Apocalipsis 1:9 - New Testament in Mazatec Huautla

⁹ An³ xi³ Juan ˀmi²-na³, xi³ ntsˀao³. To⁴jnco³ ti³chja³ˀa³² cjoa⁴ñˀain³, cˀoa⁴ ti²jna⁴cao⁴-no³ ya⁴ cjoa⁴te¹xo³ma³-le⁴ cao⁴ cjoa⁴tse³jta³-le⁴ Jesucristo. An³ tsa³ca²te⁴jna³ ya⁴ ˀnte³ xi³ ti¹jna³jin³ nta¹chi³con³, ya⁴ jña³ nca³ isla Patmos ˀmi², xi³ tˀa³tsˀe⁴ en¹-le⁴ Ni³na¹, cˀoa⁴ xi³ tˀa³tsˀe⁴ en¹-le⁴ Jesucristo.

Apocalipsis 1:9 ပူးပေါင်းရင်းမြစ်များ

San Mateo 20:23

Jesús qui³tso²-le⁴: Xi³ cjoa⁴qui²xi⁴ sˀio⁴yao³ je² cho⁴-tsin¹ cjoa⁴ñˀain³-na⁴, cˀoa⁴ jo³-sˀin² nca³ an³ sa³te¹nta¹-nia³, cˀoa⁴-sˀin² sa⁴te¹ntao¹³ ja⁴tˀa³tsˀe⁴ cjoa⁴ñˀain³, to⁴nca³ xi³ coi⁴yo³tˀa³-nao¹³ nca³qui²xi⁴-na⁴ cˀoa⁴ nca³scon¹-na⁴, a³li² an³-jian²³ xi³ tsjoa³-le⁴, to⁴nca³ je² ˀnte³-ve⁴ cˀoai⁴-le⁴ je² xi³ Nˀai³-na⁴ tsa³cˀe¹nta³-le⁴.

San Marcos 10:39

Je² xi³ jao²-ve⁴ qui³tso²-le⁴: Coan⁴-na³jin⁴. Jesús cˀoa⁴qui³tso²-le⁴: Xi³ cjoa⁴qui²xi⁴, je² cho⁴tsin¹cjoa⁴ñˀain³-na⁴ xi³ an³ ti²ˀvi⁴ya³, sˀio⁴ya³-nio¹³, cˀoa⁴ jo³-sˀin² nca³ an³ ti¹sa³te¹nta¹-nia³ cao⁴ cjoa⁴ñˀain³, cˀoa⁴-ti⁴sˀin² sa⁴te¹nta¹-nio³.

San Juan 16:33

Je² cjoa⁴-vi⁴ je³qui³xin³-no³, jme¹-ni³ nca³ cao⁴ an³ coi⁴njen³nchˀan¹jin³-si¹ni³no³. I⁴ son³ˀnte³-vi⁴ cjoa⁴ñˀain³ chja⁴ˀao²³, to⁴nca³ ca²ta³ma³nˀion¹-ta³con²³. An³ je³qui³si³qui³njen³-le⁴ son³ˀnte³.

Hechos de los Apóstoles 1:15

Cˀia⁴ ni⁴čhjin³-ve⁴ Pedro tsa³qui³so¹tjen⁴jin³-le⁴ ntsˀe⁴. (Je² nca³tsˀi³ cho⁴ta⁴ xi³ coan³xco¹ jnco³ ciento cao⁴ can³-la⁴ ma³-ni³.) Pedro qui³tso²-le⁴:

Hechos de los Apóstoles 14:22

Qui³tsjoa³-le⁴ nca³nˀion¹ ni⁴ma⁴-le⁴ cho⁴ta⁴-le⁴ Cristo. Tsa³cˀe¹ne²-le⁴ nca³ cˀoa⁴-sˀin² ca²ta³tio²cao⁴-ntsjai² xi³ ma³cjain¹-le⁴. Qui³tso²-le⁴ nca³ cjai¹nca³ ma³chjen¹ nca³ tse³ cjoa⁴ñˀain³ chja⁴ˀa² nca³ coi⁴tja¹sˀen³² ya⁴ cjoa⁴te¹xo³ma³-le⁴ Ni³na¹.

