Apocalipsis 12:7 - New Testament in Mazatec Huautla

⁷ Cˀoa⁴ coan³ jnco³ cjoa⁴jchan¹ xi³ nˀion¹ coan³ ya⁴ ncˀa³jmi³. Miguel cao⁴ a²ncje⁴-le⁴ qui³scan³cao⁴ je² cho⁴toan¹. Cˀoa⁴ qui³scan³ cho⁴toan¹-vi⁴ cao⁴ a²ncje⁴-le⁴.

Apocalipsis 12:7 ပူးပေါင်းရင်းမြစ်များ

San Mateo 13:41

Je² ˀnti¹-le⁴ cho⁴ta⁴ si⁴²ca³sen¹ a²ncje⁴-le⁴, cˀoa⁴ cˀoe⁴²xco¹jin³ cjoa⁴te¹xo³ma³-le⁴ ncˀa³jmi³ nca³yi³je³ xi³ vˀe¹tsˀia⁴ cjoa⁴si³, cˀoa⁴ je² xi³ cjoa⁴tsˀa³ntjai²cjoa⁴ sˀin¹.

San Mateo 16:27

Nca⁴ je² ˀnti¹-le⁴ cho⁴ta⁴ sˀa⁴ cjoa⁴ˀai¹cao⁴ cjoa⁴je³ya³-le⁴ Nˀai³-le⁴ cao⁴ a²ncje⁴-le⁴, cˀoa⁴ cˀia⁴ cˀoe⁴²chji¹ nca³ jnco¹jnco¹ jo³-sˀin² si¹xa¹.

San Mateo 24:31

Cˀia⁴ nca³ si⁴²ca³sen¹ a²ncje⁴-le⁴ nˀion¹ squi¹ˀntia¹ čhjao³, cˀoa⁴ a²ncje⁴-le⁴ cˀoe⁴²xco¹ je² xi³ qui³tjo³jin³. Cˀoe⁴²xco¹-ni³ nca³ ño³ xi⁴nqui⁴-le⁴ son³ˀnte³, cˀoa⁴ sa³ˀnta³ jnco³ ncoa³ ncˀa³jmi³, sa³ˀnta³ xi³ nqui²jnco³ ncoa³.

San Mateo 25:41

Cˀia⁴ cˀoa⁴-ti⁴ coi⁴tso⁴-le⁴ je² xi³ tjio¹ nca³scon¹-le⁴: Ti⁴ncha³ tˀa³xin²-nao¹³ nca³ jon², xi³ nai⁴² ti¹vˀe¹xa¹-no³, ta⁴nquion¹³ ya⁴ ˀnte³ jña³ nca³ ti¹ti² lˀi¹ nca³ntsjai², xi³ ti¹jna³nta³ tˀa³tsˀe⁴ nai⁴², cˀoa⁴ xi³ tˀa³tsˀe⁴ a²ncje⁴-le⁴.

San Mateo 26:53

A³ ni²cja³ˀai³tsjen³-nio¹³ nca³ tsi² tsa² coan⁴-na³ cˀoe³tsˀoa²³-le⁴ Nˀai³-na⁴, cˀoa⁴ je² tsjoa¹-na³ xi³ nqui²sa⁴ tsˀa³to³ cao⁴-ni³ tsa² te³jao² jmi³ a²ncje⁴-le⁴.

2 Corintios 12:7

Cˀoa⁴ cjai¹nca³ to⁴tse³ cjoa⁴ xi³ coan³son²tsen³-na³. To⁴coi³ cjoa⁴-vi⁴ nca³ qui³tsˀai²jin³ yao³-na⁴ jnco³ na³ˀya¹, jme¹-ni³ nca³ li²coi³ coan⁴ncˀa³con³-si¹nia³ xi³ to⁴tsˀa³to³ntjai² choa⁴-le⁴. Je² na³ˀya¹-ve⁴ jnco³ cho⁴ˀnta³-le⁴ Satanás xi³ cˀoa⁴-sˀin² vˀe¹-na³, jme¹-ni³ nca³ tsi² coan⁴ncˀa³con³-si¹nia³ xi³ to⁴tsˀa³to³ntjai² choa⁴-le⁴.

Efesios 6:12

Li²coi³ cho⁴ta⁴son³ˀnte³ xi³ njin¹ xi³ yao³ tjin¹-le⁴ xi³ coi³xcan¹coa⁴². To⁴je² xi³ co²ntran⁴-na¹ xi³ xa¹ti¹tjon² tjin¹-le⁴, xi³ cjoa⁴te¹xo³ma³ tjin¹-le⁴, xi³ nai⁴²ti¹tjon² xi³ nca³qui³jnta² va³te¹xo³ma³ jña³ njion², xi³ je² nca³tsˀi³ ntjao⁴ xi³ chˀao³ sˀin¹ xi³ tsˀe⁴ ja⁴ncˀa¹.

