Apocalipsis 20:2 - New Testament in Mazatec Huautla

² Tsa³cˀe¹tˀa³nˀion¹ je² cho⁴toan¹-ve⁴, je² ye⁴jcha¹-ve⁴, xi³ ti⁴coi³-ni³ nai⁴² xi³ Satanás. Jnco³ jmi³ no¹ qui³sˀe³tˀa³nˀion¹.

Apocalipsis 20:2 ပူးပေါင်းရင်းမြစ်များ

San Mateo 19:29

To⁴ˀya³-ni³ve⁴ xi³ tˀa³tsˀe⁴ jan³ˀain¹-na⁴ qui³si³cˀe¹jna³ ntˀia³-le⁴, a³xo⁴ ntsˀe⁴, a³xo⁴ nti³chja³, a³xo⁴ nˀai³-le⁴, a³xo⁴ na⁴-le⁴, a³xo⁴ chjon⁴²-le⁴, a³xo⁴ ˀnti¹xti³, a³xo⁴ na³nqui³, nqui²jnco³ ciento cˀoa⁴tjin¹ cˀoai⁴-le⁴, cˀoa⁴ sˀe⁴-le⁴ cjoa⁴tjao² xi³ cjoa⁴vi³jna³chon³ nca³ntsjai².

San Mateo 8:29

Coe⁴-ni³ qui³squi³ˀntia¹, qui³tso²: Jme¹ xi³ tjin¹-na³jin⁴ xi³ cao⁴ ji³, Jesús, ˀnti¹-le⁴ Ni³na¹. A³ ca²fa²ˀai⁴ cˀai²-na³jin⁴ cjoa⁴ñˀain³ nca³ to⁴nqui³-ni³.

San Marcos 4:15

Je² xi³ qui³tsao³ ya⁴³ ntia⁴², cˀoa⁴cjoan³ cho⁴ta⁴ xi³ nčhˀoe¹ je² en¹nta³-vi⁴, to⁴nca³ nca³ nčhˀoe¹-le⁴, cˀoa⁴ ja⁴cjoan² nčhoa¹ Satanás, fa³ˀa¹xin² en¹nta³ xi³ tji¹ntje²jin³ ni⁴ma⁴-le⁴.

San Marcos 5:7

Nˀion¹ qui³nchja⁴, qui³tso²: Jme¹ xi³ tjin¹-na¹ xi³ cao⁴ ji³, ji³ xi³ ˀnti¹-le⁴ Ni³na¹ xi³ nˀion¹ ncˀa³ ti¹jna³. Vˀe³tsˀoa³-le²³ nqui³xcon⁴ Ni³na¹ nca³ tsi² cjoa⁴ñˀain³ si⁴cja³ˀa¹-nai¹³.

San Juan 12:31

Ntˀai⁴-vi⁴ ntai⁴ cho¹son²-ni³le⁴ jo³ cjoan³ cho⁴ta⁴son³ˀnte³. Ntˀai⁴-vi⁴ je² nai⁴² xi³ va³te¹xo³ma³ son³ˀnte³-vi⁴ coi⁴chon³sje³-ni³.

San Juan 16:11

Si⁴²qui²xi⁴ya³-le⁴ nca³ sˀe⁴nta³jin³ cjoa⁴, nca⁴ je² nai⁴² xi³ va³te¹xo³ma³ son³ˀnte³-vi⁴ ti¹jna³ne²-le⁴ cjoa⁴ñˀain³.

Romanos 16:20

Cˀoa⁴ je² Ni³na¹ xi³ si¹qui³njen³nchˀan¹jin³-na¹ si⁴²xcoa⁴nti⁴ton⁴ Satanás ya⁴ nqui³ntso⁴co⁴ nca³ jon²-vi⁴. Je² cjoa⁴nta³-le⁴ Nai³-na¹ Jesucristo ca²ta³sˀe³-no³.

