2 Pedro 1:3 - New Testament in Mazatec Huautla

³ Je² nca³nˀion¹-le⁴ Ni³na¹ qui³tsjoa³-na¹ nca³yi³je³ xi³ ma³chjen¹-na¹ tˀa³tsˀe⁴ cjoa⁴vi³jna³chon³, cˀoa⁴ xi³ tˀa³tsˀe⁴ nca³ nta³ ˀya³xcoan¹ nca³ je². Cˀoa⁴-sˀin² qui³tsjoa³-na¹ nca³ tsa³ˀya³² je² xi³ qui³nchja⁴-na¹ to⁴tˀa³tsˀe⁴ cjoa⁴je³ya³-le⁴ cao⁴ nca³nˀion¹-le⁴.

2 Pedro 1:3 ပူးပေါင်းရင်းမြစ်များ

San Mateo 28:18

Cˀia⁴ nca³ Jesús ji³nčhoa³tˀa³čhian³-le⁴, tsa³cja¹cao⁴: Nca³yi³je³ cjoa⁴te¹xo³ma³ qui³tsˀai²-na³ ncˀa³jmi³, cˀoa⁴ i⁴ son³ˀnte³.

Romanos 8:32

Je² xi³ li²coi³ tsa³cˀe¹chjoa²-le⁴ nca³ qui³sˀe³-le⁴ cjoa⁴ñˀain³, nta³ tsa² ti⁴tsˀe⁴-ni³ ˀnti¹-le⁴, to⁴nca³ qui³tsjoa³tˀa³ xi³ tˀa³tsan⁴² nca³tsˀia³², a³ tsi² cˀoa⁴-ti⁴ tsjoa¹cjoa⁴tjao²-na¹ nca³yi³je³ cjoa⁴ cao⁴ Cristo.

Romanos 9:24

Xi³ coi³ ña¹-vi⁴ nca³ cˀoa⁴-ti⁴ Ni³na¹ qui³nchja⁴-na¹, a³li² tsa² to⁴je²-jin² xi³ tsˀe⁴ cho⁴ta⁴ judío, to⁴nca³ cˀoa⁴²-ti⁴ cho⁴ta⁴ xi³ tsˀe⁴ xi³ li² judío-jin².

1 Corintios 1:9

Ni³na¹ nˀion¹tˀa³con³, je² xi³ qui³nchja⁴-no³ nca³ to⁴jnco³ coi⁴yo³cao⁴³ je² ˀnti¹-le⁴ xi³ Nai³-na¹ Jesucristo.

2 Corintios 12:9

Cˀoa⁴ je² cˀoa⁴qui³tso²-na³: Cji³ma³-ni³li² je² cjoa⁴nta³-na⁴, nca³ je² nca³nˀion¹-na⁴ nqui²sa⁴ nˀion¹ nta³ ma³tsen³-ni³ cao⁴ cjoa⁴ˀi³nta³-li⁴. To⁴coi³ cao⁴² cjoa⁴tsjoa³ to⁴sa³ cˀoa³sje³je³ya³ yao³-na⁴ xi³ tˀa³tsˀe⁴ cjoa⁴ˀi³nta³-na⁴, jme¹-ni³ nca³ je² nca³nˀion¹-le⁴ Cristo sˀe⁴jna³jin³-si¹ni³na³.

Efesios 4:1

An³ xi³ ti²jna⁴ cjoa⁴ñˀain³ xi³ ti²jna⁴coa⁴ je² Nai³-na¹, vˀe³tsˀoa²³-no³ nca³ coi⁴mao³ jo³-sˀin² ma³chjen¹ je² xa¹ xi³ qui³no²cjoa⁴-no³,

Efesios 4:4

Jnco³ yao³ tjin¹. Jnco³ Espíritu Santo tjin¹, jo³-sˀin² nca³ cˀoa⁴-ti⁴ qui³no²cjoa⁴-no³ xi³ tˀa³tsˀe⁴ jnco³ cjoa⁴cho³ya²cao⁴cjoa⁴ xi³ qui³sˀe³-no³ nca³ qui³no²cjoa⁴-no³.

