2 Pedro 2:3 - New Testament in Mazatec Huautla

³ Cao⁴ cjoa⁴xin²ta³con² si⁴²qui³njen³-ni³ xi³ to⁴tˀa³tsaon⁴³, nca³ cˀoa⁴na⁴cha⁴-no³ cao⁴ en¹ xi³ tsi² tsa² coi³ cˀoa⁴tjin¹. Sa³ˀnta³ co²tse³ ti¹jna³co³ya³ cjoa⁴ñˀain³-le⁴. Li²coi³ coan⁴tse³-le⁴, li²coi³ vˀe²jna³fe² xi³ cha⁴jin³.

2 Pedro 2:3 ပူးပေါင်းရင်းမြစ်များ

San Mateo 23:14

Ma⁴-xo¹nio³ nca³ jon², cho⁴ta⁴ scribano cao⁴ cho⁴ta⁴ fariseos, jao²ncjain¹ nio¹³. So³yo³ntjao²³ ni³ˀya³-le⁴ ya¹nchjin¹cˀan³ xi³ cˀen³-le⁴ xˀin⁴, cˀoa⁴ to⁴nti³so³-nio¹³ nca³ cˀoa⁴-sˀin² tse³ vˀe²tsˀoao³. Xi³ to⁴coi³ cjoa⁴ nqui²sa⁴ tse³ cjoa⁴ñˀain³ sˀe⁴-no³.

San Lucas 18:8

Cˀoa⁴xin³-no³ nca³ nˀion¹ xi¹ti¹ cˀoe⁴²nta³jin³-le⁴. To⁴nca³ cˀia⁴ nca³ je² ˀnti¹-le⁴ cho⁴ta⁴ cjoa⁴ˀai¹, a³ coan⁴sjai³-le⁴ cho⁴ta⁴ xi³ coan⁴cjain¹-le⁴ i⁴ son³ˀnte³.

San Lucas 20:20

Tjio¹co³xin⁴-le⁴. Qui³si³ca³sen¹ˀma³ cho⁴ta⁴ xi³ sco¹tsen³xin²-le⁴ xi³ cˀoa⁴qui³sˀin³ jo³-ni³ cho⁴ta⁴nta³ jme¹-ni³ nca³ cjoi⁴nčhˀoe¹-ni³le⁴ en¹-le⁴ jo³ tso², cˀoa⁴ cˀoa⁴-sˀin² coan⁴sjai³-le⁴ jo³-sˀin² nca³ sca⁴ni¹tˀa³-le⁴ je² cho⁴ta⁴xa¹ti¹tjon² xi³ tjin¹-le⁴ ˀnte³ cao⁴ cjoa⁴te¹xo³ma³.

San Lucas 22:47

Cˀia⁴ nca³ to⁴jo³ ti¹nchja⁴-sa³ Jesús, coe⁴-ni³ ja³ˀai³ cho⁴ta⁴ncjin², cˀoa⁴ je² xi³ Judas ˀmi², jnco³ xi³ te³jao²-ve⁴, tjen⁴ti¹tjon²-le⁴ nca³ je². Ji³cho²nčhˀoe² Jesús nca³ cˀoe⁴²ntso³ˀa².

San Juan 2:16

Cˀoa⁴qui³tso²-le⁴ je² xi³ tjio¹va³te¹na³ ni⁴se³ paloma: Cha⁴ˀa²xion²³ je²-vi⁴. A³li² nti⁴tsin⁴-jin² nˀiaon²³ ntˀia³-le⁴ Nˀai³-na⁴.

Romanos 16:18

Je² cho⁴ta⁴ xi³ cˀoa⁴cjoan³ a³li²coi³ Nai³-na¹ Jesucristo si¹xa¹tˀa³-le⁴ jo³-ni³ cho⁴ˀnta³, to⁴nca³ to⁴yao³-le⁴ si¹xa¹ntjai². Cjai¹ ntsjen¹ en¹ xi³ nchja⁴, cˀoa⁴ cjai¹nca³ ma³-le⁴ nchja⁴. Cˀoa⁴-sˀin² vˀa³na⁴cha⁴-le⁴ ni⁴ma⁴-le⁴ xi³ tsi²coi³ ve³.