Romanos 8:17

Cˀia⁴ tsa² ˀnti¹-le⁴ ma³², cˀoa⁴²-ti⁴ sˀe⁴-na¹ cjoa⁴tjao² tsˀe⁴ Ni³na¹. To⁴jnco³ sˀe⁴-na¹ cjoa⁴tjao² cao⁴ Cristo, tsa² ña³tjen⁴ chja⁴ˀa² cjoa⁴ñˀain³ cao⁴ Cristo, jme¹-ni³ nca³ ña³tjen⁴ coi²tjo⁴je³ya³-si¹nia³² cao⁴ je².

Romanos 8:25

To⁴nca³ tsa² ti³cho³ya²-le⁴² je² xi³ tsi² tsa² coi³ ˀya³², cao⁴ cjoa⁴tse³jta³ cho¹ya³-ni³le⁴².

2 Corintios 1:7

Cˀoa⁴ je² xi³ cho³ya²-lai⁴jin⁴ xi³ tˀa³tsaon⁴³ nˀion¹ ti¹jna³, nca⁴ ˀya³qui²xi⁴-jin⁴ nca³ jo³-sˀin² nca³ vˀa³cao⁴tˀa³-no³ je² cjoa⁴ñˀain³, cˀoa⁴-ti⁴sˀin²ni³ vˀa³cao⁴tˀa³-no³ je² cjoa⁴ni²je³ta³con².

Filipenses 1:7

Tjin¹-na³ cjoa⁴qui²xi⁴ nca³ cˀoa⁴-sˀin² si³cja³ˀai³tsjen³ tˀa³tsaon⁴³ nca³tsˀio³, nca⁴ si³cjao¹que³-no³. Jon² nio¹³ xi³ to⁴jnco³ ti³chjoe¹cao⁴-nao¹³ cjoa⁴nta³-le⁴ Ni³na¹, nca³ ti²jna⁴ cjoa⁴ñˀain³, cˀoa⁴ nca³ nchja²ntje²³ nca³ si³qui²xi⁴ya³nta³ je² en¹nta³ xi³ tˀa³tsˀe⁴ Cristo.

Filipenses 4:14

To⁴nca³ cjai¹ nta³ qui³nˀiaon²³ nca³ tsa³qui³ncha³cao⁴-nao¹³ cˀia⁴ nca³ ti²fa³ˀa³ cjoa⁴ñˀain³.

2 Tesalonicenses 3:5

Je² Nai³-na¹ ca²ta³tso²ya³-le⁴ ni⁴ma⁴-no³ cjoa⁴tjao²cha³-le⁴ Ni³na¹ cao⁴ cjoa⁴tse³jta³-le⁴ Cristo.

2 Timoteo 1:8

Coi³ cjoa⁴ a³li² ma³soa³-jin²li² nca³ cˀoai⁴ en¹ xi³ tˀa³tsˀe⁴ Nai³-na¹, ni⁴tˀa³tsˀan⁴-jian²³ nca³ cjoa⁴ñˀain³ ti²jna⁴ xi³ tˀa³tsˀe⁴ Nai³-na¹. To⁴sa³ cˀoa⁴-ti⁴ ji³ chja⁴ˀai²³ cjoa⁴ñˀain³ xi³ tˀa³tsˀe⁴ je² en¹nta³ tˀa³tsˀe⁴ Cristo, jo³ tjin¹ nca³nˀion¹-le⁴ Ni³na¹.

Hebreos 10:36

Nca³ jon² ma³chjen¹-no³ nca³ jcho¹cjoa⁴jin³-no³, jme¹-ni³ nca³ coi⁴njen⁴-si¹ni³no³ je² cjoa⁴ni²sˀe³nqui³, cˀia⁴ nca³ je³qui³ni²tjo³son²³ jo³-sˀin² nca³ me³-le⁴ Ni³na¹.

1 Pedro 5:1

Vˀe³tsˀoa²³-le⁴ nca³tsˀi³ cho⁴ta⁴jchi¹nca³ xi³ tjio¹jin³-no³, cˀoa⁴-ti⁴ an³ cho⁴ta⁴jchi¹nca³ nia¹³ cao⁴ je². An³ tsa³ˀve³ cjoa⁴ñˀain³ xi³ qui³sˀe³-le⁴ Cristo, cˀoa⁴-ti⁴ an³ sˀe³-na³ cjoa⁴je³ya³ xi³ coan⁴tsen³.

