Apocalipsis 2:26 - New Testament in Mazatec Huautla

²⁶ Je² xi³ si⁴²qui³njen³, cˀoa⁴ xi³ si⁴²tjo³son² je² xa¹-na⁴ sa³ˀnta³ nca³ cjoe⁴tˀa³, an³ tsjoa³-le⁴ ˀnte³ nca³ coa⁴te²xo³ma³ na⁴xi⁴na³nta¹-le⁴ son³ˀnte³.

Apocalipsis 2:26 ပူးပေါင်းရင်းမြစ်များ

San Mateo 10:22

Cˀoa⁴ coan⁴jti³que³-no³ nca³tsˀi³ xi³ to⁴tˀa³tsˀan⁴, to⁴nca³ je² xi³ jcho¹cjoa⁴-le⁴ jo³ sa³ˀnta³ nca³ cjoe⁴tˀa³-ni³, je²-vi⁴ coi⁴tjo³ntjai²-ni¹.

San Mateo 19:28

Jesús qui³tso²-le⁴: Xi³ cjoa⁴qui²xi⁴ xi³ xin³-no³, jon² xi³ je³ji³nčhoa³tˀa³-nao¹³, cˀia⁴ nca³ coan⁴cho⁴tse⁴ya³ nca³yi³je³ cˀia⁴ nca³ je² ˀnti¹-le⁴ cho⁴ta⁴ cˀoe¹jna³son² ya¹xi²le⁴-le⁴ cjoa⁴je³ya³-le⁴, cˀoa⁴-ti⁴ jon² coi⁴yo³son² te³jao² ya¹xi²le⁴, nca³ coa⁴te²xo³ma³-lao⁴³ je² te³jao² ntje⁴-le⁴ Israel.

San Mateo 24:13

Je² xi³ jcho¹cjoa⁴-le⁴ sa³ˀnta³ nca³ cjoe⁴tˀa³-ni³, je²-vi⁴ coi⁴tjo³ntjai².

San Juan 6:29

Jesús cˀoi⁴qui³tso²-le⁴: Je²-vi⁴ xa¹ xi³ me³-le⁴ Ni³na¹, nca³ cˀoa⁴-sˀin² coan⁴cjain¹-no³ xi³ tˀa³tsˀe⁴ je² Cristo xi³ Ni³na¹ qui³si³ca³sen¹.

Romanos 2:7

Je² cho⁴ta⁴ xi³ va¹sjai³ cjoa⁴je³ya³ cao⁴ cjoa⁴xcon¹ta³con² cao⁴ xi³ ni⁴cˀia³-jin² cjoi⁴tson¹, nca³ tse³jta³ nta³ ncha³ sˀin¹, Ni³na¹ tsjoa¹-le⁴ cjoa⁴vi³jna³chon³ nca³ntsjai².

Romanos 8:37

To⁴nca³ nca³yi³je³ je² cjoa⁴ je²-vi⁴ nqui²sa⁴ nˀion¹ cˀoa⁴sˀian⁴-sa³² cao⁴-ni³ tsa² je² xi³ si¹qui³njen³, xi³ to⁴tˀa³tsˀe⁴ je² xi³ coan³tsjoa³que³-na¹.

1 Tesalonicenses 3:5

Xi³ coi³ nca³ cˀoa⁴-ti⁴ an³ li²coi³ qui³sco³ya²-sa³nia³ qui³si³ca³sen¹³-nia³ nca³ scoe³-no³, jo³-sˀin² tjio¹ta³con² nca³ ma³cjain¹-no³, tsa² tsi² tsa² ya⁴ chˀao³ ti¹si¹cao⁴-no³ Satanás, tsa² tsi² tsa² to⁴cjoa⁴tjao² qui³ni²xai¹⁴-jin⁴.