2 Corintios 2:17

Nca⁴ jin⁴-jin⁴ li²coi³ cˀoa⁴-sˀin² cjoain³-jin⁴ jo³-ni³ tsa² je² xi³ ncjin² ma³-ni³, xi³ vˀa³na⁴cha⁴ xi³ si¹qui³njen³ tˀa³-tsˀe⁴ en¹-le⁴ Ni³na¹, to⁴nca³ jin⁴-jin⁴ tjin¹qui²xi⁴ tˀa³tsain⁴-jin⁴, nca³ tsˀe⁴ Ni³na¹ ni¹⁴-jin⁴. Nqui³xcon⁴ Ni³na¹ no²cjoai⁴-jin⁴ nca³ ti³yo³coai⁴-jin⁴ Cristo.

1 Tesalonicenses 2:5

Je³ˀyao³ nca³ li² to⁴ˀen¹ntsjen¹-jin² qui³chˀa²sjai³⁴-jin⁴, ni⁴cao⁴-jin² cjoa⁴xin²ta³con². Je² Ni³na¹ ti¹ve³.

1 Tesalonicenses 5:3

Cˀia⁴ nca³ cˀoa⁴coi⁴tso⁴: Jo³ nta³ nchˀan¹ ti³yoa³². Ni⁴jme³-jin² xi³ coan⁴-na¹. Cˀia⁴² cjoa⁴ˀai¹ne²-le⁴ˀni³ nca³ coi⁴xo⁴ya³ nti⁴ton⁴, jo³-ni³ tsa² jnco³ chjon⁴² xi³ fi³cho² hora-le⁴ nca³ ˀnti¹ cˀoe⁴². Ni⁴ˀya³-jin² xi³ cha⁴tˀa³-le⁴.

1 Timoteo 3:3

Ma³chjen¹ nca³ tsi² si¹sin³-le¹ vino, nca³ tsi² vˀe¹-le⁴ cho⁴ta⁴. A³li² cho⁴ta⁴chi⁴nca⁴-jin² ma³ tˀa³tsˀe⁴ tso³jmi², nca³ to⁴cho⁴ta⁴ntˀe¹ ni¹, nca³ li²coi³ cjoa⁴si³ si¹sin³, nca³ li²coi³ chi⁴nca⁴-le⁴ taon⁴.

1 Timoteo 3:8

Ti⁴cˀoa⁴-sˀin²ni³ je² xi³ si¹sin³-le⁴ na⁴xi⁴na³nta¹-le⁴ Cristo, tjin¹ne²-le⁴ nca³ scoe⁴xcon¹ cjoa⁴, a³li² jao²jan²-jin² vˀe¹⁴con³, a³li² to⁴xquia⁴ ˀvi³-jin² vino, a³li² cho⁴ta⁴chi⁴nca⁴-jin² ma³ tˀa³tsˀe⁴ tso³jmi².

1 Timoteo 6:5

Ya⁴ nčhoa¹-ni³ xi³ chˀao³-sˀin² fao¹ti³ cho⁴ta⁴ xi³ je³chi³tson³ya² cjoa⁴fa³ˀai³tsjen³-le⁴, xi³ tsin²-le⁴ cjoa⁴qui²xi⁴-jin², xi³ to⁴ve³xcon¹ Ni³na¹ tˀa³tsˀe⁴ xi³ njen³-le⁴. Chja⁴ˀa²xin²-lai⁴ yao³-li⁴ xi³ cˀoa⁴cjoan³.

Tito 1:11

Cjai¹nca³ ma³chjen¹ nca³ sˀe⁴chjoa² tsˀoa³, nca⁴ si¹sca¹ya³-le⁴ nca³tsˀi³ xi³ tjio¹ nca³ jnco³ ntˀia³, nca⁴ va³co¹ya³ xi³ tsi² tsa² ma³chjen¹, jme¹-ni³ nca³ si⁴²qui³njen³-si¹ni³ xi³ chˀao³ tjin¹.