Apocalipsis 1:1

Ni³na¹ qui³si³cˀa³tsen³-le⁴ Jesucristo, jme¹-ni³ nca³ coa⁴co²-si¹ni³le⁴ cho⁴ˀnta³-le⁴ je² cjoa⁴ xi³ coan⁴ nti⁴ton⁴. Cˀoa⁴-sˀin² qui³si³qui²xi⁴ya³ qui³si³ca³sen¹cao⁴ jnco³ a²ncje⁴. Qui³si³ca³sen¹-le⁴ je² Juan cho⁴ˀnta³-le⁴.

Apocalipsis 1:2

Je² Juan qui³tsjoa³ en¹-le⁴ xi³ tˀa³tsˀe⁴ en¹-le⁴ Ni³na¹, cˀoa⁴ xi³ tˀa³tsˀe⁴ en¹-le⁴ Jesucristo, cˀoa⁴ xi³ tˀa³tsˀe⁴ nca³yi³je³ cjoa⁴ xi³ tsa³ve³.

Apocalipsis 1:4

An³ xi³ Juan ˀmi²-na³ ti²cji³-no³ nca³ jon² xi³ ña³to³ na⁴xi⁴na³nta¹-le⁴ Cristo xi³ ti³yo³ ya⁴ Asia: Cjoa⁴nta³ ca²ta³sˀe³-no³, ca²ta³si¹qui³njen³nchˀan¹jin³ ni⁴ma⁴-no³ je² xi³ ti¹jna³, xi³ tsa³cˀe²jna³, cˀoa⁴ xi³ cjoa⁴ˀai¹-ni³, cˀoa⁴ je² ña³to³ espíritu xi³ tjio¹ nqui³xcon⁴ ya¹xi²le⁴-le⁴ Ni³na¹,

Apocalipsis 1:6

Cˀoa⁴-sˀin² qui³tsjoa³-na¹ nca³ cho⁴ta⁴ti¹tjon² coan³², cˀoa⁴ na⁴ˀmi³ xi³ tˀa³tsˀe⁴ Ni³na¹, Nai³-le⁴. Je² ca²tji³tjo³je³ya³, cˀoa⁴ je² ca²ta³va³te¹xo³ma³ nca³ntsjai² ni⁴čhjin³. Cˀoa⁴ ca²ta³ma³.

Apocalipsis 11:7

Cˀia⁴ nca³ je² jao² testigo cjoe⁴ tsjoa¹ en¹-le⁴, je² cho⁴ xi³ vi³tjo³mi³-ni³ nti⁴tjan⁴ jña³ nca³ ti⁴xˀa⁴jin³sen¹, cjoa⁴jchan¹ sˀin⁴² co²ntran⁴-le⁴ nca³ je². Si⁴²qui³njen³-le⁴, cˀoa⁴ si⁴²cˀen³.

Apocalipsis 12:11

Cˀoa⁴ je² ntsˀe³² qui³si³qui³njen³-le⁴ xi³ to⁴tˀa³tsˀe⁴ je² njin¹-le⁴ je² Va³rre², cˀoa⁴ xi³ to⁴tˀa³tsˀe⁴ je² en¹-le⁴ xi³ qui³tsjoa³. Li²coi³ coan³tsjoa³que³ cjoa⁴vi³jna³chon³-le⁴ nta³ tsa² qui³ni²cˀen³.

Apocalipsis 12:17

Cˀia⁴ je² cho⁴toan¹-ve⁴ a³li² cˀoa⁴cji³ coan³jti³que³ chjon⁴²-ve⁴. Qui³ sˀin¹ cjoa⁴jchan¹, co²ntran⁴ qui³-le⁴ je² xi³cˀa³ ntje⁴-le⁴ chjon⁴²-ve⁴, jña³-le⁴ xi³ si¹tjo³son² je² cjoa⁴te¹xo³ma³-le⁴ Ni³na¹, cˀoa⁴ tsjoa¹ en¹ tˀa³tsˀe⁴ Jesucristo.

Apocalipsis 13:10

Je² xi³ cˀoa⁴-sˀin² ca³ni¹jin³ cjoa⁴ñˀain³, cˀoa⁴-ti⁴sˀin² fi²jin³ cjoa⁴ñˀain³. Je² xi³ qui⁴cha⁴ si¹cˀen³-ni³, tjin¹ne²-le⁴ nca³ ti⁴cˀoa⁴-sˀin² coi⁴ya²-ni³. To⁴coi³ cjoa⁴-vi⁴ nca³ ma³chjen¹-le⁴ cho⁴ta⁴-le⁴ Cristo cjoa⁴tse³jta³ cao⁴ xi³ ma³cjain¹-le⁴.

