Apocalipsis 1:5 - New Testament in Mazatec Huautla

⁵ cˀoa⁴ Jesucristo je² testigonta³, je² xi³ ti¹tjon² ja³ˀa²ya³jin³-ni³le⁴ cˀen³, je² xi³ nca³jco⁴-le⁴ cho⁴ta⁴ti¹tjon² xi³ i⁴ tjio¹ son³ˀnte³-vi⁴. Je² xi³ coan³tsjoa³que³-na¹. Je² xi³ tsa³ca³ne¹ya³-ni³ cao⁴ njin¹-le⁴ je² je¹-na¹.

Apocalipsis 1:5 ပူးပေါင်းရင်းမြစ်များ

San Mateo 20:28

Ti⁴cˀoa⁴-sˀin²ni³ je² ˀnti¹-le⁴ cho⁴ta⁴ li²coi³ ja³ˀai³ nca³ si⁴xa¹-le⁴, to⁴nca³ je² xi³ si⁴²xa¹, cˀoa⁴ tsjoa¹ ni⁴ma⁴-le⁴ nca³ cˀoe⁴²chji¹ntjai² ncjin² cho⁴ta⁴.

San Mateo 28:18

Cˀia⁴ nca³ Jesús ji³nčhoa³tˀa³čhian³-le⁴, tsa³cja¹cao⁴: Nca³yi³je³ cjoa⁴te¹xo³ma³ qui³tsˀai²-na³ ncˀa³jmi³, cˀoa⁴ i⁴ son³ˀnte³.

San Juan 13:1

Cje³ vi³tjo³-jin²sa³ sˀoi¹ pa²xco⁴. Tjin¹jin³-le⁴ Jesús nca³ je³nčhoa¹čhian³ hora-le⁴ nca³ coi⁴tjo³-ni³ son³ˀnte³, nca³ coai⁴con³-le⁴ Nˀai³-na¹. Jesús tjao²que³ coan³ nca³tsˀi³ xi³ tsˀe⁴ xi³ tjio¹ i⁴ son³ˀnte³-vi⁴, cˀoa⁴-sˀin² tjao²que³ coan³ sa³ˀnta³ xi³ je³tˀa³-ni³.

San Juan 13:34

Jnco³ cjoa⁴te¹xo³ma³ cho⁴tse⁴ xi³ tsjoa³-no³: Ca²ta³ma³tsjoa³chao³ xi²nquio⁴³. Jo³-sˀin² nca³ an³ coan³tsjoa³que⁴-no³, cˀoa⁴-sˀin² ca²ta³ma³tsjoa³chao³ xi²nquio⁴³.

San Juan 15:9

Jo³-sˀin² nca³ tsjoa³que³-na³ Nˀai³-na¹, cˀoa⁴-sˀin² tsjoa³que⁴-no³. Ti⁴yo³cao⁴³ cjoa⁴tsjoa³cha³-na⁴.

San Juan 18:37

Cˀia⁴ Pilato cˀoi⁴qui³tso²-le⁴: A³ cho⁴ta⁴ti¹tjon² ˀmi²-li² tso²cˀoa⁴. Qui³nchja⁴ Jesús: Cˀoa⁴tjin¹ xi³ ti³si³-ve⁴ nca³ cho⁴ta⁴ti¹tjon² ˀmi²-na³. Coi³ xa¹ qui³tsin³-nia³, coi³ xa¹ ja²ˀai⁴-nia³ i⁴ son³ˀnte³-vi⁴, jme¹-ni³ nca³ tsjoa³-si¹nia³ en¹-na⁴ xi³ tˀa³tsˀe⁴ xi³ cjoa⁴qui²xi⁴. Je² nca³tsˀi³ xi³ tsˀe⁴ cjoa⁴qui²xi⁴ nčhˀoe¹ jta⁴-na⁴.

San Juan 3:11

Ña³qui³ cjoa⁴qui²xi⁴ ña³qui³ cjoa⁴qui²xi⁴ xi³ xin³-le²³, je² xi³ ˀyai³⁴-jin⁴ no²cjoa⁴-ni¹⁴jin⁴, cˀoa⁴ je² xi³ qui³cho²tsen³-lai⁴jin⁴ coi³ xi³ vˀai²⁴-jin⁴ en¹-na⁴jin⁴. Cˀoa⁴ jon² li²coi³ chjoao¹³ en¹-na⁴jin⁴.

San Juan 3:16

Nca⁴ Ni³na¹ cˀoa⁴sˀin² coan³tsjca³que³ son³ˀnte³ nca³ qui³tsjoa³ je² xi³ to⁴jnco³ ˀnti¹-le⁴, jme¹-ni³ nca³ nca³tsˀi³-si¹ni³ xi³ ma³cjain¹-le⁴ tˀa³tsˀe⁴, li²coi³ cha⁴, to⁴nca³ tjin¹-le⁴ cjoa⁴vi³jna³chon³ nca³ntsjai².