Hebreos 3:6

To⁴nca³ Cristo qui³si³tjo³son² jo³-ni³ ˀnti¹ xi³ tjin¹ne²-le⁴ nca³ si¹coi²nta⁴-le⁴ cho⁴ta⁴ni³ˀya³-le⁴ Ni³na¹. Ña¹ nia¹ xi³ coi³ cho⁴ta⁴-le⁴, tsa² sa³ˀnta³ nca³ cjoe⁴tˀa³ nta³ coi⁴ntoa⁴nˀioan¹ je² cjoa⁴nˀion¹ta³con²-na¹ cˀoa⁴ je² cjoa⁴tsjoa³-na¹ xi³ tˀa³tsˀe⁴ xi³ cho²ya³-le⁴².

Santiago 2:20

Cho⁴tai⁴ xi³ tsi²jme³ cjoa⁴fa³ˀai³tsjen³ tjin¹-li², a³ me³-li² jchai⁴ nca³ to⁴cha³jin³-ni¹ xi³ ma³cjain¹-na¹, cˀia⁴ tsa² tsi² nta³ tjin¹ xa¹-na¹.

1 Juan 2:19

Ji³tjo³sje³jin³-na¹, to⁴nca³ li² tsan⁴²-jian² cho⁴ta⁴-ve⁴. Tsa² tsan⁴² tsa²cai³, ña³qui³ i⁴-jin² tsa³ca³tio²ntsjai²cao⁴-na¹ tsa²cai³. Coi³ cˀoa⁴-sˀin² ji³tjo³sje³jin³-na¹, nca³ cˀoa⁴-sˀin² coan⁴tsen³ nca³ li² nca³tsˀi³-jin² cho⁴ta⁴ tsan⁴².

1 Juan 3:23

Je²-vi⁴ xi³ cjoa⁴te¹xo³ma³-le⁴: Ca²ta³ma³cjain¹-na¹ tˀa³tsˀe⁴ jan³ˀain¹-le⁴ ˀnti¹-le⁴ Ni³na¹, Jesucristo, cˀoa⁴ tjao²cha³ ca²ta³ma³² xi²nquia⁴², jo³-sˀin² tsa³ca³te¹xo³ma³-na¹ nca³ je².

1 Juan 5:5

ˀya¹-ni³ xi³ si¹qui³njen³ son³ˀnte³-vi⁴. A³ tsi² tsa² je² xi³ ma³cjain¹-le⁴ nca³ Jesús je² ˀnti¹-le⁴ Ni³na¹.

Apocalipsis 2:11

Je² xi³ tjin¹ xo⁴ño³, ca²ti³ncha²ño³-le⁴ jo³ tso²-le⁴ je² na⁴xi⁴na³nta¹-le⁴ Cristo je² Espíritu Santo. Je² xi³ si⁴²qui³njen³, li²jme³ xi³ coan⁴-le⁴ je² cjoa⁴vi³ya³ xi³ ma³jao²-ni³.

Apocalipsis 2:17

Je² xi³ tjin¹ xo⁴ño³, ca²ti³ncha²ño³-le⁴ jo³ tso²-le⁴ je² na⁴xi⁴na³nta¹-le⁴ Cristo je² Espíritu Santo. Je² xi³ si⁴²qui³njen³, si³cjen²³ nio⁴xti²la⁴ maná xi³ ti¹jna³ˀma³, cˀoa⁴ tsjoa³-le⁴ jnco³ la⁴jao⁴ˀnti¹ xi³ čhoa³ cji³. Cˀoa⁴ tji¹tˀa³ jnco³ jan³ˀain¹ la⁴jao⁴-ve⁴, jña³-le⁴ xi³ ni⁴ˀya³-jin² xi³ ve³, to⁴je² xi³ cjoe¹.

Apocalipsis 2:7

Je² xi³ tjin¹ xo⁴ño³, ca²ti³ncha²ño³-le⁴ jo³ tso²-le⁴ je² na⁴xi⁴na³nta¹-le⁴ Cristo je² Espíritu Santo. Je² xi³ si⁴²qui³njen³, an³ tsjoa³-le⁴ nca³ squi⁴ne⁴ je² to³-le⁴ ya¹ xi³ tsˀe⁴ cjoa⁴vi³jna³chon³, xi³ se¹jna³ nca³va³sen³-le⁴ ˀnte³ xi³ na³sca¹chon³ xi³ tsˀe⁴ Ni³na¹.