Apocalipsis 14:12

Xi³ to⁴coi³ cjoa⁴-vi⁴ nca³ cjoa⁴tse³jta³ xi³ ma³chjen¹-le⁴ cho⁴ta⁴-le⁴ Cristo. Ma³chjen¹-le⁴ nca³ si¹tjo³son² cjoa⁴te¹xo³ma³-le⁴ Ni³na¹, cˀoa⁴ nca³ ma³cjain¹-le⁴ tˀa³tsˀe⁴ Jesús.

Apocalipsis 19:10

An³ qui³sca³nquia³ ntso⁴co⁴ nca³ tsa³ˀve³xcoan¹³. Cˀoa⁴ je² qui³tso²-na³: A³li² cˀoa⁴-jin² nˀiain²³. Cˀoa⁴-ti⁴ an³ cho⁴ˀnta³ nia¹³ jo³-ni³ ji³, cao⁴ je² ntsˀai³ xi³ tjin¹-le⁴ je² en¹ xi³ tˀa³tsˀe⁴ Jesús. Jcha⁴xcoin¹³ Ni³na¹, nca³ je² en¹ xi³ tˀa³tsˀe⁴ Jesús coi³ cjoa⁴ xi³ no²cjoa⁴ya³-ni³.

Apocalipsis 20:4

Tsa³ˀve³ ya¹xi²le⁴, cˀoa⁴ tsa³ca³tio²son² je² xi³ qui³tsˀai²-le⁴ nca³ tsjoa¹ cjoa⁴ñˀain³. Tsa³ˀve³ ni⁴ma⁴-le⁴ je² xi³ qui³ti³sin³ xi³ to⁴tˀa³tsˀe⁴ je² en¹-le⁴ Jesús, cˀoa⁴ xi³ to⁴tˀa³tsˀe⁴ en¹-le⁴ Ni³na¹, xi³ tsi² tsa³ve³xcon¹ je² cho⁴-ve⁴, ni⁴je²-jin² xco¹son²-le⁴jin², xi³ tsi² tsa² qui³sˀe³choa⁴ tjen³, ni⁴ya⁴ ntsja³-jin². Tsa³cˀe¹yo³con², jnco³ jmi³ no¹ tsa³ca³te¹xo³ma³ cao⁴ Cristo.

Apocalipsis 3:10

Coi³ nca³ qui³ni²tjo³son²³ je² en¹ xi³ tsˀe⁴ cjoa⁴tse³jta³-na⁴, cˀoa⁴-ti⁴ an³ cˀoa³sje³ntjai²-no³ cˀia⁴ nca³ coi⁴cho²-ca³ hora nca³ cho¹tˀa³-no³. Je² hora cjoa⁴ˀai¹-le⁴ nca³qui³jnta² son³ˀnte³-vi⁴, nca³ cˀoa⁴-sˀin² cho¹tˀa³ je² xi³ tjio¹ i⁴ son³ˀnte³-vi⁴.

Apocalipsis 6:9

Cˀia⁴ nca³ je² tsa³cˀa³sje³tˀa³ je² xi³ ma³ˀaon²-ni³ sello, tsa³ˀve³nqui³-le⁴ son²xta² ni⁴ma⁴-le⁴ je² xi³ qui³ni²cˀen³ xi³ to⁴tˀa³tsˀe⁴ en¹-le⁴ Ni³na¹, cˀoa⁴ xi³ to⁴tˀa³tsˀe⁴ je² en¹-le⁴ xi³ qui³tsjoa³.

Apocalipsis 7:14

Cˀoa⁴ an³ qui³xin³-le⁴: Señor, ji³ ˀyai³. Cˀoa⁴ je² qui³tso²-na³: Je²-vi⁴ xi³ nˀion¹ tse³ cjoa⁴ñˀain³ tsa³cja³ˀa¹, cˀoa⁴ je³tsa³ca³ne¹jon³ na³jño³-le⁴, cˀoa⁴ je² qui³si³čhoa³ cao⁴ je² njin¹-le⁴ je² Va³rre².