San Juan 3:32

Je²-vi⁴ tsjoa¹ en¹-le⁴ jme³ xi³ tsa³ve³ cao⁴ xi³ qui³nčhˀoe¹, to⁴nca³ ni⁴ˀya³-jin² xi³ cjoe¹ en¹-le⁴.

Hechos de los Apóstoles 20:28

Jon² xi³ je² Espíritu Santo tsa³qui³ncha¹nta³-no³ nca³ si⁴coi²ntao⁴³. Jo³-ni³ tsa² va³rre² xi³ tjio¹jtin¹, cˀoa⁴-sˀin² ti⁴coi²ntao⁴³ na⁴xi⁴na³nta¹-le⁴ Nai³-na¹ xi³ je² Nai³-na¹ qui³njen²-le⁴ xi³ ti⁴tˀa³tsˀe⁴-ni³ cao⁴ njin¹-le⁴.

Hechos de los Apóstoles 26:23

Je² cˀoa⁴qui³tso² nca³ je² Cristo cjoa⁴ˀa³ cjoa⁴ñˀain³, cˀoa⁴ nca³ je² ti¹tjon² cjoa⁴ˀa¹ya³jin³-ni³le⁴ cˀen³. Cˀoa⁴-sˀin² coa⁴co²-le⁴ cjoa⁴ˀi³sen³ cho⁴ta⁴ na⁴xi⁴na³nta¹ cao⁴ cho⁴ta⁴ xi³ li² judío-jin².

Romanos 3:25

Ni³na¹ qui³si³cˀe¹jna³son²tsen³ Cristo nca³ coan³-le⁴ je¹ntjai²-na¹ cao⁴ njin¹-le⁴. Ña¹ chjoe¹ coi³ cjoa⁴nta³-vi⁴ nca³ ma³cjain¹-na¹. Cˀoa⁴-sˀin² sˀe³son²tsen³ cjoa⁴qui²xi⁴-le⁴ Ni³na¹, nta³ tsa² cao⁴ cjoa⁴tse³jta³-le⁴ qui³si³cˀa³to³-ni³ je¹ xi³ je³ja³ˀa³to³.

Romanos 8:37

To⁴nca³ nca³yi³je³ je² cjoa⁴ je²-vi⁴ nqui²sa⁴ nˀion¹ cˀoa⁴sˀian⁴-sa³² cao⁴-ni³ tsa² je² xi³ si¹qui³njen³, xi³ to⁴tˀa³tsˀe⁴ je² xi³ coan³tsjoa³que³-na¹.

1 Corintios 6:11

Cˀoa⁴coan³ cjoaon³ cˀao³. To⁴nca³ je³tsa³ca³ne²yao³ yao³-no³, je³coan³tsje³yao³, je³je³tˀa³ je¹-no³, cao⁴ je² jan³ˀain¹-le⁴ je² Nai³-na¹ Jesucristo, cˀoa⁴ xi³ to⁴tˀa³tsˀe⁴ je² Espíritu Santo xi³ tsˀe⁴ Ni³na¹-na¹.

Gálatas 2:20

Cˀia⁴ nca³ Cristo tsa³cˀe²jna³ cˀen³ ya⁴tˀa³ cro², cˀoa⁴-ti⁴ an³ to⁴jo³ cˀoa⁴-sˀin² tsa³ca²te⁴jna³ cˀen³, to⁴nca³ ti²jna⁴coan³, li²coi³ ti⁴ˀan³-nia³, to⁴nca³ Cristo ti¹jna³con³ ja⁴jin³ ni⁴ma⁴-na⁴. Je² cjoa⁴vi³jna³chon³ xi³ ntˀai⁴-vi⁴ ti²jna⁴con³-nia³ yao³-na⁴, ti²jna⁴coan³ nca⁴ ma³cjain¹-na³ tˀa³tsˀe⁴ je² ˀnti¹-le⁴ Ni³na¹, xi³ coan³tsjoa³que³-na³, xi³ qui³tsjoa³ntjai² yao³-le⁴ xi³ tˀa³tsˀan⁴.

Efesios 2:4

To⁴nca³ Ni³na¹, nca⁴ cˀoa⁴-sˀin² to⁴tse³ cjoa⁴ma⁴ta³con² tjin¹-le⁴, cjai¹nca³ nˀion¹ coan³tsjoa³que³-na¹.

