Apocalipsis 2:22 - New Testament in Mazatec Huautla22 Coe⁴-ni³ an³ si³ca¹jna³soan³² na⁴chan³ Jezabel, cˀoa⁴ nˀion¹ tse³ cjoa⁴ñˀain³ tsjoa³-le⁴ je² xi³ to⁴nco¹son² sˀin¹ cjoa⁴cha³jnqui³ cao⁴ je², tsa² tsi² si⁴²cˀa³ntjai²ya³ cjoa⁴fa³ˀai³tsjen³-le⁴ xi³ tˀa³tsˀe⁴ cjoa⁴ xi³ qui³sˀin³. အခန်းကိုကြည့်ပါ။ |
Tsa³cjon³-nia¹³ cˀia⁴ nca³ coi³cho³-nia³ nca³ Ni³na¹ si⁴²cja³ˀa³jen³-na³ nqui³xcon³ nca³ jon², cˀoa⁴ nca³ squi³ˀnta¹³ xi³ tˀa³tsˀe⁴ xi³ ncjin² xi³ nca³sˀa⁴ tsa³jnqui³ je¹, cˀoa⁴ nca³ cje³ si¹cja³ˀai³tsjen³jin³-jin²ni³ xi³ tˀa³tsˀe⁴ cjoa⁴jnti¹-le⁴, cao⁴ cjoa⁴cha³jnqui³-le⁴, cˀoa⁴ cao⁴ cjoa⁴chi⁴nca⁴-le⁴ xi³ qui³sˀin³.
Ti⁴cja³ˀai³tsjaon³ jña³ni³ve⁴ nca³ qui³tsao³, cˀoa⁴ ti⁴cˀa³ntjai²yao³ cjoa⁴fa³ˀai³tsjen³-no³, cˀoa⁴tˀiaon⁴³ xa¹ jo³-sˀin² nca³ ti¹tjon². Cˀoa⁴ tsa² mai³-ni¹, cjoe²ˀe⁴ nčhˀoe²nti⁴ton⁴-no³, cˀoa⁴ cjoa³ˀa²xin²-nia¹³ ˀnte³-le⁴ xi³ vi³ncha³yao³ se²ra⁴-no³, cˀia⁴ tsa² cje³ ni²cˀa³ntjai²ya³-jion²³ cjoa⁴fa³ˀai³tsjen³-no³.