2 Corintios 7:2 - New Testament in Mazatec Huautla

² Tˀai²ˀnte³jin³-na³jin⁴ ni⁴ma⁴-no³. Ni⁴ˀya³-jin² xi³ chˀao³-sˀin² qui³ni²coai⁴-jin⁴, cˀoa⁴ ni⁴ˀya³-jin² xi³ qui³ni²qui³tsoin¹⁴-jin⁴, cˀoa⁴ ni⁴ˀya³-jin² xi³ qui³chˀa²na⁴cha⁴-lai⁴jin⁴.

2 Corintios 7:2 ပူးပေါင်းရင်းမြစ်များ

San Mateo 10:14

Cˀoa⁴ to⁴ˀya³-ni³ xi³ tsi² tsjoa¹ˀnte³-no³, ni⁴cjoi⁴nčhˀoe¹-jin² en¹-no³, tˀe²cha³jon³ chao³-le⁴ ntso⁴co³ cˀia⁴ nca³ coi²tjo⁴-nio³ ya⁴ ntˀia³-ve⁴, a³xo⁴ na⁴xi⁴na³nta¹-ve⁴.

San Mateo 10:40

Je² xi³ nta³ ve³tjao²-no³ nca³ jon², cˀoa⁴-ti⁴ ve³tjao²-na³ nca³ an³. Cˀoa⁴ je² xi³ ve³tjao²-na³ nca³ an³, cˀoa⁴-ti⁴ ve³tjao² xi³ qui³si³ca³sen¹-na³.

San Lucas 10:8

To⁴jña³-ni³ na⁴xi⁴na³nta¹ jña³ coi⁴tja¹sˀaon³, jña³ scoe¹tjao²-no³, chi⁴nao⁴³ je² xi³ cˀoe⁴²yo³ nqui³xcon³.

Hechos de los Apóstoles 20:33

Ni⁴ˀya³-jin² xi³ an³ coan³xin²con³que⁴ taon⁴čhoa³-le⁴, a³xo⁴ taon⁴si³ne²-le⁴, a³xo⁴ na³jño³-le⁴.

Romanos 16:18

Je² cho⁴ta⁴ xi³ cˀoa⁴cjoan³ a³li²coi³ Nai³-na¹ Jesucristo si¹xa¹tˀa³-le⁴ jo³-ni³ cho⁴ˀnta³, to⁴nca³ to⁴yao³-le⁴ si¹xa¹ntjai². Cjai¹ ntsjen¹ en¹ xi³ nchja⁴, cˀoa⁴ cjai¹nca³ ma³-le⁴ nchja⁴. Cˀoa⁴-sˀin² vˀa³na⁴cha⁴-le⁴ ni⁴ma⁴-le⁴ xi³ tsi²coi³ ve³.

2 Corintios 1:12

Chˀa²sje³je³yai³⁴-jin⁴ yao³-na⁴jin⁴ tˀa³tsˀe⁴ cjoa⁴-vi⁴ nca³ je² cjoa⁴fa³ˀai³tsjen³-na⁴jin⁴ si¹qui²xi⁴ya³-na³jin⁴ nca³ tsje³-ni¹⁴jin⁴ cˀoa⁴ nca³ ña³qui³ cjoa⁴qui²xi⁴-ni¹⁴jin⁴, jo³-sˀin² qui³tsjoa³-na³jin⁴ Ni³na¹. Cˀoa⁴-sˀin² tsa³qui³yo³choin³⁴-jin⁴ i⁴ son³ˀnte³, cˀoa⁴ nqui²sa⁴ tse³ cˀoa⁴-sˀin² tsa³qui³yo³jin³cao⁴-lai²⁴jin⁴ nca³ jon², a³li² cao⁴ cjoa⁴chji⁴ne⁴-le⁴ yao³-na⁴jin⁴, to⁴nca³ cao⁴ cjoa⁴nta³-le⁴ Ni³na¹.

2 Corintios 11:16

Nqui²jnco³cˀa² cˀoa⁴xian³: Ni⁴ˀya³-jin² xi³ ca²ta³si¹cja³ˀai³tsjen³ nca³ sca¹-na³, to⁴nca³ tsa² cˀoa⁴-sˀin² si⁴cja³ˀai³tsjaon³, chjo¹ve¹-nao¹³ jo³-ni³ jnco³ xi³ sca¹-le⁴, jme¹-ni³ nca³ to⁴jo³ cˀoa³sje³je³ya³ i⁴tse¹-sa³nia³ yao³-na⁴.

