2 Pedro 3:3 - New Testament in Mazatec Huautla

³ Ti¹tjon² ma³chjen¹ nca³ ca²ta³ˀyao³ je²-vi⁴, nca³ je² ni⁴čhjin³ xi³ cjoe⁴tˀa³ cjoa⁴ˀai¹ xi³ tsjoa³-le⁴ vi³jno²que³, xi³ ti⁴tsˀe⁴-ni³ cjoa⁴chi⁴nca⁴-le⁴ cˀoe¹ma³jin³.

2 Pedro 3:3 ပူးပေါင်းရင်းမြစ်များ

San Juan 12:48

Je² xi³ chˀao³que³-na³, cˀoa⁴ tsi² cjoe¹ en¹-na⁴, tjin¹ xi³ tsjoa¹-le⁴ cjoa⁴ñˀain³. Je² en¹ xi³ qui³nchja²³, coi³ xi³ tsjoa¹-le⁴ cjoa⁴ñˀain³ cˀia⁴ nca³ coi⁴cho³cje³tˀa³ ni⁴čhjin³.

2 Corintios 4:2

To⁴nca³ qui³chja³ˀa²xin²⁴-jin⁴ je² cjoa⁴ xi³ to⁴ˀma³-sˀin² sˀin¹ xi³ tsˀe⁴ cjoa⁴soa³, nca³ tsi² cjoa⁴ma²ña⁴ coi⁴to¹mjen³coai⁴-jin⁴, nca³ tsi² si⁴cˀa³ntjai²yai³⁴-jin⁴ je² en¹-le⁴ Ni³na¹, to⁴nca³ chˀa⁴sje³son²tsain³-jin⁴ je² xi³ cjoa⁴qui²xi⁴, nca³ ti⁴jin⁴-ni³jin⁴ nta³ chˀa²sjai³⁴-jin⁴ yao³-na⁴jin⁴ tˀa³tsˀe⁴ cjoa⁴fa³ˀai³tsjen³-le⁴ nca³tsˀi³ cho⁴ta⁴ nqui³xcon⁴ Ni³na¹.

2 Timoteo 3:1

Je²-vi⁴ cˀoa⁴-ti⁴ ca²ta³ˀyai³ nca³ je² ni⁴čhjin³ xi³ cjoe⁴tˀa³ cjoa⁴ˀai¹-na¹ cjoa⁴ñˀain³ xi³ tse³.

Hebreos 1:2

Je² ni⁴čhjin³ xi³ sˀa⁴ ja³ˀa³to³ Ni³na¹ qui³nchja⁴cao⁴-na¹. Qui³si³chjen¹ je² ˀnti¹-le⁴ nca³ tsa³cja¹cao⁴-na¹. Ni³na¹ tsa³ca³sen¹nta³ je² ˀnti¹-le⁴ nca³ tsjoa¹cjoa⁴tjao²-le⁴ nca³yi³je³. Cao⁴ nca³ je² tsa³cˀe¹nta³-ni³ je² son³ˀnte³-vi⁴.

2 Pedro 1:20

Ti¹tjon² ca²ta³ma³cho⁴ya³-no³ je²-vi⁴ nca³ ni⁴jnco³-jin² en¹ xi³ qui³sˀe³ya³ta³con², xi³ tsˀe⁴ xon⁴ Escritura, xi³ to⁴xquia⁴ cho⁴ta⁴ tsa³cˀe¹nta³.

2 Pedro 2:10

Xi³ ti¹tjon², je²-ve⁴ xi³ fi²tjen⁴nqui³-le⁴ cjoa⁴chi⁴nca⁴-le⁴ yao³-le⁴, xi³ to⁴ya⁴² tjio¹ma³jin³ cjoa⁴chˀao³cjoa⁴jnti¹-le⁴, xi³ to⁴cjoa⁴sca¹ ve³con³ cjoa⁴te¹xo³ma³, xi³ nˀion¹ xi¹jin³, cho⁴ta⁴tsˀa³ntjai²cjoa⁴, li²coi³ tsa³cjon¹ nca³ nchja⁴ˀaon³-le⁴ xi³ ncˀa³ tjio¹.

1 Juan 2:18

ˀnti¹xti³, je³ti¹fe³tˀa³ ni⁴čhjin³. Cjoa⁴ˀai¹ xi³ Cristo tso²-le⁴ yao³-le⁴, xi³ co²ntran⁴ coai⁴-le⁴, jo³-sˀin² nca³ qui³no²ˀyao²³. Je³cˀoa⁴-sˀin² cji³ma³ ntˀai⁴-vi⁴, nca³ je³tjin¹ ncjin² xi³ Cristo tso²-le⁴ yao³-le⁴, xi³ co²ntran⁴ fi²-le⁴. Cˀoa⁴-sˀin² ˀya³-nia¹ nca³ je³ti¹fe³tˀa³ ni⁴čhjin³.

Judas 1:16

Je²-vi⁴ xi³ to⁴xquia⁴ vˀe¹ma³ fao¹ya³-ni³, chˀao³ tjio¹con³, vˀe¹ma³cao⁴ yao³-le⁴ jo³-sˀin² me³-le⁴, tsˀa³to³ntjai²cjoa⁴ nchja⁴, ti¹vˀe¹ntsjen¹cao⁴ cho⁴ta⁴, jme¹-ni³ nca³ coi⁴njen⁴-si¹ni³le⁴.

Judas 1:18

jo³ qui³tso²-no³: Je² ni⁴čhjin³ xi³ cjoe⁴tˀa³ cjoa⁴ˀai¹ xi³ to⁴coi⁴jno⁴que³, xi³ to⁴cˀoe¹ma³cao⁴ yao³-le⁴ jo³-sˀin² coan⁴me³-le⁴ cjoa⁴tsˀen⁴-le⁴.