2 Corintios 1:5 - New Testament in Mazatec Huautla

⁵ Jo³-sˀin² nca³ ma³ncjin²ya³jin³-na¹ cjoa⁴ñˀain³ xi³ tsˀe⁴ Cristo, nca³ cˀoa⁴-ti⁴ vˀa³cao⁴tˀa³-na¹, cˀoa⁴-ti⁴sˀin²ni³ ma³ncjin²ya³jin³-na¹ cjoa⁴ni²je³ta³con² xi³ to⁴tˀa³tsˀe⁴ Cristo.

2 Corintios 1:5 ပူးပေါင်းရင်းမြစ်များ

San Lucas 2:25

Tjin¹ jnco³ cho⁴ta⁴ ya⁴ Jerusalén xi³ Simeón ˀmi². Je² ni¹ jnco³ nˀin³ xi³ cjoa⁴qui²xi⁴, xi³ nta³ tsa³ve³xcon¹ Ni³na¹. Ti¹co³ya³-le⁴ je² xi³ si⁴²nˀion¹con³ Israel. Je² Espíritu Santo ti¹jna³cao⁴ nca³ je².

Hechos de los Apóstoles 9:4

Saulo qui³sca³tˀa³ na³nqui³, qui³nčhˀoe¹-le⁴ jnco³ xi³ qui³nchja⁴: Saulo, Saulo, a¹-ni³ nca³ an³ ˀmi³tjen⁴nqui³ co²ntran⁴-si¹ni³nai¹³.

Romanos 8:17

Cˀia⁴ tsa² ˀnti¹-le⁴ ma³², cˀoa⁴²-ti⁴ sˀe⁴-na¹ cjoa⁴tjao² tsˀe⁴ Ni³na¹. To⁴jnco³ sˀe⁴-na¹ cjoa⁴tjao² cao⁴ Cristo, tsa² ña³tjen⁴ chja⁴ˀa² cjoa⁴ñˀain³ cao⁴ Cristo, jme¹-ni³ nca³ ña³tjen⁴ coi²tjo⁴je³ya³-si¹nia³² cao⁴ je².

Filipenses 1:20

Cˀoa⁴-sˀin² nˀion¹ me³-na³, cˀoa⁴ ti²co³ya³-le⁴ nca³ ni⁴to⁴jme³-jin² xi³ coan⁴soa³-ni³na³. To⁴sa³ cao⁴ nca³yi³je³ cjoa⁴nˀion¹ta³con² jo³-ni³ nca³ntsjai² cˀoa⁴-ti⁴ ntˀai⁴-vi⁴, nqui²sa⁴-sa³ coi⁴tjo³je³ya³ Cristo xi³ to⁴tˀa³tsˀan⁴, nta³ tsa² coa²te⁴jna³coan³, nta³ tsa² coi³ya¹³.

Filipenses 2:1

Tsa² si¹nˀion¹-ta³coan³² Cristo, tsa² je² cjoa⁴tjao²cha³ vˀe¹ne²-na¹, tsa² ña³qui³ cjoa⁴qui²xi⁴ ti³yo³cjoa³² cao⁴ je² Espíritu Santo, tsa² tjin¹-na¹ cjoa⁴tjao²cha³ cao⁴ cjoa⁴ma⁴ta³con²,

Filipenses 3:10

Cˀoa⁴-sˀin² ˀve³coan³ nca³yi³je³ cjoa⁴ nca³ li²jme³ chji¹-le⁴, jme¹-ni³ nca³ scoe³-si¹nia³ Cristo cao⁴ nca³nˀion¹-le⁴ nca³ ja³ˀa³ya²-le⁴, cˀoa⁴ jme¹-ni³ nca³ cˀoa⁴coan⁴tˀain³-si¹nia³ cjoa⁴ñˀain³ nca³ fi³tˀa³-le⁴ Cristo. Cˀoa⁴ ca²ta³cjoan³ nca³ an³ jo³ cjoan³ nca³ je² nca³ cˀen³.

Colosenses 1:24

Ntˀai⁴-vi⁴ntai⁴ cjai¹nca³ ma³tsjoa³-na³ nca³ cˀoi⁴-sˀin² cjoa⁴ñˀain³ ti²fa³ˀa³ xi³ tˀa³tsaon⁴³. Jin³ yao³-na⁴ si³jncoa²³ jme³-sa³ve⁴ xi³ cha³-le⁴ cjoa⁴ñˀain³ xi³ ti²fa³ˀa³ tˀa³tsˀe⁴ Cristo, cˀoa⁴ tˀa³tsˀe⁴ yao³-le⁴ xi³ je² na⁴xi⁴na³nta¹-le⁴.

2 Timoteo 3:11

jo³-sˀin² tsa³qui³yo³tjen⁴nqui³ co²ntran⁴-na³, jo³-sˀin² qui³si³cja³ˀa¹-na³ cjoa⁴ñˀain³, je²-vi⁴ xi³ ja³ˀai³ne²-na³ ya⁴ Antioquía, ya⁴ Iconio, ya⁴ Listra. Coi³ cjoa⁴ñˀain³ xi³ tsa³cja³ˀa³. Nai³-na¹ tsa³cˀa³sje³ntjai²-na³ nca³yi³je³.

1 Pedro 4:13

Tsa² chja³ˀa²cao⁴³ cjoa⁴ñˀain³ Cristo, to⁴sa³ nta³ ca²ta³ma³tsjoa³-no³, jme¹-ni³ nca³ cˀoa⁴-sˀin² cjai¹nca³ tsjoa³ coan⁴-si¹ni³no³ cˀia⁴ nca³ coan⁴tsen³ cjoa⁴je³ya³-le⁴ Cristo.