Hebreos 2:14

To⁴jo³-sˀin² nca³ je² xti³ qui³sˀe³-le⁴ yao³ cao⁴ njin¹, cˀoa⁴-ti⁴sˀin² qui³sˀe³-le⁴ nca³ je² xi³ ti⁴coi³-ni³, jme¹-ni³ nca³ si⁴²cje³tˀa³-si¹ni³, to⁴tˀa³tsˀe⁴ cjoa⁴vi³ya³-le⁴, je² xi³ tsa³ca³te¹xo³ma³ cjoa⁴vi³ya³, xi³ coi³ nai⁴²,

1 Pedro 5:8

To⁴jvi³ to⁴ˀi³nta³ ti⁴yo³, ti⁴yo³chon³ˀntao³, nca⁴ je² co²ntran⁴-no³, je² nai⁴², jo³-ni³ tsa² xa³ xi³ ti¹va³te¹, ti¹si¹cˀo¹tji³ntai³-no³, ti¹va¹sjai³ ˀya³ xi³ squi⁴ne⁴.

2 Pedro 2:4

Ni³na¹ li²coi³ qui³si³cha³tˀa³-le⁴ je² a²ncje⁴ xi³ tsa³jnqui³ je¹, to⁴ya⁴² qui³sca³ni¹ jña³ lˀi¹ ti¹ti², cˀoa⁴ qui³si³cˀe¹jna³nˀion¹ ya⁴ nca⁴jao⁴ jña³ njion² chon³, sa³ˀnta³ nca³ sˀe⁴nta³jin³-le⁴.

Judas 1:6

Je² a²ncje⁴ xi³ tsi²coi³ qui³si³coi²nta⁴ xa¹ti¹tjon²-le⁴, xi³ qui³tsjion³con³ ˀnte³-le⁴, Ni³na¹ tsa³cˀe¹yo³tjao² ya⁴ jña³ nca³ njion² chon³ cao⁴ cadena xi³ tjio¹tˀa³ nca³ntsjai² jo³ sa³ˀnta³ nca³ coi⁴cho³ je² ni⁴čhjin³ xcon¹ nca³ sˀe⁴nta³jin³-le⁴.

Apocalipsis 12:13

Cˀia⁴ nca³ tsa³ve³ je² cho⁴toan¹-ve⁴ nca³ je³cˀoa⁴-sˀin² qui³ni²cˀa³tjen⁴nqui³ son³ˀnte³, tsa³nca³tjen⁴nqui³-le⁴ je² chjon⁴² xi³ tsa³cˀe¹ jnco³ ˀnti¹xˀin⁴.

Apocalipsis 12:15

Cˀoa⁴ je² ye⁴-ve⁴ na³nta¹ tsa³cˀa³sje³-ni³ tsˀoa³ jo³-ni³ nta¹je⁴ jton⁴ ya¹tsˀin³ chjon⁴²-ve⁴, jme¹-ni³ nca³ coai⁴cao⁴-si¹ni³ nta¹je⁴.

Apocalipsis 12:17

Cˀia⁴ je² cho⁴toan¹-ve⁴ a³li² cˀoa⁴cji³ coan³jti³que³ chjon⁴²-ve⁴. Qui³ sˀin¹ cjoa⁴jchan¹, co²ntran⁴ qui³-le⁴ je² xi³cˀa³ ntje⁴-le⁴ chjon⁴²-ve⁴, jña³-le⁴ xi³ si¹tjo³son² je² cjoa⁴te¹xo³ma³-le⁴ Ni³na¹, cˀoa⁴ tsjoa¹ en¹ tˀa³tsˀe⁴ Jesucristo.

Apocalipsis 12:3

Coan³tsen³ nqui²jnco³ choa⁴ ya⁴ ncˀa³jmi³. Coe⁴-ni³ jnco³ cho⁴toan¹ xi³ nˀion¹ je³, xi³ ni² cji³, xi³ tjin¹-le⁴ ña³to³ jco⁴ cao⁴ te³ nčha⁴, cˀoa⁴ ya⁴ jco⁴ ña³to³ corona tjio¹son².

