Apocalipsis 21:5 - New Testament in Mazatec Huautla

⁵ Je² xi³ ti¹jna³son² ya¹xi²le⁴, qui³tso²: Coe⁴-ni³ an³ si³cho⁴tse⁴ nca³yi³je³. Cˀoa⁴ qui³tso²-na³: Chji¹³, nca³ je² en¹-vi⁴ nta³-ni¹, cˀoa⁴ cjoa⁴qui²xi⁴-ni¹.

Apocalipsis 21:5 ပူးပေါင်းရင်းမြစ်များ

San Lucas 5:38

To⁴nca³ vino cho⁴tse⁴ ma³ sˀe³ya³ čhjoa⁴ cho⁴tse⁴. Cˀoa⁴ je² vino cao⁴ čhjoa⁴ cjai¹nca³ nta³ sˀe³tjao².

2 Corintios 5:17

Cˀia⁴ tsa² jnco³ xi³ ti¹jna³cao⁴ Cristo, coan³cho⁴tse⁴ya³ nqui²ntia³-ni³. Je² cjoa⁴ nca³sˀa⁴ je³ja³ˀa³to³. Coe⁴-ni³ coan³cho⁴tse⁴ nca³yi³je³ cjoa⁴.

Hebreos 12:27

Cˀoa⁴ je² en¹-vi⁴ xi³ tso²: To⁴jnco³ cˀa²-sa³, ntia³ va³co¹ nca³ coi⁴tjo³xin² je² tso³jmi² xi³ ma³tin²ya³ jo³-ni³ tsa² tso³-jmi² xi³ xa¹ coan³nta³-ni³, jme¹-ni³ nca³ sa⁴tio²-si¹ni³ je² tso³jmi² xi³ tsi² ma³tin²ya³.

Apocalipsis 1:11

xi³ qui³tso²: An³ nia¹³ je² Alfa cˀoa⁴ je² Omega, je² xi³ ti¹tjon² cˀoa⁴ je² xi³ fe³tˀa³. Chji¹tˀa³jncoi³ xon⁴ je² xi³ ti³ˀyai³, cˀoa⁴ ti⁴ca³sen¹-lai⁴ je² ña³to³ na⁴xi⁴na³nta¹-le⁴ Cristo xi³ tjin¹ ya⁴ Asia: ya⁴ Éfeso, cˀoa⁴ ya⁴ Esmirna, cˀoa⁴ ya⁴ Pérgamo, cˀoa⁴ ya⁴ Tiatira, cˀoa⁴ ya⁴ Sardis, cˀoa⁴ ya⁴ Filadelfia, cˀoa⁴ ya⁴ Laodicea.

Apocalipsis 1:19

Chji¹³ cjoa⁴ xi³ tsa³ˀyai³, cˀoa⁴ xi³ cji³ma³, cˀoa⁴ jo³ coan⁴ xi³ coan⁴-ni³.

Apocalipsis 19:9

Cˀoa⁴ qui³tso²-na³: Chji¹³: Jo¹ to⁴nta³-le⁴ je² xi³ cˀoa⁴-sˀin² qui³no²cjoa⁴-le⁴ cjoa⁴vi³xan³-le⁴ nca³ coa⁴cjen⁴cao⁴ je² Va³rre². Cˀoa⁴ qui³tso²-na³: Je² en¹-le⁴ Ni³na¹ xo⁴tso²-vi⁴ ña³qui³ cjoa⁴qui²xi⁴-ni¹.

Apocalipsis 20:11

Tsa³ˀve³jncoa³ ya¹xi²le⁴ xi³ čhoa³ cji³ cao⁴ je² xi³ ti¹jna³son². Nqui³xcon⁴ nca³ je² tsa³nca³tˀa³xin²-le⁴ son³ˀnte³ cao⁴ ncˀa³jmi³. Li²coi³ ti⁴coan³sjai³-ni³le⁴ ˀnte³-le⁴ nca³ je².

Apocalipsis 22:19

Cˀoa⁴ tsa² jnco³ xi³ cjoa⁴ˀa²xin² je² en¹ xi³ nchja⁴ya³-ni³ xon⁴-vi⁴, Ni³na¹ cjoa⁴ˀa²xin²-le⁴ ˀnte³-le⁴ ya⁴ ya¹ xi³ tsˀe⁴ cjoa⁴vi³jna³chon³, cˀoa⁴ cao⁴ ˀnte³-le⁴ ya⁴ na⁴xi⁴na³nta¹ tsje³, cˀoa⁴ cao⁴ ˀnte³-le⁴ xi³ tsˀe⁴ cjoa⁴ xi³ tjio¹tˀa³ je² xon⁴-vi⁴.

Apocalipsis 22:6

Cˀoa⁴ je² qui³tso²-na³: Je² en¹-vi⁴ ña³qui³ nta³-ni¹ cˀoa⁴ cjoa⁴qui²xi⁴-ni¹. Je² Nai³-na¹ Ni³na¹ xi³ tsˀe⁴ ni⁴ma⁴-le⁴ je² xi³ qui³nchja⁴ya³ tˀa³tsˀe⁴ cˀoa⁴-sˀin² qui³si³ca³sen¹ je² a²ncje⁴-le⁴, jme¹-ni³ nca³ coa⁴co²-si¹ni³le⁴ je² cho⁴ˀnta³-le⁴ je² cjoa⁴ xi³ ma³chjen¹-ni¹ nca³ cˀoa⁴coan⁴ nti⁴ton⁴.

Apocalipsis 4:2

Nti⁴ton⁴ tsa³ca²te⁴jna³coa⁴ je² Espíritu Santo. Coe⁴-ni³ jnco³ ya¹xi²le⁴ xi³ ti¹jna³ ya⁴ ncˀa³jmi³, cˀoa⁴ jnco³ xi³ ya⁴ ti¹jna³ne² je² ya¹xi²le⁴.

Apocalipsis 4:9

To⁴cˀia⁴²-ni³ nca³ je² xo⁴cjoan³-ve⁴ xi³ tjio¹con³ tsˀa³sje³je³ya³ tsa³ve³xcon¹ qui³se³tˀain³-le⁴ je² xi³ ti¹jna³ne² ya¹xi²le⁴-ve⁴, je² xi³ ti¹jna³con³ nca³ntsjai² ni⁴čhjin³,

Apocalipsis 5:1

Tsa³ˀve³ ya⁴ ntsja³ nca³qui²xi⁴ je² xi³ ti¹jna³ne² je² ya¹xi²le⁴ jnco³ xon⁴ xi³ sˀe³xco¹ya³ xi³ tji¹tˀa³ ya⁴ya³-le⁴ cˀoa⁴ nca³tsen³-le⁴, xi³ ña³to³ sello qui³sˀe³nˀion¹-ni³.