2 Juan 1:1 - New Testament in Mazatec Huautla

¹ An³ nia¹³ cho⁴ta⁴jchi¹nca³ ti²cji³-no³ ji³ chjon⁴² xi³ qui³tjo³jin³, cˀoa⁴ cao⁴ xti³-li⁴. Xi³ cjoa⁴qui²xi⁴ ma³tsjoa³que⁴-no³ an³, cˀoa⁴ a³li² to⁴ˀan³-jian²³, to⁴nca³ cˀoa⁴-ti⁴ nca³tsˀi³ xi³ tsa³ve³ xi³ cjoa⁴qui²xi⁴, ma³tsjoa³que³-no³.

2 Juan 1:1 ပူးပေါင်းရင်းမြစ်များ

San Lucas 1:3

Cˀoa⁴²-ti⁴an³ nta³ qui³sa³sen³-na³ nca³ squi³-le²³, ji³ xi³ nˀion¹ ntai³ Teófilo, jo³-sˀin² tjio¹ nca³ jnco²cˀa³jnco²cˀa³, nca³ ña³qui³ nta³ qui³sco³tˀa³jian³ nca³yi³je³ cjoa⁴ sa³ˀnta³ to²tsˀin³-le⁴ cjoa⁴,

San Juan 8:32

Jcha⁴-nio¹³ xi³ cjoa⁴qui²xi⁴, cˀoa⁴ je² xi³ cjoa⁴qui²xi⁴ si⁴²ca³tio²ntai¹-no³.

Hechos de los Apóstoles 11:30

Cˀoa⁴-ti⁴sˀin² qui³sˀin³, qui³si³ca³sen¹-le⁴ cho⁴ta⁴jchi¹nca³. Bernabé cao⁴ Saulo qui³cao⁴.

Romanos 16:13

Ti⁴ti²ˀntao³ Rufo, xi³ Nai³-na¹ tsa³cja³ˀa¹jin³, cˀoa⁴ cao⁴ na⁴-le⁴ xi³ cˀoa⁴-ti⁴ na⁴-na⁴.

Gálatas 2:14

To⁴nca³ cˀia⁴ nca³ tsa³ˀve³ nca³ tsi²-ni³ tsa² cao⁴ cjoa⁴qui²xi⁴ xi³ tjio¹ma³-ni³ xi³ tˀa³tsˀe⁴ je² en¹nta³ xi³ tˀa³tsˀe⁴ Cristo, cˀoi⁴qui³xin³-le⁴ Pedro nqui³xcon⁴ nca³tsˀi³: Tsa² ji³, nca³ cho⁴ta⁴ judío ˀmi²-li², cˀoa⁴-ti⁴sˀin² ˀmi³coai⁴ yao³-li⁴ jo³-ni³ cho⁴ta⁴ xi³ li² judío-jin², a³li²coi³ cˀoa⁴-sˀin² jo³-ni³ cho⁴ta⁴ judío, jo¹-sˀin²ni³ nca³ cjoa⁴nˀion¹ nˀian²-ni³lai⁴ cho⁴ta⁴ xi³ li² judío-jin², nca³ cˀoe¹yo³ jo³-ni³ cho⁴ta⁴ judío.

Gálatas 2:5

Xi³ coi³ ni⁴jnco³-jin² hora tsa³cˀai²ˀnte³-lai⁴jin⁴ nca³ na³nqui³ tsa³qui³yoi³⁴-jin⁴, jme¹-ni³ nca³ je² cjoa⁴qui²xi⁴ xi³ tsˀe⁴ je² en¹nta³ xi³ tˀa³tsˀe⁴ Cristo cˀoe¹jna³ntsjai²-si¹ni³ xi³ tˀa³tsaon⁴³.

Gálatas 3:1

Ne³⁴ cho⁴ta⁴ gálatas xi³ sca¹ya³-no³. Ya⁴ nqui³xcon³ nca³ jon² Jesucristo je³-sa³ qui³sa³sen³tsen³jin³-no³ jo³ coan³ nca³ tsa³cˀe²jna³ cˀen³ ya⁴tˀa³ cro². ˀya¹-ni³ xi³ tsa³cˀe¹xcon¹-no³ nca³ cˀoa⁴-sˀin² coan³chˀao³-no³.

Gálatas 5:7

Cjai¹nca³ to⁴nta³ tsa³nquin¹cao⁴³ yao³-no³. Cˀoa⁴ ˀya¹-ni³ xi³ tsa³cˀe¹chjoa²-no³ nca³ tsi² tsa² ni²tjo³son²-si¹nio³ xi³ cjoa⁴qui²xi⁴.

