Apocalipsis 1:10 - New Testament in Mazatec Huautla

¹⁰ An³ cˀoa⁴-sˀin² ti²jna⁴coa⁴ je² Espíritu Santo nca³ je² ni⁴čhjin³-le⁴ Nai³-na¹, cˀoa⁴ ya¹ntsˀian³ qui³nčhˀoe³-le⁴ jnco³ jta⁴ jo³-ni³ tsa² čhjao³ xi³ fa³ne³,

Apocalipsis 1:10 ပူးပေါင်းရင်းမြစ်များ

San Mateo 22:43

Cˀia⁴ Jesús qui³tso²-le⁴: Jo¹-sˀin²ˀni³ nca³ David qui³tso²-le⁴ Nai³-na⁴ cˀia⁴ nca³ to⁴tˀa³tsˀe⁴ Espíritu Santo qui³nchja⁴, nca⁴ tso²:

San Juan 20:19

Cˀia⁴ nca³ je³coan³xon² je² ni⁴čhjin³ tai²nco⁴, tjio¹chjoa² xo⁴ntjoa⁴ jña³ nca³ tjio¹ cho⁴ta⁴-le⁴ Jesús, nca⁴ qui³tsa³cjon¹-le⁴ cho⁴ta⁴ judíos. Ja³ˀai³ Jesús, tsa³ca³sen²jna³ jin³va³sen³-le⁴, cˀoi⁴qui³tso²-le⁴: Nchˀan¹ ca²ta³sˀe³-no³ nca³ jon²-vi⁴.

San Juan 20:26

Xi³ coan³ jin³ ni⁴čhjin³ ya⁴ tjio¹ˀya³-nca¹ni³ je² cho⁴ta⁴-le⁴ Jesús. Tomás ti¹jna³cao⁴. Xo⁴ntjoa⁴ tjio¹chjoa², to⁴nca³ Jesús ja³ˀai³, tsa³ca³sen²jna³ jin³va³sen³-le⁴, cˀoi⁴qui³tso²: Nchˀan¹ ca²ta³sˀe³-no³.

Hechos de los Apóstoles 20:7

Ni⁴čhjin³ tai²nco⁴ coan³ña³ cho⁴ta⁴-le⁴ Cristo nca³ qui³si³xcoa⁴ nio⁴xti²la⁴. Pablo tsa³cja¹cao⁴ nca³ coi⁴tjo³ nca³ nchaon³-ni³. A³li² to⁴tse³ qui³nchja⁴ya³-ni³ sa³ˀnta³ va³sen³ni⁴tjen⁴.

1 Corintios 12:3

To⁴coi³ cˀoa⁴xin³-ni³no³ nca³ ni⁴ˀya³-jin² xi³ nchja⁴ to⁴tˀa³tsˀe⁴ je² Espíritu xi³ tsˀe⁴ Ni³na¹, xi³ cˀoi⁴tso²-le⁴ Jesús, ca²tji³cao⁴-li² nai⁴². Cˀoa⁴ li²ˀya³ xi³ ma³-le⁴ nchja⁴ Jesús Señor, tsa² tsi² to⁴tˀa³tsˀe⁴ je² Espíritu Santo.

1 Corintios 16:2

Nca³ tai²nco⁴ nca³ jnco¹jnco¹ nca³ jon² tˀe²yo³tjao² tˀa³xion²³ taon⁴ ya⁴ ni³ˀya³-no³, jo³-sˀin² nca³ to⁴cjoa⁴nta³-le⁴ Ni³na¹ sˀe⁴-no³, jme¹-ni³ nca³ tsi² cˀia⁴ coan⁴ña³-si¹ni³ taon⁴, cˀia⁴ nca³ an³ cjoi³choa³.

Apocalipsis 17:3

Cˀoa⁴ qui³cao⁴-na³ ya⁴ ˀnte³ tˀa³xin²tˀa³ nca³ ti¹jna³cao⁴-na³ je² Espíritu Santo. Tsa³ˀve³jncoa³ chjon⁴² xi³ ti¹jna³son² jnco³ cho⁴ xi³ ni² cji³, xi³ qui³tse³jon³ jan³ˀain¹ xi³ nchja⁴ˀaon³, cˀoa⁴ ña³to³ ma³ jco⁴, cˀoa⁴ te³ nčha⁴ tjin¹-le⁴.

Apocalipsis 21:10

Cˀoa⁴ qui³cao⁴-na³ jña³ nca³ jnco³ ni³nto³ xi³ nˀion¹ ncˀa³ nca³ ti¹jna³cao⁴-na³ je² Espíritu Santo. Tsa³ca³co¹-na³ je² na⁴xi⁴na³nta¹ xi³ je³ xi³ tsje³, je² Jerusalén, xi³ ji³tjo³jen³-ni³ ncˀa³jmi³ tsˀe⁴ Ni³na¹.