Apocalipsis 13:5 - New Testament in Mazatec Huautla

⁵ Qui³tjo³ˀai²ˀnte³-le⁴ tsˀoa³ nca³ coi⁴nchja⁴ en¹ncˀa³ xi³ qui³nchja⁴ˀaon³. Qui³tsˀai²-le⁴ cjoa⁴te¹xo³ma³ nca³ si⁴²xa¹ ña³chan²jao² sa¹.

Apocalipsis 13:5 ပူးပေါင်းရင်းမြစ်များ

2 Tesalonicenses 2:3

A³li² vˀa³na⁴cha⁴-jin²no³ to⁴ˀya³-ni³ ni⁴to⁴jme³ cjoa⁴-ni³. Nca⁴ li²coi³ cjoa⁴ˀai¹ ni⁴čhjin³-le⁴ Nai³-na¹, tsa² tsi² ti¹tjon² cjoa⁴ˀai¹ xi³ co²ntran⁴ coai⁴-le⁴ Jesús, cˀoa⁴ tsa² tsi² coan⁴tsen³ je² cho⁴ta⁴tsˀen⁴, je² cho⁴ta⁴ xi³ cha⁴jin³.

2 Tesalonicenses 2:4

Cˀoe¹jna³toan¹ coi⁴so¹tjen⁴ co²ntran⁴-le⁴ nca³yi³je³ xi³ Ni³na¹ ˀmi² a³xo⁴ xi³ ˀya³xcoan¹, sa³ˀnta³ cˀoe¹jna³ ya⁴ yo⁴nco⁴ jo³-ni³ tsa² Ni³na¹, nca³ Ni³na¹ tso²-le² yao³-le⁴.

2 Tesalonicenses 2:8

Cˀia⁴² coan⁴tsen³ je² cho⁴ta⁴tsˀen⁴, xi³ je² Nai³-na¹ si⁴²cˀen³-ni³ cao⁴ jta⁴-le⁴ tsˀoa³. Cˀia⁴ nca³ Jesucristo coan⁴tsen³ nca³ cjoa⁴ˀai¹, si⁴²qui³xo¹ya³.

Apocalipsis 11:7

Cˀia⁴ nca³ je² jao² testigo cjoe⁴ tsjoa¹ en¹-le⁴, je² cho⁴ xi³ vi³tjo³mi³-ni³ nti⁴tjan⁴ jña³ nca³ ti⁴xˀa⁴jin³sen¹, cjoa⁴jchan¹ sˀin⁴² co²ntran⁴-le⁴ nca³ je². Si⁴²qui³njen³-le⁴, cˀoa⁴ si⁴²cˀen³.

Apocalipsis 12:14

Cˀoa⁴ je² chjon⁴²-ve⁴ qui³tsˀai²-le⁴ jao² jnca³-le⁴ ja⁴tse³, jme¹-ni³ nca³ coai⁴tjen⁴ tˀa³xin²-si¹ni³le⁴ je² ye⁴-ve⁴. Qui³tjen⁴ ya⁴ ˀnte³ tˀa³xin²tˀa³, ya⁴ ˀnte³ jña³ nca³ vi³jnchi³ˀa² xi³ jnco³ ni⁴čhjin³, xi³ jao² ni⁴čhjin³, cao⁴ xi³ to⁴va³sen³ ni⁴čhjin³.

Apocalipsis 12:6

Je² chjon⁴²-ve⁴ tsa³nca³ jña³ tˀa³xin²tˀa³, jña³ ˀnte³ xi³ Ni³na¹ tsa³ca¹nta³-le⁴, jme¹-ni³ nca³ ya⁴ coa⁴jnqui³ˀa³-si¹ni³ jnco³ jmi³ cao⁴-ni³ jao² ciento cao⁴ jan²can³ ni⁴čhjin³.

Apocalipsis 13:7

Qui³tsˀai²ˀnte³-le⁴ nca³ qui³si³toan¹cao⁴ cho⁴ta⁴-le⁴ Cristo, cˀoa⁴ nca³ qui³si³qui³njen³-le⁴. Cˀoa⁴-ti⁴ qui³tsˀai²-le⁴ cjoa⁴te¹xo³ma³ xi³ tˀa³tsˀe⁴ nca³yi³je³ ntje⁴, cao⁴ nca³yi³je³ na⁴xi⁴na³nta¹, cao⁴ nca³yi³je³ en¹, cao⁴ nca³yi³je³ ˀnte³.