Filipenses 3:8

Cjoa⁴qui²xi⁴-ni¹, cˀoa⁴-sˀin² ˀve³coan³ nca³yi³je³ cjoa⁴ nca³ li²jme³ chji¹-le⁴. Cjai¹nca³ to⁴nqui²sa⁴ chji¹-le⁴ nca³ nta³ ˀve³ Cristo Jesús, Nai³-na⁴. Tˀa³tsˀe⁴ Cristo qui³si³cha³-nia³ nca³yi³je³, to⁴jo³-ni³ tsa² tje¹ ˀve³coan³, jme¹-ni³ nca³ cˀoa⁴-sˀin² coi⁴njen⁴-si¹ni³na³ Cristo,

Filipenses 4:8

Cˀoa⁴xin² nqui²jnco³-no³ en¹ xi³ fe³tˀa³-ni³, ˀnti¹ntsˀe³. Ti⁴cja³ˀai³tsjaon³ tˀa³tsˀe⁴ je² nca³yi³je³ xi³ cjoa⁴qui²xi⁴, nca³yi³je³ xi³ ña³qui³ cˀoa⁴tjin¹, nca³yi³je³ xi³ tjin¹-le⁴ cjoa⁴qui²xi⁴, nca³yi³je³ xi³ tsje³ tjin¹, nca³yi³je³ xi³ na³sca¹ tjin¹, nca³yi³je³ xi³ nta³ ti¹ˀya³-le⁴, to⁴jña³-ni³le⁴ xi³ tjin¹-le⁴ cjoa⁴nta³, to⁴jña³-ni³le⁴ xi³ tjin¹-le⁴ cjoa⁴nˀo²sje³nta³. Coi³ xi³ si⁴cja³ˀai³tsjaon³.

Colosenses 1:16

Je² tsa³cˀe¹nta³ nca³yi³je³ xi³ tjin¹ ncˀa³jmi³, cao⁴ xi³ tjin¹ i⁴ son³ˀnte³, cao⁴ xi³ ma³tsen³, cˀoa⁴ cao⁴ xi³ tsi² ma³tsen³, tsa² nca³jco⁴-le⁴, tsa² xi³ va³te¹xo³ma³, tsa² xi³ tjio¹ ti¹tjon², tsa² xi³ xa¹ tjin¹-le⁴. Ña³qui³ je² tsa³cˀe¹nta³ nca³yi³je³, cˀoa⁴-ti⁴ nca³yi³je³ qui³sˀe³nta³ xi³ tˀa³tsˀe⁴.

1 Tesalonicenses 2:12

Nˀion¹ tsa³cˀe²ne²-lai²⁴jin⁴ nca³ cˀoa⁴-sˀin² ti⁴mao³ jo³-sˀin² va³quin²-le⁴ Ni³na¹ xi³ nchja⁴-no³ tˀa³tsˀe⁴ cjoa⁴te¹xo³ma³-le⁴ cao⁴ cjoa⁴je³ya³-le⁴.

1 Tesalonicenses 4:7

Ni³na¹ li²coi³ qui³nchja⁴-na¹ jme¹-ni³ nca³ jnti¹ coan⁴-si¹nia³², to⁴nca³ ña³qui³ tsje³ coi⁴yoa³².

2 Tesalonicenses 2:14

Tˀa³tsˀe⁴ coi³-vi⁴ Ni³na¹ qui³nchja⁴-no³ cao⁴ je² en¹nta³ xi³ tˀa³tsˀe⁴ Cristo xi³ no²cjoai⁴-jin⁴. Cˀoa⁴sˀin² sˀe⁴-no³ cjoa⁴je³ya³-le⁴ Nai³-na¹ Jesucristo.

1 Timoteo 4:8

Je² nca³nˀion¹ xi³ vˀa³sje³ yao³-na¹ to⁴choa³ chji¹-le⁴, to⁴nca³ cˀia⁴ nca³ ˀya³xcoan¹ Ni³na¹ chji¹-le⁴ ni¹ nca³yi³je³. A³li² to⁴cˀoa⁴²cji³ chji¹-le⁴ tˀa³tsˀe⁴ je² cjoa⁴vi³jna³chon³ xi³ qui³ni²sˀe³nqui³-na¹ ntˀai⁴-vi⁴ cao⁴ xi³ sˀa⁴ nčhoa¹.

