2 Corintios 3:5 - New Testament in Mazatec Huautla

⁵ Li²coi³ nca³ ti⁴jin⁴-ni³ ma³-na³jin⁴ nca³ si⁴cja³ˀai³tsjain³-jin⁴ nca³ tjin¹ to⁴jme³-ni³ve⁴ xi³ to⁴tˀa³tsain⁴-jin⁴, to⁴nca³ je² xi³ to⁴tˀa³tsˀe⁴ ma³-na³jin⁴, je² Ni³na¹,

2 Corintios 3:5 ပူးပေါင်းရင်းမြစ်များ

San Lucas 21:15

Nca⁴ an³ tsjoa³-no³ en¹ cao⁴ cjoa⁴ncjin²to³con² xi³ tsi² tsa² coi³ coan⁴-le⁴ cˀoe⁴²tˀa³-no³, ni⁴cˀoe⁴²cjao²ˀa²cao⁴-jin²no³ nca³tsˀi³ xi³ co²ntran⁴ coai⁴-no³.

San Lucas 24:49

Coe⁴-ni³ an³ si³ca³sen¹-no³ je² xi³ qui³si³sˀe³nqui³-no³ Nˀai³-na⁴, to⁴nca³ jon² ti⁴yo³ ya⁴ na⁴xi⁴na³nta¹ Jerusalén, sa³ˀnta³ nca³ sa⁴co²-no³ nca³nˀion¹ xi³ ncˀa¹ nčhoa¹-ni³.

San Juan 15:5

An³ nia¹³ ya¹je³, cˀoa⁴ jon² nio¹³ ya¹ntsa⁴. Je² xi³ an³ ti¹jna³cao⁴-na³, cˀoa⁴ an³ ti²jna⁴coa⁴ nca³ je², je²-vi⁴ xi³ cjai¹nca³ to⁴ncjin² to³ va³-le⁴. Li²jme³ xi³ ma³ nˀiaon²³ nca³ jon², tsa² ti³yo³tˀa³xin²-nao¹³.

Romanos 15:18

Li²coi³ coan⁴nˀion¹coan³ nca³ coi³nchja²³ to⁴jme³ cjoa⁴-ni³, to⁴je² cjoa⁴ xi³ Cristo qui³si³nta³ xi³ to⁴tˀa³tsˀan⁴ cao⁴ en¹ cˀoa⁴ cao⁴ xa¹, jme¹-ni³ nca³ cho⁴ta⁴ xi³ li² judío-jin² si⁴²cji³tjo³son²-si¹ni³le⁴.

1 Corintios 15:10

To⁴nca³ cao⁴ cjoa⁴nta³-le⁴ Ni³na¹ cˀoa⁴²cjoan³ jo³ cjoan³. Cˀoa⁴ je² cjoa⁴nta³-le⁴ li² to⁴cjoa⁴tjao²-jin² qui³tsjoa³-na³ nca³ an³, to⁴nca³ nqui²sa⁴ nˀion¹ qui³si³xa¹³ cao⁴-ni³ tsa² nca³tsˀi³ nca³ je², to⁴nca³ li² an³-jian²³, to⁴nca³ je² cjoa⁴nta³-le⁴ Ni³na¹ xi³ ti¹jna³cao⁴-na³.

1 Corintios 3:10

Jo³-sˀin² qui³tsjoa³-na³ cjoa⁴nta³ Ni³na¹, jo³-ni³ je² xi³ nˀion¹ nta³ ma³-le⁴ vˀe¹nta³ ntˀia³, an³ xi³ tsa³cˀe³jna²³ xjao¹ja⁴ma⁴, cˀoa⁴ nqui²jnco³ xi³ vˀe¹nta³son². Jnco¹jnco¹ ca²ta³si¹coi²nta⁴ jo³-sˀin² nca³ vˀe¹nta³son².

1 Corintios 3:6

An³ tsa³cˀe³ntje²³, Apolos tsa³cˀe¹jten⁴nqui³-le⁴ na³nta¹, to⁴nca³ Ni³na¹ xi³ qui³si³jcha¹.

