2 Juan 1:12 - New Testament in Mazatec Huautla

¹² Nta³ tsa² tse³ cjoa⁴ xi³ tjin¹-na³ xi³ squi³-no³, li²coi³ coan³me³-na³ nca³ si³cji³nčhˀoe²-no³ cao⁴ xon⁴ cao⁴ nta¹jin¹, to⁴nca³ sco³ya²-nia¹³ nca³ cjoi¹con³-no³, cˀoa⁴ nca³ cjoa³cao⁴nca³ˀa³-no³, jme¹-ni³ nca³ je² cjoa⁴tsjoa³-na¹ coan⁴tse³ya³-si¹ni³.

2 Juan 1:12 ပူးပေါင်းရင်းမြစ်များ

San Juan 15:11

Je² en¹-vi⁴ tsa³cja²cao⁴-no³, jme¹-ni³ nca³ je² cjoa⁴tsjoa³-na⁴ sˀe⁴jna³jin³-si¹ni³ ni⁴ma⁴-no³, cˀoa⁴ je² cjoa⁴tsjoa³-no³ coan⁴tse³ya³-si¹ni³.

San Juan 16:12

To⁴jo³ tjin¹-sa³na³ cjoa⁴ xi³ cˀoa⁴xin³-no³, to⁴nca³ ntˀai⁴-vi⁴ li²coi³ coan⁴cho⁴ya³-no³.

San Juan 16:24

Sa³ˀnta³ ntˀai⁴-vi⁴ ni⁴jme³-jin² xi³ ti³ma³ni²jao¹³ cao⁴ jan³ˀain¹-na⁴. Ti⁴jao¹³, cˀoa⁴-sˀin² cˀoai⁴-no³, jme¹-ni³ nca³ cˀoa⁴-sˀin² cjoa⁴tsjoa³-no³ coan⁴tse³ya³-si¹ni³.

San Juan 17:13

To⁴nca³ ntˀai⁴-vi⁴ cjoi¹con³-le²³. Je² en¹-vi⁴ xi³ nchja²³ i⁴ son³ˀnte³-vi⁴, jme¹-ni³ nca³ cˀoa⁴-sˀin² coan⁴tse³ya³-si¹ni³ je² cjoa⁴tsjoa³-na⁴ ja⁴jin³ ni⁴ma⁴-le⁴.

San Juan 3:29

Je² xi³ tjin¹-le⁴ chjon⁴² je² xˀin⁴-le⁴. To⁴nca³ je² mi²yo⁴-le⁴ xˀin⁴-le⁴ xi³ se¹jna³tˀa³, nčhˀoe¹-le⁴, cjai¹nca³ to⁴ma³tsjoa³-le⁴ jo³ tso² xˀin⁴-ve⁴. Cˀoa⁴sˀin² cjoa⁴tsjoa³-na⁴ coan⁴tse³ya³.

Romanos 15:24

Coi³ cjoa⁴ cˀia³-la³⁴ nca³ cjoia¹³ España, cjoi¹con³-no³ nca³ jon², nca³ tjin¹-na³ cjoa⁴cho³ya²cao⁴cjoa⁴ nca³ cjoa²ˀa⁴ co³tsen³to³-no³, cˀoa⁴ coi⁴ncha³cao⁴-nao¹³ nca³ jon² nca³ cjoia¹³ ya⁴-jan¹, cˀia⁴ nca³ ti¹tjon² ca²ma³tsjoa³ya³ jnco³tjo²-na³ cao⁴ jon².

2 Timoteo 1:4

Me³-na³ nca³ scoe³-le²³, nca³ fa³ˀai³tsjen³-na³ nta¹xcoin³, jme¹-ni³ nca³ tse³ cjoa⁴tsjoa³ sˀe⁴-si¹ni³na³.

Filemón 1:22

Cˀoa⁴-ti⁴sˀin², ti⁴chon³nta³-nai¹³ ˀnte³ jña³ coa²te⁴jna³. An³ co³ya²-le⁴ nca³ to⁴tˀa³tsˀe⁴ nca³ ti³vˀe²tsˀoao⁴³, cjoi³cho³nčhˀoe²-no³.

Hebreos 13:19

Cˀoa⁴ nqui²sa⁴ vˀe³tsˀoa²³-no³ nca³ cˀoa⁴-sˀin² sˀiaon⁴³, jme¹-ni³ nca³ an³ nqui²sa⁴ nti⁴ton⁴ coa²te⁴jna³cao⁴ nqui²jnco³cˀa²-si¹ni³no³.

Hebreos 13:23

Ca²ta³ˀyao³ nca³ je² ntsˀe³ Timoteo coan³xan⁴-ni³le⁴ cjoa⁴ñˀain³. Tsa² je² nti⁴ton⁴ cjoa⁴ˀai¹, an³ cjoi¹co³tsen³-no³ cao⁴ je².

1 Juan 1:4

Je² cjoa⁴-vi⁴ cˀoa⁴-sˀin² chji³-lai²⁴jin⁴, jme¹-ni³ nca³ coan⁴tse³ya³-si¹ni³ cjoa⁴tsjoa³-no³.

3 Juan 1:10

Xi³ to⁴tˀa³tsˀe⁴ je² cjoa⁴-vi⁴, tsa² an³ cjoe²ˀe⁴, si³cja³ˀai³tsjen³ je² xa¹ xi³ sˀin¹ Diótrefes, nca³ nchja⁴co²ntran⁴-na³jin⁴ en¹ xi³ chˀao³ tso². Li²coi³ tjin¹jnco³con³ cao⁴ je² cjoa⁴-vi⁴. Li²coi³ tsjoa¹ˀnte³-le⁴ je² ntsˀe³², cˀoa⁴ vˀe¹chjoa²-le⁴ je² xi³ me³-le⁴ nca³ tsjoa¹ˀnte³-le⁴, cˀoa⁴ mˀaon³sje³jin³ cho⁴ta⁴-le⁴ Cristo.