Apocalipsis 17:1 - New Testament in Mazatec Huautla

¹ Ja³ˀai³ jnco³ xi³ ña³to³ ma³-ni³ a²ncje⁴ xi³ yˀa³ ña³to³ cho⁴tsin¹, qui³nchja⁴cao⁴-na³: Nčhoai¹³ i⁴-vi⁴, cˀoa⁴ coa³co³-le²³ je² cjoa⁴ñˀain³-le⁴ je² chjon⁴²cha³jnqui³ xi³ nˀion¹ sca¹-le⁴, xi³ ti¹jna³son² xi³ nˀion¹ ncjin² cˀa³ na³nta¹.

Apocalipsis 17:1 ပူးပေါင်းရင်းမြစ်များ

San Lucas 24:32

Tsa³cja¹cao⁴ xi¹ncjin¹: A³ tsi² tsa² cjai¹ tsjoa³ya³ coan³-le⁴ ni⁴ma⁴-na¹, cˀia⁴ nca³ tsa³cja¹cao⁴ na⁴jmi¹-na¹ ya⁴ya³ ntia⁴², cˀoa⁴ cˀia⁴ nca³ qui³sco³xˀa¹nqui³ xcoan³² jo³ tso² en¹ xi³ tji¹tˀa³ xon⁴ Escrituras.

San Lucas 9:30

Coe⁴-ni³ jao² cho⁴ta⁴ xi³ Moisés cao⁴ Elías tsa³cja¹cao⁴ nca³ je².

Apocalipsis 1:1

Ni³na¹ qui³si³cˀa³tsen³-le⁴ Jesucristo, jme¹-ni³ nca³ coa⁴co²-si¹ni³le⁴ cho⁴ˀnta³-le⁴ je² cjoa⁴ xi³ coan⁴ nti⁴ton⁴. Cˀoa⁴-sˀin² qui³si³qui²xi⁴ya³ qui³si³ca³sen¹cao⁴ jnco³ a²ncje⁴. Qui³si³ca³sen¹-le⁴ je² Juan cho⁴ˀnta³-le⁴.

Apocalipsis 15:1

Tsa³ˀve³ nqui²jncoa³ cjoa⁴xcon¹, xi³ nˀion¹ tse³, xi³ nˀion¹ xcon¹, ya⁴ ncˀa³jmi³. Ña³to³ ma³-ni³ a²ncje⁴ xi³ tjin¹-le⁴ ña³to³ cjoa⁴ñˀain³ xi³ cjoe⁴tˀa³-ni³. Coi³ xi³ cjoe⁴tˀa³-ni³ cjoa⁴jti³-le⁴ Ni³na¹.

Apocalipsis 16:19

Je² na⁴xi⁴na³nta¹ xi³ nˀion¹ je³ coan³xcoa⁴ jan² ya³ coan³, cˀoa⁴ nca³yi³je³ na⁴xi⁴na³nta¹ xi³ tsˀe⁴ xi³cˀa³ ˀnte³ qui³tsao³. Cˀoa⁴ Ni³na¹ ja³ˀai³tsjen³jin³-le⁴ je² Babilonia xi³ nˀion¹ je³ nca³ cˀoa⁴-sˀin² qui³tsjoa³-le⁴ cho⁴tsin¹-le⁴ xi³ tsˀe⁴ vino xi³ tsˀe⁴ cjoa⁴jti³-le⁴.

Apocalipsis 18:1

Coan³scan³-ni³ je² cjoa⁴-vi⁴ tsa³ˀve³ nqui²jncoa³ a²ncje⁴ xi³ ji³tjo³jen³-ni³ ncˀa³jmi³, xi³ nˀion¹ tse³ nca³nˀion¹ tjin¹-le⁴. Cˀoa⁴ je² son³ˀnte³ coan³ˀi³sen³-ni³ cjoa⁴je³ya³-le⁴.

Apocalipsis 19:2

Je² cjoa⁴ñˀain³ xi³ tsjoa¹ ña³qui³ cjoa⁴qui²xi⁴-ni¹, cˀoa⁴ cˀoa⁴²tjin¹. Cˀoa⁴-sˀin² qui³tsjoa³-le⁴ cjoa⁴ñˀain³ je² chjon⁴²cha³jnqui³ xi³ qui³si³qui³tson¹jin³ son³ˀnte³ cao⁴ je² cjoa⁴cha³jnqui³-le⁴. Ni³na¹ qui³si³cˀe¹chji¹-ni³ ntsja³ chjon⁴²-ve⁴ njin¹-le⁴ cho⁴ˀnta³-le⁴.

Apocalipsis 19:9

Cˀoa⁴ qui³tso²-na³: Chji¹³: Jo¹ to⁴nta³-le⁴ je² xi³ cˀoa⁴-sˀin² qui³no²cjoa⁴-le⁴ cjoa⁴vi³xan³-le⁴ nca³ coa⁴cjen⁴cao⁴ je² Va³rre². Cˀoa⁴ qui³tso²-na³: Je² en¹-le⁴ Ni³na¹ xo⁴tso²-vi⁴ ña³qui³ cjoa⁴qui²xi⁴-ni¹.

Apocalipsis 21:15

Je² xi³ tsa³cja¹cao⁴-na³ tjin¹-le⁴ jnco³ ya¹na³nca³ xi³ taon⁴si³ne² xi³ vˀe¹cho⁴ya³-ni³ na⁴xi⁴na³nta¹ cao⁴ xo⁴ntjoa⁴-le⁴ cao⁴ čhjao¹lao⁴-le⁴.

Apocalipsis 21:9

Ji³nčhoa³jnco³-na³ je² xi³ ma³ña³to³-ni³ a²ncje⁴, xi³ tjin¹-le⁴ ña³to³ cho⁴tsin¹ xi³ tjio¹qui³tse³-ni³ ña³to³ cjoa⁴ñˀain³ xi³ fe³tˀa³. Tsa³cja¹cao⁴-na³, qui³tso²: Nčhoai¹³ i⁴-vi⁴, an³ coa³co³-le²³ je² xi³ chjon⁴²-le⁴ coan⁴ Va³rre².

Apocalipsis 4:1

Coan³scan³-ni³ cjoa⁴ je²-vi⁴, qui³sco²tsen³, cˀoa⁴ coe⁴-ni³ jnco³ xo⁴ntjoa⁴ xi³ ti⁴xˀa⁴ ya⁴ ncˀa³jmi³. Je² ti¹tjon² jta⁴ xi³ qui³nčhˀoe³ jo³-ni³ tsa² jta⁴-le⁴ čhjao³ xi³ tsa³cja¹cao⁴-na³: Nčhoa¹mi³ i⁴-vi⁴, coa³co³-le²³ je² cjoa⁴ xi³ coan⁴ coan⁴scan³-ni³ je²-vi⁴.