2 Corintios 13:9 - New Testament in Mazatec Huautla

⁹ To⁴coi³ ma³tsjoa³-ni³na³jin⁴ cˀia⁴ nca³ i³ntai³⁴-jin⁴, cˀoa⁴ cˀia⁴ nca³ jon² xi³ tjin¹-no³ nca³nˀion¹. Coi³ cjoa⁴ xi³ vˀe²tsˀoai³⁴-jin⁴, nca³ ña³qui³ qui²xi⁴ coaon⁴³.

2 Corintios 13:9 ပူးပေါင်းရင်းမြစ်များ

Romanos 15:2

Nca³ jnco¹jncoa¹-vi⁴ si⁴tsjoa³ya³-le⁴² xi²nquia⁴² xi³ tˀa³-tsˀe⁴ nca³ nqui²sa⁴ nta³ coan⁴-le⁴ cˀoa⁴ nca³ coin⁴ncˀa³-sa³.

1 Corintios 1:10

Vˀe³tsˀoa²³-no³ ntsˀe³², xi³ to⁴tˀa³tsˀe⁴ jan³ˀain¹-le⁴ Nai³-na¹ Jesucristo, nca³ nca³tsˀio³ to⁴nco¹son²-sˀin² coi⁴xon¹³, cˀoa⁴ nca³ tsi² tsa² jme³ cjoa⁴si³ sˀe⁴jin³-no³ nca³ jon². To⁴sa³ ña³qui³ to⁴jnco³ ti⁴yo³ nca³ to⁴jnco³ cjoa⁴fa³ˀai³tsjen³, cˀoa⁴ nca³ to⁴nco¹son²-sˀin² cho¹son²-lao⁴³.

1 Corintios 2:3

I³nta³ coan³ cjoan³ an³, qui³tsa³cjoan³, cˀoa⁴ jo³ qui³fa³tse¹coa⁴ cˀia⁴ nca³ tsa³ca²te⁴jna³cao⁴-no³.

1 Corintios 4:10

Sca¹-na³jin⁴ nca³ jin⁴-jin⁴ xi³ tˀa³tsˀe⁴ Cristo, to⁴nca³ jon² tjin¹-no³ cjoa⁴ˀi³sen³ta³con² nca³ ti³yo³cao⁴³ Cristo. I³nta³jin³ nca³ jin⁴-jin⁴, to⁴nca³ jon² ta²ja³-nio¹³. Jon² xcon¹ ˀya³-no³, to⁴nca³ jin⁴-jin⁴ chˀao³ ˀya³-na³jin⁴.

2 Corintios 11:30

Tsa² ma³chjen¹ nca³ cˀoa³sje³je³ya³ yao³-na⁴, an³ cˀoa³sje³je³ya³-nia³ yao³-na⁴ cao⁴ cjoa⁴ˀi³nta³-na⁴.

2 Corintios 13:11

Xi³ to⁴fe³tˀa³-ni³, ntsˀe³, ca²ta³sˀe³-no³ cjoa⁴tsjoa³, qui²xi⁴ ca²ta³mao³, ca²ta³sˀe³-no³ cjoa⁴ni²je³ta³con². To⁴jnco³ tja³cjao³jco³, nchˀan¹ ca²ta³ma³chon³-no³. Cˀoa⁴ je² Ni³na¹ xi³ si¹qui³njen³nchˀan¹jin³ ni⁴ma⁴-no³, cˀoa⁴ xi³ tsˀe⁴ cjoa⁴tjao²cha³ cˀoe¹jna³cao⁴-no³ nca³ jon².

2 Corintios 13:4

Qui³sˀe³tˀa³-ni³ cro² to⁴tˀa³tsˀe⁴ cjoa⁴ˀi³nta³-le⁴, to⁴nca³ to⁴tˀa³tsˀe⁴ nca³nˀion¹-le⁴ Ni³na¹ ti¹jna³con³-ni³. Cˀoa⁴-ti⁴ ña¹ cˀoa⁴-sˀin² i³nta³ cjoan³² cao⁴ je², to⁴nca³ cao⁴ je² coi⁴yo³chon³-nia¹ xi³ tˀa³tsaon⁴³ xi³ to⁴tˀa³tsˀe⁴ nca³nˀion¹-le⁴ Ni³na¹.

2 Corintios 4:12

Cˀoa⁴-sˀin² cjoa⁴vi³ya³ si¹xa¹jin³-na³jin⁴ nca³ jin⁴, to⁴-nca³ cjoa⁴vi³jna³chon³ si¹xa¹jin³-no³ nca³ jon².

2 Corintios 7:1

Cˀoa⁴-sˀin² jon² xi³ tsjoa³que⁴-no³, coi³ nca³ tjin¹-na¹ coi³ cjoa⁴-vi⁴ xi³ qui³ni²sˀe³nqui³, si⁴tsje³ya³-le⁴² yao³-na¹ nca³yi³je³ xi³ chˀao³ cjoan³ xi³ tsˀe⁴ yao³-na¹, cˀoa⁴ xi³ tsˀe⁴ espíritu-na¹, nca³ ña³qui³ si⁴jncoa³² xi³ coan⁴tsje³-nia³² nca³ xcon¹cha³² Ni³na¹.

