Apocalipsis 22:20 - New Testament in Mazatec Huautla

²⁰ Je² xi³ tsjoa¹ en¹-le⁴ xi³ tˀa³tsˀe⁴ je² cjoa⁴-vi⁴, tso²: Ña³qui³ cjoa⁴qui²xi⁴ an³ cjoe²ˀe⁴ nti⁴toan⁴. Cˀoa⁴ ca²ta³ma³, cˀoa⁴ ca²ta³sˀe³. Nčhoai¹³, Señor Jesús.

Apocalipsis 22:20 ပူးပေါင်းရင်းမြစ်များ

San Juan 21:25

Cˀoa⁴-ti⁴ cjai¹nca³ to⁴ncjin²-sa³ cjoa⁴ xi³ qui³sˀin³ Jesús. Tsa² tji¹tˀa³-la²sa³ xon⁴ nca³ jnco¹jnco¹, an³ xian³ nca³ ni⁴ˀi⁴-jin²la⁴ son³ˀnte³ coan⁴ jcho¹ya³ je² libro xi³ cˀoa⁴-sˀin² sˀe⁴tˀa³. Cˀoa⁴ ca²ta³ma³.

1 Corintios 16:22

Tsa² jnco³ xi³ tsi² tsjoa³que³ Nai³-na¹ Jesucristo, nai⁴² ca²ta³fi²cao⁴. Nai³-na¹ cjoa⁴ˀai¹.

2 Timoteo 4:8

Je² xi³ fe³tˀa³, ti¹jna³tjao²-na³ je² cjoa⁴qui²xi⁴ xi³ jo³-ni³ jnco³ corona, xi³ cˀia⁴ ni⁴čhjin³-ve⁴ tsjoa¹-na³ je² Nai³-na¹ xi³ vˀe¹nta³jin³ cao⁴ cjoa⁴qui²xi⁴. A³li² tsa² to⁴ˀan³-jian² xi³ tsjoa¹-na³, cˀoa⁴²-ti⁴ tsjoa¹-le⁴ nca³tsˀi³ xi³ me³-le⁴ nca³ coan⁴tsen³ nca³ je².

Hebreos 10:37

Nqui²jnco³tjo²-la²ni³, je² xi³ cjoa⁴ˀai¹, cjoa⁴ˀai¹-ni¹, cˀoa⁴ li²coi³ coan⁴tse³ya³-le⁴.

Hebreos 9:28

Cˀoa⁴-ti⁴sˀin²ni³ Cristo to⁴jnco³ cˀa² qui³tsˀai²tˀa³, nca³ tsa³cˀa³ je² je¹-le⁴ xi³ tsˀe⁴ xi³ ncjin² ma³-ni³. Xi³ ma³jao²-ni³ cˀa³ Cristo coan⁴tsen³-le⁴ je² xi³ co³ya³-le⁴, a³li²coi³ nca³ ti⁴cˀoa⁴-ni³ je¹, to⁴coi³ nca³ cˀoa⁴sje³ntjai².

Apocalipsis 1:18

An³ nia¹³ xi³ ti²jna⁴coan³, cˀoa⁴ an³ nia¹³ tsa³ca²te⁴jna³cˀen³. Coe⁴-ni³ ti²jna⁴coan³ nca³ntsjai². Cˀoa⁴ ca²ta³ma³. Tjin¹-na³ yo²vi⁴ xi³ tsˀe⁴ cjoa⁴vi³ya³, cˀoa⁴ xi³ tsˀe⁴ ˀnte³ jña³ nca³ ti¹ti².

Apocalipsis 1:2

Je² Juan qui³tsjoa³ en¹-le⁴ xi³ tˀa³tsˀe⁴ en¹-le⁴ Ni³na¹, cˀoa⁴ xi³ tˀa³tsˀe⁴ en¹-le⁴ Jesucristo, cˀoa⁴ xi³ tˀa³tsˀe⁴ nca³yi³je³ cjoa⁴ xi³ tsa³ve³.

Apocalipsis 2:16

Ti⁴cˀa³ntjai²yao³ cjoa⁴fa³ˀai³tsjen³-no³. Tsa² mai³, cjoe²ˀe⁴ nčhˀoe²nti⁴ton⁴-no³, cˀoa⁴ scan³coa⁴ co²ntran⁴-le⁴ cao⁴ qui⁴cha⁴-le⁴ ntso⁴ˀva³.

Apocalipsis 22:10

Cˀoa⁴ je² qui³tso²-na³: A³li² vˀe²chjoa²nqui³-jin²³ je² en¹ xi³ nchja⁴ya³-ni³ je² xon⁴-vi⁴, nca³ je² ni⁴čhjin³-le⁴ nčhoa¹čhian³.

Apocalipsis 22:12

Coe⁴-ni³ an³ cjoe²ˀe⁴ nti⁴toan⁴, cˀoa⁴ cao⁴ je² xi³ cˀoe³chji¹³-le⁴, nca³ cˀoa⁴-sˀin² tsjoa³-le⁴ nca³ jnco¹jnco¹ jo³-sˀin² nca³ qui³si³xa¹.

Apocalipsis 22:18

An³ tsjoa³-le⁴ en¹-na⁴ nca³tsˀi³ xi³ nčhˀoe¹ je² en¹ xi³ nchja⁴ya³-ni³ je² xon⁴-vi⁴: Tsa² jnco³ xi³ cˀoe⁴²son²-sa³le⁴ je² cjoa⁴-vi⁴, Ni³na¹ cˀoa⁴-sˀin² tsjoa¹son²-le⁴ cjoa⁴ñˀain³ xi³ tjio¹tˀa³ je² xon⁴-vi⁴.

Apocalipsis 22:7

Coe⁴-ni³ an³ cjoe²ˀe⁴ nti⁴toan⁴. Jo¹ to⁴nta³-le⁴ je² xi³ si¹tjo³son² je² en¹ xi³ qui³no²cjoa⁴ya³jin³-ni³ xon⁴-vi⁴.