Tito 1:7

Cjai¹nca³ ma³chjen¹ nca³ tsin²-le⁴ je¹-jin² je² cho⁴ta⁴jchi¹nca³ xi³ si¹coi²nta⁴ na⁴xi⁴na³nta¹-le⁴ Cristo, nca⁴ je² xi³ si¹coi²nta⁴ tˀa³tsˀe⁴ Ni³na¹. Ma³chjen¹ nca³ tsi² ncˀa³con³-jin² ma³, nca³ tsi² ma³jti³ nti⁴ton⁴-jin²le⁴, nca³ tsi² ma³chˀi⁴-jin², nca³ tsi² si¹toan¹-jin², nca³ tsi² chˀao³ntai³-jin².

1 Pedro 2:8

cˀoa⁴ la⁴jao⁴ xi³ sa⁴te¹nqui³, cˀoa⁴ la⁴jao⁴ˀnti¹ xi³ si¹jti³-le⁴ je² xi³ sa³te¹nqui³ to⁴tˀa³tsˀe⁴ je² en¹-le⁴ Ni³na¹ nca⁴ tsˀa³ntjai²cjoa⁴, nca³ cˀoa⁴-sˀin² tsa³cˀai²-ni³le⁴.

1 Pedro 5:2

Ti⁴coi²ntao⁴³ je² cho⁴ta⁴-le⁴ Ni³na¹ xi³ tjio¹jin³-no³. A³li² cao⁴ cjoa⁴nˀion¹-jin² ni²coi²ntao⁴³, to⁴cao⁴ cjoa⁴nta³-no³ cˀoa⁴sˀiaon⁴³. A³li² tˀa³tsˀe⁴ xi³ coi⁴njen⁴-no³ xi³ chˀao³ tjin¹, to⁴cao⁴² cjoa⁴tsjoa³ cˀoa⁴sˀiaon⁴³.

2 Pedro 1:16

Cˀia⁴ nca³ tsa³cˀin²ya³-lai²⁴jin⁴ xi³ tˀa³tsˀe⁴ nca³nˀion¹-le⁴ Jesucristo Nai³-na¹, cˀoa⁴ jo³-sˀin² nca³ cjoa⁴ˀai¹, li²coi³ qui³ni²sin³-lai⁴jin⁴ xi³ to⁴cuento ˀmi², xi³ to⁴jin⁴ tsa³cˀe²ntai³⁴-jin⁴, to⁴nca³ je² xcoin³⁴-jin⁴ cˀoa⁴-sˀin² tsa³ve³ je² cjoa⁴je³ya³-le⁴.

2 Pedro 2:1

Cˀoa⁴-ti⁴ ya⁴ na⁴xi⁴na³nta¹-ve⁴ tsa³ca³tio² cho⁴ta⁴nti³so³ xi³ qui³tso² nca³ qui³nchja⁴ya³ tˀa³tsˀe⁴ Ni³na¹, jo³-sˀin² sˀe⁴jin³-no³ cho⁴ta⁴nti³so³ xi³ coa⁴co²ya³. Je² sca⁴ni²jin³ˀma³-no³ cjoa⁴ xi³ si⁴²qui³tson¹-no³, cˀoa⁴ li²coi³ coan⁴cjain¹-le⁴ tˀa³tsˀe⁴ je² Nai³-na¹ xi³ tsa³cˀe¹chji¹ntjai² tˀa³tsˀe⁴. Cˀoa⁴-sˀin² coa⁴²sjai³-le⁴ yao³-le⁴ xi³ nti⁴ton⁴ cha⁴jin³.