2 Corintios 11:9

Cˀia⁴ nca³ tsa³ca²te⁴jna³cao⁴-no³ nca³ jon², nca³ tjin¹ xi³ coan³chjen¹-na³, ni⁴ˀya³-jin² xi³ qui³si³chˀa¹ne²-le⁴. Je² xi³ cˀoa⁴-sˀin² qui³cha³-na³, je² ntsˀe³² xi³ ji³nčhoa³-ni³ Macedonia qui³tsjoa³-na³. Cˀoa⁴ cao⁴ nca³yi³je³ qui³si³coi²nta⁴ yao³-na⁴, cˀoa⁴ si³coi²nta⁴ yao³-na⁴, nca³ tsi² tsa² jon² si³chˀa¹ne²-no³.

2 Corintios 4:2

To⁴nca³ qui³chja³ˀa²xin²⁴-jin⁴ je² cjoa⁴ xi³ to⁴ˀma³-sˀin² sˀin¹ xi³ tsˀe⁴ cjoa⁴soa³, nca³ tsi² cjoa⁴ma²ña⁴ coi⁴to¹mjen³coai⁴-jin⁴, nca³ tsi² si⁴cˀa³ntjai²yai³⁴-jin⁴ je² en¹-le⁴ Ni³na¹, to⁴nca³ chˀa⁴sje³son²tsain³-jin⁴ je² xi³ cjoa⁴qui²xi⁴, nca³ ti⁴jin⁴-ni³jin⁴ nta³ chˀa²sjai³⁴-jin⁴ yao³-na⁴jin⁴ tˀa³tsˀe⁴ cjoa⁴fa³ˀai³tsjen³-le⁴ nca³tsˀi³ cho⁴ta⁴ nqui³xcon⁴ Ni³na¹.

Filipenses 2:29

Coi³ cjoa⁴ chjoe¹tjao²³ cao⁴ nca³yi³je³ cjoa⁴tsjoa³ nca³ ti³yo³coa⁴² Nai³-na¹. Cˀoa⁴-sˀin² jcha⁴cho⁴tao⁴³ xi³ cˀoa⁴cjoan³ jo³ cjoan³ nca³ je².

Colosenses 4:10

Je² Aristarco, je² xi³ ti¹jna³cao⁴-na³ i⁴ nto⁴ya¹-vi⁴, si¹-ti²ˀnta³-no³, cao⁴ Marcos, ˀnti¹cja⁴ˀme³-le⁴ Bernabé. Je³ji³cho²-no³ cjoa⁴te¹xo³ma³ xi³ tˀa³tsˀe⁴. Cˀia⁴ tsa² ya⁴ cjoi⁴cho³con³-no³, tˀai²ˀnte³-lao⁴³.

1 Tesalonicenses 2:10

Jon² nio¹³ cao⁴ Ni³na¹ testigo nca³ cˀoa⁴-sˀin² to⁴tsje³, nca³ cˀoa⁴-sˀin² to⁴qui²xi⁴, nca³ tsi² tsa² jme³ je¹ tjin¹-na³jin⁴, cˀoa⁴-sˀin² tsa³nquin¹jin³-lai²⁴jin⁴ nca³ jon² xi³ coan³cjain¹-no³.

Filemón 1:12

Je² xi³ cˀoa⁴-sˀin² si³ca³sen¹nqui²ntia³-le²³. Jo³-ni³ tsa² an³, cˀoa⁴-sˀin² ti⁴sin³-lai⁴.

Filemón 1:17

Tsa² cˀoa⁴-sˀin² mi²yo⁴ cho³va², chjoe¹tjoai² jo³-ni³ tsa² an³.

2 Juan 1:10

Tsa² jnco³ xi³ cjoa⁴ˀai¹con³-no³, xi³ tsi² yˀa³ cjoa⁴fa³ˀai³tsjen³-le⁴ Cristo, a³li² vˀai²ˀnte³-jin²lao⁴³ ya⁴ ni³ˀya³-no³, ni⁴ˀmi²-jin²lao⁴³: Nta³ ca²fa²ˀai⁴.