Apocalipsis 2:5 - New Testament in Mazatec Huautla

⁵ Ti⁴cja³ˀai³tsjaon³ jña³ni³ve⁴ nca³ qui³tsao³, cˀoa⁴ ti⁴cˀa³ntjai²yao³ cjoa⁴fa³ˀai³tsjen³-no³, cˀoa⁴tˀiaon⁴³ xa¹ jo³-sˀin² nca³ ti¹tjon². Cˀoa⁴ tsa² mai³-ni¹, cjoe²ˀe⁴ nčhˀoe²nti⁴ton⁴-no³, cˀoa⁴ cjoa³ˀa²xin²-nia¹³ ˀnte³-le⁴ xi³ vi³ncha³yao³ se²ra⁴-no³, cˀia⁴ tsa² cje³ ni²cˀa³ntjai²ya³-jion²³ cjoa⁴fa³ˀai³tsjen³-no³.

Apocalipsis 2:5 ပူးပေါင်းရင်းမြစ်များ

San Mateo 5:14

Jon² nio¹³ lˀi¹-le⁴ son³ˀnte³. Jnco³ na⁴xi⁴na³nta¹ xi³ ti¹jna³son² ni³nto³ li²coi³ coan⁴ sˀe⁴ˀma³.

San Mateo 5:15

Ni⁴ca³nti²-jin² sˀe³tˀa³ˀi¹, ni⁴ya⁴-jin² sˀe³jna³nqui³-le⁴ jnco³ ca²xa⁴choa⁴, to⁴nca³ ya⁴² sˀe³jna³son² jña³ sa³tio²son² ca³nti², cˀoa⁴ si⁴²ˀi³sen³-le⁴ nca³tsˀi³ xi³ tjio¹ ya⁴ ntˀia³.

San Marcos 12:9

Je² nai³-le⁴ xca⁴-le⁴ to³tse⁴²-ve⁴, jme¹ xi³ si⁴²cao⁴-ˀni³ tso²cˀoa⁴ je² cho⁴ta⁴-ve⁴. Cjoi⁴nčhoa³ cˀoa⁴ si⁴²qui³xo²ya³ je² cho⁴ta⁴ xi³ si¹xa¹son²-ve⁴, cˀoa⁴ xca⁴-le⁴ to³tse⁴²-le⁴ tsjoa¹son²-le⁴ xi³ cja⁴ˀai¹.

San Lucas 1:17

Je² coai⁴ ti¹tjon²-le⁴ nca³ je² cao⁴ espíritu, cˀoa⁴ cao⁴ nca³nˀion¹-le⁴ Elías, jme¹-ni³ nca³ ni⁴ma⁴-le⁴ nˀai³-le⁴ si⁴²cˀo¹fa³ya³tˀa³-si¹ni³le⁴ xti³-le⁴, cˀoa⁴ jme¹-ni³ nca³ cho⁴ta⁴ tsˀa³ntjai²cjoa⁴ scoe¹-si¹ni³ cjoa⁴chji⁴ne⁴-le⁴ cho⁴ta⁴cjoa⁴qui²xi⁴, jme¹-ni³ nca³ si⁴²ca³tio²nta³-si¹ni³ xi³ tˀa³tsˀe⁴ Nai³-na¹ cho⁴ta⁴ na⁴xi⁴na³nta¹ xi³ coa⁴tio⁴nta³.

San Lucas 20:16

Je² nai³-le⁴ xca⁴-le⁴ to³tse⁴²-ve⁴ cjoi⁴nčhoa³, cˀoa⁴ si⁴²qui³xo²ya³ je² cho⁴ta⁴ xi³ si¹xa¹son²-ve⁴, cˀoa⁴ xca⁴-le⁴ to³tse⁴²-le⁴ tsjoa¹son²-le⁴ xi³ cja⁴ˀai¹. Cˀia⁴ nca³ je² cho⁴ta⁴ xi³ tjio¹nčhˀoe¹-le⁴ Jesús qui³nčhˀoe¹ je²-vi⁴, qui³tso²: Ni⁴ˀi⁴tse¹-jin² cˀoa⁴tjin¹.

Gálatas 5:4

Ña³qui³ qui³cha³ˀa²xin²jin³-lao⁴³ yao³-no³ Cristo, jon² xi³ to⁴tˀa³tsˀe⁴ cjoa⁴te¹xo³ma³ ni²cje³tˀao³ je¹-no³. Ña³qui³ qui³tsao³tˀa³xin²-lao⁴³ cjoa⁴nta³-le⁴ Ni³na¹.

Filipenses 2:15

jme¹-ni³ nca³ ni⁴jme³-jin² je¹ xi³ sˀe⁴-si¹ni³no³, cˀoa⁴ nca³ nta³ coain¹cao⁴-si¹nio³ yao³-no³ nca³ ˀnti¹-le⁴ Ni³na¹ nio¹³ xi³ ña³qui³ tsjao³. Ti³yo³jin³-lao⁴³ cho⁴ta⁴son³ˀnte³ xi³ tsˀen⁴, xi³ chˀao³ tjio¹con³. Cˀoa⁴-sˀin² ti⁴yo³jin³ ˀi³sen³ˀi³saon³ i⁴ son³ˀnte³-vi⁴ jo³-ni³ tsa² lˀi¹.