2 Tesalonicenses 1:7

Cˀoa⁴-ti⁴ cˀoe⁴²chji¹-no³ nca³ jon² xi³ cjoa⁴ñˀain³ ti³chja³ˀao²³, nca³ si⁴²cˀe¹yo³cja¹ya³-no³ cao⁴ jin⁴-jin⁴ cˀia⁴ nca³ coan⁴tsen³ Nai³-na¹ Jesús, nca³ cjoi⁴nčhoa¹-ni³ ncˀa³jmi³ cao⁴ a²ncje⁴ xi³ va³co¹ nca³nˀion¹-le⁴.

Hebreos 2:10

Cˀoa⁴-sˀin² tjin¹ nca³yi³je³ xi³ tˀa³tsˀe⁴ Ni³na¹. Je² xi³ tsa³cˀe¹nta³ nca³yi³je³. Cˀoa⁴-sˀin² tsa³quin²-le⁴ Ni³na¹, cˀia⁴ nca³ ja³ˀai³cao⁴ ncjin² xti³ xi³ vˀa³cao⁴-le⁴ cjoa⁴je³ya³-le⁴, nca³ ña³qui³ qui³si³jnco³-ni³ cao⁴ cjoa⁴ñˀain³ je² xi³ nca³jco⁴-le⁴ cjoa⁴vi³tjo³ntjai²-le⁴.

2 Pedro 2:4

Ni³na¹ li²coi³ qui³si³cha³tˀa³-le⁴ je² a²ncje⁴ xi³ tsa³jnqui³ je¹, to⁴ya⁴² qui³sca³ni¹ jña³ lˀi¹ ti¹ti², cˀoa⁴ qui³si³cˀe¹jna³nˀion¹ ya⁴ nca⁴jao⁴ jña³ njion² chon³, sa³ˀnta³ nca³ sˀe⁴nta³jin³-le⁴.

Judas 1:9

Cˀia⁴ nca³ je² a²ncje⁴ti¹tjon², Miguel, qui³scan³cao⁴ je² nai⁴², nca³ tsa³cjao¹ti³ya³-ni³ xi³ tˀa³tsˀe⁴ yao³-le⁴ Moisés, a³li²coi³ coan³nˀion¹con³ nca³ tsjoa¹-le⁴ cjoa⁴ñˀain³, nca³ nchja⁴ˀaon³-le⁴, to⁴nca³ to⁴cˀoi⁴qui³tso²: Je² Nai³-na¹ ca²ta³cjan¹cao⁴-li².

Apocalipsis 12:8

Li²coi³ qui³njen³-le⁴, ni⁴ˀnte³-le⁴jin² ti⁴coan³sjai³-ni³le⁴ ya⁴ ncˀa³jmi³.

Apocalipsis 12:9

Qui³cha³ni²tˀa³xin² je² cho⁴toan¹-ve⁴, je² ye⁴ jchi¹nca³ xi³ cˀoa⁴tsa³cˀin² je² nai⁴² cao⁴ Satanás, jña³-le⁴ xi³ vˀa³na⁴cha⁴ nca³tsˀi³. Qui³ni²cˀa³tjen⁴nqui³ ya⁴ son³ˀnte³, cˀoa⁴ a²ncje⁴-le⁴ qui³tsao³cao⁴.

Apocalipsis 13:7

Qui³tsˀai²ˀnte³-le⁴ nca³ qui³si³toan¹cao⁴ cho⁴ta⁴-le⁴ Cristo, cˀoa⁴ nca³ qui³si³qui³njen³-le⁴. Cˀoa⁴-ti⁴ qui³tsˀai²-le⁴ cjoa⁴te¹xo³ma³ xi³ tˀa³tsˀe⁴ nca³yi³je³ ntje⁴, cao⁴ nca³yi³je³ na⁴xi⁴na³nta¹, cao⁴ nca³yi³je³ en¹, cao⁴ nca³yi³je³ ˀnte³.

Apocalipsis 20:2

Tsa³cˀe¹tˀa³nˀion¹ je² cho⁴toan¹-ve⁴, je² ye⁴jcha¹-ve⁴, xi³ ti⁴coi³-ni³ nai⁴² xi³ Satanás. Jnco³ jmi³ no¹ qui³sˀe³tˀa³nˀion¹.