Apocalipsis 19:18 - New Testament in Mazatec Huautla

¹⁸ jme¹-ni³ nca³ chi⁴ne⁴-si¹nio³ yao³-le⁴ cho⁴ta⁴ti¹tjon² cao⁴ yao³-le⁴ capitanes, cao⁴ yao³-le⁴ cho⁴ta⁴ta²ja³, cao⁴ yao³-le⁴ na⁴xin¹, cao⁴ yao³-le⁴ je² xi³ tjio¹son², cao⁴ yao³-le⁴ nca³tsˀi³, xi³ tjio¹ntai¹ cao⁴ xi³ cho⁴ˀnta³, xi³ xti³ cao⁴ xi³ jchi¹nca³.

Apocalipsis 19:18 ပူးပေါင်းရင်းမြစ်များ

San Mateo 24:28

To⁴jña³-ni³ nca³ ti¹jna³ yao³cˀen³, ya⁴² coa⁴tio⁴jtin¹ ni¹que¹.

San Lucas 17:37

Cho⁴ta⁴ qui³tso²-le⁴ Jesús: Jña¹-ni³, Señor. Cˀoa⁴ je² qui³tso²-le⁴: Ya⁴ jña³ sˀe⁴jna³ yao³cˀen³, ya⁴² coa⁴tio⁴jtin¹ ni¹que¹.

Apocalipsis 11:18

Coan³jti³-le⁴ na⁴xi⁴na³nta¹, cˀoa⁴ je² cjoa⁴jti³-li⁴ je³ja³ˀai³, cˀoa⁴ je² ni⁴čhjin³-le⁴ cˀia⁴ nca³ cˀoai⁴-le⁴ cjoa⁴ñˀain³ je² xi³ cˀen³, cˀoa⁴ je² ni⁴čhjin³ nca³ cˀoe¹chji¹-lai⁴ je² cho⁴ˀnta³-li⁴ je² xi³ qui³nchja⁴ya³, cao⁴ cho⁴ta⁴-le⁴ Cristo, cao⁴ xi³ ve³xcon¹ jan³ˀain¹-li⁴, ˀnti¹xti³ cao⁴ xi³ jchi¹nca³, cˀoa⁴ je² ni⁴čhjin³ nca³ si⁴qui³tsoin¹³ je² xi³ si⁴²qui³tson¹ son³ˀnte³.

Apocalipsis 13:16

Tsa³cˀe¹ne² nca³ qui³sˀe³yo³tˀa³-le⁴ choa⁴ nca³tsˀi³ ntsja³ nca³qui²xi⁴ cao⁴ tjen³, je² xi³ xti³ cao⁴ xi³ jchi¹nca³, je² xi³ nchi⁴na¹ cao⁴ xi³ yo⁴ma⁴, je² xi³ tjio¹ntai¹ cao⁴ xi³ cho⁴ˀnta³.

Apocalipsis 17:16

Je² nčha⁴ xi³ te³ ma³-ni³ xi³ ca²ˀyai³ cao⁴ cho⁴-ve⁴, je²-vi⁴ xi³ ma³jti³que³ chjon⁴²cha³jnqui³-ve⁴. Cjoa⁴ˀa³-le⁴ nca³yi³je³, cˀoa⁴ si⁴²ca¹jna³jti², cˀoa⁴ squi⁴ne⁴ je² yao³-le⁴, cˀoa⁴ coa⁴ca²jin³ lˀi¹.

Apocalipsis 19:5

Ya⁴ ya¹xi²le⁴ ji³tjo³ jnco³ jta⁴ xi³ qui³tso²: Ti⁴jnta¹tˀaon³ Ni³na¹-na¹, nca³tsˀio³ xi³ cho⁴ˀnta³ mao³, cˀoa⁴ jon² xi³ jcon³chao³ Ni³na¹, cˀoa⁴-sˀin² xi³ xti³ cao⁴ xi³ jchi¹nca³.

Apocalipsis 6:15

Je² cho⁴ta⁴ti¹tjon²-le⁴ son³ˀnte³ cao⁴ cho⁴ta⁴je³ya³, cao⁴ xi³ nchi⁴na¹ cao⁴ xi³ capitán, cao⁴ xi³ nˀion¹ tjin¹-le⁴ nca³nˀion¹, cao⁴ nca³tsˀi³ cho⁴ˀnta³ cao⁴ xi³ ntai¹ tjio¹, qui³ ca³tio¹ˀma³ nqui³nqui³jao³ cˀoa⁴ nqui³na⁴xi⁴ xi³ tjio¹jin³ jña¹jcha¹.