2 Pedro 2:9

Cˀia⁴ ni⁴čhjin³ nca³ fa³ˀa¹ cjoa⁴ñˀain³, je² Nai³-na¹ ma³-le⁴ vˀa³sje³ntjai² cho⁴ta⁴ xi³ ve³xcon¹ nca³ je². Ma³-le⁴ si¹cˀe¹jna³tjao² je² xi³ tsin²-le⁴ cjoa⁴qui²xi⁴-jin², sa³ˀnta³ ni⁴čhjin³ nca³ sˀe⁴nta³jin³-le⁴, jme¹-ni³ nca³ cˀoa⁴-sˀin² sˀe⁴jna³ne²-ni³le⁴ cjoa⁴ñˀain³.

Judas 1:11

Ma⁴-xo¹ni³ nca³ ya⁴ qui³tjen⁴nqui³ ntia⁴²-le⁴ Caín. Cˀoa⁴ti⁴sˀin²ni³ qui³sca³ni¹ yao³-le⁴ ya⁴ cjoa⁴chˀa¹na⁴cha⁴-le⁴ Balaam, xi³ to⁴tˀa³tsˀe⁴ xi³ coi⁴njen⁴-le⁴. Qui³si³cha³jin³ yao³-le⁴ jo³-sˀin² qui³cha³ Coré xi³ tsa³cˀe²jna³toan¹-le⁴ Ni³na¹.

Judas 1:15

Ja³ˀai³ tsjoa¹-le⁴ cjoa⁴ñˀain³ nca³tsˀi³. Ja³ˀai³ si¹cho⁴ya³-le⁴ nca³tsˀi³ xi³ tsi² je² ve³xcon¹, xi³ tˀa³tsˀe⁴ xa¹-le⁴ xi³ chˀao³ qui³sˀin³ nca³ tsin²-le⁴ cjoa⁴xcon¹ta³con²-jin². Cˀoa⁴ ja³ˀai³ si¹cho⁴ya³-le⁴ xi³ tˀa³tsˀe⁴ nca³yi³je³ cjoa⁴ xi³ cjai¹nca³ chˀao³ qui³nchja⁴ co²ntran⁴-le⁴ Nai³-na¹ je² cho⁴ta⁴je¹ xi³ tsi² ve³xcon¹ Ni³na¹.

Judas 1:16

Je²-vi⁴ xi³ to⁴xquia⁴ vˀe¹ma³ fao¹ya³-ni³, chˀao³ tjio¹con³, vˀe¹ma³cao⁴ yao³-le⁴ jo³-sˀin² me³-le⁴, tsˀa³to³ntjai²cjoa⁴ nchja⁴, ti¹vˀe¹ntsjen¹cao⁴ cho⁴ta⁴, jme¹-ni³ nca³ coi⁴njen⁴-si¹ni³le⁴.

Judas 1:4

Tjin¹ cˀa³ cho⁴ta⁴ xi³ ja³ˀa³sˀen³jin³ˀma³, je² xi³ sa³ˀnta³ nca³sˀa⁴ je³tsa³cˀai²-le⁴ je² cjoa⁴ñˀain³-vi⁴, cho⁴ta⁴ xi³ tsi² ve³xcon¹ Ni³na¹, xi³ si¹cˀa³ntjai²ya³-ni³ cjoa⁴nta³-le⁴ Ni³na¹-na¹ cao⁴ cjoa⁴chi⁴nca⁴, xi³ tso² nca³ li²coi³ ma³cjain¹-le⁴ tˀa³tsˀe⁴ Ni³na¹ xi³ to⁴je² va³te¹xo³ma³, cˀoa⁴ tˀa³tsˀe⁴ Nai³-na¹ Jesucristo.

Judas 1:7

Sodoma cao⁴ Gomorra, cao⁴ na⁴xi⁴na³nta¹ xi³ čhian³tˀa³, qui³si³cha³jnqui³, to⁴cjoa⁴chi⁴nca⁴-le⁴ yao³-le⁴ qui³tjen⁴nqui³-le⁴. Cˀoa⁴-sˀin² tsa³ca³tio²cho⁴ya³ nca³ tsa³cˀai²-le⁴ cjoa⁴ñˀain³, ya⁴jin³ lˀi¹ xi³ tsi² tsa² cjoe⁴tˀa³-ni³.