Hebreos 10:32

To⁴nca³ ca²ta³fa³ˀai³tsjen³jin³-ni³no³ ni⁴čhjin³ xi³ ja³ˀa³to³, coan³scan³-ni³ nca³ coan³ˀi³sen³-no³, cˀia⁴ nca³ cˀoa⁴-sˀin² qui³ni²cjain¹-lao⁴³ cjoa⁴si³ xi³ nˀion¹ tse³, nca³ qui³chja³ˀao²³ cjoa⁴ñˀain³.

2 Pedro 3:17

Jon² xi³ tsjoa³que⁴-no³, nca⁴ je³qui³ni²qui³nčhˀoe¹-no³, ti⁴coi²ntao⁴³ yao³-no³, jme¹-ni³ nca³ tsi² tsa² cˀoa⁴-ti⁴ jon² xin² ntia⁴² coan⁴nquin¹-si¹nio³, nca³ cˀoa⁴na⁴cha⁴-no³ je² cho⁴ta⁴ xi³ chˀao³ cjoan³, cˀoa⁴ jme¹-ni³ nca³ tsi² tsa² tsao⁴jen³nqui³-si¹ni³ nca³nˀion¹-no³.

Judas 1:24

Je² Ni³na¹ xi³ cjai¹nca³ tjin¹-le⁴ nca³nˀion¹, nca³ va³se²chjoa²-no³ nca³ tsi² tsa² tsao⁴nquio³, nca³ si⁴²qui³ncha¹-no³ nqui³xcon⁴ cjoa⁴je³ya³-le⁴ cao⁴ cjai¹nca³ tse³ cjoa⁴tsjoa³ nca³ tsi²jme³ je¹ xi³ tjin¹-no³.

Apocalipsis 1:20

Je² cjoa⁴ˀma³ xi³ tˀa³tsˀe⁴ ña³to³ ni³ño³ xi³ tsa³ˀyai³ ntsa⁴qui²xia⁴, cˀoa⁴ xi³ tˀa³tsˀe⁴ ña³to³ xi³ si³ncha²ya³ se²ra⁴ xi³ taon⁴si³ne², coi³ xi³ tso²-ni³: Xi³ ña³to³ ni³ño³ a²ncje⁴ xi³ tsˀe⁴ ña³to³ na⁴xi⁴na³nta¹-le⁴ Cristo, cˀoa⁴ xi³ ña³to³ xi³ si³ncha²ya³ se²ra⁴ xi³ tsa³ˀyai³, coi³ na⁴xi⁴na³nta¹-le⁴ Cristo xi³ ña³to³ ma³-ni³.

Apocalipsis 16:9

Cho⁴ta⁴ qui³ti²-ni³ cao⁴ ntoa¹nˀion¹, cˀoa⁴ qui³nchja⁴ˀaon³-le⁴ jan³ˀain¹-le⁴ Ni³na¹ xi³ tjin¹-le⁴ nca³nˀion¹ xi³ tˀa³tsˀe⁴ je² cjoa⁴ñˀain³. Li²coi³ qui³si³cˀa³ntjai²ya³ cjoa⁴fa³ˀai³tsjen³-le⁴ nca³ tsa³cˀa³sje³je³ya³ Ni³na¹ tsa²cai³.

Apocalipsis 2:16

Ti⁴cˀa³ntjai²yao³ cjoa⁴fa³ˀai³tsjen³-no³. Tsa² mai³, cjoe²ˀe⁴ nčhˀoe²nti⁴ton⁴-no³, cˀoa⁴ scan³coa⁴ co²ntran⁴-le⁴ cao⁴ qui⁴cha⁴-le⁴ ntso⁴ˀva³.

Apocalipsis 2:19

An³ ˀve³-nia¹³ xa¹-no³, cˀoa⁴ cjoa⁴tjao²cha³-no³, cˀoa⁴ jo³-sˀin² nca³ ma³cjain¹-no³, cˀoa⁴ jo³-sˀin² ni²xao¹³, cˀoa⁴ je² cjoa⁴tse³jta³-no³. ˀve³-nia¹³ nca³ je² xa¹-no³ xi³ je³tˀa³-ni³ nqui²sa⁴ tse³ cao⁴-ni³ xi³ ti¹tjon².

Apocalipsis 2:2

An³ ˀve³nia¹³ xa¹-no³, jo³-sˀin² nˀion¹ ni²xao¹³, cao⁴ cjoa⁴tse³jta³-no³, cˀoa⁴ li²coi³ jcho¹cjoa⁴cao⁴-no³ cho⁴ta⁴tsˀen⁴. Je³qui³cho²tˀao³ je² xi³ pa²stro⁴ tso²-le⁴ yao³-le⁴, cˀoa⁴ li²coi³-ni³ coan³. Je³coan³sjai³-no³ nca³ cho⁴ta⁴nti³so³.

Apocalipsis 3:19

An³ nchja²ti³coa⁴, tsjoa³-le⁴ cjoa⁴ñˀain³ nca³tsˀi³ xi³ an³ tsjoa³que⁴: Ti⁴sin³-sao³ cˀoa⁴ ti⁴cˀa³ntjai²yao³ cjoa⁴fa³ˀai³tsjen³-no³.