2 Corintios 12:9

Cˀoa⁴ je² cˀoa⁴qui³tso²-na³: Cji³ma³-ni³li² je² cjoa⁴nta³-na⁴, nca³ je² nca³nˀion¹-na⁴ nqui²sa⁴ nˀion¹ nta³ ma³tsen³-ni³ cao⁴ cjoa⁴ˀi³nta³-li⁴. To⁴coi³ cao⁴² cjoa⁴tsjoa³ to⁴sa³ cˀoa³sje³je³ya³ yao³-na⁴ xi³ tˀa³tsˀe⁴ cjoa⁴ˀi³nta³-na⁴, jme¹-ni³ nca³ je² nca³nˀion¹-le⁴ Cristo sˀe⁴jna³jin³-si¹ni³na³.

2 Corintios 2:16

Xi³ tˀa³tsˀe⁴ xi³ cha³ xi³ cjoa⁴qui²xi⁴ jta⁴-le⁴ cjoa⁴vi³ya³ nia¹ xi³ tsjoa¹ cjoa⁴vi³ya³, cˀoa⁴ tˀa³tsˀe⁴ xi³cˀa³ jta⁴-le⁴ cjoa⁴vi³jna³chon³ nia¹ xi³ tsjoa¹ cjoa⁴vi³jna³chon³. Cˀoa⁴ xi³ tˀa³tsˀe⁴ je² cjoa⁴-vi⁴, ˀya¹-ni³ xi³ coan⁴-le⁴ cjoa⁴ je²-vi⁴.

2 Corintios 4:7

To⁴nca³ tjin¹-na³jin⁴ je² cjoa⁴-vi⁴ xi³ nˀion¹ nta³ jo³-ni³ tsa² ja⁴ya³-le⁴ jnco³ ti⁴² xi³ ni³ˀnte³, jme¹-ni³ nca³ jcha⁴-si¹ni³le⁴ nca³ je² nca³nˀion¹ xi³ nˀion¹ tse³ tsˀe⁴ Ni³na¹ ni¹, a³li² tsain⁴-jin²jin⁴.

Filipenses 2:13

Je² Ni³na¹ nta³ ti¹si¹xa¹jin³ ni⁴ma⁴-no³, jo³-sˀin² nca³ me³-le⁴ cjoa⁴nta³-le⁴, jme¹-ni³ nca³ cˀoa⁴coi⁴tso⁴-si¹ni³ta³-con²³ nca³ jon², cˀoa⁴ jme¹-ni³ nca³ cˀoa⁴sˀian⁴-si¹nio³.

Filipenses 4:13

Nca³yi³je³ coan⁴-na³ nca⁴ ti²jna⁴coa⁴ Cristo xi³ tsjoa¹-na³ nca³nˀion¹.

2 Timoteo 2:2

Je² xi³ qui³no²ˀya²-nai¹³ nqui³xcon⁴ testigo xi³ ncjin² ma³-ni³, je²-vi⁴ tˀe²ne²-lai⁴ cho⁴ta⁴ xi³ tjio¹jnco³con³, xi³ cˀoa⁴-ti⁴ coan⁴-le⁴ coa⁴co²ya³-le⁴ xi³cˀa³.

Santiago 1:17

Nca³yi³je³ xi³ cjoa⁴nta³, nca³yi³je³ cjoa⁴tjao² xi³ ña³qui³ nta³, nčhoa¹-ni³ ja⁴ncˀa¹, nčhoa¹jen³-ni³ Nˀai³-na¹ xi³ tsa³cˀe¹nta³ tsˀoi¹ cao⁴ sa¹ cao⁴ ni³ño³. Je² Nˀai³-na¹ li²coi³ si¹cˀa³ntjai²ya³ yao³-le⁴, ni⁴ˀi⁴tse¹-jin² si¹cˀa³ntjai²ya³ jo³-ni³ tsa² ncˀian¹.