Colosenses 1:5

Ti³vˀai²-lai⁴jin⁴ cjoa⁴nta³ Ni³na¹ xi³ to⁴tˀa³tsˀe⁴ cjoa⁴nta³ xi³ ti³cho³ya²-lao⁴³ xi³ ti¹jna³tjao²-no³ ncˀa³jmi³. Jon² je³qui³no²ˀyao²³ cjoa⁴ je²-vi⁴ to⁴tˀa³tsˀe⁴ je² en¹nta³ xi³ cjoa⁴qui²xi⁴ xi³ tˀa³tsˀe⁴ Cristo.

1 Timoteo 2:4

Je² me³-le⁴ nca³ nca³tsˀi³ cho⁴ta⁴ coi⁴tjo³ntjai², cˀoa⁴ nca³ coi⁴cho³nčhˀoe² xi³ cjoa⁴qui²xi⁴.

Hebreos 10:26

Tsa² cˀoa⁴-sˀin² tjin¹-ta³coan³² nca³ coi⁴jncha¹ je¹ scan³-ni³ nca³ je³tjin¹-na¹ cjoa⁴fa³ˀai³tsjen³ xi³ cjoa⁴qui²xi⁴, li²coi³ ti⁴sˀe³jna³-ni³ njin¹ xi³ sˀe³jten⁴ xi³ vˀai²tˀa³ xi³ tˀa³tsˀe⁴ je¹,

1 Pedro 1:2

Qui³tjoe¹jion³ jo³-sˀin² nca³ to⁴nqui³-ni³ tsa³ve³-le⁴con³ Ni³na¹ Nˀai³-na¹. Je² Espíritu Santo qui³si³tsje³-no³, jme¹-ni³ nca³ si⁴tjo³son²-si¹ni³lao⁴³ Jesucristo, cˀoa⁴ jme¹-ni³ nca³ sˀe⁴tsao³jon³-si¹ni³no³ cao⁴ njin¹-le⁴ Jesucristo. Ca²ta³sˀe³sa³no³ cjoa⁴nta³, ca²ta³njen³nchˀan¹jin³-sa³ ni⁴ma⁴-no³.

1 Pedro 5:1

Vˀe³tsˀoa²³-le⁴ nca³tsˀi³ cho⁴ta⁴jchi¹nca³ xi³ tjio¹jin³-no³, cˀoa⁴-ti⁴ an³ cho⁴ta⁴jchi¹nca³ nia¹³ cao⁴ je². An³ tsa³ˀve³ cjoa⁴ñˀain³ xi³ qui³sˀe³-le⁴ Cristo, cˀoa⁴-ti⁴ an³ sˀe³-na³ cjoa⁴je³ya³ xi³ coan⁴tsen³.

1 Pedro 5:13

Si¹ti²ˀnta³-no³ je² cho⁴ta⁴-le⁴ Cristo xi³ tjio¹ ya⁴ Babilonia, xi³ to⁴jnco³ qui³tjoe¹jin³ cao⁴ jon². Si¹ti²ˀnta³-no³ Marcos, ˀnti¹-na⁴.

1 Juan 2:21

Li²coi³ cˀoa⁴-sˀin² qui³squi³-no³ nca⁴ tsi² ˀyao³ xi³ cjoa⁴qui²xi⁴, to⁴nca³ qui³squi³-no³ nca⁴ je³ˀyao³ xi³ cjoa⁴qui²xi⁴, cˀoa⁴ nca⁴ je³ˀyao³ nca³ nca³yi³je³ cjoa⁴nti³so³ li²coi³ tsˀe⁴ xi³ cjoa⁴qui²xi⁴.

1 Juan 3:18

Nca³tsˀio³ ˀnti¹xti³-na⁴, ña³qui³ nta³ tjao²cha³ ca²ta³ma³² xi²nquia⁴². A³li² to⁴ˀen¹ coi⁴no²cjoa⁴², to⁴nca³ je² cjoa⁴tjao²cha³ xi³ cjoa⁴qui²xi⁴ xi³ sˀian⁴².

2 Juan 1:13

Je² xti³-le⁴ ti³chjai³ xi³ qui³tjo³jin³ si¹ti²ˀnta³-li². Cˀoa⁴ ca²ta³ma³.

2 Juan 1:5

Cˀoa⁴ ntˀai⁴ vˀe³tsˀoa²³-le²³, chjon⁴², li²coi³ cˀoa⁴-sˀin² jo³-ni³ tsa² ti²cji³-le²³ cjoa⁴te¹xo³ma³ cho⁴tse⁴, to⁴nca³ je² xi³ ña¹ qui³sˀe³-na¹ sa³ˀnta³ nca³ coan³cjain¹ ti¹tjon²-na¹, nca³ tsjoa³cha³ coan⁴² xi²nquia⁴².

3 Juan 1:1

An³ nia¹³ cho⁴ta⁴jchi¹nca³ ti²cji³-le²³ Gayo, xi³ nˀion¹ tsjoa³que⁴-le²³. Xi³ cjoa⁴qui²xi⁴ ma³tsjoa³que⁴-le²³ an³.