Efesios 5:2

Cao⁴ cjoa⁴tjao²cha³ ti⁴ma³cao⁴³ xi²nquio⁴³, jo³-sˀin² Cristo coan³tsjoa³que³-na¹, qui³tsjoa³ntjai²-na¹ yao³-le⁴, jo³-ni³ jnco³ cjoa⁴tjao², cˀoa⁴ jo³-ni³ xi³ qui³tsˀai²ntjai²-na¹ xi³ na³sca¹ njen⁴ nqui³xcon⁴ Ni³na¹.

Colosenses 1:18

Je² ni¹ jco⁴ yao³-le⁴. Je² yao³-le⁴ je² na⁴xi⁴na³nta¹-le⁴ Cristo ni¹. Je² Cristo xi³ to²tsˀin³-le⁴ cjoa⁴, je² xi³ ti¹tjon² ja³ˀa²ya³-ni³le⁴ cˀen³, jme¹-ni³ nca³ je² cˀoa⁴-sˀin² cˀoe¹jna³ ti¹tjon²-ni³le⁴ nca³yi³je³.

1 Timoteo 6:13

Cˀoa⁴-sˀin² vˀe³ne²³-le²³ nqui³xcon⁴ Ni³na¹ xi³ tsjoa¹ntsjai²-le⁴ cjoa⁴vi³jna³chon³ nca³yi³je³, cˀoa⁴ nqui³xcon⁴ Jesucristo xi³ nta³ qui³tsjoa³ cjoa⁴qui²xi⁴-le⁴ nqui³xcon⁴ Poncio Pilato.

1 Timoteo 6:15

Cˀia⁴ nca³ cjoi⁴cho³ ni⁴čhjin³-le⁴, Ni³na¹ si⁴²cˀa³tsen³ Cristo. Ni³na¹ to⁴je² xi³ cˀoa⁴-sˀin² nˀion¹ nta³ ti¹jna³, xi³ to⁴je² xi³ ncˀa³ cjoa⁴te¹xo³ma³ tjin¹-le⁴, Cho⁴ta⁴ti¹tjon² xi³ ti¹tjon²-le⁴ nca³tsˀi³ cho⁴ta⁴ti¹tjon², Nai³ xi³ ti¹tjon²-le⁴ nca³tsˀi³ nai³.

Hebreos 10:29

Jo¹-sˀin² ni²cja³ˀai³tsjaon³ nca³ jon², a³ tsi² tsa² nqui²-sa⁴ tse³ cjoa⁴ñˀain³ va³quin²-le⁴ je² xi³ va³sen²ne² je² ˀnti¹-le⁴ Ni³na¹, cˀoa⁴ xi³ si¹cja³ˀai³tsjen³ nca³ jnti¹ cjoan³ je² njin¹ xi³ tsˀe⁴ cjoa⁴ xi³ qui³sˀe³nˀion¹, coi³ njin¹ xi³ qui³si³tsje³ nca³ je², cˀoa⁴ xi³ chˀao³ tso²-le⁴ je² Espíritu Santo xi³ tjin¹-le⁴ cjoa⁴nta³.

Hebreos 9:14

je² njin¹-le⁴ Cristo a³li² to⁴cˀoa⁴cji³ nqui²sa⁴ nta³ si¹tsje³-ni³ cjoa⁴fa³ˀai³tsjen³-no³ xa¹ xi³ chˀao³ tjin¹, jme¹-ni³ nca³ si⁴xa¹-si¹ni³lao⁴³ je² Ni³na¹ xi³ ti¹jna³con³. Cristo ti⁴je² qui³tsjoa³tˀa³-ni³le⁴ Ni³na¹ yao³-le⁴ nca³ ña³qui³ tsje³, xi³ to⁴tˀa³tsˀe⁴ espíritu xi³ ti⁴tsˀe⁴-ni³ xi³ nca³ntsjai².

1 Pedro 1:19

to⁴nca³ coan³chji¹ntjao²³ cao⁴ je² njin¹-le⁴ Cristo xi³ nˀion¹ chji¹-le⁴, xi³ jo³-ni³ tsa² tsˀe⁴ ˀnti¹va³rre² xi³ tsi² jña³ chˀao³ cji³-le⁴ xi³ ña³qui³ tsje³.

1 Juan 1:7

Cˀia⁴ tsa² jña³ nca³ i³sen³ ma³nquian¹, jo³-sˀin² jña³ nca³ i³sen³ ti¹jna³ nca³ je², cˀoa⁴-sˀin² ti³yo³cjoa³² xi²nquia⁴², cˀoa⁴ njin¹-le⁴ Jesucristo ˀnti¹-le⁴ Ni³na¹ si¹tsje³ya³-na¹ nca³yi³je³ je¹-na¹.