Apocalipsis 12:4

Je² nti³tsˀin³ qui³squi³ˀnto¹jve³ jnco³ ya² xi³ ma³-ni³ jan² ya³ ni³ño³ xi³ tjio¹ ncˀa³jmi³, cˀoa⁴ tsa³cˀe¹tsao³ tˀa³na³nqui³. Cˀoa⁴ je² cho⁴toan¹-ve⁴ tsa³ca³sen²jna³ˀnta³ je² chjon⁴² xi³ me³ vˀe¹ ˀnti¹, jme¹-ni³ nca³ squi⁴ne⁴-si¹ni³ ˀnti¹-le⁴ cˀia⁴ nca³ jtsin¹.

Apocalipsis 12:9

Qui³cha³ni²tˀa³xin² je² cho⁴toan¹-ve⁴, je² ye⁴ jchi¹nca³ xi³ cˀoa⁴tsa³cˀin² je² nai⁴² cao⁴ Satanás, jña³-le⁴ xi³ vˀa³na⁴cha⁴ nca³tsˀi³. Qui³ni²cˀa³tjen⁴nqui³ ya⁴ son³ˀnte³, cˀoa⁴ a²ncje⁴-le⁴ qui³tsao³cao⁴.

Apocalipsis 13:2

Je² cho⁴ xi³ tsa³ˀve³ cˀoa⁴cji³ xa³ˀi³nto³ cji³, cˀoa⁴ je² ntso⁴co⁴ jo³-ni³ tsˀe⁴ oso, cˀoa⁴ je² tsˀoa³ jo³-ni³ tsˀoa³ xa³. Je² cho⁴toan¹-ve⁴ qui³tsjoa³-le⁴ cho⁴-ve⁴ je² nca³nˀion¹-le⁴, cao⁴ je² ya¹xi²le⁴-le⁴, cao⁴ tse³ cjoa⁴te¹xo³ma³.

Apocalipsis 13:4

Cˀoa⁴ nca³tsˀi³ tsa³ve³xcon¹ je² cho⁴toan¹-ve⁴ xi³ cˀoa⁴-sˀin² qui³tsjoa³-le⁴ cjoa⁴te¹xo³ma³-le⁴ je² cho⁴ xi³jnco³. Cˀoa⁴ tsa³ve³xcon¹ je² cho⁴, qui³tso²: ˀya¹ xi³ ti⁴cˀoa⁴cji³-ni³le⁴ cho⁴-vi⁴, cˀoa⁴ ˀya¹ xi³ coan⁴ scan³cao⁴.

Apocalipsis 20:10

Je² nai⁴² xi³ tsa³cˀa³na⁴cha⁴-le⁴, ya⁴ qui³ni²cˀa³tjen⁴jin³ ya⁴ jnčho¹lˀi¹ cao⁴ azufre, jña³ nca³ tjio¹ je² cho⁴-ve⁴ cao⁴ je² xi³ en¹nti³so³ qui³nchja⁴ya³. Ya⁴ cjoa⁴ˀa² cjoa⁴ñˀain³ ni⁴čhjin³ cao⁴ ni⁴tjen⁴ nca³ntsjai² nca³ntsjai².

Apocalipsis 20:7

Cˀia⁴ nca³ coan⁴jnco³ je² xi³ jnco³ jmi³ no¹, je² nai⁴² tjo¹jnta³ˀño¹ cjoa⁴ñˀain³-le⁴.

Apocalipsis 9:11

Je² a²ncje⁴ xi³ tsˀe⁴ nti⁴tjan⁴ xi³ ti⁴xˀa⁴jin³sen¹, je² xi³ cho⁴ta⁴ti¹tjon²-le⁴ coan³. Je² jan³ˀain¹-le⁴ nca³ en¹ hebreo cˀoa⁴ˀmi² Abadón, cˀoa⁴ nca³ en¹ griego, Apolión ˀmi².