2 Timoteo 1:9

Je² xi³ tsa³cˀa³sje³ntjai²-na¹, xi³ qui³nchja⁴-na¹ xi³ tˀa³tsˀe⁴ xa¹tsje³-vi⁴. A³li² tsa² cˀoa⁴-sˀin² va³quin²-le⁴ xa¹-na¹, to⁴je² xi³ cˀoa⁴-sˀin² coan³me³-le⁴ cao⁴ cjoa⁴nta³-le⁴ xi³ qui³tsˀai²-na¹ cao⁴ Cristo Jesús jo³ sa³ˀnta³ ti¹tjon² nca³ to²tsˀin³-le⁴ cjoa⁴.

Hebreos 1:3

Ti⁴je²-ni³ Jesucristo xi³ qui³si³cˀa³tsen³ cjoa⁴je³ya³-le⁴ Ni³na¹. Cˀoa⁴-ti⁴ cjoan³-ni³ Cristo ti⁴je²-ni³ sen¹-le⁴ jo³ cjoan³ Ni³na¹. Cˀoa⁴ je² Cristo va³sen²nˀion¹-ni³ nca³yi³je³ cjoa⁴ cao⁴ en¹ xi³ tsˀe⁴ nca³nˀion¹-le⁴. Cˀia⁴ nca³ je³qui³si³tsje³ je¹-na¹, tsa³cˀe²jna³tˀa³-le⁴ ntsja³ nca³ qui²xi⁴ je² xi³ ti¹jna³je³ya³ ncˀa³jmi³.

1 Pedro 1:15

Jo³-sˀin² nca³ tsje³ cjoan³ je² xi³ qui³nchja⁴-no³, cˀoa⁴-ti⁴ jon² tsje³ ca²ta³mao³ jo³-sˀin² ma³nquin¹cao⁴³ yao³-no³.

1 Pedro 1:5

Je² nca³nˀion¹-le⁴ Ni³na¹ si¹coi²nta⁴-no³ nca³ ma³cjain¹-no³ sa³ˀnta³ sˀe⁴-no³ je² cjoa⁴vi³tjo³ntjai² xi³ ti¹jna³nta³, xi³ coan⁴tsen³ cˀia⁴ ni⁴čhjin³ xi³ cjoe⁴tˀa³.

1 Pedro 2:21

Coi³ cjoa⁴ qui³no²cjoa⁴-ni³no³. Je² Cristo cˀoa⁴-ti⁴ tsa³cja³ˀa¹ cjoa⁴ñˀain³ xi³ tˀa³tsan⁴². Tsa³cˀe¹jna³cho⁴ya³-na¹ ntia⁴² xi³ tsˀe⁴, jme¹-ni³ nca³ cˀoa⁴-ti⁴ jon² coi⁴ma³-si¹nio³ jo³-sˀin² tsa³cˀa³mjen³ nca³ je¹.

1 Pedro 2:9

Jon² nio¹³ na⁴xi⁴na³nta¹ xi³ qui³tjo³jion³. Jon² nio¹³ na⁴ˀmi³ xi³ ncˀa³ xa¹-le⁴. Jon² nio¹³ na⁴xi⁴na³nta¹ xi³ tsje³, na⁴xi⁴na³nta¹ tˀa³tsˀe⁴ Ni³na¹, jme¹-ni³ nca³ coi⁴no²cjoa⁴ya³-nio³ cjoa⁴nta³ xi³ tsˀe⁴ Ni³na¹ xi³ qui³nchja⁴-no³ jña³ nca³ i³sen³xcon¹, ji²tjo⁴³ jña³ nca³ njion².

1 Pedro 3:9

A³li² cjoa⁴tsˀen⁴-jin² ni²nco¹son²cao⁴³ xi³ cjoa⁴tsˀen⁴, a³li² cjoa⁴ˀaon³ta³con²-jin² ni²nco¹son²cao⁴³ xi³ cjoa⁴ˀaon³ta³con², to⁴sa³ nta³ ti⁴chi³con³tˀaon³. Je³ˀyao³ nca³ coi³ qui³no²cjoa⁴-no³, jme¹-ni³ nca³ sˀe⁴-si¹ni³no³ cjoa⁴ni²chi³con³tˀain³.

1 Pedro 5:10

To⁴nca³ Ni³na¹ xi³ tjin¹yi³je³-le⁴ cjoa⁴nta³, xi³ qui³nchja⁴-na¹ xi³ to⁴tˀa³tsˀe⁴ Jesucristo, nca³ sˀe⁴-na¹ cjoa⁴je³ya³-le⁴ xi³ ti¹jna³ nca³ntsjai². Cˀia⁴ nca³ je³qui³chja³ˀa² jnco³tjo²³ cjoa⁴ñˀain³, coan⁴scan³-ni³ je² soa³ Ni³na¹ si⁴²nta³ya³-no³, si⁴²cˀe¹jna³nta³-no³, tsjoa¹-no³ nca³nˀion¹, nta³ si⁴²cˀe¹yo³-no³.

