3 Juan 1:11 - New Testament in Mazatec Huautla

¹¹ Ji³ xi³ tsjoa³que⁴-le²³, a³li² je²-jin² chjen¹nqui³-lai⁴ xi³ chˀao³ tjin¹, to⁴nca³ je² xi³ nta³ tjin¹. Je² xi³ nta³ sˀin¹, tsˀe⁴ Ni³na¹ ni¹, to⁴nca³ je² xi³ chˀao³ sˀin¹, ni⁴ˀi⁴tse¹-jin² ve³ Ni³na¹.

3 Juan 1:11 ပူးပေါင်းရင်းမြစ်များ

San Juan 10:27

Je² va³rre²-na⁴ nčhˀoe¹ jta⁴-na⁴, cˀoa⁴ an³ ˀve³xcon³-nia¹³, cˀoa⁴ fi²tjen⁴nqui³-na³.

San Juan 12:26

Tsa² jnco³ xi³ si¹xa¹-na³, ca²ta³fi²tˀa³-na³. Jña³ nca³ coa²te⁴jna³ nca³ an³, cˀoa⁴-ti⁴ ya⁴ cˀoe¹jna³ je² xi³ si¹xa¹-na³. Tsa² jnco³ xi³ si¹xa¹-na³, je² Nˀai³-na⁴ cjai¹nca³ nta³ cˀoa⁴sje³.

San Juan 3:20

Je² nca³tsˀi³ xi³ cjoa⁴tsˀen⁴ sˀin¹, ma³jti³que³ lˀi¹, li²coi³ ya⁴ nčhoa¹ jña³ tjin¹ lˀi¹, jme¹-ni³ nca³ tsi²coi³ coan⁴tsen³-si¹ni³ je² cjoa⁴tsˀen⁴ xi³ sˀin¹.

1 Corintios 11:1

Chjen¹nqui³-nao¹³ nca³ an³, jo³-ni³ nca³ cˀoa⁴-ti⁴ an³ cjen³nqui³-le⁴ Cristo.

1 Corintios 4:16

To⁴coi³ vˀe³tsˀoa²³-no³ nca³ chjen¹nqui³-nao¹³.

Efesios 5:1

Chjen²nqui³-lao⁴³ Ni³na¹, jo³-ni³ tsa² ˀnti¹ xi³ cjai¹nca³ tjao²cha³.

Filipenses 3:17

ˀnti¹ntsˀe³, nca³tsˀio³ chjen¹nqui³-nao¹³ jo³ ti²sˀian³ an³-vi⁴. Cho¹tsen³-lao⁴³ je² cho⁴ta⁴ xi³ tjio¹ma³ jo³-sˀin² ti³fa³ntia⁴²-lai²⁴jin⁴ nca³ jin⁴-jin⁴.

1 Tesalonicenses 1:6

Cˀoa⁴ jon² qui³chjen³nqui²-na³jin⁴ nca³ jin⁴-jin⁴ cao⁴ je² Nai³-na¹. Qui³chjoao¹³ en¹-le⁴ Ni³na¹ cao⁴ cjoa⁴tsjoa³ xi³ tsˀe⁴ Espíritu Santo, nta³ tsa² tse³ cjoa⁴ñˀain³ qui³cha³ˀao²³.

1 Tesalonicenses 2:14

Jon², ntsˀe³², cˀoa⁴-sˀin² qui³chjen³nqui²-lao⁴³ je² na⁴xi⁴na³nta¹-le⁴ Ni³na¹ xi³ tjio¹cao⁴ Cristo Jesús, xi³ tjio¹ ya⁴ Judea. Xi³ tsaon⁴³ xi²nquio⁴³ qui³si³cja³ˀa¹-no³ ti⁴coi³-ni³ cjoa⁴ñˀain³ xi³ je² cho⁴ta⁴ judíos xi³ xi¹ncjin¹ ma³-ni³ qui³si³cja³ˀa¹-le⁴ na⁴xi⁴na³nta¹-le⁴ Cristo ya⁴ Judea.

2 Timoteo 3:10

To⁴nca³ ji³ coan³cho⁴ya³-li² je² cjoa⁴fa³ˀai³tsjen³-na⁴, jo³-sˀin² tsa³ca³co³ya²³-le²³, jo³ qui³sˀian³, jme³ xi³ tsa³cˀa³mjen³ ca²sje³, jo³-sˀin² coan³cjain¹-na³, jo³-sˀin² qui³si³-cjen¹³, jo³-sˀin² coan³tsjoa³que⁴, jo³-sˀin² qui³cho¹cjoa⁴-na³,

Hebreos 6:12

Coi³ cjoa⁴ xi³ me³-na³jin⁴, jme¹-ni³ nca³ tsi² tsˀe² ma³-si¹nio³, to⁴nca³ chjen¹nqui³-lao⁴³ je² xi³ sˀe³-le⁴ cjoa⁴tjao² xi³ qui³ni²sˀe³nqui³-le⁴ xi³ tˀa³tsˀe⁴ nca³ ma³cjain¹-le⁴, cˀoa⁴ nca³ tse³jta³.

1 Pedro 3:11

Ca²ta³va³sen²xin²-le⁴ cjoa⁴tsˀen⁴, nta³ ca²ta³sˀin¹. Ca²ta³va¹sjai³ cjoa⁴nchˀan¹ta³con², cˀoa⁴-sˀin² ca²ta³fi²tjen⁴nqui³-le⁴.

1 Pedro 3:13

ˀya¹-ni³ xi³ coan⁴-le⁴ si⁴²qui²ˀaon³-no³, tsa² jon² ma³nquin¹tjen⁴nqui³-lao⁴³ xi³ nta³ tjin¹.

1 Juan 2:29

Tsa² ˀya³-nio¹³ nca³ je² tjin¹-le⁴ cjoa⁴qui²xi⁴, cˀoa⁴-ti⁴ ca²ta³ˀyao³ nca³ nca³tsˀi³ cho⁴ta⁴ xi³ sˀin¹ xi³ cjoa⁴qui²xi⁴, je²-vi⁴ qui³tsin³ xi³ tˀa³tsˀe⁴ Ni³na¹.

1 Juan 3:10

Cˀoi⁴-sˀin² ˀya³-ni³le⁴ je² xi³ ˀnti¹-le⁴ Ni³na¹, cˀoa⁴ je² xi³ ˀnti¹-le⁴ nai⁴². Nca³tsˀi³ xi³ tsi² cjoa⁴qui²xi⁴ xi³ sˀin¹, xi³ tsi² tjao²que³ ntsˀe⁴, a³li² tsˀe⁴ Ni³na¹-jin².

1 Juan 4:1

Jon² xi³ tsjoa³que⁴-no³, a³li² ma³cjain¹-jin²no³ nca³tsˀi³ espíritu, to⁴nca³ cho¹tˀa³-nio¹³ tsa² tsˀe⁴ Ni³na¹ espíritu-ve⁴. Cjai¹nca³ to⁴ncjin² cho⁴ta⁴ xi³ cjoa⁴nti³so³ nchja⁴ya³, xi³ si¹ma³son² son³ˀnte³.