Apocalipsis 20:4

Tsa³ˀve³ ya¹xi²le⁴, cˀoa⁴ tsa³ca³tio²son² je² xi³ qui³tsˀai²-le⁴ nca³ tsjoa¹ cjoa⁴ñˀain³. Tsa³ˀve³ ni⁴ma⁴-le⁴ je² xi³ qui³ti³sin³ xi³ to⁴tˀa³tsˀe⁴ je² en¹-le⁴ Jesús, cˀoa⁴ xi³ to⁴tˀa³tsˀe⁴ en¹-le⁴ Ni³na¹, xi³ tsi² tsa³ve³xcon¹ je² cho⁴-ve⁴, ni⁴je²-jin² xco¹son²-le⁴jin², xi³ tsi² tsa² qui³sˀe³choa⁴ tjen³, ni⁴ya⁴ ntsja³-jin². Tsa³cˀe¹yo³con², jnco³ jmi³ no¹ tsa³ca³te¹xo³ma³ cao⁴ Cristo.

Apocalipsis 21:7

Je² xi³ si⁴²qui³njen³ scoe¹cjoa⁴tjao² nca³yi³je³ tso³jmi². An³ coan⁴ Ni³na¹-le⁴, cˀoa⁴ je² coan⁴ ˀnti¹-na⁴.

Apocalipsis 22:5

Cˀoa⁴ ya⁴-ve⁴ li²coi³ ti⁴coan⁴njion²-ni³. Li²coi³ ma³chjen¹-le⁴ lˀi¹ni³cha³, ni⁴tsˀoi¹-jin². Nca⁴ je² Nai³-na¹ Ni³na¹ xi³ si⁴²ˀi³sen³-le⁴. Cˀoa⁴ cho⁴ˀnta³-le⁴ coa⁴te²xo³ma³ nca³ntsjai² nca³ntsjai².

Apocalipsis 3:12

Je² xi³ si⁴²qui³njen³, an³ coi³ncha³nta³ ya⁴ ntˀia³-le⁴ Ni³na¹-na⁴, cˀoa⁴ ni⁴nqui²jnco³-jin² ni⁴čhjin³ coi⁴tjo³ nti³tsin³. Cˀoa⁴ an³ squi³joan²³ je² jan³ˀain¹-le⁴ Ni³na¹-na⁴, cˀoa⁴ jan³ˀain¹-le⁴ je² na⁴xi⁴na³nta¹ xi³ tsˀe⁴ Ni³na¹-na⁴, je² Jerusalén cho⁴tse⁴, jña³-le⁴ xi³ fa³ˀai³jen³-ni³ ncˀa³jmi³ tsˀe⁴ Ni³na¹-na⁴, cˀoa⁴ jan³ˀain¹ cho⁴tse⁴-na⁴.

Apocalipsis 3:21

Je² xi³ si⁴²qui³njen³, an³ tsjoa³-le⁴ nca³ cˀoe¹jna³tˀa³-na³ ya⁴ ya¹xi²le⁴-na⁴, cˀoa⁴-sˀin² jo³-sˀin² nca³ je³qui³si³qui³njen³ nca³ an³, cˀoa⁴ je³tsa³ca²te⁴jna³tˀa³-le⁴ Nˀai³-na⁴ ya⁴ ya¹xi²le⁴-le⁴.

Apocalipsis 3:5

Je² xi³ si⁴²qui³njen³, na³jño³čhoa³ coa¹yo³, cˀoa⁴ li²coi³ si³cha²joan³ je² jan³ˀain¹-le⁴ ya⁴tˀa³ xon⁴ xi³ tsˀe⁴ cjoa⁴vi³jna³chon³. Cˀoa⁴ an³ si³qui²xi⁴ya³nta³ jan³ˀain¹-le⁴ nqui³xcon⁴ Nˀai³-na⁴, cˀoa⁴ nqui³xcon⁴ a²ncje⁴-le⁴.