2 Juan 1:4 - New Testament in Mazatec Huautla

⁴ A³li² cˀoa⁴cji³ coan³tsjoa³jin³-na³ nca³ tsa³ˀve³ cˀa³ je² xti³-li⁴, nca³ tjio¹ma³jin³ xi³ cjoa⁴qui²xi⁴, jo³-sˀin² nca³ ña¹-vi⁴ qui³tsˀai²-na¹ je² cjoa⁴te¹xo³ma³-le⁴ Nˀai³-na¹.

2 Juan 1:4 ပူးပေါင်းရင်းမြစ်များ

1 Corintios 13:6

Li²coi³ si¹tsjoa³-ni³le⁴ yao³-le⁴ xi³ tˀa³tsˀe⁴ xi³ tsin² cjoa⁴qui²xi⁴, to⁴nca³ to⁴jnco³ si¹tsjoa³-ni³le⁴ yao³-le⁴ cao⁴ xi³ cjoa⁴qui²xi⁴.

Gálatas 2:14

To⁴nca³ cˀia⁴ nca³ tsa³ˀve³ nca³ tsi²-ni³ tsa² cao⁴ cjoa⁴qui²xi⁴ xi³ tjio¹ma³-ni³ xi³ tˀa³tsˀe⁴ je² en¹nta³ xi³ tˀa³tsˀe⁴ Cristo, cˀoi⁴qui³xin³-le⁴ Pedro nqui³xcon⁴ nca³tsˀi³: Tsa² ji³, nca³ cho⁴ta⁴ judío ˀmi²-li², cˀoa⁴-ti⁴sˀin² ˀmi³coai⁴ yao³-li⁴ jo³-ni³ cho⁴ta⁴ xi³ li² judío-jin², a³li²coi³ cˀoa⁴-sˀin² jo³-ni³ cho⁴ta⁴ judío, jo¹-sˀin²ni³ nca³ cjoa⁴nˀion¹ nˀian²-ni³lai⁴ cho⁴ta⁴ xi³ li² judío-jin², nca³ cˀoe¹yo³ jo³-ni³ cho⁴ta⁴ judío.

Efesios 5:2

Cao⁴ cjoa⁴tjao²cha³ ti⁴ma³cao⁴³ xi²nquio⁴³, jo³-sˀin² Cristo coan³tsjoa³que³-na¹, qui³tsjoa³ntjai²-na¹ yao³-le⁴, jo³-ni³ jnco³ cjoa⁴tjao², cˀoa⁴ jo³-ni³ xi³ qui³tsˀai²ntjai²-na¹ xi³ na³sca¹ njen⁴ nqui³xcon⁴ Ni³na¹.

Efesios 5:8

Nca³sˀa⁴ njion² nio¹³, to⁴nca³ ntˀai⁴-vi⁴ntai⁴ je³ˀi³saon³ nca³ ti³yo³cao⁴³ je² Nai³-na¹. Ti⁴mao³ jo³-ni³ tsa² ˀnti¹-le⁴ xi³ i³sen³-le⁴.

Filipenses 4:10

Jo³ tsjoa¹ tsa³cˀe³⁴-coan³ nca³ ti²jna⁴coa⁴ Nai³-na¹ nca³ sˀa⁴ qui³ni²tjao²cha³ nqui²ntia³-nao¹³. Cˀoa⁴-sˀin² coan³me³ntsjai²-no³, to⁴nca³ li²coi³ qui³tjo³ˀnte²-no³.

1 Juan 2:6

Je² xi³ tso² nca³ ti¹jna³cao⁴ Jesucristo, ma³chjen¹ nca³ cˀoa⁴-sˀin² cˀoa¹mjen³, jo³-sˀin² tsa³cˀa³mjen³ nca³ je².