2 Pedro 1:10

Coi³ cjoa⁴ ˀnti¹ntsˀe³, nqui²sa⁴ nta³ ti⁴xi¹ti¹ya³-lao⁴³ yao³-no³ nca³ coa⁴co²son²tsaon³ nca³ Ni³na¹ qui³nchja⁴-no³ cˀoa⁴ tsa³cja³ˀa¹jin³-no³. Tsa² cˀoa⁴sˀiaon⁴³ je² cjoa⁴-vi⁴, ni⁴to⁴cˀia³-jin² tsaon⁴nquio³.

2 Pedro 1:2

Ca²ta³sˀe³-sa³no³ cjoa⁴nta³, ca²ta³njen³nchˀan¹jin³-sa³ ni⁴ma⁴-no³, nca³ ña³qui³ nta³ ˀyao³ Ni³na¹ cao⁴ Jesús Nai³-na¹.

2 Pedro 1:5

Cˀoa⁴-ti⁴ jon² nˀion¹ ti⁴sin³-lao⁴³ nca³yi³je³ je² cjoa⁴-vi⁴. Xi³ ma³cjain¹-no³ ca²ta³sˀe³-le⁴ nca³nˀion¹. Je² nca³nˀion¹-no³ ca²ta³sˀe³-le⁴ cjoa⁴chji⁴ne⁴.

2 Pedro 1:6

Je² cjoa⁴chji⁴ne⁴-no³ ca²ta³sˀe³-le⁴ cjoa⁴ntˀe¹. Je² cjoa⁴ntˀe¹-no³ ca²ta³sˀe³-le⁴ cjoa⁴tse³jta³. Je² cjoa⁴tse³jta³-no³ ca²ta³sˀe³-le⁴ cjoa⁴xcon¹ta³con² tˀa³tsˀe⁴ Ni³na¹.

2 Pedro 1:8

Tsa² tjin¹-no³ je² cjoa⁴-vi⁴, tsa² ma³ncjin²ya³jin³ ni⁴ma⁴-no³ je² cjoa⁴-vi⁴, li²coi³ tsjoa¹ˀnte³-no³ nca³ coi⁴yo³tsˀao²³, nca³ ni⁴jme³-jin² xi³ sˀiaon⁴³. Cˀoa⁴-sˀin² coi⁴ma³son²cao⁴³ je² xi³ ma³cho⁴ya³-no³ tˀa³tsˀe⁴ je² Nai³-na¹ Jesucristo.

2 Pedro 2:20

Cjoa⁴qui²xi⁴ ni¹, tsa² je² xi³ cˀoa⁴-sˀin² tsa³qui³ncha³xin²tˀa³-le⁴ je² cjoa⁴chˀao³cjoa⁴jnti¹-ve⁴ xi³ tjin¹ i⁴ son³ˀnte³, nca³ je³tsa³ve³ Nai³-na¹ xi³ tsa³cˀa³sje³ntjai²-na¹, je² Jesucristo, tsa² nqui²jnco³cˀa² tjio¹si¹cˀo¹jin³ yao³-le⁴ cjoa⁴chˀao³cjoa⁴jnti¹-ve⁴, je³qui³ni²qui³njen³-le⁴. To⁴nqui²sa⁴ chˀao³sˀin² tjio¹ xi³ fe³tˀa³-ni³ cao⁴-ni³ nca³ to²tsˀin³-le⁴ cjoa⁴.

2 Pedro 3:18

Ca²ta³ma³jcha¹jin³-no³ cjoa⁴nta³-le⁴ cˀoa⁴ cjoa⁴fa³ˀai³tsjen³-le⁴ Nai³-na¹ Jesucristo xi³ tsa³cˀa³sje³ntjai²-na¹. Je² ca²ta³vi³tjo³je³ya³ ntˀai⁴-vi⁴, cˀoa⁴ sa³ˀnta³ nca³ ni⁴čhjin³ xi³ tsi² cjoe⁴tˀa³. Cˀoa⁴ ca²ta³ma³.