Colosenses 1:28

Je² Cristo xi³ no²cjoa⁴yai³⁴-jin⁴, nca³ ti³vi³ncha³ˀai²⁴-jin⁴ nca³tsˀi³, cˀoa⁴ ti³va³co²ya³-lai⁴jin⁴ cao⁴ nca³yi³je³ cjoa⁴ˀi³sen³-ta³con², jme¹-ni³ nca³ si⁴qui³ncha³-si¹ni³jin⁴ nca³tsˀi³ nca³ ña³qui³ coan³jcha¹ tˀa³tsˀe⁴ Cristo.

Colosenses 4:12

Si¹ti²ˀnta³-no³ Epafras, je² xi³ tsaon⁴³ cho⁴ta⁴, cho⁴-ˀnta³-le⁴ Cristo. Si¹xi¹ti¹ya³ntsjai²-le⁴ yao³-le⁴ xi³ tˀa³tsaon⁴³ nca³ vˀe¹tsˀoa³ntjai²-no³, jme¹-ni³ nca³ nˀion¹ nta³ coan⁴-si¹ni³no³, nca³ ña³qui³ nta³ si⁴tjo³son²-si¹ni³lao⁴³ nca³yi³je³ xi³ me³-le⁴ Ni³na¹.

1 Tesalonicenses 3:10

Cjai¹nca³ nta³ ti³vˀe²tsˀoai³⁴-jin⁴ ni⁴čhjin³ nca³ ni⁴tjen⁴, jme¹-ni³ nca³ jcha⁴-si¹ni³jin⁴ ncjaon³, jme¹-ni³ nca³ si⁴jnco³-si¹ni³jin⁴ xi³ cha³-sa³le⁴ nca³ ma³cjain¹-no³.

2 Timoteo 3:17

jme¹-ni³ nca³ je² cho⁴ta⁴-le⁴ Ni³na¹ ña³qui³ tji¹jnco³-si¹ni³, nca³ ña³qui³ tjin¹yi³je³-le⁴ xi³ ma³chjen¹-le⁴ tˀa³tsˀe⁴ nca³yi³je³ xa¹ xi³ nta³.

Hebreos 12:23

cˀoa⁴ jña³ nca³ tjio¹jtin¹ je² xi³ ˀnti¹tjon² xi³ cˀoa⁴-sˀin² tjio¹tˀa³ jan³ˀain¹-le⁴ ya⁴ ncˀa³jmi³. Jon² ji³cho³tˀa³-lao⁴³ Ni³na¹ xi³ juez tˀa³tsˀe⁴ nca³tsˀi³, cˀoa⁴ ji³cho³tˀa³-lao⁴³ je² espíritu-le⁴ cho⁴ta⁴ xi³ tjin¹-le⁴ cjoa⁴qui²xi⁴ xi³ ña³qui³ coan³jnco³,

Hebreos 13:21

Ni³na¹ ca²ta³si¹jnco³cao⁴-no³ nca³yi³je³ xi³ nta³, jme¹-ni³ nca³ cˀoa⁴sˀian⁴-si¹nio³ jo³-sˀin² nca³ me³-le⁴ nca³ je², nca³ si¹xa¹jin³-no³ je² cjoa⁴ xi³ nqui²sa⁴ nta³ sa³sen¹-le⁴ nqui³xcon⁴ nca³ je², xi³ to⁴tˀa³tsˀe⁴ Jesucristo. Je²-vi⁴ xi³ ca²ta³sˀe³-le⁴ cjoa⁴je³ya³ xi³ nca³ntsjai² nca³ntsjai². Cˀoa⁴ ca²ta³ma³.

Hebreos 6:1

To⁴coi³ si⁴cˀe¹jna³² je² xi³ ti¹tjon² qui³cho²tˀa³ya³² xi³ tˀa³tsˀe⁴ Cristo, cjoin³ti¹tjoan² jo³ sa³ˀnta³ nca³ coan⁴son²-na¹. Li²coi³ ti⁴cjoin³ chˀa²ya³ nqui²jnco³cˀa²-nia³² je² xi³ ti¹tjon² coan³-na¹ xi³ coi³ cjoa⁴-vi⁴ nca³ qui³ni²cˀa³ntjai²ya³² cjoa⁴fa³ˀai³tsjen³-na¹ xi³ tˀa³tsˀe⁴ je² xa¹ xi³ tsi² ti⁴ma³chjen¹-jin²ni³, cˀoa⁴ nca³ coan³cjain¹-na¹ tˀa³tsˀe⁴ Ni³na¹.

1 Pedro 5:10

To⁴nca³ Ni³na¹ xi³ tjin¹yi³je³-le⁴ cjoa⁴nta³, xi³ qui³nchja⁴-na¹ xi³ to⁴tˀa³tsˀe⁴ Jesucristo, nca³ sˀe⁴-na¹ cjoa⁴je³ya³-le⁴ xi³ ti¹jna³ nca³ntsjai². Cˀia⁴ nca³ je³qui³chja³ˀa² jnco³tjo²³ cjoa⁴ñˀain³, coan⁴scan³-ni³ je² soa³ Ni³na¹ si⁴²nta³ya³-no³, si⁴²cˀe¹jna³nta³-no³, tsjoa¹-no³ nca³nˀion¹, nta³ si⁴²cˀe¹yo³-no³.