1 Juan 4:10

Cˀoi⁴-sˀin² tjin¹ xi³ cjoa⁴tjao²cha³: A³li² coi³-jin² nca³ ña¹ xi³ coan³tsjoa³cha³² Ni³na¹, to⁴nca³ je² Ni³na¹ xi³ coan³tsjoa³que³-na¹ nca³ ña¹. Qui³si³ca³sen¹ ˀnti¹-le⁴ xi³ je¹ntjai²-na¹ coan³-le⁴.

Apocalipsis 11:15

Je² xi³ ma³ña³to³-ni³ a²ncje⁴ qui³si³cja³ne³ čhjao³. Jo³ nca³ ncjin² jta⁴ xi³ nˀion¹ qui³nchja⁴ ya⁴ ncˀa³jmi³, xi³ qui³tso²: Je² cjoa⁴te¹xo³ma³-le⁴ son³ˀnte³ je³cˀoa⁴-sˀin² coan³ tsˀe⁴ Nai³-na¹, cˀoa⁴ tsˀe⁴ Cristo-le⁴. Je² coa⁴te²xo³ma³ nca³ntsjai² ni⁴čhjin³.

Apocalipsis 11:3

Tsjoa³ˀnte³-le⁴ je² jao² testigo-na⁴ nca³ coi⁴nchja⁴ya³ xi³ jnco³ jmi³ cao⁴-ni³ jao² ciento cao⁴ jan²can³ ni⁴čhjin³, nca³ cˀoa⁴cja¹ na³jño³jma².

Apocalipsis 17:14

Je² xi³ cˀoa⁴-sˀin² scan³cao⁴ je² Va³rre², cˀoa⁴ je² Va³rre² si⁴²qui³njen³. Je² ni¹ je² Nai³ti¹tjon²-le⁴ xi³ nai³ ma³, cˀoa⁴ nca³jco⁴-le⁴ je² xi³ cho⁴ta⁴ti¹tjon². Je² xi³ tjio¹cao⁴ cˀoa⁴-sˀin² qui³no²cjoa⁴-le⁴, cˀoa⁴-sˀin² qui³tjo³jin³, cˀoa⁴ nˀion¹tˀa³con³.

Apocalipsis 19:11

Tsa³ˀve³ ncˀa³jmi³ nca³ qui³sˀe³ti⁴xˀa⁴. Coe⁴-ni³ jnco³ na⁴xin¹ xi³ čhoa³ cji³. Je² xi³ ti¹jna³son²-le⁴ cˀoa⁴ tsa³cˀin²: Nˀion¹tˀa³con³ cao⁴ cjoa⁴qui²xi⁴. Tsjoa¹ cjoa⁴ñˀain³ xi³ tjin¹qui²xi⁴, cˀoa⁴ cao⁴ cjoa⁴qui²xi⁴ cjan¹cao⁴.

Apocalipsis 19:16

Tji¹tˀa³ na³jño³-le⁴ cˀoa⁴ nca³so³-le⁴ je² jan³ˀain¹-vi⁴: Nai³ti¹tjon²-le⁴ xi³ nai³ ma³, cˀoa⁴ nca³jco⁴-le⁴ je² xi³ cho⁴ta⁴ti¹tjon².

Apocalipsis 2:13

An³ ˀve³nia¹³ xa¹-no³, cˀoa⁴ jña³ nca³ ti³yo³, jña³ nca³ ti¹jna³ ya¹xi²le⁴-le⁴ je² Satanás. Li²coi³ ni²cha³jion³ jan³ˀain¹-na⁴, cˀoa⁴ li²coi³ tsa³cˀe²ˀmao³ xi³ ma³cjain¹-no³ tˀa³tsˀan⁴, nta³ tsa² je² ni⁴čhjin³-le⁴ je² Antipas je² testigonta³-na⁴, je² xi³ cˀen³jin³-no³ nca³ jon², jña³ nca³ ti¹jna³ Satanás.

Apocalipsis 3:14

Chji¹-lai⁴ je² a²ncje⁴ xi³ tsˀe⁴ na⁴xi⁴na³nta¹-le⁴ Cristo ya⁴ Laodicea: Coe⁴-ni³, cˀoi⁴tso² je² Amén, je² testigonta³ xi³ ña³qui³ cjoa⁴qui²xi⁴, je² xi³ tsa³cˀe¹to²tsˀin³-le⁴ cjoa⁴ xi³ Ni³na¹ qui³si³nta³.

Apocalipsis 7:14

Cˀoa⁴ an³ qui³xin³-le⁴: Señor, ji³ ˀyai³. Cˀoa⁴ je² qui³tso²-na³: Je²-vi⁴ xi³ nˀion¹ tse³ cjoa⁴ñˀain³ tsa³cja³ˀa¹, cˀoa⁴ je³tsa³ca³ne¹jon³ na³jño³-le⁴, cˀoa⁴ je² qui³si³čhoa³ cao⁴ je² njin¹-le⁴ je² Va³rre².