmi³, cˀoa⁴ tsa³cˀe¹tsao³ tˀa³na³nqui³. Cˀoa⁴ je² cho⁴toan¹-ve⁴ tsa³ca³sen²jna³ˀnta³ je² chjon⁴² xi³ me³ vˀe¹ ˀnti¹, jme¹-ni³ nca³ squi⁴ne⁴-si¹ni³ ˀnti¹-le⁴ cˀia⁴ nca³ jtsin¹.

Apocalipsis 14:7

Nˀion¹ qui³nchja⁴: Jcha⁴xcon¹³ Ni³na¹, chˀa⁴sje³je³yao³, nca³ je² hora-le⁴ nčhoa¹čhian³ nca³ tsjoa¹ cjoa⁴ñˀain³. Jcha⁴xcon¹³ je² xi³ qui³si³nta³ ncˀa³jmi³, cao⁴ son³ˀnte³, cao⁴ nta¹chi³con³, cao⁴ nca⁴jao⁴ jña³ vi³tjo³ na³nta¹.

Apocalipsis 16:4

Je² xi³ ma³jan²-ni³ a²ncje⁴ tsa³cˀe¹jten⁴ntjai² cho⁴tsin¹-le⁴ ja⁴jin³ nta¹je⁴, cao⁴ ya⁴ jña³ tjio¹tjo³ na³nta¹. Coan³ njin¹.

Apocalipsis 6:13

Cˀoa⁴ je² ni³ño³-le⁴ ncˀa³jmi³ qui³tsao³ tˀa³na³nqui³ jo³-ni³ tsa² ya¹ higo xi³ tsao³nqui³ to³-le⁴ xi³ cje³ chji²-jin² cˀia⁴ nca³ jnco³ ntjao⁴ xi³ nˀion¹ fa³ˀa³.

Apocalipsis 8:7

Je² xi³ ti¹tjon² a²ncje⁴ qui³si³cja³ne³ čhjao³, cˀoa⁴ tsˀa³ jtsi¹lao⁴ cao⁴ lˀi¹ xi³ ti¹tsˀo¹jin³ cao⁴ njin¹. Ya⁴ qui³tjo³jon² son³ˀnte³. Je² xi³ ma³-ni³ jan² ya³ jña¹jcha¹, jnco³ ya²-le⁴ qui³ti², cˀoa⁴ qui³ti² nca³yi³je³ xca⁴xcoen¹.

Apocalipsis 9:1

Je² xi³ ma³ˀaon²-ni³ a²ncje⁴ qui³si³cja³ne³ čhjao³. Tsa³ˀve³jncoa³ ni³ño³ xi³ qui³sca³-ni³ ncˀa³jmi³, qui³sca³tˀa³ son³ˀnte³. Cˀoa⁴ qui³tsˀai²-le⁴ je² yo²vi⁴ xi³ tsˀe⁴ nti⁴tjan⁴ jña³ nca³ ti⁴xˀa⁴jin³sen¹.

Apocalipsis 9:15

Cˀoa⁴ qui³tjo³jnta¹ je² ño³ a²ncje⁴ xi³ tjio¹nta³ xi³ tˀa³tsˀe⁴ je² hora, cao⁴ ni⁴čhjin³, cao⁴ sa¹, cao⁴ no¹, jme¹-ni³ nca³ si⁴²cˀen³-si¹ni³ jnco³ ya² xi³ ma³-ni³ jan² ya³ cho⁴ta⁴.

Apocalipsis 9:18

Je² xi³ jan² ma³-ni³ cjoa⁴ñˀain³-ve⁴ cˀen³ jnco³ ya² xi³ ma³-ni³ jan² ya³ cho⁴ta⁴. Cˀen³-ni³ lˀi¹ cao⁴ ni⁴ˀnti⁴ cao⁴ azufre xi³ ji³tjo³-ni³ tsˀoa³ na⁴xin¹.